原帖由 S3BL100 於 2013-5-17 11:41 發表 
我覺得又唔係咁計，我自己本身係傾向113變913同時拉埋上慈雲山的，
慈雲山死症係遠離接駁隧道口的主幹線，但係上繁油麻地一段窩打老道基本上唔會點塞（有錯請指），
由慈雲山開到落西隧，even去到上環的行車路線差唔多係一條直線 ...
我不是窩打老道的經常使用者，所以我不敢說我的經驗準確。
我只是憑著我居住油麻地區20多年的經驗，嘗試分享下我對窩打老道的觀察，希望大家可以交流一下
窩打老道，老實說，雖然是云云多條由東九龍去西隧的幹道當中，路況比較好的一條。
但坦白說，由培正去到富榮一段窩打老道 ，個人認為不可取，亦不可靠。最大的弊病是：
果 欄的工人由晚上約9點開始，至清晨約6點，會有貨車及貨物佔據東西線各一條行車線，以方便工作
在那個時段，不單止行經此段路會慢車塞車，更重要的是，有時貸物太多，堆到周圍都有
細車經過還好，大型車輛經過有點困難。特別是東行一段，有時真的動彈不得。
好幾次，晚上十時半左右，我搭紅VAN由薄扶林返九龍，
去到果欄段，既塞車，而且師傅要非常使勁的左扭右扭，用了三分鐘，小巴才能衝出重圍。
雖然深夜時份，913的客量黃金時段已過，但晚上十點幾至十二點仍有服務，仍需要咁大架巴士經過呢段路 需要考慮一下可行性。
窩打老道最討厭的，是燈位唔順，等轉燈又耐。
早 上 窩打老道西行往西隧方向，的確唔算塞車，頂多只是有時慢車，
但係 窩打老道 燈位多， 支支燈都唔順。有時真係搭到燥底。
窩打老道校巴多，的士多，成日路邊上落客，攪到尾隨慢車，過唔到燈位
呢種情況，甚為常見。也經常拖延了巴士的行車時間。
另外，週六 窩打老道經常異常塞車，原因不明，但都係要塞好耐。
嘉安街去萬基要20分鐘，坦白講，要窩打老道非常暢通，冇咩客上落，順燈位才行了。
日間非繁時，約需25分鐘；下午繁忙時間的話，我覺得正常是需要35分鐘或以上的。
[ 本帖最後由 le914 於 2013-5-17 14:03 編輯 ] | 
樓主
