針對水客建議東鐵重設行李托運

根本水客問題存在多年, 水客所使用嘅行李車, 一般都經過特別改裝, 比市面所買到嘅貨色堅固, 針對水客問題, 我覺得東鐵可以考慮重設行李卡, 效法飛機強制所有乘搭東鐵線嘅乘客只能帶一件手拉行李喼上車(以能帶上機嗰隻尺寸為准), 所有超過呢個尺寸, 一律要去指定櫃位辦理托運.

列車其實只要好少量改裝, 建議沿用現時南行第一卡後原本預留做行李卡位置. 我覺得呢個方法會比現時只要帶大型行李乘客買行李飛要好. 可避免水客在月台連人帶車橫衝直撞, 又可以令水客走一轉貨嘅時間加長(要寄倉同攞返件貨). 當然對非水客都會有影響, 不過無辨法, 但我相信對整體乘車環境會有改善.

歡迎討論.

原帖由 yoyotown 於 2012-9-19 00:13 發表
根本水客問題存在多年, 水客所使用嘅行李車, 一般都經過特別改裝, 比市面所買到嘅貨色堅固, 針對水客問題, 我覺得東鐵可以考慮重設行李卡, 效法飛機強制所有乘搭東鐵線嘅乘客只能帶一件手拉行李喼上車(以能帶上機嗰 ...

其實東鐵線以前都有托運服務, 不過D水客根本唔會理, 總之迫唔迫到上車都好都係要夾硬來, 所以就是沒有人用, 好似早前網上流傳有水客運檸檬茶其實已經超過了行李限制.
機場快線通車後, 行李限制放寬左, 但記得都只係三邊加埋唔可以超過170cm, 單一邊唔可以超過130cm, 即係大約一個寄艙的行李箱.

原帖由 gordon 於 2012-9-19 10:04 發表
其實東鐵線以前都有托運服務, 不過D水客根本唔會理, 總之迫唔迫到上車都好都係要夾硬來, 所以就是沒有人用, 好似早前網上流傳有水客運檸檬茶其實已經超過了行李限制.
機場快線通車後, 行李限制放寬左, 但記得都只係 ...

所以我意思係要強制大型行李乘客去托運行李, 而家上水閘口搵個實Q個個水客度行李係唔夠.

見過羅湖大堂有人拉六呎長嘅貨, 不過入唔入到閘就唔知.

原帖由 yoyotown 於 2012-9-19 11:49 發表


所以我意思係要強制大型行李乘客去托運行李, 而家上水閘口搵個實Q個個水客度行李係唔夠.

見過羅湖大堂有人拉六呎長嘅貨, 不過入唔入到閘就唔知. ...

個實Q 既生命安全應該會受到威脅
一兩個水客同時入閘就話易block姐, 如果成批一齊入閘既話就冇用啦
同埋冇執法能力既話, 佢地唔會show你, 照迫可也

原帖由 053h4 於 2012-9-19 12:59 PM 發表


而家有大件行理的水客咪又係比實Q要求排隊入閘
如果港鐵唔想做呢D生意, 大幅增加行理費可以解決

如果想做, (我估而家一日車費收入計都收多成廿萬)我建議佢花錢起額外設施應付會合理D ...

唔講水客﹐東鐵作為一條過境鐵路﹐一定會有乘客需要帶大件行李﹐單單是提高行李費是不可行的﹐仲會令真正的旅客帶來問題。


而香港出入境係沒有相關法律管制行李的﹐只要不是違禁品或是必須有許可證的物品﹐都可自由帶出境的。
所以﹐現時打擊水客便必須在國內入手﹐因為國內已經有相關的入境可帶物品限制。只要國內海關肯重點去做﹐一定可打擊水客。

而中央一定為了梁班子新上任﹐要建立威信﹐所以一定會配合的﹐令到國內海關都會相應收緊尺度﹐水客問題便可以有所改善。
不過﹐杜絕水客一定係無可能的。

岩岩新聞話有水貨客被捕，唔知會否對水貨客的來港有阻嚇作用?

其實都唔止上水, 我在大學站的士站後面有停車錶位, 都有水客到貨車o羅貨, 這裡很少人經過.