[news]列車加裝充氣膠邊﹐東鐵線加班﹐輕鐵加拖卡

原帖由 93A_S3_6:30am 於 2013-3-22 09:50 AM 發表
呢款膠邊隔音又唔係隔得好好，充氣放氣又晒時間，門底仲要有一小級添，
咁多缺點，估唔到MTR都係堅持採用

睇怕我哋對批M-train應該會對到2046，
如果真係打算用50年嘅話，不如直頭VVVF化佢哋啦，

同埋將軍澳綫果三抽M-train個 ...

門底的一級﹐無左好耐了﹐即係門底無再封(無充氣組件)。而家個門框係倒u形﹐底部大約封到車門反光金屬版位置。

我只可以講﹐有這條充條膠﹐係有好過無﹐係隔音提升左。不過唔代表車內會靜左﹐這是同車上人數有關。

去年年尾係有一段時間無運作的﹐即係裝假狗﹐在農曆年後再重新測試。(mtr update 都有提及)


現時充氣及放氣安排如下 : 車門關上後﹐唔會即時充氣﹐要部車起動才會充氣。車入站停定便即時放氣﹐之後開門﹐你要我講有無令開門所需時間增加﹐我會答你係用多"少於半秒"時間﹐這是我的感覺。


我在農曆年前(約12月-1月)及農曆年後(約早1-2星期)都有坐過測試列車﹐前者係聽唔到停站時的放氣聲的﹐後者係聽到放氣聲才開車門。
同埋﹐唔知係巧合定係定期安排﹐我是在觀塘線坐中測試車的﹐唔知係唔係同一部﹐但大約1-2個星期前﹐真係朝朝返工都坐中。近1星期又真係坐唔中這些測試車了。



至於這些英製車﹐睇個勢真係會用足50年﹐會唔會做其他番新﹐mtr以前只係講過會做多一次中期番新﹐但未講確實進行的年份﹐亦無講會進行什麼部份番新。

原帖由 93A_S3_6:30am 於 2013-3-22 09:50 發表
呢款膠邊隔音又唔係隔得好好，充氣放氣又晒時間，門底仲要有一小級添，
咁多缺點，估唔到MTR都係堅持採用

睇怕我哋對批M-train應該會對到2046，
如果真係打算用50年嘅話，不如直頭VVVF化佢哋啦，

同埋將軍澳綫果三抽M-train個 ...

其實我覺得幾好的, 如果有系統開的話都同中國車差唔多
但感覺真係焗左好多, 始終英制車靠車門條gap 通風

VVVF 化要換交流摩打, inverter 等等..
港鐵應該計過payback period 認為慳到的運作成本 (即係電費) 唔及投入的資金
所以...
換車都係同一道理, 繼續用舊英國車仲抵過買新車的話, 點解唔繼續用?

近排呢3抽車無再長期擺將軍澳線，多咗響觀塘線行。
最嘈路段有繁時九龍塘←→石硤尾、樂富→黃大仙、調景嶺←→藍田，呢幾段明顯係少咗3dB以上（即是音量最少少咗一半）

原帖由 toyl 於 2013-3-22 10:25 發表
近排呢3抽車無再長期擺將軍澳線，多咗響觀塘線行。
最嘈路段有繁時九龍塘←→石硤尾、樂富→黃大仙、調景嶺←→藍田，呢幾段明顯係少咗3dB以上（即是音量最少少咗一半） ...

我在觀塘綫都搭中過幾次，開閂門效率冇問題，靜就有靜到，不過要好留心聽先會知，
因為門底漏風會有較多走行音傳入車內，而且車廂實在太「人聲鼎沸」。

裝個門框又唔封埋個底，成效有幾大真係值得商確

原帖由 DIH 於 2013-3-22 10:23 PM 發表

我在觀塘綫都搭中過幾次，開閂門效率冇問題，靜就有靜到，不過要好留心聽先會知，
因為門底漏風會有較多走行音傳入車內，而且車廂實在太「人聲鼎沸」。 ...

幾年前，第1,2代M-train唔知換過或調校過什麼車門組件，令車門在開始關上時，聲音有點"漏氣"
但試用充氣膠邊的列車，會變返以往不帶"漏氣"的聲線
不知是否因為門膠組件影響了關門所需力度

早期設裝充氣門膠的列車會裝齊四邊，後來拆走地面的一邊
三邊的裝置，雖然隔到音，但唔明顯，加上本身外觀有點難睇
不知道在大量安裝時，會不會改改裝置的外型，同埋一次過換埋近車門的地台，把裝置裝埋去車門底下

原帖由 Alvin2002 於 2013-3-21 09:23 PM 發表
觀看今日都市日報的報道(http://www.metrohk.com.hk/?cmd=detail&id=207518), 港鐵認為「早期列車每年都會更新組件，狀態依然良好，相比新車可靠性更強。」, 以港鐵取態, 隨時會將英製列車使用到車門膠邊壽命終結時...

...

個人估計，好多時車輛運作系統的編程掌握在原廠手上，組件亦涉及唔少專利同技術，要更新組件，甚至係調校，唔搵原廠好難做到。
反而舊車本身已行走了多年，要調校的多已經調校了，而要更新亦較少專利同技術問題。
所以舊車會比新車更可靠。

原帖由 93A_S3_6:30am 於 2013-3-24 16:17 發表
裝個門框又唔封埋個底，成效有幾大真係值得商確

所以我先想問下噪音數據,,,,,到底裝前裝後會減左幾多噪音

原帖由 superay 於 2013-3-24 04:57 PM 發表


幾年前，第1,2代M-train唔知換過或調校過什麼車門組件，令車門在開始關上時，聲音有點"漏氣"
但試用充氣膠邊的列車，會變返以往不帶"漏氣"的聲線
不知是否因為門膠組件影響了關門所需力度

早期設裝充氣門膠的列車會裝齊四邊，後來拆走地面的一邊
三邊的裝置，雖然隔到音，但唔明顯，加上本身外觀有點難睇
不知道在大量安裝時，會不會改改裝置的外型，同埋一次過換埋近車門的地台，把裝置裝埋去車門底下

門底應該唔會再整﹐如果真係整﹐便不會拆番個底框出來。

如果要整埋底框﹐便會有一級在車門﹐對上落唔係太好﹐所以便拆番出來。
但如果又要有"底"﹐又唔要有一級﹐都得。不過要在車門落手﹐把車門的路軌再降低﹐當路軌降低了﹐便可以偷空車門邊的地方去裝個底框﹐令到框面同地台同一水平﹐但現時如果這樣做﹐便會充氣位會在路軌之上﹐會影響車門開關﹐甚至車門本身根本長供底部充氣膠去頂實隻門﹐簡單講即係要換車門。

大量安裝﹐我估會把左右2邊加長去到地台位﹐令門底約1尺位都封埋。地台應該唔會再攪﹐上面講了﹐一定要整會係好煩的事。


至於差個 "底" 成效會唔會唔明顯﹐要你自己去親身體驗一下。事關繁忙時間最噪的唔係車外傳入來的聲音﹐而是車內的人聲(活動產生的聲音)。真係想比較體會﹐講在超級人少的時段坐番轉體會。

我自己覺的成效係OK的﹐可接受的。

[ 本帖最後由 kei_hk 於 2013-3-24 23:06 編輯 ]

其實整個小斜台都OK