【討論】就著十號風球晚上東鐵停駛的建議解決方案

當時十號風球情況之下, 港鐵公司可做既事真係唔多
開始果陣已經講到明係有限度服務

路軌始終係露天設施, 好容易受外來物件影響
而當時既環境真係不適宜處理電線
所以, 今次真係無辦法
就算d 客係度嘈,都係無用
有巴士又如何? 有路行咩?

十號風球之下留在室內已經係最好既辦法

唔好講話成唔成本問題，
係要每站HOLD住D員工，
加上有樹倒塌，
即使八號都好危險。

如果IN CASE出事，邊個負責先?
到時又話港鐵強行開車，累死市民。
要做到100%鐵路安全，係要花成本。
唔止鐵路公司，而係市民都要付上

所以 MTR 一定係趕返哂乘客入返月台，
所以我唔明白點解有記者到就開返架列車俾人入去.....

如果兩點幾真係搞掂晒，就唔會 24 號 7 點幾先全線通車

整好之後，後期再跳左幾次電

個人意見：
乘客話要求接駁巴士，其實當時九號差唔多十號風球再嚟部接駁巴士都係無用..
先唔好理仲有冇司機(我唔知相信無港鐵巴士司機ON-DUTY中，因為一定有通宵更司機)
你要搵幾多部巴士嚟先可以載得晒班乘客
另外，如果巴士中途發生任何意外，行行吓又塌樹整到，又會唔會有保險可以賠償呢？
唔好忘記當時唔係8號，係9號甚至乎10號波
再加上，你車得佢哋去港鐵站，又無任何車輛接駁
(唔好話的士，的士可以搞得掂的話就唔會有大班人留在大圍站)
到時又叫你車埋佢哋返屋企，我計你一部巴士載100人，即係隨時要兜八九十個地點
唔知三四粒鐘可唔可以兜得晒呢？

所以，其實我係贊成港鐵留班客喺車站
最起碼，佢可以保證到乘客的安全

有站友話每站要HOLD住D員工，其實車站應該係有通宵班員工留守的
以便進行檢查或維修，話唔話得事就唔知，但起碼可以同車務及總控制室聯絡
(當晚我相信應該大部份東鐵車站維修都係停架喇...)
咁已經可以解決咗車站員工的問題了..

當24日朝早十點幾除八號波後，九巴可以出新聞稿表示新界東有成四成巴士路線停駛
重災區仲要在大埔粉嶺上水的時候，你叫港鐵九號十號派巴士接你走..
你敢派送埋兩舊水畀我都唔敢上啦....

[ 本帖最後由 GD1570 於 2012-7-25 08:27 編輯 ]

想起於2003年9月2日杜鵑吹襲香港，天文台於晚上9時發出9號信號後不久，九鐵便宣佈東鐵全線停駛，當時從新聞影片看到有大批乘客滯留在九龍塘站。

其實處理方法好簡單, 就係八號風球掛左之後, 4-6小時內港鐵應全面停駛~

今次來得唔算好急, 8號上左6個鐘先掛9, 理論上收車都應該夠時間~

咁就唔會發生今次既事件~~

要令大眾知道一件事, 就掛八之後盡可能應該返屋企, 而唔係諗著有萬能港鐵而去shopping睇戲食飯~
只要冇乜人去消費, 一眾老闆自然會放員工返工, 就係咁簡單~

原帖由 hkbw 於 2012-7-25 11:33 AM 發表
其實處理方法好簡單, 就係八號風球掛左之後, 4-6小時內港鐵應全面停駛~

今次來得唔算好急, 8號上左6個鐘先掛9, 理論上收車都應該夠時間~

咁就唔會發生今次既事件~~

要令大眾知道一件事, 就掛八之後盡可能應該返屋 ...

很可惜﹐MTR 係以市民交通需要行先。

有服務的原意﹐係提供一個有限度的交通給市民﹐作為必要的外出﹐例如返工放工﹐甚至遠行去機場。
所以﹐MTR 都盡可能提供有限制服務。


以上﹐不是針對今次個風 或 其他不同程度的暴風而講的。


不過﹐MTR 日後便應該要著重講明﹐有限度的服務﹐係會隨時因天氣變化﹐安全的考慮下﹐暫停所有的服務。

政府也應該加強宣傳暴風的危險性﹐會對市面有什麼影響﹐特別是交通服務係會隨時全面中斷。

原帖由 hkaiw 於 25/7/2012 09:29 發表
想起於2003年9月2日杜鵑吹襲香港，天文台於晚上9時發出9號信號後不久，九鐵便宣佈東鐵全線停駛，當時從新聞影片看到有大批乘客滯留在九龍塘站。

杜鵑係邊度上, 同香港既距離又有幾多呢

自己諗下啦