生果河蟹部份電訊商4G網絡

http://hk.apple.nextmedia.com/news/art/20121214/18101490

客戶真金白銀到生果店買4G機，卻無法使用部份電訊商的4G網絡，這是什麼道理？

原帖由 dongfeng 於 2012-12-14 09:46 AM 發表
http://hk.apple.nextmedia.com/news/art/20121214/18101490

客戶真金白銀到生果店買4G機，卻無法使用部份電訊商的4G網絡，這是什麼道理？

又有問題來了﹐銷費者真係無責任?

初期﹐除了數記外﹐仲可以去到3 & 123 買到iphone 5﹐但他們都表明日後才可提供4g服務。現在﹐這2家都已經用到4g 服務﹐他們有沒有欺騙顧客?

人仔台及老電﹐他們又有無賣生果機?
他們的職員又有無同顧客講﹐生果機可以用到他們的4g網?
ps. 人仔台除mtr隧道段外﹐只用2600mhz 作為4g網﹐iphone 根本唔支援。

生果公司及其網頁﹐又有無一條龍服務﹐為人仔台及老電2間電訊商﹐一次過在買機時同你轉plan/換sim/登記上台?

生果公司的網頁﹐又有無講4g 服務只供個別網絡商使用?



講真﹐電訊商無呃你﹐最多只係講初期話將可提供4g﹐去到實際用到4g的時間﹐這個交接間比電訊商預期為慢。
生果公司又沒有騙你﹐又真係講了只可配合某幾家電訊商。你買機後點去用﹐上那一個台﹐真係閣下的事。

不過﹐生果公司這樣做﹐的確有點違反公平原則﹐令到個別電訊商爭取生意之上﹐有不公平的待遇。

[ 本帖最後由 kei_hk 於 2012-12-14 12:02 編輯 ]

原帖由 kei_hk 於 2012-12-14 11:03 發表
不過﹐生果公司這樣做﹐的確有點違反公平原則﹐令到個別電訊商爭取生意之上﹐有不公平的待遇。

首先我係睇唔到完整 o既報導, 所以我唔係好清楚究竟發生咩事,
只回手機問題 ~

其實一直以黎都有部份電信公司會有同手機製造商傾, 整個獨家銷售比佢,
好似當年 HTC Touch Diamond 2 咁 (呢部機因為我自己用我自己較為清楚, 當年係 CSL 獨家起香港出售行貨, 你唔幫襯 CSL 就要買水貨),
咁多年黎都有咁 o既事架啦, 所以我又唔覺得有乜公平唔公平,
如果人仔台或者其他電話廠同 Apple 傾得成未有得用了, 我反而就覺得係電信廠自己問題;
所以有時想用 specific model, 可能都要睇下你自己用咩台啦 ~

起外國一樣都有呢個情況出現,
好似最近熱賣 o既 Nokia Lumia 920 咁, 起我而家身處 o既地方都係比某一個電信廠拎左獨家,
想起第二度買都買唔到, 除非我買水貨啦 ~

據我所知，電話生產商在發售新型號手機前，會和有合作的電話網絡供應商作測試，以便先作測試及作出調校，減少兼容問題。
對於舊有技術，一般需要調校的地方不多。

但對於一些新技術，例如好多年前剛剛出的3G服務，真的有不少兼容問題出現。
或許蘋果不想在一些網絡出現兼容問題才在一些情況下停用4G

原帖由 AVD1 於 2012-12-19 07:04 PM 發表

首先我係睇唔到完整 o既報導, 所以我唔係好清楚究竟發生咩事,
只回手機問題 ~

其實一直以黎都有部份電信公司會有同手機製造商傾, 整個獨家銷售比佢,
好似當年 HTC Touch Diamond 2 咁 (呢部機因為我自己用我自己 ...

完整報導/整個故事是這樣的 :

最初﹐香港是以2600MHz (後面唔打單位啦)去行4G LTE的。但係在競投全新的2600時﹐數記發現競投價太貴﹐唔再係一個合理水平﹐同時又發現1800都可以行到4G LTE﹐於是便改變策略﹐空清原本在2G應用的1800﹐改為應用在4G LTE 之上。

而全新的4G LTE 所用的2600頻譜﹐最後由以下3間公司投得 CSL﹐中移香港﹐以及由3 及PCCW 合組的公司投得。

年多前﹐CSL 率先提供4G LTE 的數據服務﹐是第一家提供4G的服務供應商。
大約半年前﹐4G 手機開始增加﹐多了機款可選﹐另外3家都相繼提供4G 服務。唯獨數記因為要清空使用中的2G 1800頻譜﹐所以進度比其他公司為慢﹐去到iphone 5推出之時才可推出市場服務。

