（轉貼新聞)訓左車廂成晚，乘客勁不滿!!

多鬼餘到冇人有, 如果港鐵即場講話每人一晚五星級酒店住宿包一個月任坐港鐵, 睇下有冇人出聲, 因為屈到有JETSO目標已達, 班友仔今次係搵唔到JETSO先嘈暄巴閉.

有得打八號波又話做咩咁遲先上, 一係就話明明今朝冇講過上八號波, 真係唔知天文台攪甚麼要去投訴, 一係就話甚麼力牆令到遲上八號波. 身為香港人的我都覺得你地班旦散真係好垃圾, 咩都可以嘈一餐, 好心反醒下啦, 溫室長大的傢伙, 不是自己有兩手準備嗎, 單手準備人地都跑到老遠了.

原帖由 kei_hk 於 2012/7/25 11:57 發表

今次﹐MTR 其實係做得唔錯﹐最少無趕你離開車站。

果個情況下應該無可能趕人出車站呀嘛, 無趕出車站根本係最基本得無法再基本的做法, 如果用咁去衡量「做得唔錯」, 標準似乎太低了吧。

香港人既危機意識薄弱得很,以前還記得常識書都會教,
颱風既時候要識得搵個安全地方暫避,八號至十號風球係屋企既都要作好準備,
用膠紙係D窗度痴個"X",試問現在有幾多個城市人會咁做?
再者,佢地成日口口聲聲話鐵路公司唔盡責,那麼佢地有無視鐵路公司既人係一個人?
如果香港人只認為自己永遠無錯,人地一定係錯個一方,
那麼我覺得作為香港人應該深省一下

當然打工仔就無辦法啦,但係個一班係颱風下消遣既人,
真係要重新執起小學生既常識書重新讀過了

題外話:
不知大家有無發覺,香港既公民教育素質好似不斷下降,
已經唔係第一次有阻滯既時候,D惡市民賴死唔走去威脅D公司賠償俾佢地

其實我見好多人鬧d遲走的市民, 但我又覺得首先唔好一早預晒d人係打風去玩先,
因為電視台訪問中, 都見到一d人係剛機場落機趕返家, 亦有d人係返工遲左走..

佢地本身都唔係"抵死"...

另外, 好多人講到香港人要求鐵路公司服務, 但諗返, 點解渡輪同巴士更早沒有服務,
都完全無人鬧, (佢地一樣有加價). 反而服務更長時間, 理論上更盡責的鐵路, 因出事
反而成為眾矢之的?

原因唔係香港人無常識, 或完全無理(呢度大家同樣是香港人), 而是期望與通報問題...
亦是MTR 最大的公關失誤..

只要通報清楚, 如講明幾點無車, 好似渡輪同巴士, 即使更早無服務, 都無人會覺得有問題,
因為乘客有預算, 如離島人士會早D走, 走唔切就可能去親戚家, 亦可能係公司留宿作準備...

而同樣, 係人都知巴士服務可能隨時停, 盡量少考慮巴士服務, 亦有足夠通報指巴士會8點幾
停止服務, 所以都無人鬧...

但點解市民對鐵路要求咁唔同? 某程度係因為鐵路公司俾人一個更大的期望, 過往打風鐵路
都維持服務, 而鐵路公司今次打風以來, 亦一直沒有明確通報鐵路服務本身的限制, 相反, 新聞
多次講鐵路"維持服務"到正常時間, 自然市民期望大得多

好似D人落機, 如果天氣差, 知道無鐵路服務返到家, 可能會選擇係有較好設備的機場留一晚,
又可能, 我遲左係市區走, 我知道無鐵路服務返到家, 我可能會係市區更易搵到的士返家...
我會有第二手準備...

相反, 鐵路仲開放, 仲講到完全無問題咁, 我去坐佢, 點知, 部車去到大學站, 火炭站先話成晚
唔再行, 成火車人, 我想係大學站搵架的士都難la(相對於市區), 火車站留一晚亦比機場差wor...
因為一個錯誤期望, d客咪覺得MTR 呃左佢地上車, 轉頭服務唔到佢地, 情況仲要差左, 結果咪
燥晒....仲要加上當晚MTR 訊息好亂, 一時只話短暫故障, 一時就話成晚唔開車....咁自然有問題...

我唔係想幫D 乘客講野, 或故意鬧MTR, 但諗返, 大家都係香港人, 點解只鬧鐵路公司? 係唔係只是
香港人公民意識問題, 鐵路公司本身完全無因由令自己成為眾矢之的?

簡單D講, 今次最無危機意識, 正是鐵路公司高層, 打大風都夾硬維持服務, 不但最後影響乘客, 更加
危害前線員工安全(我好覺得MTR 前線員工好慘, 好敬重佢地), 亦高估鐵路係打風時的運作能力...
這是今次最嚴重的基本失誤....

