興建非付款區轉乘隧道可否分流轉乘客???

現在尖沙咀同尖東站中間有一條非付款區轉乘隧道
只要係一個站出閘後30分鐘內係另一面入閘就當一程計
依家九龍塘、尖沙咀成日有好多轉乘客
起多幾條轉乘隧道,都可以更吸引D人搭港鐵添
以下小弟有幾個建議,睇下可唔可行???
1.荃灣西-荃灣(可以填補西鐵係葵青區的空白)
2.旺角-旺角東(分流九龍塘既乘客,同時轉少一次車)
3.九龍-柯士甸-佐敦(3個相近既站,但互不相通,可以同未來高鐵整個大轉乘站)
發現呢幾個站出口指示牌都互相指向另一面車站
如果發揮融合力量,九龍塘就唔使日日塞爆啦

其實現時旺角同旺角東站之間已經有行人天橋連接。
如果港鐵有心做，
只要調較收費程式即可

原帖由 SSBT 於 2012-9-17 02:27 發表
其實現時旺角同旺角東站之間已經有行人天橋連接。
如果港鐵有心做，
只要調較收費程式即可

港鐵可能要把新世紀廣場以及行人天橋收歸其管理,
還要在天橋較寬闊的一段(旺角道上)增加出租檔攤甚至商店,
才會考慮

至於佐敦至柯士甸站, 中間要經一大段佐敦道, 橫跨多個街口,
要興建長隧道, 成本太高, 特別是佐敦道有微彎,
要設置自動行人道電梯, 不甚可行
記得當初港鐵曾計劃在尖沙嘴海防道建造隧道往廣東道的,
並預留了出口英文字母編號, 也是不了了之啦

沙紅線通車後，九龍塘部分轉車人流應該會減少。
在旺角東轉車時間長、步程「崎嶇」、要出街聞廢氣、夏熱冬冷，
即使可以轉乘，相信都只有很少人會這樣轉。
用得旺角轉相信都係新界北往尖沙咀或過海，
既然都係轉折，倒不如用返尖東，等多幾年一車過海添。

更迫切的我覺得係九龍塘D口拆多兩部閘機紓緩付費區樽頸。

荃灣－荃灣西起緊(起好?)天橋接駁，而搭返出去美孚轉都費時失事，
呢一個組合有閘外轉乘都唔係壞事，但唔係太有吸引力。
硬係覺得當年用美孚而唔係葵芳做轉乘站係失策，雖然有人講過當中的技術困難。

佐敦站過去柯士甸及九龍站都唔近，樓上都講過轉乘通道不易為；
柯士甸同九龍站自己兩個就無謂，搭去南昌已經有得轉。

[ 本帖最後由 DIH 於 2012-9-17 10:22 編輯 ]

原帖由 64K 於 2012-9-16 23:23 發表
興建非付款區轉乘隧道可否分流轉乘客???現在尖沙咀同尖東站中間有一條非付款區轉乘隧道
只要係一個站出閘後30分鐘內係另一面入閘就當一程計
依家九龍塘、尖沙咀成日有好多轉乘客
起多幾條轉乘隧道,都可以更吸引D人搭港鐵添
以下小弟有幾個建議,睇下可唔可行???
1.荃灣西-荃灣(可以填補西鐵係葵青區的空白)
2.旺角-旺角東(分流九龍塘既乘客,同時轉少一次車)
3.九龍-柯士甸-佐敦(3個相近既站,但互不相通,可以同未來高鐵整個大轉乘站)
發現呢幾個站出口指示牌都互相指向另一面車站
如果發揮融合力量,九龍塘就唔使日日塞爆啦

講真，真係對分流轉乘客有明顯作用嗎？例如荃灣西站與荃灣站，旺角站與旺角東站兩者的距離確實很難呃到人。

緊記尖沙咀站與尖東站興建這樣宏偉的連接網絡只是一個非常特殊的例子，我相信如果尖東站是在兩鐵合併後才興建，尖東站應該是會選擇在更靠近尖沙咀站的位置興建，而兩者的連接網絡應該不會再是像現在般宏偉。

港鐵要興建通道連接車站，最初應該是例如選擇在樂富站，方便天馬苑的居民乘搭港鐵，而不是興建上述這些頗無謂的「轉乘通道」。

原帖由 OtisLeung 於 2012/9/17 03:05 發表

至於佐敦至柯士甸站, 中間要經一大段佐敦道, 橫跨多個街口,
要興建長隧道, 成本太高, 特別是 ...

運輸署委託西九龍交通顧問建議, 如果要起, 貫通寶靈街較可取。

http://www.td.gov.hk/filemanager/sc/content_4338/wkrd_executive%20summary.pdf

(8.2-8.3 段)

原帖由 OtisLeung 於 2012-9-17 03:05 AM 發表

港鐵可能要把新世紀廣場以及行人天橋收歸其管理,
還要在天橋較寬闊的一段(旺角道上)增加出租檔攤甚至商店,
才會考慮

至於佐敦至柯士甸站, 中間要經一大段佐敦道, 橫跨多個街口,
要興建長隧道, 成本太高, 特別是 ...

