其實E500 12.8米雙梯車好適合流水線行

原帖由 sea1986 於 2013-1-26 14:14 發表

真係勢利，車都未有都已經有編號

佢自己作d fleet no關勢利咩事?
不過睇到呢d 自製fleet no 我都笑唔出...

Las Vegas 以至成個北美大部份巴士行既路都係直路一條,
The Deuce 印象中仲係去到兩邊end先真係要轉彎
香港既情況邊有得比?

80K新翠總站同88K駿景園總站未必夠行12.8米車

[ 本帖最後由 KZ9314@YCC 於 2013-1-26 16:53 編輯 ]

如果講到用呢款車，58M,74X,960,968都可以值得一試。

因為呢d路線乘客高。

我想問 Las Vegas 的12.8米巴士多左條樓梯後,
載客量會俾現時香港12米巴士高?

[ 本帖最後由 kiwai 於 2013-1-26 19:14 編輯 ]

58M，59M，同60M應該冇問題。

74X觀塘道近裕民坊一堆巴士埋站，用長車未必咁好。

960你下繁試吓坐去灣仔碼頭，睇吓軒尼詩道左轉菲林明道是否適合行長車。
反方向由菲林明道右轉軒尼詩道都有問題，因軒尼詩道與洛克道很短，用長車會令塞車問題更嚴重。

同樣968去到怡和街一帶下繁是否適合用長車呢？

車身長度應該唔係問題，港島過去十幾年間路面唔算擴闊得太多
好多司機可能渣左廿幾年雞鴨寶，短短幾年間條線已經全冷再變成 12 米大車，部車一下子平均長左兩米都係咁渣
不過車身再增長更難轉彎只會局限批車只可以行少部分路線，好難吸引巴士公司購買


香港巴士路線於同一個站內同時有大量長途 (即係坐上層) 乘客上落既情況唔算太多
搞雙梯就算用全曲梯都要佔兩隻大車窗既空間，浪費座位
即使有呢類路線，似乎巴士公司都唔捨得特登為少數路線特登養多一批車
又如果雙梯作用係令大量上/落乘客分兩條隊同時上或者同時落樓
似乎該路線已經係客源十分集中既點對點路線，此等路線效率已經夠高，亦唔爭在排隊上落樓個少少時間


比起雙梯，香港巴士將樓梯/中門對正並放到最前同低地台區尾部似乎更好
前者即係類似 2500、AMN1-35、ML、DL、3M、3N1-3 咁，
樓梯位置對正偏後既中門，樓梯前整大水塘又得，雙輪椅位又得，裝設大量低地台座位亦得
而若果將前跨略略增長，已經連前軸上面既地方都善用埋，起碼裝到 3 個位，甚至 4 張窄凳
乘客從前門上車，行動不便或者坐短途車者即時已經搵到位坐，或者即刻有水塘位企
想坐樓上、車尾者，反正都要等上層乘客落完樓先可以行上樓或行去車尾，
將樓梯對正中門，落樓者唔使穿過一大堆人群就可以直達中門，效率已經高好多，等候時間應該可以縮短
現時部分三軸型號油缸風缸之類佔用空間頗多，使下層只得一兩排低地台座位
如果一下子將中門推到低地台區尾，並將油缸/風缸升高個一級偷位變成樓梯第一級，已經又慳到位
長途/乘客上落流向單向為主既路線用晒 ATR1/101/2200 個種設計
中門後空間較大，較多乘客改為企中門後面


對某巴士公司黎講，呢兩種設計更重要係確保部電視可以吸引最多乘客視線
樓梯同中門偏後既設計可能需要多兩部電視，但對巴士公司黎講，只要車廂空間善用得好，
裝多兩部電視，但保證全車大部分乘客都睇得到部電視似乎係值得考慮既事
唔知點解該公司過去十年車廂佈局似乎反其道而行，到近年先識醒覺

係quota 有限下, 需求一定有, 可以用到12.8 既路線都應該都唔少只係Tuen Mun 都唔少.........
260x, 60X, 62X, 259D, 258D, 960, E33, 58M


問題係, 以香港 運吉署 既態度下, 會唔會有可能做到?
佢叫你CUT多D巴士, 買多D私家車就任歡迎...........................

當然, 最好就加多D qouta, cut 多D私家車, 好過整咁長既車

屯門得唔代表其他區得，尤其在繁忙時間若果要跟正規矩要確保黃格及黃色班馬線後有12.8米能容納一整架巴士。

260X在彌敦道夾柯士甸道路口已是問題，唔信星期一至五傍晚或星期六下午去親自觀察吓有幾嚴重。

60X在佐敦道東行近上海街及白加士街亦有上述問題。若果真係要確保有12.8米才過那路口的話，一個街口在繁忙時間等上一小時都未必得，因若果有5米車位早已被紅van，的士，貨車或其他車輛轉線插位了。

彌敦道南行對60X更多黑點，包括旺角道，登打士街，咸美頓街等。我試過坐朋友車在星期六下午由咸美頓街右轉彌敦道南行，依足交通規則等有足够一個私家車位才橫過該路口。結果等咗四五次綠

等咗四五次綠燈，在慢線冇巴士嘅情况下至過到。有巴士的話唔好話車尾，甚至半架車在咸美頓街右轉綠燈時那半架巴士仍在黃格內。咁加長部巴士問題是否會更嚴重呢？

唔明我講乜就最好親自去視察一吓。

個人覺得香港需要三門既巴士多點，雙梯對上落客速度冇幫助但三門巴士就可以做到。