屯門公路深井橋段不能擴闊?

原帖由 VOLVO 於 2013-10-28 10:15 PM 發表
個人覺得屯門公路擴闊行車線和設立標準路肩比四線行車更重要，以前已出現唔少因只是一架壞車而導致大塞車的情況。另外發生交通意外時亦因大部份沒有路段路肩而導致救援車輛需花大量時間從龍尾駛至事發現場阻延救援。

重鋪路基其實大家都知屯門公路多重型車行駛，而且上年幾場暴雨過後因雨水沖毀路面而出現唔少的坑洞，所以呢方面都唔可以少。

講起屯門公路的路面情況﹐下雨後出現唔少坑洞﹐其實都唔係屯門公路特有的情況﹐其他道路都有此問題﹐只是屯門公路多年來路面質素都欠佳﹐無徹底處理問題﹐只作表面修補﹐才令問題容易出現。
出現坑洞其中一個因由﹐大既係雨水積聚在2層瀝青面中間去唔切﹐令到最面層有谷起情況﹐有車駛過﹐自己想想之後情況。(某程度係與重鋪路面工藝有關)


屯門公路﹐早在上世紀已經因為車流量過多﹐重型車過多﹐超過了原先興建時的路面可承受的地平﹐令到路面行車線成倒 M 字形﹐出現2行車輪接觸位出現下陷﹐2邊及中間受壓少而沒有下陷﹐路面係唔會平的﹐此情況以慢線最嚴重。(此情況已經係路基受損)

可是﹐當年因為只有3條行車線﹐流量又太高﹐只能每一晚重鋪一小段路面。
不過﹐只是用機器整起最面的一層路面﹐再重鋪最面的一層﹐問題又會在幾個月再出現﹐所以當年屯門公路真係晚晚有重鋪工程﹐成條路重鋪完﹐又要重頭做過(因為最初重鋪的位置又損耗了)。
於是﹐有人想到全面加多幾層路面﹐叫做情況好一些﹐不過由於受損的路基根本無處理過﹐都唔可以解決問題。



直到政府把部份上山路段加多一條行車線(即4線行車)﹐以及有其他工程進行(如大欖隧道/汀九橋附近一段)﹐這些位置情況才有好轉﹐有機會在這個工程﹐順便修整/重建路基。不過﹐受惠地方亦唔係多﹐有很多位置都係使用最初的路基。

今次的大型改善工程﹐除了是擴闊及加隔音等改善外﹐亦是一個徹底解決路面狀況的工程。


早幾個星期﹐有電台節目講到屯門公路工程不斷﹐整極都唔完。
有位似乎係行內人打電話回應﹐講出了路基這個大問題﹐完全係超出負荷﹐所以今次大型番新及提升路面(擴闊行車線及路肩﹐加隔音......)﹐最重要的係要順便重建路基﹐以便徹底處理路基本身的嚴重問題。

由於保持最少有3條行車線行車﹐所以工程便要拖得很長。
原因係要先做擴闊﹐開放新路面做行車﹐再逐條行車線封閉(由新擴闊位置做臨時取代)﹐再成條路面拆晒﹐重新做路基﹐再鋪路面。完成一條行車線工程﹐又再把一條舊行車線搬去重建完的行車線﹐再做工程﹐動作重覆在3條行車線。

其實今次工程﹐差不多可以講同重建成條路差不多﹐所以工程時間真係好長。

不過﹐始終都有一些路段受客觀因素﹐可改善的空間極細。

原帖由 4437 於 2013-10-29 04:51 發表
不能全線擴至四線有點可惜，始終現時巴士和貨櫃車已多得要經常性佔據中線，間接令快線擠滿車輛，無法超車。

大㰖交匯處也有橋底的一小段是無法擴闊。

其實最需要擴闊4線地方應該係汀九(青朗公路交接點)-深井交匯處一段,

始終深井一帶有咁多私人屋苑相繼落成左,對車流量帶黎一定程度提升...


話就話果個位擴闊完,海韻台會同路面相距2米,

但其實剩到2米距離應該都可以裝番半封閉式隔音屏去覆蓋往屯門方向行車線o既....

