香港可否仿傚台北強制巴士乘客帶安全帶？

原帖由 8166NL 於 2013-6-24 10:43 PM 發表


如果目的係咁，政府應該唔準巴士有企位至啱
企位乘客本身已經畀座位乘客更易搖骰仔，到發生意外嘅時候企位嗰啲咪飛晒出街？

有無可能唔容許企?

安全帶係提升坐位乘客的安全性﹐而且不是每一座位都有安全帶﹐只是一些較高危的位置才有加安全帶。
在提升安全的前題下﹐立法要大家在有安全帶的位置使用安全帶﹐我覺得是合理的。

用返你嘅邏輯
在提升安全的前提下，巴士唔應該有企位，以防止乘客飛出車外，我覺得是合理的。

[ 本帖最後由 8166NL 於 2013-6-24 23:03 編輯 ]

原帖由 8166NL 於 2013/6/24 23:02 發表
用返你嘅邏輯
在提升安全的前提下，巴士唔應該有企位，以防止乘客飛出車外，我覺得是合理的。

咁你又認為巴士座位裝安全帶是什麼目的呢?

巴士座位設有安全帶嘅真正目的唔係我想討論嘅嘢。我只係為咗否定「提升安全」作為裝安全帶嘅前提先至開聲。
我唔係專家，但係作為一個普通人，我發現有巴打提出嘅所謂前提同真實情況唔相符。係唔係專家同件事有冇邏輯一啲關係都冇。

「提升安全」都有好多種。
如果係防止拋出車外，點解唔ban埋企位？點解唔喺全部座位都加安全帶？坐邊個位都有拋出車外嘅風險喎
如果係防止砍頭埋牆搞到穿頭，點解唔喺落車門後面嗰排凳加安全帶？點解唔喺下層樓梯後面嗰排凳加安全帶？個頭會撞落條柱喎
重有點解唔喺扶手柱加防撞軟墊？點解唔全面取締無頭枕嘅凳？

好喇到實際用安全帶嗰陣，上面都有巴打講咗如果係坐十幾分鐘巴士過幾個站就落車嘅話，安全帶會影響上落車時間
同埋幾年前歐盟地區檢討巴士座位標準嗰時亦已經肯定咗呢點，而且直情講到明咁短程嘅保護效果成疑。

要提升安全，應該從根本方法解決，而唔係單純強制巴士上面百幾人當中嗰十幾個人戴安全帶，咁剩低啲乘客呢？

原帖由 8166NL 於 2013/6/24 23:40 發表
巴士座位設有安全帶嘅真正目的唔係我想討論嘅嘢。

如果「巴士座位設有安全帶嘅真正目的唔係我想討論嘅嘢。」, 咁你又走去否定別人關於呢樣嘢的說法? 你否定得人哋, 就應該講出你認為點先係啱, 點先係巴士座椅裝安全帶的正確目的, 係咪?

我只係為咗否定「提升安全」作為裝安全帶嘅前提先至開聲。
我唔係專家，但係作為一個普通人，我發現有巴打提出嘅所謂前提同真實情況唔相符。係唔係專家同件事有冇邏輯一啲關係都冇。

「提升安全」都有好多種。

如果係防止拋出車外，點解唔ban埋企位？點解唔喺全部座位都加安全帶？坐邊個位都有拋出車外嘅風險喎

第一,「坐邊個位都有拋出車外嘅風險喎」我哋知, 但想問一下風險有冇高低之分? 高風險座位裝安全帶, 低風險唔裝, 呢個唔係「有啲裝有啲唔裝」嘅原因嗎? 呢個原因合唔合理係另一個問題噃。

第二, 你否定得人哋, 你又會自己唔提供答案, 只一味問問題? 事實就係的確只有部份座位裝安全帶喎, 目的係乜? 呢個才是前文討論的問題噃。

如果係防止砍頭埋牆搞到穿頭，點解唔喺落車門後面嗰排凳加安全帶？點解唔喺下層樓梯後面嗰排凳加安全帶？個頭會撞落條柱喎
重有點解唔喺扶手柱加防撞軟墊？點解唔全面取締無頭枕嘅凳？

