巴士車門開關一問 ?

原帖由 PatPatLeo 於 2012-12-14 13:25 發表

我有次搭AVBWU，見因為只有一個人落車，乘客落到一半時司機已即時閂門。因為門果時都未開盡，閂門時冇警告聲，速度又快，結果夾到人。

其實果架車正唔正常？如果咁咪有漏洞？ ...

avbwu係好奇怪,未開晒度尾閘一按就可以關返埋,相反開晒閘就要叮叮叮,所以落一個人D司機咪會博佢落得快即刻關閘走,慢少少都要叮叮叮

原帖由 bobbycheng 於 2012-12-14 11:37 發表
而家既巴士可唔可以開住上/落車門行駛?
我記得熱狗年代唔少私牌車都會開住落車門行
但而家已經好少見到

可以, 近排我見過部份AVBWU在閂緊門之下起步, 亦見過TD豪開哂兩對門私牌

原帖由 bobbycheng 於 2012-12-14 11:37 發表
而家既巴士可唔可以開住上/落車門行駛?
我記得熱狗年代唔少私牌車都會開住落車門行
但而家已經好少見到

AAU 都可以開住門行駛 la

原帖由 kei_hk 於 2012-12-14 03:14 發表
我記得有人講過﹐車門開關速度是有得調校的﹐即係開關速度係可以比現時快。



至於要停定車才可開門﹐關完門才可開車﹐這些原則性決定﹐都是從安全著想。

事關以前真係試過夾到人後﹐司機無發覺並且開車。印象中也試過車未停定便打開車門﹐有乘客跌出車外的意外。



我個人寧願要安全﹐慢些少可接受的。

其實唔使聽講過，肉眼已經可以見到每隻車型都有開閂門特別快既例子


而安全同開閂快慢其實唔係直接衝突，最重要係
低速先可以開門 / 未閂晒一定有警報聲或者無法去到高速，同埋閂門有適當緩衝


後面一點尤其重要，主要係操作一致性會生問題
眼見九巴大部分司機係最後一位落車客踏出車外同時已經開始禁掣閂門，叮緊第一下，個別急燥司機甚至更早已經禁掣
此情況於九巴大部分金車上面都無操作上既問題，反正叮幾下度門先開始郁，只係會令乘客下意識加快腳步易生危險
但見過新巴司機渣著部分改裝過既車，閂門警報一響同時度車門已經開始閂
好多時長者客行落車最後一步時隻手重扶緊條扶手，但度門一禁掣已經閂緊，一唔留神真係好易扭親人隻手甚至夾到

原帖由 bobbycheng 於 2012-12-14 03:37 發表
而家既巴士可唔可以開住上/落車門行駛?
我記得熱狗年代唔少私牌車都會開住落車門行
但而家已經好少見到

最後一次見到都差唔多十年前，係灣仔演藝附近見部紅柱 9xx 開晒門私牌行車

http://www.youtube.com/watch?feature=player_detailpage&v=iRcb4H34p18#t=66s

之前買 PMP DVD 剪左幾段珍寶行車片段出黎，中間有一幕就係 SF5 開著前後門私牌行
(只係仿照原作者其他 DVD trailer 長度而修剪，無意侵犯版權)

以前大家見到開晒門既巴士已經會有共識可以無視該(私牌)車

唔計中門，熱狗年代巴士開著前門行車簡直係指定動作，好比前置引擎巴士司機會開著右邊躺門行車，夏天唔做呢個動作反而先唔多正常


http://www.youtube.com/watch?v=pBUOQqtb9KE

http://www.youtube.com/watch?v=qBKSSiiCNL8

轉載兩條片，一條係 LV 開著前門行；另一條係 16xx @ M21，似乎證實左早年 16xx 閂門已經頗快呢項記憶

原帖由 kei_hk 於 2012-12-14 04:48 發表
事實係後門打開﹐都可以開車走人的﹐不過唔係一般情況下發生。

某日﹐某一部直梯車(好似係 avbw1 @ 6f) 於紅磡壞車﹐工程車到場檢查過後﹐便在打開車門(包括後門)的情況下﹐開車走人﹐工程車跟隨。



唔好問我部車壞乜﹐工程車到場做過乜﹐因為我只是看到部巴士開門的情況下開車﹐工程車押尾。

有 door-brake 既車開著後門由工程車傍著開車算常見，各大巴士公司都間中有呢類事情發生
不過解除安全裝置似乎需時甚久，半個鐘唔少得 (親眼見過)