原帖由 kei_hk 於 2013-10-29 14:39 發表

講起屯門公路的路面情況﹐下雨後出現唔少坑洞﹐其實都唔係屯門公路特有的情況﹐其他道路都有此問題﹐只是屯門公路多年來路面質素都欠佳﹐無徹底處理問題﹐只作表面修補﹐才令問題容易出現。
出現坑洞其中一個因由﹐大既係雨水積聚在2層瀝青面中間去唔切﹐令到最面層有谷起情況﹐有車駛過﹐自己想想之後情況。(某程度係與重鋪路面工藝有關)

磚家大人，你講真定假呀，兩層瀝青中間有水去唔切引致面層谷起？閣下講緊屋企D木地板咋？

如果問題某程度上同重鋪工藝有D關係，無論只係整走最面層，同掘過哂由最底重鋪，面層鋪法唔會分別。
完成後一樣會有同樣0既工藝問題，無解決到件事喎。

原帖由 kei_hk 於 2013-10-29 14:39 發表
屯門公路﹐早在上世紀已經因為車流量過多﹐重型車過多﹐超過了原先興建時的路面可承受的地平﹐令到路面行車線成倒 M 字形﹐出現2行車輪接觸位出現下陷﹐2邊及中間受壓少而沒有下陷﹐路面係唔會平的﹐此情況以慢線最嚴重。(此情況已經係路基受損)

如果重型車碌到路面呈M字，代表路基受損的話。
基礎有問題，唔知表面可以點執呢。

原帖由 kei_hk 於 2013-10-29 14:39 發表
可是﹐當年因為只有3條行車線﹐流量又太高﹐只能每一晚重鋪一小段路面。
不過﹐只是用機器整起最面的一層路面﹐再重鋪最面的一層﹐問題又會在幾個月再出現﹐所以當年屯門公路真係晚晚有重鋪工程﹐成條路重鋪完﹐又要重頭做過(因為最初重鋪的位置又損耗了)。
於是﹐有人想到全面加多幾層路面﹐叫做情況好一些﹐不過由於受損的路基根本無處理過﹐都唔可以解決問題。

閣下可知屯門公路逢假日係封剩兩線開工？如果真係好似閣下講到咁大鑊，根本唔駛等到今日。

可能閣下會話剩係封假日唔夠。
爆水管對路面0既破壞夠勁，路基下0既泥土都會沖散，更無法事先評估受影響範圍，但補鑊重鋪都係以小時計0既事喎。

1. 路面谷起﹐我只係講其中一個因素﹐但引起的因素係多過一種。
你可以相信這是其中一個因素﹐亦可唔信﹐你當係一個參考亦可﹐我無興趣同你爭辨。
不過﹐你可以留意一下﹐點解次次都係大雨天後才出現破損去想。

至於重鋪是否可處理問題?
答案係睇下點去處理﹐同埋有其他因素(路基及去水能力﹐天氣溫差等)。
如果只係小修小補﹐即係邊個位爛只補這些位﹐絕大部份情況都會好快再爛。
如果係一大段路﹐成個表層起出﹐再用機器重鋪壓實﹐便應該唔會出問題。而這個工程﹐要用到4部機﹐1部係起路面﹐3部係鋪路面的﹐當中一部係壓實新路面﹐同時令到最上一層(新路面)可以貼上下一層的路面﹐如果這工序做得唔好﹐便容易受損。



2.  路面出現下陷﹐路基受損﹐其實多年前電視節目都有講過﹐不過年代久遠﹐未必可以找到影片。你有時間的上youtueb找找﹐大既係rthk的鏗鏘集定係tvb的星期x檔案/新聞透視﹐節目應該都係 97年之前。

至於重鋪點解可以暫時處理問題﹐因為在起表層路面時﹐會鉋起中央突起部份﹐在鋪上新路面時﹐下陷位會多較多的物料填補﹐所以做完便可填平路面。

不過﹐這是治標唔治本﹐路基從來無維修﹐損壞會越來越大﹐所以一段時間後便會問題重現。(你引用我第3節內容便是講這個原因)