好喇到實際用安全帶嗰陣，上面都有巴打講咗如果係坐十幾分鐘巴士過幾個站就落車嘅話，安全帶會影響上落車時間
同埋幾年前歐盟地區檢討巴士座位標準嗰時亦已經肯定咗呢點，而且直情講到明咁短程嘅保護效果成疑。

要提升安全，應該從根本方法解決，而唔係單純強制巴士上面百幾人當中嗰十幾個人戴安全帶，咁剩低啲乘客呢？

你似乎係想講 (在部份座位) 裝安全帶係唔可以保障安全, 即係唔可以達到佢設置嘅目的, 但前文係談「裝安全帶目的係乜嘢」, 但問題係二者唔係同一樣嘢來個噃。

[ 本帖最後由 syp 於 2013-6-25 00:41 編輯 ]

原帖由 syp 於 2013-6-25 00:20 發表


如果「巴士座位設有安全帶嘅真正目的唔係我想討論嘅嘢。」, 咁你又走去否定別人關於呢樣嘢的說法? 你否定得人哋, 就應該講出你認為點先係啱, 點先係巴士座椅裝安全帶的正確目的, 係咪?
......
第二, 你否定得人哋, 你又會自己唔提供答案, 只一味問問題? 事實就係的確只有部份座位裝安全帶喎。

請解釋點解我否定人地所以我要提新point先啱。呢個唔係阿媽係女人嘅問題。
我呢啲喺你口中所謂嘅「問題」全部都係除咗立法強制加安全帶之外可以考慮嘅alternative solution，而且有啲喺現實世界(不限於香港)係真實存在。而事實上加裝軟墊呢招已經喺香港一啲新出嘅校巴/旅巴用緊，政府直情將呢樣嘢整成指引添。

第一,「坐邊個位都有拋出車外嘅風險喎」我哋知, 但你知唔知咩叫風險? 想問一下風險有冇高低之分?

好，既然你想我講風險高低之分，咁我講。企位風險比座位風險高，如果以提升安全做前提，我ban嗰三幾十個企位做到嘅效果點都多過強制坐嗰十幾個位嘅乘客戴安全帶。而且我上個post同再對上一位巴打嘅post有講某啲情況之下戴安全帶功效成疑。推而廣之，立法強制做一樣本身功效存疑嘅嘢，最後效果即使assume 100% 遵守程度，都係功效存疑。
如果你堅持我推翻人地嘅idea就要拋個新嘅idea，得，呢個就係我嘅答案，我諗我已經將啲嘢講得清清楚楚。

你似乎係想講 (在部份座位) 裝安全帶係唔可以保障安全, 即係唔可以達到佢設置嘅目的, 但前文係談「裝安全帶目的係乜嘢」, 但問題係二者唔係同一樣嘢來個噃。

咦係喎，走咗火添。
應該話係否定「以『提升安全』作為立法強制戴安全帶嘅目的」，呢個亦係我一直針對嘅討論嚟，亦係最先頭嗰位巴打kei_hk所講嘅嘢(希望我冇解錯)。
但題目係話應唔應該立法，而唔係拗裝安全帶係咩目的(應該呢個係唔需要拗嘅)，巴打你喺我走火之前嘅post問我裝安全帶係咩目的，睇嚟應該唔需要討論。

[ 本帖最後由 8166NL 於 2013-6-25 01:16 編輯 ]

原帖由 3ASV196 於 2013/6/24 21:52 發表
最大問題係巴士可以企, 要強制安全帶會無意思...香港現時無一種可企位的交通工具有強制安全帶限制

簡單一例, 如果部車仲有吉位, 位上面有安全帶, 有人寧願企而唔坐, 佢算唔算危害緊自己安全?
我想講係, 如果企位本身都容許, 本身好難用"安全"作理由去要求乘客強制安全帶, 這是一個本質
性問題...