[ 本帖最後由 3ASV196 於 2012-7-26 07:52 編輯 ]

今次某d站有派的士錢, 有d無, 被評為大細超
其實呢筆錢出自那處? 是否車站的儲備? 由站長決定用?
如果上頭有指示, 應該全線都統一有
今次見到派既係某d東鐵站, 呢個係KCR留下的文化 定 露天線既做法?
以前有無試過?

當然我唔係話有津貼係理所當然,
只係好奇想知筆錢既來源、用處同話事人係邊個
因為加加埋有幾千人濟留, 每人派200... 加埋職員加班津貼, 筆錢都唔野少

不過呢次之後, 知道港鐵原來會派錢,
個個打風都搭鐵路, 搭唔到就嗌你賠

[ 本帖最後由 lrv1092 於 2012-7-26 08:44 編輯 ]

有人話用駁車載人走，但你有冇諗過巴士係風力咁勁既吐露港行會發生咩事？出左事有咩後果？
重開列車服務更加唔可能，你唔會知道吐露港陣風風力有幾勁，陣風既風力絕對有能力令吹到一部行駛中的列車出軌！
唔計陣風，如果行車線路週邊塌樹壓住列車或者將列車推出軌，傷亡人數不能少看！



日本曾經發生過陣風吹到列車出軌撞貨倉的事故發生，仲死左唔少乘客。

港鐵都不只一次用"派錢"形式比呢班乘客

對上一次在某次某綫列車延誤，導致所乘的尾班車開出。司機不肯加開特別班次，最後派400元比呢班乘客。

如果今次事故而言，最簡單一個方法，就係派餐盒連飲品。
比乘客過夜。
之前試過我搭果班飛機有延誤，商鋪全關。結果比我地班乘客派餐盒過夜。

原帖由 KG1428 於 2012-7-26 14:13 發表
港鐵都不只一次用"派錢"形式比呢班乘客

對上一次在某次某綫列車延誤，導致所乘的尾班車開出。司機不肯加開特別班次，最後派400元比呢班乘客。

如果今次事故而言，最簡單一個方法，就係派餐盒連飲品。
比乘客過夜。
之前試 ...

飛機DELAY,佢派到既餐盒同埋飲品,原本應該係預備俾俾下一日既飛機餐,
但飛機餐一定會有多,所以佢就算派都仲可以預留俾下一日既乘客

但港鐵本身自己唔係有餐飲服務,MTR SHOP唔一定會同MTR合作搞呢類野,
咁其實鐵路同飛機比較,邊有得比?

港鐵今次係有需要檢討一下颱風下既應變措施,例如架空路段應該係八號風球或特定風速下,
必需停駛,而真係有乘客係入閘後先停既,可以選擇俾乘客離開兼攞番有關扣除車費,
或留係車站入面暫避,而港鐵唔應該向呢一班人派錢,寧願佢派一D食物同水可能會來得較好(基本食物同水已經好人道,外國都未必有)

最大問題的是大部份港鐵站已經有自助售賣機呢類。
飲品可以免左去。

食物方面，最好派餐盒還好過開部份商店。
政府臨時庇護站都有食物供應如麵包、杯麵，而且政府有充裕的準備，一旦惡劣天氣下。
準備食物、床單呢類..，滿足需要。

原帖由 h2o 於 2012-7-26 01:06 發表

由此推論，打風根本就唔應該起路軌上行車，咁之前八號風球六個鐘，香港人的常識又去左邊？
接駁車當然係諗單層車，而且係咪仲有路行，會唔會太大風都應考慮。但佢公佈簡單到就係：九號wo, 危險wo, 唔開lu。咁樣班乘客點服佢...... ...

九巴都停駛, 唔明點解港鐵反而有義務去開接駁巴士,
如果港鐵開到巴士, 咁係咪即係話九巴都要繼續開車??

掛得9號10號, 唔駛講都知大風, 如果唔係掛個風球黎做咩?? 唔通依家D人真係以為掛風球只代表收工咁白痴??
掛8號以上, 其實係屬於天災, 唔係講玩, 所以掛8號以上係街度出事, 保險係唔保的,
作為有腦的一個人, 係唔需要港鐵提醒都知9號10號街上係不宜行人行車,
港鐵只需要公佈"現時掛9/10號, 因安全理由而停駛"

掛8號以上, 濟留的乘客應該乖乖地留係車站, 直至環境允許列車行走為止,
莫講話只係一晚, 個風持續的話幾日都應該要咁等,
鬼叫你遇上天災, 你要離開就貴客自理

天災之下港鐵責任係確保乘客安全, 有水有乾糧, 而唔係仲諗點樣勉強送乘客到目的地


香港人崇日崇左30幾年, 但日本人的優點香港人一樣都學唔到,
睇下人地311地震幾十萬人濟留車站都冇半句怨言

今次香港人訓一晚車站已經瓜瓜嘈,
如果將來香港有更嚴重天災如大地震、大海嘯、大旱災,
好難想像香港會亂成點

[ 本帖最後由 Kaix 於 2012-7-27 00:13 編輯 ]