開著後門"開車"以前間中會係 116 則魚涌總站見到
自新巴年代起，可能班次密左同埋公司規程問題，116 巴士到則魚涌總站大約要跟車序排好
(以前可能大家車速相若，只係間中需要留少少位俾前車斜插停泊於總站巴士坑)
變相會有一大堆新巴 12 米蠆開著中門泊係祐民街路邊落斜轉彎位等前車開出或者前車補位
好多司機都會開著門、熄燈熄偈落車去廁所或者行去前方站頭報到之類
到需要將巴士移翻入站坑時，就直接鬆手掣 (中門大開，但 doorbrake 因總掣關閉而失效) 沿斜路溜到站頭
印象中亦見過一兩次九巴司機咁做，不過近幾年可能兩巴明文禁止所以開始無見司機咁做


半題外話：
door-brake 壞起上黎有時真係累街坊，假設車門因事不斷彈閘，簡直同手掣壞左不能解決泊車狀態相若


幾年前搭某歐三 33xx @ 81 西行，由柴灣地鐵站去康翠臺個條單線單程路擺左係度好耐，最後重熄埋偈、電源重新啟動幾次
最後好奇落下層問司機發生咩事，原來前門不斷彈閘，於是部車鎖死行唔到
司機好似試過各種方法，例如閂門同時熄總掣之類，但都無補於事，最後同司機一齊研究錶板指示燈睇下有無辦法救到
(錶板左上角盞紅燈，雖然寫著"中門"，但實指有 door-brake 既門，例如新巴都普蠆前門)
發覺原來都普 33xx door-brake 係岩岩閂完門先會完全解除，即係成度門完全閂晒途中有任何野引致彈閘，部車一路都係維持鎖車狀態
(反而搭新巴歐二蠆，door-brake 啟動/解除位置都係車門開左 1/4 至一半位置，有時如果司機一路閂門一路踩定油等郁得，
到終於可以開車不過車門重有最後一截未閂埋時，若果偏偏因為有人禁鐘之類而彈閘，就會成部車即刻 chok 停)
幸好重覆發次後，發現雖然彈閘前 door-brake 仍然生效，不過車門重新開到平時 door-brake 啟動位置原來會 reset 一次
最後就叫司機禁閂門掣，並跟一位中年乘客合力襯 door-brake reset 一刻用身擋著車門，終於可以郁車泊埋一二邊
擾攘左十分鐘先搞得掂，後面已經堆左一大條車龍，後者 20xx 都差唔多到
而家回想起，似乎如果襯 door-brake reset 一刻頂著車門並叫司機試禁閂門掣/熄總掣再試，可能可以行得翻


九巴都普蠆好似好少少，半年前搭九巴某 JT 蠆行 619，中門不斷彈閘，不過每次只需熄總掣重新黎過就搞掂
半年前又分別搭過城記 E 線半豪蠆，似乎 door-brake 設計又跟紅柱 21xx 22xx (跟新巴一樣) 唔同
大部分司機都會好似九巴咁先拉手掣後開門，不過該程車中門次次彈閘都只係得警報聲，
部車 (已經接近轉 2波既車速) 無鎖死到，司機只需收慢部車再閂多次中門就可以繼續行

原帖由 PatPatLeo 於 2012-12-14 04:53 發表

E500
開住上車門: 可以
開住落車門:唔可以

8-9 年前見過 ATE @ 101 可以就黎停定時開啟前門前頁，而車速雖然唔快不過明顯快過 5kph
估計只開前頁係司機習慣問題，實際操作應該成隻前門都可以未停定晒就開到
簡單講句歐三 ATE 應該大部分九巴歐二三金車 (唔計 AP) 無異


頭批 55xx 新車頭幾個月搭過，可以就黎停定 (可能係不足 10kph 範圍) 開門，並可以開著門鬆手掣溜前部車，類似情況好似見過唔止一次
歐五 81xx 半年前係 N8X 見識過，不過唔知有無改裝過，同期歐五 40xx 好似未見過此情況

