九巴稱「迫切考慮」提出加價

原帖由 kwyeung 於 2012-10-13 12:09 發表
冇數據公開就話自己蝕錢, 空口講白話。
正如我講過, 好多站友講過, 蝕錢都有一蚊同一億之分,
好多所謂微蝕既市區線, 根本係自己攞黎,
改少少野已經可以改善入座率, 蝕少D。
九巴唔識做生意, 唔代表其他公司都係白痴。

你睇幾多市區堆流水線, 一上車就咬你起碼$5,
$5以下既又要浪費青春去等, 我仲點搭你呀？
望下旺角街市 / 亞皆老街返 大角咀幾條小巴人龍,
你肯多幾條線有分段, 根本唔會有機會出現,
因為人地收$2.9, 仲要無數人唔等行路。
以前有人講會拖慢行車時間, 咁又點？
講緊一批養起三條小巴線既客, 拖慢少少有問題咩？

我敢講俾條16 / 18新城做, 佢地第一時間就加個旺角$2.8分段,
吸多批人, 蝕都蝕冇咁多。

呢個我絕對同意閣下既觀點。

其實香港本身好多巴士路線都係「架床疊屋」，過度重疊路線，甚至個別路段有綠小撈埋一份。
講真，如果肯去整方便既雙向分段、或者加一個合理既分段收費，就已經可以令到計盡一分一毫既乘客自動作出選擇。
奈何，我亦在另一篇文章提及過，現時巴士公司只有全程收費上限係受法例憲報所限，提供分段收費與否，實屬商業決定。
加上香港如果一日要行商業公交經營政策，一日就唔可以喺呢方面有太多限制喇。

舉例，如果有雙向分段，行彌敦道巴士既數目已可減少，但問題係會唔會有市民 / 乘客 / 議員肯放棄俾長途線減班呢？

你學星洲，將地鐵巴士明顯分工，巴士跟地鐵既完全平行路線只佔少數，但人地係用統一收費表，可以按需要轉乘。
香港間間公司作風唔同，又做唔做到呢？

其實好多野，非不能也，實不做也！只可講商業有商業既好，公有化有公有化既好啦。

原帖由 DIH 於 2012-10-13 16:26 發表
另回#64：
太子道天橋陣、亞皆老街天橋都冇常規巴士線使用。

仲有西九龍走廊可直逹旺角
不過有兩條全日線
一條701, 一條A21

原帖由 Quanta 於 2012-10-13 16:20 發表


九龍區一樣有好多幹線公路可以用
何況四幹東廊都會好塞車, 唔好睇得佢咁完美

行下路仲塞車添.
咁不如齊齊唔好改線囉.

將軍澳居民：唔可以取消呢條線，雖然我平時坐地鐵，但萬一我加班夜番無車點算?

原帖由 LF5502 於 2012-10-13 23:21 發表
將軍澳居民：唔可以取消呢條線，雖然我平時坐地鐵，但萬一我加班夜番無車點算?

No，係地鐵爆鑊時要有巴士替補 (咁796B絕對要保留作為觀塘線出事時o既Rail Replacement，Goodest logic)

傾開33A蝕呢
我明明記得十年前吉龍康都上下繁係頂閘走
加埋37 32依D線根本就條條爆
係某年某月某日收收收收收
我比佢既完美班次嚇一嚇(45分鐘冇車)
之後果個星期我情願企鐵坐十蚊朗豪小巴都唔等佢啦

你話十蚊小巴係唔係真係咁快咁抵搭?我唔同意
不過事實係兩條線等車時間快十分鐘左右 行車時間小巴快十分鐘左右
車接車睇落都好睇D
就睇下改去美孚佢載幾多空氣囉
35S都係去美孚格

原帖由 WR309 於 2012-10-13 17:46 發表
呢個我絕對同意閣下既觀點。

其實香港本身好多巴士路線都係「架床疊屋」，過度重疊路線，甚至個別路段有綠小撈埋一份。
講真，如果肯去整方便既雙向分段、或者加一個合理既分段收費，就已經可以令到計盡一分一毫既乘客自動作出選擇。
奈何，我亦在另一篇文章提及過，現時巴士公司只有全程收費上限係受法例憲報所限，提供分段收費與否，實屬商業決定。
加上香港如果一日要行商業公交經營政策，一日就唔可以喺呢方面有太多限制喇。

舉例，如果有雙向分段，行彌敦道巴士既數目已可減少，但問題係會唔會有市民 / 乘客 / 議員肯放棄俾長途線減班呢？

你學星洲，將地鐵巴士明顯分工，巴士跟地鐵既完全平行路線只佔少數，但人地係用統一收費表，可以按需要轉乘。
香港間間公司作風唔同，又做唔做到呢？

其實好多野，非不能也，實不做也！只可講商業有商業既好，公有化有公有化既好啦。

我好認同！早幾個月小弟向運輸署提議28樂華方向同5號提前同分叉，飛起富豪東方酒店行天橋捷徑，
唔洗響迴旋處陪塞兼改善行車時間、集中服務東九龍乘客。
九巴及運吉都用影響每日900名乘客為理由唔認同有關建議。

3M加時至20分一班，定時開車客量的確好咗，而且佢咁搞實際全日應該行少十轉八轉，
還掂車長成本已經固定，都係3架車，開疏少少班次都已經有效減少油支出。
成日驚死班卡佬太多時間休息一味cut時，班客預唔到時間都唔會咁神心同你等車架！

原帖由 andy92 於 13/10/2012 16:43 發表

係唔知點解呢幾年 234AB 成日脫班
可以 20 分鐘都無一班車由西站開，之後 AB 孖住開

根據跑步時觀察 234B，一係司機玩嘢，一係真係唔夠時間跑。
有時似係司機夾埋拖卡搏私牌或吞 pork 做少轉，
但 234B 一個鐘一轉唔知點解又好似真係唔係幾夠，
某車出喺汀九出荃灣之後可能半個鐘之後先見番佢喺同一位置入深井，
唔知係咪荃灣市中心塞車 (?) 累事。

[ 本帖最後由 238X 於 2012-10-14 01:23 編輯 ]

原帖由 hokwanlam 於 2012-10-13 17:14 發表




你講服務差之先有冇諗過點解佢會服務差,無啦啦會服務變差??
緊係有D野係打擊緊佢盤生意而佢嘗試去搵方法止血又唔得先會做得差,
咩都入九巴數的話我覺得同而家果班咩建議都BAN既議員一樣,收番專營權,邊個做?新城, ...

想講,
新記城記,
話冇野打擊佢咩?

一樣有,
好簡單一句,
英皇道丫...
地面睇到既有電車,北流水紅VAN,
地底既有條港島線...

相反,
九龍呢邊彌敦道呢?
地鐵,
流水紅VAN都唔見得多,
人地一係跑特快,
係青山道有D死碌既VAN晌度...

你話新區有新鐵路,
唔好忘記將軍澳一樣有將軍澳線,
你點樣做又係一個問題...

原帖由 toyl 於 2012-10-14 01:04 發表

我好認同！早幾個月小弟向運輸署提議28樂華方向同5號提前同分叉，飛起富豪東方酒店行天橋捷徑，
唔洗響迴旋處陪塞兼改善行車時間、集中服務東九龍乘客。
九巴及運吉都用影響每日900名乘客為理由唔認同有關建議。

3M加時 ...

成日驚死卡佬太多休息時間CUT時...
呢個正正係佢內部管理既其中一個弊端...

下下計到D伙記盡,
你叫D伙記邊有心機同你搵錢...