3.  你引我的一段﹐主要係講當年的情況﹐當年連大欖隧道都未有﹐所有屯門元朗天水圍的車都要行屯門公路。
我話要保持3條行車線﹐恕我講得唔清楚﹐係講工作天的情況﹐假日車流較少﹐可以封1條行車線。這是多年以來﹐一直以來都是這樣做﹐這是常識﹐估唔到你都要拿出來講。

當年大部份地方根本未做擴闊﹐根本無位提供臨時車路﹐所以便做唔到工程﹐除非唔理塞車問題去強行開工。

你用爆水管去比較﹐你又低估了重建路基的工程了。一般爆水管受影響的長度﹐以及成條路要重建有得比較?

爆水管的修復﹐係會用最快最簡單的方法去修補﹐利用沙石墳補被水沖走的沙泥後﹐便用瀝青去墳平﹐務求盡快去通車。即使相關路泉係用石屎路面﹐都唔會用石屎去做緊急維修的。
寧可日後再安排掘路再整過﹐以免這些緊急維修的路面會頂唔順出問題。

正常去鋪一條瀝青路﹐一般都要在路基之上鋪5層以上瀝青﹐如果你覺的可以一夜間做好﹐你真係比較天真。在鋪一層新瀝青時﹐要等下一層冷卻才可鋪﹐這都花唔少時間的﹐所以好多時要分幾日鋪一段路。
如果真係這樣快完成﹐便不用成條屯門公路攪咁耐。
(註: 一般重鋪路面﹐只會起最面的第1層﹐再鋪回第1層﹐所以時間短得多﹐幾小時便可做一大段路。)

原帖由 kei_hk 於 2013-10-30 11:32 發表
1. 路面谷起﹐我只係講其中一個因素﹐但引起的因素係多過一種。
你可以相信這是其中一個因素﹐亦可唔信﹐你當係一個參考亦可﹐我無興趣同你爭辨。
不過﹐你可以留意一下﹐點解次次都係大雨天後才出現破損去想。

至於重鋪是否可處理問題?
答案係睇下點去處理﹐同埋有其他因素(路基及去水能力﹐天氣溫差等)。
如果只係小修小補﹐即係邊個位爛只補這些位﹐絕大部份情況都會好快再爛。
如果係一大段路﹐成個表層起出﹐再用機器重鋪壓實﹐便應該唔會出問題。而這個工程﹐要用到4部機﹐1部係起路面﹐3部係鋪路面的﹐當中一部係壓實新路面﹐同時令到最上一層(新路面)可以貼上下一層的路面﹐如果這工序做得唔好﹐便容易受損。

小弟無否定有其他因素，但既然閣下只提及工藝，即係最重要果個啦，咁梗係就住黎講啦。
既然小弟質疑，但閣下繼續只係叫人再想，
係咪實質閣下都唔肯定係乜原因，只係靠落雨多D機會破損，去估係靠水黎谷起？
搵支高壓水槍啡，或者得0既。靠天雨就...

既然係表層出事，無論係受破壞，定係特登刨起又有乜分別？
一大段路就搵4台機做，咁小修小補就唔駛搵機壓？
呢d情況搵同hiace差不多呎吋甚至手提壓路機壓囉。
閣下可能會質疑細機0既能力，就算好似屯門公路咁大範圍，
總有大量死角位如沙井邊，分叉口等用唔到大型機械，非用細機不可。
閣下認為用細機0既位就唔駛合符標準？

原帖由 kei_hk 於 2013-10-30 11:32 發表
2.  路面出現下陷﹐路基受損﹐其實多年前電視節目都有講過﹐不過年代久遠﹐未必可以找到影片。你有時間的上youtueb找找﹐大既係rthk的鏗鏘集定係tvb的星期x檔案/新聞透視﹐節目應該都係 97年之前。

