九巴計劃小欖設大型轉乘車站減重複路線

原帖由 hadboy5 於 2012-8-1 23:48 發表
係都66x先啦

66X下繁仲多人過258D喎,咁都要cut?

其實現在的情況係1邨2線甚至3線。有時會造成各線都不夠客量。
轉車站的目的就是令資源效益最大化。
有時邨的X同M線都不頻密，造成平均等車時間長，你去荃灣要死等M線，去旺角要死等X線。
加上要乘搭跨區線便要到指定車站，十分不便兼浪費金錢和時間。
轉車站的好處不言而喻。
其實最理想是一邨CUT剩一線，把該線的班次頻密化。這線到了轉車站可以落一部分的客再上轉乘客。
例如兆康CUT剩67M，把67X的部分車源撥入67M，想乘X線的乘客可在轉車站叫幾飛，在兆康的等車時間又可減少。

點解要咁改 ??

依家屯門區每一條邨都有 1M 1X 1過海
而且絕大多數都夠客

原帖由 cong 於 2012-8-2 17:35 發表

轉車站可唔可以將屯門區的一村一線變成市區一區一線,而入到屯門再分豬肉, 每村都最少有一條, 咁又得唔得?

支撐得到開20分鐘一班, 都好過夾硬cut淨一條再加密佢.

假設係67M取代67X先啦.
如果以67M取代67X, 67M除左要支持原有客源之外, 仲要支持小欖轉X線、小欖轉D線、小欖轉過海線既新客, 即係話一定要加車,
但係轉車站既目的就係為左減車, 所以67X原有車一定唔會加足比67M, 即係話67X有班客一係就強行壓上一部爆哂既車入面, 一係就轉投西鐵.

然後, 67M加車了, 我地由總站開始睇起呀, 總站冇問題的, 班次密左又繼續有位揀, 很好.
去到富泰, 已經開始多燈位, 由於新67M接收成條青山公路嶺南/新墟段既客, 所以會好密車, 呢個時候等等下燈, 可能已經有兩部67M同時經過景峰甚至兆康西鐵站.

再行前少少, 去到屯門官立中學, 點解等左咁耐架? 又話大幅加密既, 咪又係等番咁耐, 哦, 車來了, 原來係三班車已經連埋左一齊, 第一架爆哂, 第二架冇咁爆, 第三架終於有位, 上車啦.

上左第三架車, 出到小欖轉車站, 由於cut到一區一線, 而且每條線班次都大幅加密, 又唔知點解出齊哂車喎, 搞到好多車入轉車站. 除左前面兩部67M之外, 仲有好多架班次更密既57M 58M 59X 259D 60X 61X 68A 961等緊埋站, 嗚呀, 頂唔住啦, 就快遲到, 點算呀?

排左好耐, 終於入到轉車站, 呢個時候就有大半車客落車轉58X 59X 60X叫N(N=3, 同梁振英一樣)飛出旺角, 而我地就有好多位坐. 由於cut淨既多數係葵青線, 因此前頭就冇人上車, 架車好空虛, 可以快速飛上斜!

終於上番斜, 呢個時候仲爬埋前面兩班67M頭, 情況同我坐緊呢班車一樣, 大半車客落左車轉市區車, 結果三架車齊齊載空氣出葵芳, 轉車站任務完成.

原帖由 cong 於 2012-8-2 18:20 發表

繁時應該冇人覺得唔夠客，但係非繁條條都係同一條路由旺角碌去美孚，過海既又要漫遊屯門，點解唔改得?

但變相轉車站失去左意義
繁時做唔到想要效果，非繁更加做唔到

當係行一村一巿區線
A村分到旺角，B村分到長沙灣，C村分到尖沙咀
都係會有爭拗

見各位都響度諗緊如何用屯門公路轉車站再併合263M線
以一個洪水橋居民嚟睇，我會先問大家︰我可以點樣轉車去荃葵青同西九以外地方？

用68A？20分鐘一班車，仲要得閒同我收車，再去到轉車時又送車尾，如果我等263，用多15分鐘，前後齋等車近35分鐘，單單等車時間就已經係坐車時間的8-90%，即係本身1小時車程我要用2小時交通時間，大家接受嗎？

用68X？無啦啦要我俾多3蚊一程喎。

而家我起碼可以等兩飛，冇68A我都仲可以用263M時，計埋轉車時間，相對總交通時間仍叫合理。
除非你CUT 263M同時提升68A班次1倍(非繁時計算)，其他轉車路線網絡同班次做到同大欖相近時，就可以諗。

另外話CUT 263M，到時真係洪水橋有多啲人位先諗再開，我想問︰CUT咗咁易再開返？係的話大把線cut到啦。

原帖由 cong 於 2012-8-2 19:05 發表

轉車站目的係加大覆蓋周 group 埋一班人去做密條線, 一村一巿區線並冇違背原意


當好係你個例子分線, 由於有西鐵, 尖沙咀唔會分俾西鐵沿線, 分到長沙灣既 B 村可以分多條 61X 當補償...不過講到尾, 點改都有人嘈 ...

但大前提轉車時間唔應該過長lor
好似今日既天氣，等5分鐘車已經唔太舒服

如果拆得太散，1村配對1巿區，我覺得班次只會比現時1線走天涯既線班次疏
去到小欖先玩大洗牌，每條村都有乘客要落車轉車，係就公平，但其實就全部受害

而且無法避免居民係屯門區內先行到隔離村乘搭目標路線出巿區