九巴計劃小欖設大型轉乘車站減重複路線

原帖由 laikingsouth 於 2012-8-10 10:54 發表
要做好263M 其實係好簡單：入大馬路，落葵涌，咁就不愁無客，班次亦可因應
客源擴大而得以改善。

而68A 亦應因應屯公轉車站的啓用而可經汀九橋直落青衣！當成個天水圍和元朗
、上水粉嶺都養得掂一條經汀九橋直落青衣的線，咁無 ...

68A直頭行汀九?
會變前63M之後果?

同埋而家汀九橋返屯門都塞到半條橋(日日如是 要等擴建完成)

原帖由 新手 於 2012-8-11 03:26 發表

68A直頭行汀九?
會變前63M之後果?

同埋而家汀九橋返屯門都塞到半條橋(日日如是 要等擴建完成)

除了下午繁忙時間，我未試過那個位塞車。

我認為一條巴士路線的目標載客率應是80％（繁時）及60％（非繁時），以最繁忙方向的兩站間計算。
當年63M取消時還未有B3，現在可能是另一回事了。

原帖由 kmb63x 於 2012-8-11 02:22 發表

雖然68A係屯門去青衣獨市，不過68A主打係服務青公來往荃葵...
點改條屯門青衣特快for轉車用都無理由郁68A，斷左青公荃葵既direct connection  

我呢個建議係要配合埋 263Ｍ改去葵涌的。

原帖由 kmb63x 於 2012-8-11 02:22 發表


將63X/67X合併變洪水橋開經67X沿線去佐敦又有冇得諗呢？
多部63X叫做可以叫兩飛，都可以做輔助60X呢條屯門線王之一
不過管理層又唔會咁諗

呢個建議我在幾年前的九巴乘客聯絡小組上提出過（將 67X 延長至順風圍的順達街，
而市區段則延長至佐敦，並取消63X。），當時的 63X 的總站仍是在天慈，亦途經尖
沙咀。呢個建議只是 cover 唔到「鍾屋村」站，不過呢個站離順達街口亦不過約500米
之遙。

原帖由 miklcct 於 2012-8-11 13:38 發表

我認為一條巴士路線的目標載客率應是80％（繁時）及60％（非繁時），以最繁忙方向的兩站間計算。
當年63M取消時還未有B3，現在可能是另一回事了。 ...

再加上有轉車站之助，應不可同日而語了。

原帖由 laikingsouth 於 2012-8-11 17:28 發表
呢個建議我在幾年前的九巴乘客聯絡小組上提出過（將 67X 延長至順風圍的順達街，
而市區段則延長至佐敦，並取消63X。），當時的 63X 的總站仍是在天慈，亦途經尖
沙咀。呢個建議只是 cover 唔到「鍾屋村」站，不過呢個站離順達街口亦不過約500米
之遙。

而家我都分唔到搭68A轉車好定係263M轉車比較好-v-
感覺上都係68A轉車會快D直接D...
擺順達街要到最入面先有個調頭位..
擺洪水橋洪順路咪錶果度其實又可唔可行呢？

現在只希望青公三寶方面開口殺63X及263M只係「開天殺價，落地還錢」. 最後只殺 263M 可以理解, 而且可接受, 條件只是 63X 及 68A 能夠跟足時間表開車, 以及 68A 需要加班以便載走 263M 原有乘客(繁忙時間尤其需要)而已.

63X絕非標青, 但請看「取消或與其他路線合併的準則（即在繁忙時段已維持在15分鐘一班，而非繁忙時段已維持在30分鐘一班，其在最繁忙一小時內的載客率仍低於50%）」
今日搭開, 數過人頭, 而星期六晚7點並非63X最繁忙的一小時:

佐敦開出 (約19:25)
亞皆老街以南 26人 (廟街及之前6, 寧波街4, 中央郵政局3, 碧街5, 豉油街8)
旺角地鐵站 5人
太子至美孚 21人 (太子3, 黃竹街2, 欽州街8, 怡閣苑4, 長沙灣遊樂場2, 興華街1, 美孚1)
過屯門公路後 1人 (市中心1)

至於落客分佈是咁的
市區 1人 (興華街)
屯門 10人 (市中心5, 紅橋5)
青山公路 34人 (藍地13, 青磚圍6, 泥圍4, 亦園5, 鍾屋村6)
洪水橋 8人 (鄉事委員會1, 總站7)

我強調先, 此數據(53人)絕不出色, 而我從來沒有講過63X好多人坐, 要加班,
只不過, 好多人搭好勁好威威, 同好少人搭好頹好唔得要即刻取消, 兩者之間仲有好多空間, 唔係話條線做唔到線王就要取消或者設法「整治」的. 而現時而言, 63X非繁忙開到20分鐘一班又好似已經幾盡, 但如果講到客量就當然可以再減班, 再減到30的話就要開車時間極準確, 唔可以有甩漏至可以.

by the way, 前幾日朝早坐巴士經過屯門公路, 見對面入屯門的車只有259D同962較多人, 其他57M 59M 59X 60X 63X 66 66X 67X等都好少人(講緊係10人以下), 有一部57M仲完全載空氣, 一個人都冇, 我就覺得應該朝早只開單向啦, 燒錢做乜, 晏晝開番回程咪得

原帖由 Lost 於 2012-8-11 23:27 發表
現在只希望青公三寶方面開口殺63X及263M只係「開天殺價，落地還錢」. 最後只殺 263M 可以理解, 而且可接受, 條件只是 63X 及 68A 能夠跟足時間表開車, 以及 68A 需要加班以便載走 263M 原有乘客(繁忙時間尤其需要)而已 ...

57M 66 66M早就要開刀，都唔洗你講

轉車站的用途明顯就係cut走57M, 66, 66M, 63X, 263M等毒瘤，兼且整合X線，57M 59M 59X 60X 63X 66 66X 67X等都好少人的問題就係由轉車站解決

原帖由 kmb63x 於 2012-8-11 17:41 發表

而家我都分唔到搭68A轉車好定係263M轉車比較好-v-
感覺上都係68A轉車會快D直接D...
擺順達街要到最入面先有個調頭位..
擺洪水橋洪順路咪錶果度其實又可唔可行呢？ ...

以洪水橋作分界經屯公或大欖路程係差唔多，不過68A停屯公三站繁時等入站
都會幾哂時間。

至於轉乘網絡當然係大欖佔優ｄ啦。

擺順達街要到最入面先有個調頭位。。。以乘客的角度睇，在街口都落車啦，部車
要兜入去調頭又有乜所謂？依家63X在田心路落左客都可係過洪元路果邊調頭啦。

另外洪順路果邊都唔夠錶位，仲要鏟走ｄ位變巴總實大把人反對。

原帖由 2076 於 2012-8-12 00:09 發表
轉車站的用途明顯就係cut走57M, 66, 66M, 63X, 263M等毒瘤，兼且整合X線，57M 59M 59X 60X 63X 66 66X 67X等都好少人的問題就係由轉車站解決

但山景大興呢個毒瘤又係一件煩事，兩條邨得 258D 961 非繁既客量叫做見得下人，其餘幾條 cut 非繁又太過份
而且轉車還轉車，仲要諗埋其他線載唔載到剩返班客先得
好似繁時咁，成條屯公得返 63X 66X 先有位坐，如果斬哂既話，轉車客又上唔到車，呢樣先頭痕 ...