重組隧巴905, 914

如果你所謂「填海區」係包埋南昌富昌的話，
其實佢地除左914之後，仲有905X尾站過海，繁忙時間10分鐘一班，非繁忙時間15分鐘一班，
淨係計非繁都已經密過而家條914。

905入石硤尾，好大程度係搵位擺，但事實係除左欽州街之外，
深水步再無其他總站適合擺條線，而又可以縮短車程。
但係欽州街本身已經有905X，換言之905擺欽州街唔會有客，
咁點解唔索性入石硤尾，方便下大埔道/石硤尾果頭，又搵多幾個客？

914而家非繁18分一班，18變20根本唔係每小時4班變3班，
而係每三小時10班變9班，載客率都係唔會達標，
而一轉要三粒鐘，就算唔私牌，隧道費百幾蚊，一單都要有>50個客先至回到本。

905/905X/914三條線，914真係做緊獨巿的係海麗，
另外大角咀本身有部分位置搭914近過905。得幾個唔係離地鐵站太遠的屋苑，
根本客量基數唔夠做非繁20分一班。
當然905X本身都近鐵路，但係沿線唔係純住宅，人口人流明顯更多，又有西營盤食糊位。
而且905本身係大賺線，站在巴士公司角度，
點解要905X減到20分一班，去維持蝕錢線914都係做20分一班？

而且，905上午非繁最疏的新巴，用7架車行，都做緊11分一班，
其他非繁時段平均都係10分鐘以下，
我當佢平均10分鐘一班，10分變20分一班的心理同實質影響，比起18變30分一班，大好多。

而晚間非繁時段，較多人行完街未必鍾意搵地鐵站，有巴士就搭，
呢d 914九龍方向有客的時段，我亦係建議cut晒港島方向無客班次，維持九龍方向20分班。
真係半粒鐘一班914係日間非繁，唔係全日都係咁囉，日間非繁可以講緊一架車得20個客。

[ 本帖最後由 S3BL100 於 2013-10-25 11:20 編輯 ]

1. 又無理由做18分一班，一係就15一係就20，
如果你搵到車做到夜晚15分一班的話，我又唔拘

2. 905灣仔金鐘客大部分都係坐去大角咀，
大角咀係905客倉，如果你說服到巴士公司放棄呢舊肥肉
兼且說服到大角咀由本來繁忙時間3-8分、非繁8-11分一班905
變成繁忙時間12分一班、非繁20分一班914的話，咪得囉。
不過我將914非繁少客時段由18減到30分一班，你已經嘈生晒，
大角咀905使用人數咁多，點解人地又要肯大幅減班？
仲有，之前我另一篇文提出話東區紅隧線重組後，
有幾條唔行彌敦道長沙灣道，改行荔枝角道黃竹街，
你都嘈生晒話搞到深水步無車搭。
南昌街至界限街之間一段長沙灣道根本唔係好近905X站位，
905縮去太子，佢地應該搭咩車？

3. 大角咀同長沙灣都有人返工，但係大角咀返工人流唔係好多，
至於上繁去長沙灣，紅隧九龍方向唔算塞，根本行西隧仲慢過紅隧，102行舊路都快過佢，
有咩理由係用9字頭路線做，每單俾多百幾蚊隧道費？
雖然110係差，但係如果要善用私牌車的話，
倒不如用914的資源，上繁做110九龍方向，110上繁又唔係太差，
又或者果個時段配合102/112/118等線重組，開架車清風街直入紅隧，經旺角去長沙灣，
收入同客量都會好過914B囉，前者仲解決埋拖埋110同其他東區線重組後，
東區上繁仲有車去尖咀。

4. 30分鐘定點一樣可以預到班次，914呢D唔係兩邊都有主要商住區的路線
客量基數根本支持唔到，
你要做20分一班就意味有另一班905乘客要承受更大幅度減班，唔減班就大家齊齊唔使提速。
況且事實係，以914而家的客量，巴士公司根本唔使重組都可以大條道理非繁減班。

[ 本帖最後由 S3BL100 於 2013-10-25 12:56 編輯 ]

因為鴻興道天橋往告士打道、維園道後不能切線往銅鑼灣天橋，故新914往港島方向
行車路需作更改。

原帖由 1181 於 2013-10-25 17:41 發表 http://www.hkitalk.net/HKiTalk2/images/common/back.gif

1 夜晚其實無咁疏，近尾車時段有12潻
南行尾車2000，維持15分一班用車仲少過依家

2 914車程追到個時間番嚟
唔通你又玩雙重標準？

3 紅隧派車唔係要計quota咩？
如果解決到，行紅隧，加士居道天橋又唔拘

4 如果係咁，14X就唔會 ...

1.
根據我手上的914時間表，夜晚十點打後係2200 2218 2235 2250 2305，
得最後三班車之間係相隔15分，十點前全部係18分一班

2.
而家905的主要客源係：
大角咀 - 西營盤/中上環/金鐘/灣仔
旺角 - 西營盤
深水步 - 西營盤/中上環

當中，大角咀佔全車至少1/3乘客，金鐘灣仔的905乘客幾乎全部都係往返大角咀，
有板友報過中匯街一個站可以落幾十個。
而且事實係905同914每班車金鐘灣仔上落人數差唔多，
但係905下繁開緊4-5分一班，914開緊18分，非繁大部分時段905亦有個位數班次。
大角咀鍾意905定914，答案已經好明顯。
既然905呢班客係穩賺，914俾你做到20分一班都係要蝕，
咁點解巴士公司倒過來要趕905客，迫大角咀 - 中環/金鐘/灣仔客
坐上繁12、下繁15、非繁20分一班的914，班次無左超過一半？
914填海區未有得賺之前，呢班客已經蝕晒啦。

而且，你條914回程都要塞佐敦，已知慢過905經西營盤，大角咀回程根本係車程班次雙輸。

所以問題係，點解少客果條明明係914，就18變20，
多客果條係905，就要總數明顯更多的大角咀客個位數變20分一班？你唔覺得你好雙重標準咩？

3.
紅隧唔係quota路段，但係上繁彌敦道、長沙灣道北行根本唔會點塞，
反而你行西九龍走廊去長沙灣，倒過來要美孚調頭，齋做長沙灣根本無意思

我夠知道金鐘灣仔唔會有人專登等905去大角咀，
但同樣地，唔會有人專登等914去大角咀。
905的班次比914至少多成倍，用905來往大角咀 - 中環/金鐘/灣仔的乘客亦明顯914多，
905而家大賺，大角咀好地地，令到條線大賺的元素唔好搞，係常識吧？

914因為道路網問題，兜佐敦仲慢過905兜西區，呢d唔係無辦法，
仲有一個辦法就係，唔好搞905大角咀班客，迫人坐914囉。