之前﹐new-ipad 推出的時間﹐部機本身係支援 4G LTE的﹐但不支援香港的2600﹐所以得個"睇"字﹐在香港只可用到3G及2G網絡。不過﹐係部機本身的硬件問題﹐無人會怪用唔到4G的。

今年約年中的時間﹐電訊商都似乎收到風﹐新的IP5只支援1800的4G LTE﹐不支援 2600。所以﹐除了中移香港外﹐幾家公司都進行抽調頻譜﹐加入1800 應用在4G LTE 服務 (即係同數記的方法一樣﹐但不同的係另外幾家公司沒有抽出所有1800 去行4G LTE)。

去到IP5推出的時間﹐巧合地又可推出4G服務﹐同時又食正IP5的4G支援頻譜。
正當3 及 CSL 的1800 4G LTE 都有的使用的時間﹐大家都估唔會係數記 "獨家" 才有IP5出售。
但結果係﹐數記﹐3及CSL 都有IP5出售﹐這是大家的預期。但係出乎大多數人的預期便是只有數記才可用到4G LTE功能﹐即係IP5 在 3 及CSL 網絡都用到3G功能﹐即使在他們的4G 1800 覆蓋範圍﹐都係用唔到4G的。

約個多月前﹐APPLE 終於透過 Update 方式﹐向IP5用家提供更新﹐才放出3 及CSL 的4G功能。用家要更新後﹐才可應用3 及 CSL的4G服務。
而PCCW及中移香港﹐直到今天都係無出售IP5及不能應用其4G網絡。

而I-pad mini方面﹐4G 只可在 數記及3應用﹐CSL 係用唔到4G的。
**聽聞昨天有更新﹐CSL都可用到4G

********************************************************************************

即係現時問題係﹐手機硬件係可以應用在大部份的電訊商﹐但在手機的軟件上作出限制﹐令到用唔到個別電訊商的4G功能﹐但2G/3G 卻不受限制。
新聞報導﹐便是講出此不公平的問題。

反而個別電訊商有無的賣﹐真係生意合作問題﹐無得賣咪去其他地方買﹐大把行貨供應。


在新機款推出市場之前﹐其實不同的電訊商會預先收到DEMO機﹐連同生產商本身﹐都會進行一系列的測試﹐減少用家出現問題的可能性。

而電訊網絡功能﹐即2G,3G,4G 的通話/數據﹐全部都有標準的﹐而這些標準係世界性組織定下一個統一的標準。所以基本的通話及數據功能﹐會出現與網絡商不配合的機會極之低﹐一出問題99%係電話製造商的問題。因為﹐個別電訊商唔係用世界通用的標準去建網﹐便會漫遊服務有問題﹐同時用家要配合特定型號的手機﹐倒頭來又係電訊商自己"奶野"。

所以﹐要推出機款後才以更新方式去令到個別網絡商可使用一些功能﹐入面有沒有內情﹐係唔係真係要詳細測試認証﹐大家自己估。





註1: 中移香港本身只有1800 作2G使用﹐2600 作4G使用。另加2300供另一技術的4G使用。暫時公佈的只會把MTR隧道路段﹐抽出部份1800頻譜改行4G。其他地方﹐無公佈會有此安排﹐應該與本身的網絡資源不足有關。
註2: 所有MTR隧道段﹐受技術問題所限﹐全部電訊商都是用1800作為4G的頻譜。
註3: PCCW 本身有1800作為2G﹐2100作為3G﹐透過合組公司有2600作為4G。相信本身有3G網絡關係﹐故此有能力抽出部份1800去作為4G網之用。而公司亦有公佈過會以1800 及2600 作為4G網的鋪設組合。
註4: PCCW 本身沒有出售IPhone﹐但據聞有提供代訂機服務。

[ 本帖最後由 kei_hk 於 2012-12-20 10:58 編輯 ]

磚家果然係磚家，實情係好多4G LTE 技術因為蘋果未能取得專利授權，結果iPhone5在4G的支援有困難兼引起訴訟。
不妨搜尋【IPhone5 LTE 專利】，便會瞭解實情。

原帖由 toyl 於 2012-12-20 04:01 PM 發表
磚家果然係磚家，實情係好多4G LTE 技術因為蘋果未能取得專利授權，結果iPhone5在4G的支援有困難兼引起訴訟。
不妨搜尋【IPhone5 LTE 專利】，便會瞭解實情。 ...

不用什麼都加專家磚家。

你看到資料不足有需要補充的﹐可以回帖留言﹐大家交流資訊。