點解新城會好過九巴?

原帖由 樂仔〞 於 2012-10-19 11:16 發表


哦，九巴甩班叫收車，新城甩班叫塞車
司馬昭之心，路人皆知

公司形象的問題

原帖由 238X 於 2012-10-17 18:49 發表
本人只是將兩個團體類比，非指他們有共同做過任何事，何牽連之有？

P.S.
本人或許厚面皮，但本人大部份時間均注意自己言論，
語氣有爭議或有之，無的放矢則不敢為。

本站部份年資較長的站友，因為言論不精，樹敵無數。
本人不才，自 ...

相信沒有人會對閣下是否厚面皮，
或者是否言論不精有興趣，
本人認為多數版友都是對事不對人，
類比本身可以是令某人/某機構[躺槍]的一個手法，
所以閣下言論是否構成[躺槍]與閣下是否使用類比法沒有任何衝突，
假設A與B有相似性質X，提及A時說A就像B般X，
可以看出B就已經被牽連了

此外，類比是一種主觀的不充分的似真推理，
除非有其他理據支持，
不然如何討論都是白搭，
閣下於16#表示
[九巴罪行就嚟同中共一樣罄竹難書，你話我無理反九都係咁話]
的言論只是表達個人感受，
而且相對激進，
只提及少部份例子作理據，
這難道不是含血噴人嗎？

你又唔講我啲論據點樣只係「似真」，我無乜辦法同你講落去。
總之我自己經歷到嘅情況就係越來越差兼且無心改善。

前幾日又遇到 38A 無端端早咗五分鐘開車搞到送車尾 (我預時間等車的)，
投訴咗佢話會覆番到而家都無覆，都知佢哋點做生意。

九巴無心改善，正正等於中共無心改善民權一樣。咁仲唔夠？
Okay, 你叻、你贏。

[ 本帖最後由 238X 於 2012-10-19 19:06 編輯 ]

原帖由 nwfb94A 於 2012-10-19 16:36 發表

公司形象的問題

咁即係有偏見啦，that's it

原帖由 GU9338 於 2012-10-18 23:15 發表
除非有相應既補償
否則我敢寫包單
超過 10% 既九記司機會因為跳飛機而劈砲唔做

新城線脫班就算死都死掂班車俾你搭,九巴呢.....話知你死

原帖由 樂仔〞 於 2012-10-19 22:56 發表


咁即係有偏見啦，that's it

係偏見呀, so what?
依家係九巴做得差令到好多人對佢有偏見, 唔係啲人無中生有嘅偏見喎

我自己住在十幾年港島
新城的服務真係時好時壞
以前條37A在正街例牌30分鐘先黎一架，亦可以置富總站吉哂半個鐘。
之後華富等M47去中環可以40分鐘先有車(華富咁多車，拉一架唔得既，同埋最後原來有架車由華北直接上域多利道追時間)
宜家搬左，條962B日日深井頂閘，有一日仲搞到海韻飛站。下晝962可以20分鐘黎兩架再拖B仔。
朝早在西隧口排970X條隊頭位都可以等左20分鐘都冇X車到，得頂閘970到，架蒲飛路特又遲到。
宜家都放棄970，在上環轉71/1/5B/18算數。
岩岩重組970時，970X疏到無人有，望車輕嘆，宜家情況當然好左。但係見到前面970拖970拖我架X車埋山道。第一架停完，到第二架970埋站上客，之後到先到X車上客，停一個站都搞5分鐘。架X車落山道天橋CHOK到好似過山車，車箱保養極差。仲有垃圾成車都係，FLYER行962，美其名就係提供舒適服務，其實根本唔夠載，FLYER座位過少，行李架又礙位。仲有細車行592/72司空見慣，鵝頸頂閘飛站。
長途線硬枕出現率奇高，架車邊行我個頭邊撞頭枕。
不過朝早962同962B都好準時，亦安排稽查在西隧口安排人上970，算係對乘客一個交代。
新城亦開好多快線，盡量與港鐵鬥快，係有爭勝心的。
而九巴少搭，不作評論。一間公司總會有好的一面同不好的一面，只係視乎你點睇。

[ 本帖最後由 2076 於 2012-10-19 23:51 編輯 ]

原帖由 樂仔〞 於 2012-10-19 22:56 發表


咁即係有偏見啦，that's it

大家都係睇數據睇數字..
呢個係絕對準過你一言我一語
鐵一般既事實... 依家搵到..數到既失準有 7% (?)... 高過人成修街

有幾多甩班真係因為路面問題?
九巴收車勁, 定新城收車勁?
冇左班車就兩間公司一定有
從來都係相對比較..

呢 d 比較唔到你同我否定, 而係全世界都係咁

原帖由 樂仔〞 於 2012-10-18 23:44 發表


我欣賞你種老屈人既方法
如果我話 234A 234B 甩班可以原諒既，點解我會叫人試下砌班表？
上面講既先屯公後青公既做法其實我覺得 OK 架囉，不過車務組班人識唔識咁做又另計咁解

另外，部電腦係站長人手改時間既，只有磚家先 ...

234A 234B 脫班原來都係咁解..
車務組班人諗唔掂, 點拆得好好睇睇..唔係九巴行政上, 編排上有缺失... 咁係邊個既錯?

再講, 66M. 荃灣站長的確唔係好鍾意拉班次
但.. 依家好多都將車務情況電子化... 有關管理人士會睇到, 有哂數據...
咁樣都冇做野... 唔怪得人地會比佢下去..
到另一邊總站, 大興果個不嬲都將 66M 當救火隊.. 66M 就當睇唔到..
以前救 66, 依家竟然走去救 66X..
個站長咁敗家..幫九巴倒米趕客, 車務組真係乜都唔知?
唔好玩啦..

成個公司隨時由站長一路隨組織架構不停敗家..
門面野就做到足... 甚麼特別線就出車海...搞到個個都對九巴車海讚不絕口..
但其他人唔知... 呢 D 車海係犧牲好多區, 好多地方貢獻出黎

在商言商..係要咁做... 但可以唔好咁黑人憎囉


新城有冇不足? 一定有..
但相對呢?