機場巴士改行八幹, 有何不可?

龍運四條連接沙田同埋大嶼山既機場線
(A41,A41P,E41,E42) 多年來都係行城隧+德士古道

但尖山隧道落成多年, 仍然行車疏落
相比於城隧既行車狀況真係好好多
再加上德士古道係塞車黑點, 晚十二朝六又唔可以上橋
點解巴士公司都唔肯棄用城隧?

其實改行八幹的行車時間, 同城隧比較真係差唔多
最多都係要比多幾蚊過路費(最多咪一人加多幾毫子車費囉)
但係就可以避開繁忙路段
點解咁都唔肯?!

其餘3條不評論，但E42改唔到

佢行八幹的話一係跟249X上去，咁做會做唔到海福同美林，如果要做番呢堆客就要跟81咁上公路，肯定浪費左時間，番沙田方向浪費更多時間
而E42仲做緊青衣<>沙田客(雖然個人覺得唔應該由條機場線做)，一改青沙就要跟249X咁行再上青衣北岸公路先入得番青馬大橋
咁樣改完改完對E42現有乘客完全無好到仲浪費左時間，點解要改?(利申: 大圍人)

我寫漏左....
E42 因為影響到青衣西果兩個站, 可以唔改
但係其他果三條應該對沿途車站都係冇影響

一般情況下﹐上述4條路線係會行德士古道天橋的﹐塞車影響不大。晚十二朝六唔行橋﹐但亦唔見得會塞車。

之前好似話試過路﹐結果係車程最多只會快約5分鐘﹐但尖山去昂船洲大橋的支路 參考位置只有一條行車線﹐怕有車有在此阻塞﹐便會影響所有路線運作。
(ps. 我唔肯定是否講此位置﹐同埋有沒有再作改善)

在相比之下﹐行城隧在路線上變化會較多﹐對乘客有利一點﹐加上行車時間亦無明顯改善﹐於是便沒有改行新路。

是真是假﹐我都唔肯定﹐都係好耐之前的文這樣講。

根據龍運D司機講, 行八幹要走多8K既路, 行車時間同用油量會增加

原帖由 HX1961 於 2013-4-24 03:50 PM 發表
根據龍運D司機講, 行八幹要走多8K既路, 行車時間同用油量會增加

相差8km的路?  單程定來回程計?

由於無一個標準地點作為起點﹐我用google去粗略去計行車距離﹐以沙田鐵路站(大埔公路) 去到青馬橋(青衣岸邊)

結果係現時的行走路線係最近﹐14.2km﹐其次係行青沙+長青公路 : 15.9km﹐最長係青沙+昂船洲大橋:16.5km。

不過﹐我認同的係行車距離有分別﹐新路會較長令成本有所增加﹐但最長及最短相差2.3km﹐沒有8km的相差距離。


而根據google maps 的行車所需時間﹐亦只係相差1分鐘﹐真係看不出點解要改行新路。

[ 本帖最後由 kei_hk 於 2013-4-24 16:20 編輯 ]

城隧同德士古道間中都塞車
應該彈性處理行邊條路
橫掂都無站係中間

原帖由 kei_hk 於 2013-4-24 14:13 發表
之前好似話試過路﹐結果係車程最多只會快約5分鐘﹐但尖山去昂船洲大橋的支路 參考位置只有一條行車線﹐怕有車有在此阻塞﹐便會影響所有路線運作。
(ps. 我唔肯定是否講此位置﹐同埋有沒有再作改善)

磚家真不愧係磚家，連論點都獨到過人。

香港好多公路/支路都係一線行車。如果支路得一線，就怕出事避行二度，好多線都應該唔駛行。
就算而家行緊0既路段都有唔少單線路段，
例如青衣北岸公路往/返青衣西北交匯處都係一線行車啦...又唔見話有問題？

拜托出文前，停一停，諗一諗啦

其實仲有條路尖山+長青都OK
冇昂船洲既長同斜，冇城隧+德士古道既塞

我覺得係無謂為改而改
沒有誘因去改,為什麼要去改?

A41,A41P, E41, 上八幹同城隧都係會比埔公沙田市中心一段的塞車頂住, 改唔改分別唔大
咁改來做乜? 為了增加青沙使用率?

還有, 如果大風, 雙層巴有機會唔比行昂船洲大橋, 要改道而行, 咁不如安安全全行返城隧(表面上好似無所謂, 但只用一條路徑發生意外的機會比要臨時改道為低)