施政報告建議:新登記柴油商業車設15年退役期限

講左咁多版，都冇人提及過換引擎......

君不見中巴ML，轉左去新巴之後，再由香港運去澳洲，
有好多已經換左引擎，變左Euro 4
另外英國Bigbus亦有換左引擎嘅前九巴S3BL/新巴DL

究竟換一部引擎環保Ｄ，定係成架巴士湯左佢？
生產同拆毀一部巴士，過程都會產生污染，
分別只係路面污染，定拆車場污染；空氣污染定水源/泥土污染......

-------------------------------------------------------

講到空氣污染，幾年前中國嘅風沙吹到黎香港，
空氣污染指數去到500，而政府講嘅，係叫大家停車熄匙！

夏天吹南風嘅日子，空氣污染指數只有幾十，甚至個位數！

但無論空氣污染指數係幾百定幾十，
香港路上嘅交通，都係咁繁忙，
即係路面交通，只係影響本港空氣質素嘅其中一部份
要改善全港空氣質素，要從外圍因素著手
（當然，無論邊一任等首，都唔敢講：香港部份空氣污染物源自內地）


-------------------------------------------------------
點都好，換車，或者換引擎，
對改善路邊空氣質素，係有幫助嘅！

15年的使用期限，係限制新出牌的車
現有的車係歐一至歐三的強制退役時間（2016 2017 2019）
兩者係唔同的政策

同埋，思歪呢個換車時間表，
客觀效果正正就係要幾年時間出的車，起一年或兩年之內死，

例如九巴的全部歐三車（2001 - 2008年出牌），
原定 2019 - 2026年退役
但依家全部都係 2019年玩完

歐二車又點？
1997年至2001年出牌，
原本 2015 - 2019年退役
依家呢個期限要壓縮至 2015-2017

原帖由 kei_hk 於 2013-1-17 11:13 發表

公道d去講﹐可以講係時間上的問題。

從來係車輛使用限期的﹐即係1部車只要符合相關要求(即有保險﹐通過驗車)便可續牌﹐一直使用。

而家想落實只用15年﹐政策係可以隨時增加﹐但亦要有一個過渡時間﹐無理由現時14-15年﹐甚至超過15年的車﹐要一夜間全部要即死。
而車主要換車﹐亦有機會要向生產商/代理去訂購﹐可能要好幾個月。如果一下子有大批車要換﹐訂車的時間便要增長。

所以﹐推出15年使用年期﹐需要給一批接近期限的車主﹐作出換車的準備。
而最舊的車在這個過渡時間﹐稍為舊的車(現時約10-13年)又無理由會比這些車早死﹐所以亦要排在最舊的車之後才不績牌。

但係﹐定了這個時間表之後﹐才會發現一些較新的車﹐係會比較舊的車可用年份為短。這亦是整個計劃的過渡性問題﹐當計劃一直推行﹐過多幾年﹐過完這個過渡時間﹐便會所有車都是可使用15年﹐便唔會再出現較新的車使用年期短過。

個問題咪就係個過渡安排設計得差 lo.....
如果你話歐三車可以用 14年，（2021年）
咁都叫做公平 D.....
12年 ??!! 玩野咩 ?!?!

[ 本帖最後由 LF5502 於 2013-1-17 13:42 編輯 ]

原帖由 AVD1 於 2013-1-17 11:18 發表

我睇唔出你而家係曲線定係點樣, 不過老實講對於一個普通乘客黎講佢理得你架車係新係舊,
架車功能一樣就已經可以 (即有冷氣, 有低地台服務), 最重要就係架車準時黎就真 ~  

以而家一架車用十七年黎計, 最後一批非 ...

我同你一樣諗法, 可惜部份巴迷唔係咁睇...
你係呢個板咁耐, 我諗你應該都見過有人話歐三3ASV甚至M牌ATE係舊車唔應該落自己區既偉論啦下...
又要留舊車, 但又唔要舊車係自己區出現, 咁呢d 舊車可以去邊?
情況咪好似搵地方起公屋咁囉....

原帖由 LF5502 於 2013-1-17 01:38 PM 發表
個問題咪就係個過渡安排設計得差 lo.....
如果你話歐三車可以用 14年，（2021年）
咁都叫做公平 D.....
12年 ??!! 玩野咩 ?!?!

想安排得好D?
可以﹐問題係會唔會令到整個計劃的成效下降。好似某公司話某個時間便不再用膠牌作路線指示一樣﹐根本係自然淘汰。

即係﹐歐二的車押後多幾年才不續牌﹐歐三的車再再押後才不續牌。

但係﹐計劃一定會延伸下去﹐現時歐四歐五車都係會有限制續牌的一天﹐亦有機會令到歐四/歐五使用期有機會短話歐三車﹐或者把歐四/五的車的使用期相應延長﹐令到超出15年﹐使用年期長過新車。

原帖由 AVD1 於 2013-1-17 11:18 發表

而家要搞清楚個問題所在,
佢一日到黑都話要環保, 問題係佢而家就係麻鷹管唔到就去管雞仔,
根本就係治標唔治本, 又唔見佢去管下私家車出牌 ?

仲有, 空氣質數 o既問題, 汽車只係一部份,
仲有一大部份係來自珠三角, 又唔見佢去同大陸政府相討下應該點樣再整好佢 ...

商用車, 老實講句而家香港有唔小人靠商用車搵食,
無啦啦又要人換新車, 話就話有資助, 但係唔係 100% 政府比哂先 ?

仲有, 一架車保養都係好重要,
就算你架車幾新都好, 一日唔做好保養比架幾新 o既你都係哂氣 ~

私家車? 算啦, 私家車牽涉咁多有錢佬同利益集團, 狼政府邊敢搞呀

大陸污染? 算啦, 狼政府要顧全大陸, 科水揼本係投資, 其他副產品點會出聲

屏風樓? 算啦. 狼政府有地都要發展起樓

商用車界? 算啦, 最易交差係e個, 易整頓嘛, 又切合輿論需要, 俾班環保友領下功。 公共交通鐵路主導, 第時開多條鐵路線, 巴士公司都要削減車隊, 唔駛叫都自動提早退D未夠期車; 貨運?  順勢執走D個體戶囉, 俾D 大集團甚至中資背景大企玩囉, 物流唔會死架, 係個餅去左邊o者