乘客不肯儘量行入車廂的迷思

但偉大的 Dennis 由 Trident 開始，
就用廣受好評的中軸驅動，

所以就算用橫位，
都唔會加闊走廊位

原帖由 franco26 於 2013-6-16 18:09 發表
其實好似城新富豪巨龍咁下層水塘 + 橫位
空間多左D 人自然肯行入去多D

建議人行入去的唔該係繁時搭一次流水線車先講啦
我就試過一次行到接近車尾
每一個站都要俾人撞幾下, 有禮貌d 的人咪講句唔該, 無禮貌果d 就摺摺聲咁, 非常唔好受
只此之後我一定唔會企入去
跟本車尾走廊係窄到只能容納一個人, 流水線企入去只會係阻住地球轉, 拖慢上落車速度

長途線就另計啦, 企入去鬆動之餘又唔洗成日讓人落車

[ 本帖最後由 JF1261 於 2013-6-16 21:18 編輯 ]

原帖由 JF1261 於 2013-6-16 21:16 發表
建議人行入去的唔該係繁時搭一次流水線車先講啦
我就試過一次行到接近車尾
每一個站都要俾人撞幾下, 有禮貌d 的人咪講句唔該, 無禮貌果d 就摺摺聲咁, 非常唔好受
只此之後我一定唔會企入去
跟本車尾走廊係窄到只能容 ...

完全同意
加上有部份位置真係好焗   加上人多就更容易頭暈

所謂先上車先揀位   無位坐我都想揀個舒服D既位置企   
企足成程既話  我無理由揀個'無得捱'既地方企   唔係我自私  話晒我有比錢  你經常加價就好應該幫乘客加班解決頂閘既問題(因

交通事故/突發情況導致脫班頂閘另作別論)

除非係因為交通事故/突發事件  否則我覺得常規班次如果經常頂閘  就好應該加班  又或者調整一下開車時間

其實有啲車 (尤其是白版) 越近車尾個樓底越低
而且坐喺度嗰班會因為身形問題會突咗隻手出嚟(甚至隻腳，通常因為坐對頭車)
(其實 #18 幅圖坐喺左邊嗰兩位已經講咗個情況)
仲要未計讓俾坐喺下層既乘客落車有幾麻煩
其實唔可以怪得晒人地點解唔企入啲

用番以前 12M 嗰隻三門係可以分流，不過唔知機件上會唔會做唔到
長途線我講咗 N 次係唔應該企人 (所以我唔明點解老九既大白龍會咁擺位法，連水塘位都冇)
短途流水我覺得應該用番以前 S3BL 嗰種佈局 (好似城仔都有啲車用緊)，咁就可以企到人之餘又可以俾到落車既乘客有位走

如果話唔夠車既話，都係嗰句，跟據張炳良局長既數據，最近十年間係少咗 580 架巴士...

原帖由 LF5502 於 2013-6-16 20:28 發表
但偉大的 Dennis 由 Trident 開始，
就用廣受好評的中軸驅動，

所以就算用橫位，
都唔會加闊走廊位

中軸轉動同橫位有咩關係?
用橫位除咗睇落空洞咗，要側身讓位俾人過似乎易過對頭位...

就睇幅圖已經解釋左點解無人想企入去：
條走廊得一個人咁闊，企左入去，
不論坐位乘客定係企得入過你果個想落車都會非常麻煩

原帖由 asv2 於 2013-6-16 22:30 發表
就睇幅圖已經解釋左點解無人想企入去：
條走廊得一個人咁闊，企左入去，
不論坐位乘客定係企得入過你果個想落車都會非常麻煩

走廊位可以多企3-4個人(以圖3AV/AV為例)，
如果有人落車，即係有空坐椅，你企緊既可以即時坐落去俾返位出黎，
所以如果唔係流水線，一到大站好多人落車的話，其實都唔算麻煩。

我個人一定會企到最入。

3AD/AD 是因為冷氣槽問題﹐而不能夠有足夠的車廂高度去設水塘位。

以前3N﹐我極限都係企在尾門位置﹐之後的位置根本係頂頭﹐試問我點會企入去。

而巨龍車系﹐本身車陣都係唔夠理想﹐上車門至下車門一段已經要向上斜﹐我正常企在下車門﹐都已經到頂。去到中軸前﹐便進一步斜上去﹐唔係人人都可以企到的。



你第2段的問題﹐中軸驅動﹐的確會令車廂走廊位收窄。
原因係驅動軸係孖輪﹐佔用空間便有所增加。
如果你有留置S3BL/S3V 這些熱狗﹐以至城巴的VOLVO車﹐你便會發現中軸上的橫排位係比較貼車窗﹐尾軸是驅動軸﹐令到座位要向走廊偷位。

單純係座位﹐如果唔係配窄座位﹐都無問題。但係企位﹐去到尾軸部份﹐條走廊位有幾闊﹐大家心中有數。
又試想一下﹐當中軸已經要條走廊收到最窄﹐對於企人又真係無乜幫忙。

原帖由 ey3231 於 2013-6-16 21:34 發表

完全同意
加上有部份位置真係好焗   加上人多就更容易頭暈

所謂先上車先揀位   無位坐我都想揀個舒服D既位置企   
企足成程既話  我無理由揀個'無得捱'既地方企   唔係我自私  話晒我有比錢  你經常加價就好應該幫 ...

以九巴投訴熱線回覆，巴士線連續30分鐘有車到站但不可上車(頂閘)，即滿足加車條件

原帖由 HF3204@243M 於 2013-6-16 22:27 發表
中軸轉動同橫位有咩關係?
用橫位除咗睇落空洞咗，要側身讓位俾人過似乎易過對頭位...

就算係城巴豪，驅動軸排橫位都係出過中軸o個排，
條走廊一樣係得一個人身位咁闊，唔會比用背對背位闊左。

但城巴批中梯 Trident 因為係中軸驅動，變相佔較多空間既係中軸唔係尾軸，用橫排位就全排都要擺咁出，
條走廊根本無闊過之餘，仲擺少左位，結果中梯 Trident 載客量仲低過直梯 E500。

原帖由 3av188 於 2013-6-16 10:40 PM 發表


走廊位可以多企3-4個人(以圖3AV/AV為例)，
如果有人落車，即係有空坐椅，你企緊既可以即時坐落去俾返位出黎，
所以如果唔係流水線，一到大站好多人落車的話，其實都唔算麻煩。

我個人一定會企到最入。 ...

平心而論﹐真係企了3個人﹐車尾一個人下了﹐下車的人要3個人讓位才可下車﹐只有1個人可以有位坐。
除非真係長途車啦﹐否則我都唔會選擇企入去。流水線﹐真係撞人撞到九彩﹐與其比人眼超超﹐我寧可在水塘位迫。

PS. 重申一句﹐白板車中軸打後的位置﹐唔係每一個人都可以企到的﹐有一定身高的人﹐一定明我講什麼。