原帖由 EE9255 於 2012-12-14 11:33 發表

avbwu係好奇怪,未開晒度尾閘一按就可以關返埋,相反開晒閘就要叮叮叮,所以落一個人D司機咪會博佢落得快即刻關閘走,慢少少都要叮叮叮

幾年前已聽過九巴 AV 車門都係咁，估計係 2+2 AV 開始都係咁，推斷同期 3AV 都係咁

原帖由 PS8851@182 於 2012-12-14 12:00 發表
今日見到 DA93 開住尾門載客行駛

DA93 係城記規格，重有 VA65-66 都一樣，新巴似乎無係呢堆車 door-brake 方面做過工夫
而城記似乎無跟同期中、九巴一齊試驗車門安全裝置，或者試驗過但之後停用，當然可以開著尾門行
只不過操作上反而新巴司機唔慣渣呢批前空運車，反而好多司機會停定甚至拉手掣先開門


(另一邊廂，估計九巴雙門 AA、鐵記 7xx 其實都無將"新城式" door-brake 改翻自己一貫規格，
不過一般司機都會自動自覺先拉手掣後開門，同渣翻自己公司一手車無異)


講起 DA，即使係 DA83 73 63 呢 d 中巴購入並有第一代安全裝置車都可以開著門行，只係錶板會有警報

原帖由 PE3529 於 2012-12-14 13:13 發表

AAU 都可以開住門行駛 la

個人所見英國同期 E200 Dart (不過係單門版) 可以未停定/低速開啟前門，閂門途中可以鬆手掣開車
中門 (例如倫敦版同埋 AAU 都係外推式車門) 就真係未見過開著行，不過可能只係本人未有緣見識到


不過講開新車，香港島似乎唔止一部 18xx 中門係無 door-brake / 度門一開始閂就已經解除 door-brake 可以郁得

[ 本帖最後由 HW8373 於 2012-12-15 11:46 編輯 ]

原帖由 kei_hk 於 2012-12-14 12:48 發表


後門應該做唔到﹐事關較後期的3av (h牌)都已經有安全鎖﹐後門唔關便開唔到車。

前門﹐我估正常情況下﹐都唔會有人這樣做﹐因為冷氣巴士﹐又會唔會開大隻門走冷氣?
不過﹐聽聞係做到的。(可能個別車才做到)


事實係後門打開﹐都可 ...

白板富豪係無閘門制動，一樣可以開住尾閘行車，只不過有警告聲話你聽未閂尾閘

城記YoungMan都好似冇 door-brake
我搭過一次YM，見到度門一閂司機就踩油去，亦都冇任何警告聲

城記 E500 / 2XXX Trident都有版友講過，唔駛再講

反而我想知既係城記d非低台車
8XX 其實係咪真係冇 door-brake
先幾年因為要成日進出小西灣而搭118(P)
就發現批車好似冇door-brake咁，後門開住都照行到，又冇warning

而其他富豪車(4XX - 6XX, 9XX/90XX)都好似又冇door-brake又冇warning咁
開關門好似係幾時都得咁
(先幾年半山就係試過有意外)

我想知既係
城記d非低台車其實有冇door-brake / warning ??

原帖由 Daniel0510 於 2012-12-16 17:35 發表

我想知既係
城記d非低台車其實有冇door-brake / warning ??

城巴非低地台度尾閘唔似新巴 VA 咁尾閘上邊有條彈簧保護的電線出現，應該冇 sensor 卦。

個人覺得巴士的車門防夾功能，可以改良到，若果一分鐘內關門3次，第4次關門應該能自動停用一分鐘。
這可減少車門不停彈引致唔行的問題。

另外，門操作方面，個人覺得九巴歐三男人(AMN)，較能夠平衡安全與方便
唔係太知點操作，但好多時都做到一停定就開門，一關好門就開到車

最後，在新巴DA57-DA82，在落車門等落車時，望向落車門頂，每道門都有一條電梯，以前見到好多都斷了，近年見到好多連線都無埋
請問這是什麼線來的？

原帖由 DK5416 於 2012-12-16 10:38 AM 發表

白板富豪係無閘門制動，一樣可以開住尾閘行車，只不過有警告聲話你聽未閂尾閘

N年前坐中一部3AV﹐當時做某線的新掛牌(加冷)﹐司機心急開車﹐尾閘未關好便鬆手制開車﹐即有警告聲並且即時chok停。

司機要拉回手制﹐重新開尾閘再關尾閘﹐做完才開到車走。

唔知之後部車/批車有沒有再改過設定了。