中九龍幹線設計及減少對居民滋擾方案

原帖由 hokachung 於 2013-6-22 03:14 發表

就係唔信佢啲模擬圖，所以我先喺上次公眾論壇（九龍城區）問過當局有關重建加士居道天橋嘅安排
不過當局已經當眾親口承認加士居道天橋重建後仍然係每方向1條行車綫呢樣野
至於有無預留作日後擴建，我就真係無問

各位版 ...

閣下想問應該搵0岩對象。

繼續0係中九龍幹線糾纏加士居道天橋擴闊的問題，
就有如0係旺角新填地街衝佐上架18號車，問車長點解等佐33A成個鐘都無車？

原帖由 s3n370 於 2013-6-22 20:56 發表


閣下想問應該搵0岩對象。

繼續0係中九龍幹線糾纏加士居道天橋擴闊的問題，
就有如0係旺角新填地街衝佐上架18號車，問車長點解等佐33A成個鐘都無車？ ...

唔係話起中九龍幹線，同時重建埋加士居道天橋咩?
既然兩項工程都係同一公司做，而且起中九龍幹線又要拆加士居道天橋，唔明點解唔可以一齊講

原帖由 jpoon 於 23/6/2013 00:28 發表

唔係話起中九龍幹線，同時重建埋加士居道天橋咩?
既然兩項工程都係同一公司做，而且起中九龍幹線又要拆加士居道天橋，唔明點解唔可以一齊講

負責嘅人都可能唔同。

不過以樓主引述有關人士講到咁實牙實齒，
都係搞大件事先喇。

原帖由 jpoon 於 2013-6-23 00:28 發表

唔係話起中九龍幹線，同時重建埋加士居道天橋咩?
既然兩項工程都係同一公司做，而且起中九龍幹線又要拆加士居道天橋，唔明點解唔可以一齊講

1. 重建 = 擴闊？
2. 18同33A都係由九巴營運；荔廠派車；
途經大角咀同旺角的櫻桃街，亞皆老街同新填地街；有兩個相遇車站。
以小弟的例子，33A脫班問18號的車長有乜用？係都等到有33A再問個車長，或索性打2745 4466啦。
求其搵個九巴司機出氣就話啫。



講白D，大家一聽到中九龍幹線工程，只係起番來回各一線的加士居道天橋就發哂火。
發火前請先搞清楚中九龍幹線，同擴闊加士居道天橋的範圍有乜分別。
據呢張圖，中九龍幹線只係影響到彌敦道以西的一段加士居道天橋。
但整項加士居道天橋的擴闊工程（7年前的文件最後兩頁），至少去到女童軍總會咁遠。
想知道擴闊全條加士居道天橋的詳情，係咪應該問番加士居道天橋擴闊工程的負責人，或索性直接問路政署？

至於點解唔索性（中九龍幹線工程負責）重建果陣起夠4線，#24己講解。

小弟未聽過兩單工程會合併，GOOGLE過都唔見有報導。
如果真係合併，撈埋一齊講就合理得多，亦麻煩搵番D相關報導出黎...

[ 本帖最後由 s3n370 於 2013-6-23 16:12 編輯 ]

根據閣下提供的連結，加士居道重建在當年係「建議」級別，
而到目前為止仍未被路政署定為「規劃／設計中的項目」。
我唔知係未到時候，定係變成八萬五了。

從改版前（約2013年四月）的路政署網頁資料顯示，加士居道行車天橋擴闊工程雖仍屬
「規劃／設計中的項目」，但動工日期及完工日期兩項均顯示為「檢討中」，有關工程可
能已暫時擱下來了。

一日未招標都係建議級別。

按連結內的方案，要擴闊全段加士居道天橋，仲要拆九龍政府合署。但至今未有確實定案。
好可能要等九龍政府合署完成搬遷，加士居道天橋擴闊工程才有機會上馬。

（小弟曾從業內人士聽聞過，九龍政府合署曾有幾個倡議的搬遷方案，
其中一個係搬去西九龍政府合署。）

原帖由 s3n370 於 2013-6-25 01:31 發表
一日未招標都係建議級別。

按連結內的方案，要擴闊全段加士居道天橋，仲要拆九龍政府合署。但至今未有確實定案。
好可能要等九龍政府合署完成搬遷，加士居道天橋擴闊工程才有機會上馬。

（小弟曾從業內人士聽聞過，九龍政府 ...

有個可能性係，因為中九龍幹線而重建的加士居道天橋仍然係雙線雙程，兩端設預留位，
然後不知何年何月，九龍政府合署完成搬遷並拆卸，才再在旁加建新橋，達致來回各兩線。

施工期間，中九龍幹線未出現，加士居道天橋又要拆，高鐵站應已啟用，到時佐敦道實塞到阿媽都唔認得。

[ 本帖最後由 DIH 於 2013-6-26 12:27 編輯 ]

原帖由 DIH 於 2013-6-25 11:56 發表

有個可能性係，因為中九龍幹線而重建的加士居道天橋仍然係雙線雙程，兩端設預留位，
然後不知何年何月，九龍政府合署完成搬遷並拆卸，才再在旁加建新橋，達致來回各兩線。 ...

雙線雙程意思唔係每邊兩條線咩?

原帖由 jpoon 於 2013-6-26 08:24 發表

雙線雙程意思唔係每邊兩條線咩?

當你知咩係單綫雙程行車嘅時候，你就知雙綫雙程點解