其實樓主講的3段位﹐現時只有旺角較為可取﹐真係肯做的係最易成事。

其次係荃灣﹐不過半小時的轉車時間卻有點困難﹐同埋現時荃灣西站的行人接駁上﹐都未係完善﹐所以要待西站一帶的樓宇(主要係現時多層停車場重建)完成﹐令天橋網可以接駁才可成事。

佐敦 <> 柯士甸﹐其實現時在佐敦道行路面﹐都不是很遠。不過﹐2條線都係坐多一個站﹐便到尖沙咀/尖東﹐沒有太大需要去做。而枸士甸同九龍站﹐好似是有天橋接駁的﹐但都係一句﹐接一個站便是南間﹐而且轉乘需求細﹐成效不高。



講回旺角情況﹐新世紀的天橋﹐業權是屬於政府(管理權應該交由商場負責)﹐此段路已經係24小時開放通道﹐亦是政府列明的「公共空間」﹐需要24小時開放。
而且沿天橋真的可直駁2個車站﹐30分鐘正常是足夠供乘客轉乘。不過﹐旺角與九龍塘轉車所需的時間﹐於旺角轉車在時間上﹐未必有明顯的優勢﹐真正會使用的人未必大家想像中的多。

公共空間參考 : http://www.landsd.gov.hk/en/legco/pgicos/YauTsimMong.pdf  (第4頁最後一欄)

原帖由 kei_hk 於 2012-9-17 12:59 發表

其實樓主講的3段位﹐現時只有旺角較為可取﹐真係肯做的係最易成事。

其次係荃灣﹐不過半小時的轉車時間卻有點困難﹐同埋現時荃灣西站的行人接駁上﹐都未係完善﹐所以要待西站一帶的樓宇(主要係現時多層停車場重建)完成﹐令天橋網可以接駁才可成事。

佐敦 <> 柯士甸﹐其實現時在佐敦道行路面﹐都不是很遠。不過﹐2條線都係坐多一個站﹐便到尖沙咀/尖東﹐沒有太大需要去做。而枸士甸同九龍站﹐好似是有天橋接駁的﹐但都係一句﹐接一個站便是南間﹐而且轉乘需求細﹐成效不高。

柯士甸同九龍站係有天橋接駁
不過南昌距離更短,加上南昌一樣係那2條線互轉,的確冇太大作用..
機場快線已有柯士甸同九龍站轉乘,呢個轉乘仲可以坐接駁巴唔駛行...所以不在討論之列...

[ 本帖最後由 rickycheng 於 2012-9-17 23:35 編輯 ]

原帖由 kei_hk 於 2012-9-17 12:59 發表


其實樓主講的3段位﹐現時只有旺角較為可取﹐真係肯做的係最易成事。

其次係荃灣﹐不過半小時的轉車時間卻有點困難﹐同埋現時荃灣西站的行人接駁上﹐都未係完善﹐所以要待西站一帶的樓宇(主要係現時多層停車場重建)完成﹐令天橋 ...

尖沙咀/尖東站轉乘通道已經好多人用
反而佐敦/柯士甸仲有空間
我本身既原意係既然要閘外轉乘
如果兩者轉乘距離差不多
係佐敦/柯士甸早一個站分流好d
尖沙咀站上車過海要頂車門
如果早一個站上車至少唔會頂車門先
仲要過海之後下一個站係開另一面車門
又要同人逼出去對面月台
同一批客有分兩面轉乘的空間

原帖由 64K 於 2012-9-20 01:29 AM 發表

尖沙咀/尖東站轉乘通道已經好多人用
反而佐敦/柯士甸仲有空間
我本身既原意係既然要閘外轉乘
如果兩者轉乘距離差不多
係佐敦/柯士甸早一個站分流好d
尖沙咀站上車過海要頂車門
如果早一個站上車至少唔會頂車門先
仲 ...

現時佐敦/柯士甸要步行轉乘﹐主要係靠佐敦道(佐敦a出口)﹐在國貨公司出口行去渡船街行入隧道(柯士甸a出口)。

但是﹐佐敦道的行人路﹐本身的人流已經不少﹐又要過多條馬路﹐吸引力真的不大﹐我作為乘客都係選回尖東轉車好過。
試問﹐連同要過幾條馬路的時間﹐除了我之外﹐其他人都會同我一樣會作出考慮﹐包括整體時間﹐舒適度作考量﹐吸引力不大。

而尖東/尖沙咀的轉車隧道﹐也只是人多﹐未去到要找其他通道分流的地步。