政府公布港鐵檢討票價調整機制結果(港鐵會在6月加價2.7%)

無論短、中、長途車程，都總會有被忽略的一群，單是像我的同事般每天往返將軍澳
與大埔便是仍然只能受惠於第二程九折，而未能受惠於其他現有或新增優惠了。

大家都好似接受左第二程九折, 但呢個做法始終唔係惠及所有乘客, 而且有用來吸引乘客搭第二程嘅效果, 點解唔可以做每程95折呢? (如果受惠嘅金額比第二程左折多, 咁97折如何?)

更基本嘅問題, 而家好似各界都接受左香港鐵路以發放優惠來取代減少加價嘅幅度, 而呢d 優惠一係就間接係幫佢拉生意, 一係就又複雜又鎖碎 (相對於一個全面嘅月票制度) (香港嘅交通費釐訂看似精密, 實質又唔透明), 似乎對乘客嘅利益係好短視好皮毛喎。

原帖由 dcyw 於 2013-4-18 10:51 AM 發表
無論短、中、長途車程，都總會有被忽略的一群，單是像我的同事般每天往返將軍澳
與大埔便是仍然只能受惠於第二程九折，而未能受惠於其他現有或新增優惠了。 ...

所以﹐9折會比較上多人受惠到﹐亦是我比較BUY的方案。

原帖由 miklcct 於 2013-4-18 10:42 發表
我都寧願要第二程九折，即使一星期要返足五日都好，如果其中一日遲了起來而要飛巴的話，就已斷䌫了。對於四天工作週的人更毫無用處。

咁呢個係你問題姐 , 你遲起身搭唔到西鐵賴地硬
我自己每日由新界西去到港島東 , 用十送一我慳到一程車錢 (中間有一程當然要諗辦法搞掂佢) , 都已經多過九折好多 , 差唔多係一個 double
我寧願搞十送一啦 ...

其實冇人話過優惠一定要二揀一，可以好似上次咁推完十送一再推第二程九折

不過今年個回饋總值只係額外收入既6成，呢個所謂新機制龜鐵除笨有精啦

原帖由 HV9990 於 2013-4-18 03:03 PM 發表
其實冇人話過優惠一定要二揀一，可以好似上次咁推完十送一再推第二程九折

不過今年個回饋總值只係額外收入既6成，呢個所謂新機制龜鐵除笨有精啦 ...

十送一已經有八達通的程式﹐所以可以即刻推出。

但9折要新做程式﹐所以要較遲才可推出。

為了回贈給乘客﹐以減低加幅﹐所以便先用十送一﹐之後改用9折。針對去年的加價﹐我只會認為十送一只是應急方案﹐加快推出優惠﹐9折才是真正的回贈方案。

原帖由 leochill 於 2013-4-18 11:24 AM 發表
大家都好似接受左第二程九折, 但呢個做法始終唔係惠及所有乘客, 而且有用來吸引乘客搭第二程嘅效果, 點解唔可以做每程95折呢? (如果受惠嘅金額比第二程左折多, 咁97折如何?)

更基本嘅問題, 而家好似各界都接受左香港鐵路以發放優惠來取代減少加價嘅幅度, 而呢d 優惠一係就間接係幫佢拉生意, 一係就又複雜又鎖碎 (相對於一個全面嘅月票制度) (香港嘅交通費釐訂看似精密, 實質又唔透明), 似乎對乘客嘅利益係好短視好皮毛喎。

根據機制﹐每年MTR都可以去按方程式去計算是否可以加價或是否需要減價。只要計算到要調整票價(不論加或減)﹐MTR都一定要跟隨去做調整票價。(實情可以減的機會真係少之有少)
上一年﹐政府都講了如果MTR唔加價﹐係違反法律的﹐所以一定要加。


在依法律精神下﹐一定要加價。在社會的意願係唔想加價﹐於是便只好透過其他方法去提供回贈﹐令到實際加幅降低。
做生意的﹐又唔係做善堂﹐無理由叫他們唔去提升盈利的﹐最起碼都要有一定盈利才可定期更新資產﹐以改善服務。