至於重鋪點解可以暫時處理問題﹐因為在起表層路面時﹐會鉋起中央突起部份﹐在鋪上新路面時﹐下陷位會多較多的物料填補﹐所以做完便可填平路面。

不過﹐這是治標唔治本﹐路基從來無維修﹐損壞會越來越大﹐所以一段時間後便會問題重現。(你引用我第3節內容便是講這個原因)

3.  你引我的一段﹐主要係講當年的情況﹐當年連大欖隧道都未有﹐所有屯門元朗天水圍的車都要行屯門公路。
我話要保持3條行車線﹐恕我講得唔清楚﹐係講工作天的情況﹐假日車流較少﹐可以封1條行車線。這是多年以來﹐一直以來都是這樣做﹐這是常識﹐估唔到你都要拿出來講。

當年大部份地方根本未做擴闊﹐根本無位提供臨時車路﹐所以便做唔到工程﹐除非唔理塞車問題去強行開工。

你用爆水管去比較﹐你又低估了重建路基的工程了。一般爆水管受影響的長度﹐以及成條路要重建有得比較?

爆水管的修復﹐係會用最快最簡單的方法去修補﹐利用沙石墳補被水沖走的沙泥後﹐便用瀝青去墳平﹐務求盡快去通車。即使相關路泉係用石屎路面﹐都唔會用石屎去做緊急維修的。
寧可日後再安排掘路再整過﹐以免這些緊急維修的路面會頂唔順出問題。

正常去鋪一條瀝青路﹐一般都要在路基之上鋪5層以上瀝青﹐如果你覺的可以一夜間做好﹐你真係比較天真。在鋪一層新瀝青時﹐要等下一層冷卻才可鋪﹐這都花唔少時間的﹐所以好多時要分幾日鋪一段路。
如果真係這樣快完成﹐便不用成條屯門公路攪咁耐。
(註: 一般重鋪路面﹐只會起最面的第1層﹐再鋪回第1層﹐所以時間短得多﹐幾小時便可做一大段路。)

請看原文，小弟係話假日封行車線重鋪。
屯門公路改善工程開工之日，大欖隧道通車都有十年啦。
其間真係要假日封路真係唔見得有問題喎。

再者，三號幹線未通車果陣，都要起支路駁過去，
唔封慢線做接駁工程，唔通識變出黎咩。
平日一定唔俾封，咁閣下認為係幾時做啦。

重鋪路面連範圍大得多，但就算重鋪到連路基都執過都好，都只係表面野。
因為範圍大，可以盡用大型機械。
通宵開工扣埋封路同重開路面時間，有三四個鐘做野算偷笑。
三四個鐘都夠鋪一層，加埋假日果24個鐘，你話夠做幾多層啦。
香港不知幾多道路接駁工程、道路鋪線都係一個假日搞掂，呢d工程唔止掘路同再鋪路咁少野啦。

爆水喉對路面影響範圍細，但破壞更深入。
唔通閣下認為落佐砂石瀝青唔駛要逐層壓實？搵手提機做你估好過癮？

最後據現行路政署標準圖則，普通道路係2層瀝青，快速公路再加多一層。
計埋下面0既碎石等都唔過5層，5層以上唔知係點變出黎？小弟都想大開眼界。

原帖由 s3n370 於 2013-10-31 02:52 AM 發表


最後據現行路政署標準圖則，普通道路係2層瀝青，快速公路再加多一層。
計埋下面0既碎石等都唔過5層，5層以上唔知係點變出黎？小弟都想大開眼界。

2-3層?

自己睇片﹐在10:46 - 10:47 定格看﹐自己數。
http://www.youtube.com/watch?v=YcG2EHeKAsc

中間仍是工程進行中﹐我數到中間最少有3層瀝青﹐同最左線仲有最少1層的厚度﹐即係最少有4層。


於 11:17 的位置﹐由路基上番路面﹐更可清楚數到5層瀝青。

再者，三號幹線未通車果陣，都要起支路駁過去，
唔封慢線做接駁工程，唔通識變出黎咩。
平日一定唔俾封，咁閣下認為係幾時做啦。

當時實際點起我唔清楚﹐但是否只係收窄行車線﹐再拆則邊欄及橋邊﹐做埋最後的2段橋面接駁?

