巴士港鐵搶客 紅Van搵食難牌價跌(930 VS 灣荃)

原帖由 sq285 於 2012-8-30 11:44 發表
有晚九點幾喺銅鑼灣等車去荃灣都等咗半個鐘
當時就諗：點解唔坐地鐵呢…

我灣仔站等車都試過,班班都俾cwb打爆左,灣仔條龍又勁長
等40分鐘先上到車

係灣仔, 如果條龍過左嘉 X 茶餐廳, 其實已經可以轉軚.

原帖由 FBI2 於 2012-8-29 23:10 發表


以前係電腦城等灣荃紅小,成日排長龍,等半個鐘都上唔到車,次次等到火滾最後走去逼地鐵算,你都知道星期六下午東涌線有幾疏架啦.
唉,港島區(中環除外)返荃葵,真係好唔方便,所以930的確有需要拉去灣仔. ...

唉…福來村咪又係咁上下...有時個留位電話打唔通仲加...

原帖由 acc1368 於 2012-8-31 12:09 發表

唉…福來村咪又係咁上下...有時個留位電話打唔通仲加...

唔好話灣荃難等, 官荃一樣難等
有時好快有車, 有時等極都未有車.....雖然係快, 學師兄話齋等車+搭車時間已經同搭鐵/巴士差唔多
點解仲要俾多幾個錢搭小巴

與其同人爭客, 不如加D車落去D仲有得做而唔夠車嘅線好過, 一來服務到乘客, 二來又唔駛挨義氣做

[ 本帖最後由 bombmanhk 於 2012-8-31 14:48 編輯 ]

原帖由 FBI2 於 2012-8-29 11:10 PM 發表


以前係電腦城等灣荃紅小,成日排長龍,等半個鐘都上唔到車,次次等到火滾最後走去逼地鐵算,你都知道星期六下午東涌線有幾疏架啦.
唉,港島區(中環除外)返荃葵,真係好唔方便,所以930的確有需要拉去灣仔. ...

其實﹐紅van 的客源一旦多過其運載能力﹐令到乘客等車時間+坐車時間沒有優勢﹐這條紅van 線可以講係發展到盡﹐並且有步入危機之中。
只有不停按客源去加車/班次﹐繼續去keep 到一個整體的時間優勢﹐才可以長久做下去。


一旦紅van 整體時間沒有明顯的優勢﹐例如班次應付唔到需求﹐乘客又會用腳去反映﹐走去其他交通工具﹐這便會步入死亡。


只要有天時地利﹐做起一條紅van線唔難。但係要長久 keep 到旺場﹐便是不同的交通工具的難處。連巴士公司在內﹐一條線點好收﹐加班都有一個極限﹐去到極限都清唔到客﹐便會轉投其他可取的方法。


例如﹐我以前都要靠美孚紅磡的紅van 返工﹐去到西鐵接近完工之前的半年至1年﹐早上在美孚真係等車好耐﹐再加紅隧口的例塞﹐令到同巴士(41/45)的時間相約﹐真係有時寧可早1-2個字出門口﹐直接坐41返工好過。

所以﹐西鐵一通紅磡﹐我便二話不說﹐便直接mtr 由家(青衣)坐到紅磡﹐再轉8號巴士or 綠van 好過。又一條紅van 線即時沒有優勢﹐客量大幅下跌﹐真正打殘了﹐我估而家主要都係做土瓜灣一帶的客﹐而非紅磡客。

原帖由 bombmanhk 於 2012-8-31 14:47 發表


唔好話灣荃難等, 官荃一樣難等
有時好快有車, 有時等極都未有車.....雖然係快, 學師兄話齋等車+搭車時間已經同搭鐵/巴士差唔多
點解仲要俾多幾個錢搭小巴

與其同人爭客, 不如加D車落去D仲有得做而唔夠車嘅線好過, ...

官荃難等 唔係下嘛...

原帖由 dippy 於 2012-8-31 04:11 PM 發表
瓜荃一樣係搶錢加難等
基本上沙紅線開埋，呢堆線都會衰紅隧口

官荃其實夠客一拆N
只係講唔掂姐

荃灣<>紅磡土瓜灣﹐其實一樣有受西鐵通紅磡影響的﹐少了荃灣<>紅磡本身的客。

而非繁忙時間﹐葵芳葵興去紅磡﹐由於係要先坐車去荃灣才可去紅磡﹐所以坐mtr去美孚轉西鐵更有數為﹐又係流失客的地方。


講到尾﹐紅van要繼續做大﹐係一件難事。

原帖由 acc1368 於 2012-8-31 12:09 發表

唉…福來村咪又係咁上下...有時個留位電話打唔通仲加...

有次夜晚係福來村等左四個字先有車返
再等埋開車搞成5個字
咁我不如搭返地鐵算

原帖由 acc1368 於 2012-8-31 15:41 發表

官荃難等 唔係下嘛...

有次見條隊排到德華街路口，初時以為條隊係409，跟住409站長大嗌「409呢邊」先知成條隊都係等官塘小巴
灣荃搭過一次，貿易之都特車，司機上左14個就用對講機講14個唔入葵芳，30mins係包停埋水街到灣仔站，$17非常抵玩，好過逼鐵，但當時回程條龍都已經係真係萬里長城長又長，車就一部都唔見，現時五點幾所見係車等人...(反觀灣碼930上左6/7個)

[ 本帖最後由 EH2674 於 2012-8-31 19:55 編輯 ]