香港可否仿傚台北強制巴士乘客帶安全帶？

原帖由 lsc04d11 於 2013-6-26 07:10 PM 發表
巴士如果要綁安全帶，乘客最多咪揀D冇安全帶既位坐，去到最後可能在極多人情況下，亦揀寧企不坐，讓假頂閘更多。

同埋有時唔係我唔想扣安全帶，我每次在上層頭位有既都會扣，但好多都係壞到扣唔到，而因少人用又冇人報告………

我覺得首先硬件要做好。然後起條例，老實講，揀中你既巴士黎執行既機會率係幾萬分之一，但起碼都有條例。(但巴士我諗都係放蛇先做到逮捕，或者難聽d講句，唔係撞左都好難有人去執法……)

安全帶有問題﹐係車主責任﹐如遇檢控係可成為申辨理由的。
當成為法例後﹐使用的人自然增加﹐巴士公司檢討次數理應會增加﹐這點不用太擔心。


至於執法問題﹐你咪當係捉違例過馬路差不多囉。這些野﹐你違例的大把人知﹐不過無人理﹐又甚少捉人﹐主要靠自律。
如果自律的人多﹐咪多人用安全帶囉。無用安全帶﹐又斷正的咪你好彩囉。

原帖由 homanho 於 2013-6-26 08:17 PM 發表

如果唔扣安全帶犯法的話，我相信會喎

特別係夏天熱辣辣，再配上那些繫三點的安全帶，分分鐘仲大汗過未上車

除左下層車尾我非必要唔會坐之外﹐其他的有位便坐﹐最多咪唔扣帶

而唔坐下層尾排﹐絕對同安全帶無關﹐只是車尾引擎熱力難頂。