巴士樓梯

原帖由 1488 於 2013-4-19 07:10 發表
D老人家真好力上上層

我都成日見D都嘢上上層要人讓座畀佢...

我個人做法係上層不會讓座, 我會覺得你上得上層, 都係行動方便,
有氣有力的人, 自然無需要讓座....

最勁有D阿婆連買送部車仔都可以拎埋上上層, 我拎大少少行李, 都
唔敢上...

樓梯本身唔俾企, 不過如果人多企1-2個, 司機多數唔理, 另外長途車
有D人會坐樓梯...

原帖由 HE7921 於 2013-4-18 18:25 發表
三個人咪少囉，我試過一程車有15-20個人企左係上層走廊同樓梯添啦

但係個Carlo都照開車可也

咁樣架車先可能企得足四十幾人, 達到100%加班標準架
你唔俾佢地企上層, 尾站d 人搭咩呀?

當年40P 都係要咁先迫到運吉加班, 如果個個都守規舉, 分分鐘仲係維持原狀呀

政府成日叫我地使用交通工具, 但d 交通工具繁時迫到裂開都唔肯加班
唔講40P, 好似隧巴101, 102, 104 等等, 載客量over 90% 都唔肯加班 (eg: 101 港島方向95%,102 係92%)
地底MTR 金鐘站繁時3-4 班車先迫得上, 呢個我明係受到系統限制
咁應該考慮盡早興建北港島線, 但可惜仲係研究緊
第時南港島線, 沙中線一開, 我都唔知金鐘東行可以點上車...

跟本運吉加班標準係太嚴苛, 要繁時半小時內100%先俾加班
講真, 如果日日都係咁, 尾幾站班人自己會搵其他方法去目的地
咁樣仲點樣可以迫到部車100%?

我覺得市區線繁時1小時平均80%, 半小時內90%
長途線1小時平均70%, 半小時內80%就可以加班, 咁先比較合理

[ 本帖最後由 JF1261 於 2013-4-19 08:33 編輯 ]

原帖由 avianwind 於 2013-4-19 01:38 AM 發表


過海線及流水線成日都有

講真有事carlo只要出左聲/廣播話上層、樓梯唔俾企後
出了事責任也不會在他或巴士公司身上

==
本人最討厭是某些老人家明明無位都仲要企上層
好似想用苦肉計求人讓個位俾佢地
...

如果真係出句講播﹐開句聲叫人唔好樓上企便可無責任﹐那便好了

司機有責任去控制車輛在安全情況下運作﹐如果上層有人企是安全的﹐便不會要求上層不容許企。
既然係有一定危險﹐司機都唔去做適當行動﹐有事上來便不要怪人﹐司機便要負上相應的責任。

如果單純被抄牌(超載/上層有人企)﹐這已經係小事。如果有交通意外﹐司機更有機會要負上死傷者的賠償責任﹐情況非同小可的。


單純2-3個﹐都可以講成「乘客正在上落上下層」﹐但當有多人在上層企﹐好難講得通﹐上到法庭一定蝕底。



至於老人家上了上層要人讓位﹐上面都有人講了﹐有氣有力行上上層﹐仲有需要讓位咩。我是認同的。

我自己上層一定唔會讓位﹐話之你係老人家定傷健者﹐總之上到樓梯這個考驗的﹐即係無需要有人讓位。
除非﹐你在上層突然暈到之類啦。
而下層﹐只要有人有需要﹐我係一定會讓座的。

原帖由 1488 於 2013-4-18 21:02 發表
近年都好少見
D人見冇位都識落返去

早七八年搭膠躉行1A
由旺角到觀塘一路持續有>20人企上層

1X年前坐690返工(將線未開前),中記ML上層可以企超過20人...

曾經有人話中記年代朝早788批ML上層差不多企到車尾...

原帖由 kei_hk 於 2013-4-19 14:00 發表


如果真係出句講播﹐開句聲叫人唔好樓上企便可無責任﹐那便好了

司機有責任去控制車輛在安全情況下運作﹐如果上層有人企是安全的﹐便不會要求上層不容許企。
既然係有一定危險﹐司機都唔去做適當行動﹐有事上來便不要怪人﹐司 ...

冇錯, 特別係長途車
我都特登上上層留番下面d位比佢地
讓左就要企最少九個字, 真係睬佢都傻
真係有需要咪落去叫關愛座D人讓囉

最「有趣」的是
在香港如果車長因上層 / 樓梯站人而不繼續行程
被罵的往往都是車長，而不是犯規的乘客................


這樣又怎能怪車長「視而不見」 ?

講黎有鬼用, 除非有日真係反左車咪有人理LOR~

有次搭75X見過樓梯坐左5人

當年GD605 Last day 5A嗰日上層都企左幾個人，包括本人，但係我並唔係特登嘅，我一上到上層見到無位已經想落番去，但係當時下面繼續有人上緊黎，根本不可能迫落去。想問咁嘅情形應如何解決？

其實有咩設備,令司機知道樓梯有人 ??