Ref: http://www.legco.gov.hk/yr06-07/ ... 709cb1-2023-3-c.pdf

根據政府在這文件裡的說法, 的確提及有企位的交通工具不強制實行戴安全帶, 不過原因並不是你所說的問題, 政府關注的, 主要係執法困難問題。

(原文:「... 我們注意到，外國沒有規定行走市區或准許乘客站立的巴士，必須為乘客座椅裝設安全帶。要對行走市區或准許乘客站立的巴士施加上述規定，實行起來會有困難。專營巴士即使正在行駛，乘客都可以在車上站立或走動，因此，警方在專營巴士上執行相關規定，會較在公共小型巴士上執法困難得多。...」) (... 例如被發現沒有佩戴安全帶的乘客可能會辯稱，當時正準備站起及離開座位，在下一個巴士站下車。...)

而內文亦說: 「... 不過，我們對強制規定專營巴士乘客佩戴安全帶持開放態度。當大部分專營巴士上層第一行沒有遮擋的座位已裝設安全帶，我們會考慮強制規定乘客佩戴安全帶。...」

所以, 有關首相大人的問題, 將來如果大家重提呢件事, 真係有可能在香港實施。不過呢份畢竟已是多年前的文件, 如果大家有最新資料, 歡迎分享和指正。

del

[ 本帖最後由 8166NL 於 2013-6-25 01:15 編輯 ]

原帖由 syp 於 2013-6-25 01:02 發表


Ref: http://www.legco.gov.hk/yr06-07/chinese/panels/tp/papers/tp0709cb1-2023-3-c.pdf

根據政府在這文件裡的說法, 的確提及有企位的交通工具不強制實行戴安全帶, 不過原因並不是你所說的問題, 政府關注的, 主 ...

印象所及，政府已經好耐都冇提呢件事，連諮詢廣告都冇出過

後加：09年嘅立法會文件──http://www.info.gov.hk/gia/general/200912/09/P200912090137.htm
咁佢都研究咗好耐下。

原帖由 8166NL 於 2013/6/25 00:59 發表
咦係喎，走咗火添。

你明白我想講乜就好了。

補充一下就係, 原本你回 kei_hk 的文章, 佢只係話立法可以提升安全, 後來你回佢, 佢再回你, 佢直情話係立法可以提升座位乘客安全添, 咁講又點會有錯呢。

第一, 如果真係只係咁立法, 假如交通意外中, 少了座位乘客傷亡, 但企位乘客傷亡數字是大致不變的, 那麼總共傷亡人數也是少了, 「提升安全」的說法都沒錯, 對嗎?

第二, 就算立法, 都可以採取其他安全措施同時或先後施行 (例如你之前所說的), 對嗎? 其他的方法好, 也不一定否定呢個方法一無是處, 不同的方法, 可以並行, 互補不足。

而家問題似乎應該係, 保障座位乘客安全的同時, 也應顧及企位乘客安全, 不要厚此薄彼, 這是你的意思嗎?

至於你說企位風險比座位大, 我不完全贊成, 也不完全否定, 因為不同位置的座位和企位, 分別可以很大。例如上層車頭的座位, 飛出去再俾自己架巴士轆過都時有聽聞, 但同一類事故裡, 大部份位置的企位就唔似會有咁嘅情況, 除非你企得好前。另外係好多時企位的乘客係比較清醒, 警覺性較高, 同埋很多都會緊握扶手。但座位乘客會瞓覺, 會因為太舒服令警覺性下降, 拋起來係毫無還擊之力地任拋。其實要比較, 我估都可能找到一些意外傷亡數字, 看看在什麼位置的乘客, 企的還是坐的, 出意外傷亡的數字是什麼樣。

[ 本帖最後由 syp 於 2013-6-25 01:40 編輯 ]