上面﹐便是講了你所講的"更基本問題"(即係你的第2段)﹐這是成件事的成因。




好了﹐你講到不如第1程已經有95折﹐好過要第2程才9折。
問題便出來了﹐第一程已經有折扣﹐即係直接地減了加幅了﹐唔再係依方程式所計算出來的加幅﹐這便是違反法律精神了。
但第1程正價﹐第2程才有折扣﹐便是一個有技巧的 "推廣" 活動﹐可避過不依法去加價這個問題﹐但同時又可做到拉低加幅這個目的。

原帖由 kei_hk 於 2013-4-18 15:37 發表
根據機制﹐每年MTR都可以去按方程式去計算是否可以加價或是否需要減價。只要計算到要調整票價(不論加或減)﹐MTR都一定要跟隨去做調整票價。(實情可以減的機會真係少之有少)
上一年﹐政府都講了如果MTR唔加價﹐係違反法律的﹐所以一定要加。

在依法律精神下﹐一定要加價。在社會的意願係唔想加價﹐於是便只好透過其他方法去提供回贈﹐令到實際加幅降低。
做生意的﹐又唔係做善堂﹐無理由叫他們唔去提升盈利的﹐最起碼都要有一定盈利才可定期更新資產﹐以改善服務。

上面﹐便是講了你所講的"更基本問題"(即係你的第2段)﹐這是成件事的成因。

好了﹐你講到不如第1程已經有95折﹐好過要第2程才9折。

問題便出來了﹐第一程已經有折扣﹐即係直接地減了加幅了﹐唔再係依方程式所計算出來的加幅﹐這便是違反法律精神了。
但第1程正價﹐第2程才有折扣﹐便是一個有技巧的 "推廣" 活動﹐可避過不依法去加價這個問題﹐但同時又可做到拉低加幅這個目的。

多謝你嘅回應!

我嘅理解如下:

1. 有關票價調整機制

整體票價調整幅度 ＝ （0.5 x 綜合消費物價指數的按年變動） ＋ （0.5 x 工資指數的按年變動） － 生產力因素

......

為回應市民就港鐵盈利的關注，港鐵會根據公司每年基本業務利潤表現撥出一筆款項，設立「票價優惠帳戶」用作提供第二程票價優惠，與市民分享港鐵的經營成果，同時減輕票價加幅對市民構成的負擔。

我嘅問題係, 點解唔可以將盈利直接加入方程式入面?
例如話盈利超過xx億就無需啟動方程式, 或者車費利潤佔總收入少於xx %就唔啟動方程式等等

2. 有關優惠嘅方式

直接打折都犯法? 法例有冇嚴成咁? 我想知邊個會告佢? 巴士/ 小巴公司?
又或者係要優惠的話, 可否做得更寬鬆? 如每第二程都有優惠(而不限於同一日)?

原帖由 miklcct 於 2013-4-17 23:17 發表
十送一太多限制，物無所用（很難在一星期搭足十程）。

第二程九折較多人受惠，但我自己亦很少能夠使用（大多數日子我都是一程鐵轉巴，另一程全程巴）。 ...

我反而覺得可以鼓勵到d人搭夠10次 港鐵又有着數
我哋搭夠10次又有着數 一家便宜兩家着喎

如果派咁多車飛既話，老實講，港鐵可以以每張單程票用最貴黎計數，咁1億5千萬好快就會用完，優惠就可以很早取消了……
九折，真係範圍又廣，條件又少D。

宜家提供優惠，並唔係要提供最大的優惠，如果係咁倒不如全數退回你的車資！！要記住，優惠只係幫補，同埋要用家去爭取。(如果佢出十程先有優惠，咁你好想要優惠既話，咪搭足十程囉…如果只係兩程既話，無咁多人「強逼」要搭港鐵)

而且九折慳番D人手，換飛又要每個星期五整個counter，港鐵既人工都唔平！！


所以我個人意願︰
繼續第二程九折
同時，港鐵友禮會優惠起碼每六個月搞一季……如果唔係我都唔知入會有咩著數……或者個會在做什麼日常工作。
人地易賞錢、日日賞、咩咩club什麼時候都可以儲分，我這樣要求也不太過份吧……

o個d咩野小童免費，買十送一，好了……(對港鐵黎講，可能送mtr shops禮券會開心過送飛，可以sell下d鋪頭)

[ 本帖最後由 lsc04d11 於 2013-4-18 19:43 編輯 ]