即係﹐繁忙時間仍然可保持3線行車﹐只不過唔係一條標準闊度的行車線﹐行車一定慢些﹐但總好過只得2條行車線。




最後﹐我無講過爆水管這一類的緊急維修工程﹐唔需要做壓平壓實這些工序﹐只是會利用最大的資源去做一少段位﹐所以時間會快一些。
而去到路面﹐唔會用石屎去做﹐因為石屎路面要一個長時間才有應有的硬度﹐提早用會令中央位置未達成最好情況便受壓﹐會有潛在問題的。
而瀝清補路面﹐速度快得多﹐可用細工具去壓實。不過﹐唔一定用最好的工序去做﹐有時會用較簡單的方式去做﹐路面有時較粗糙﹐短時間唔會有問題﹐但會同時安排日後封路做番一個永久性質的維修。

[ 本帖最後由 kei_hk 於 2013-10-31 12:00 編輯 ]

原帖由 kei_hk 於 2013-10-31 11:30 發表


2-3層?

自己睇片﹐在10:46 - 10:47 定格看﹐自己數。
http://www.youtube.com/watch?v=YcG2EHeKAsc

中間仍是工程進行中﹐我數到中間最少有3層瀝青﹐同最左線仲有最少1層的厚度﹐即係最少有4層。


於 11:17 的位置﹐由路基上番路面﹐更可清楚數到5層瀝青。

唔講咁多，自己睇圖：

http://www.hyd.gov.hk/en/publications_and_publicity/publications/technical_document/hyd_standard_drawings/doc/section_1/pdf/H1101a.pdf
圖則清楚顯示一般道路係3層
（小弟自己#16記錯佐road base係一般石料，實際係瀝青料，故一般道路係3層，快速公路再加一層共4層）

閣下見到分咁多層的情況，估計只係配合承建商施工需要。
相關工程車輛經常要駛入泥地範圍，0係呢個情況下，第3層真係跟足圖則一級過做，未鋪下段己經壓爛哂啦。

就算當呢D配合施工需要0既分層都當獨立層數計，閣下參考0既片，頂盡咪見5層，快D搵D5層以上俾大家開下眼界啦。

原帖由 kei_hk 於 2013-10-31 11:30 發表

最後﹐我無講過爆水管這一類的緊急維修工程﹐唔需要做壓平壓實這些工序﹐只是會利用最大的資源去做一少段位﹐所以時間會快一些。
而去到路面﹐唔會用石屎去做﹐因為石屎路面要一個長時間才有應有的硬度﹐提早用會令中央位置未達成最好情況便受壓﹐會有潛在問題的。
而瀝清補路面﹐速度快得多﹐可用細工具去壓實。不過﹐唔一定用最好的工序去做﹐有時會用較簡單的方式去做﹐路面有時較粗糙﹐短時間唔會有問題﹐但會同時安排日後封路做番一個永久性質的維修。

緊急維修可以咁快，主要係靠用較昂貴的工序及物料以求縮減工期。品質同用一般程序做0既要睇齊，
所謂再安排做永久維修，根本係因為條喉要有跟進工程，而唔係路面本身。

小弟用緊急維修比較同假日封路比較，係因為要假日封路做0既工程，某程度上要用上呢D技術。
既然做多咁多工序0既緊急維修，都可以短時間做妥。更何況做少好多工序0既純鋪路？
範圍大根本可以用大型機械/用多幾組機搭夠。

[ 本帖最後由 s3n370 於 2013-11-1 02:09 編輯 ]

唔知點解
我硬係覺得無論屯公點擴濶法
都係會小小事就塞車...

原帖由 HF3204@243M 於 2013-11-1 10:07 發表
唔知點解
我硬係覺得無論屯公點擴濶法
都係會小小事就塞車...

今日清晨單意外就因為一架貨車因爆胎而停於慢線,導致後車巴士同其他車輛收掣不及"玩串燒",

正正因為屯公冇路肩可以放置壞車先引起意外,

亦同時印証屯公擴建係有需要的...