九巴41兜兜轉轉重提最初重組建議

原帖由 icecone 於 2012-7-13 12:17 發表
首先 41 係青衣走線改番長青開出 (RDP既係山下開出)

仲有點解轉特快要加價呢?
用車用油少咗，時間少咗，成本跟本就低咗
雖然少咗D流水客，但個D客都係去咗九巴其他線(eg 41A, 42A, 43C, 45, 6, 6C, 6F... etc)
九巴真係冇 ...

轉特快就要加成$1?
加一蚊係跟收費表做出黎既價, 但我都覺得九巴可以係呢度讓步..
好老實講, 青衣呢邊嘈.. 究竟真係好多居民反對定點.. 我諗大家心知肚明..
好多時就係區議員阻住好多便民措施..
你估係架41度問人.. 如果真係轉到特快.. 收貴果1蚊幾毫.. 有係有需要既客介唔介意呀拿..
呢樣野已經嘈左接近10年.. 而家既41真係又等死人.. 又搭死人..
係長青去何文田繁時閒閒地都要一粒鐘... 非繁時正常地都要45-50分鐘..
有時d綫真係要因應時代而要有改變.. 就係呢d所謂為民服務, 只為一d無謂既功績既區議員阻住哂..


本身$7.6都貴過新城既特快線好多(18P, 788, 720, 8P...etc)
你咁樣比都得?! 大家路程都唔同..

原帖由 AVW28 於 2012-7-13 08:14 發表

係成個青衣將會冇車去土瓜灣/紅磡(港鐵站除外)。

土瓜灣/何文田 同 尖咀揀
青衣人寧願要尖咀

原帖由 DW8306 於 2012-7-13 08:05 發表

繁時西九龍公路出佐敦路況唔會好過太子旺角喎

最少早繁出九龍
好難會塞


晚繁番青衣，要睇路線點定
不過班客會覺得塞一陣有得坐好過喺迫地鐵，又唔係慢好多

原帖由 victorwong888 於 2012-7-13 16:29 發表
如果咁樣收8.6就收得有道理了

242X 都係 $8.1
唔經旺角直落佐敦既 241X，唔止 $8.6，貴啲都仲得

原帖由 volvo_chan 於 2012-7-13 12:24 發表
講真如果要不是九巴因為41改行西廊而加堅持加$1特快價，
我相信方案A老早已經通過左，青衣居民早已經享受緊
長安旺角這類恨死其他新界人的路線。。。

我一向都認為41改特快後應該維持青衣區的原有路線，即係長青尾站長安 ...

方案 A 其實都有問題


實行咗之後，有邊個會特登去等 41 出旺角?
山上冇可能，唔計要落山先上公路，淨係站位都已經唔啱
警署至楓樹窩路，要特登行番出去，又係唔啱站位
倒頭來得番長安
仲要考慮班客只係當 41 係後備計劃，44 冇車先搭 41，甚至嫌佢貴唔搭


到番青衣
亞皆老街個旺火站同旺角街市有幾多人專程等佢?
仲要有 242X 前科 (快，但係貴+站位唔就腳)


所以成張單張都係伏嚟...

原帖由 FBI2 於 2012-7-13 15:33 發表
首先我想講一講,呢個方案並非運吉提交上議會的方案,只是因為葵青區好多議員,以及青衣區好多街坊,因為白鴿黨反對
41轉特快而縮去愛民,而俾佢地擺晒上台,認為白鴿黨係累街坊(城巴962系重組也遇到相同情況,白鴿俾街坊 ...

白鴿抵死


第一，明知針冇兩頭利，仲要特快加留番喺九龍城
九龍城又係俾自己人 ban
俾人放上枱係正常，仲會乘機抄作
(仲有好多所謂街坊都只不過係唔識電腦既五毛或者係"熱心地區事務"既長者，有幾多真係用得著 41 佢地自己心知肚明)

第二，諗過個更利民既建議得唔得...

不過，青衣班區議員都唔抵得落
借白鴿隻手推 41 特快
推唔到就問候，推到但係整死條線就入白鴿數
但係冇人理條線掂唔掂...

41 加到$8.6 真係唔合理喎,
如果將來搭佢出旺角嘅客係由41a/ 42a/ 43c/ 44 個度來,
而家 42a/ 43c/ 44 先係收緊 $5.7 - $6.1, 41a 一樣係$7.6,
改搭左唔加價嘅41後, 42a/ 43c/ 44嘅乘客都已經畀多左 $1.5 - $1.9, 41a 嘅客就平手,
前三線嘅客都算係畀左特快車嘅premium 啦
(雖然我唔同意41a 呢個情況有資格收特快附加費),  41a 嘅客亦無畀少到,
況且原先搭41 而要轉搭較平路線嘅客唔多, 九巴根本無得蝕 (加上41嘅車數用少左添),
而家仲想收多人一蚊?!
呢次畀佢過到, 咁以後d 特快線豈非一樣要禁住來搶?

老老實實.. 我寧願你條41 行尖沙咀個邊特快落紅磡做總站算 ..
成日都為個何文田嘈黎嘈去都唔知做咩

原帖由 969 於 2012-7-13 22:06 發表
老老實實.. 我寧願你條41 行尖沙咀個邊特快落紅磡做總站算 ..
成日都為個何文田嘈黎嘈去都唔知做咩

如果行尖沙咀特快落紅磡,應該係41A轉特快而唔係41轉特快

其實 41 轉特快經尖咀去九龍城
41A 改往何文田(不經油麻地/尖沙咀)
再加 一籃子轉乘優惠

應該都 Cover 到大部分地方

原帖由 天空之神 於 2012-7-14 00:33 發表
其實 41 轉特快經尖咀去九龍城
41A 改往何文田(不經油麻地/尖沙咀)
再加 一籃子轉乘優惠

應該都 Cover 到大部分地方

41A 改去佐敦渡華路, 何文田用轉乘好過
油麻地, 佐敦主要旺區, 需求大過去何文田 N 倍
點可以冇直接車要人轉乘

如果 41 不幸要縮短去愛民, 如果俾人轉乘 6C 會比較容易接受
因為 6C 服務水平算很好, 總好過要人等 45

[ 本帖最後由 kingprowm 於 2012-7-14 01:24 編輯 ]

可否一人讓一步，九龍總站設於紅磡碼頭或黃埔花園而不加價與 6C, 6F, 45 提供八達通轉乘，或像 76K設雙向分段？