[轉貼][雞汁台]當局擬擴闊沙田往市區一段大埔公路

原帖由 kei_hk 於 2013-12-3 15:37 發表

無錯﹐夠位上鄉事會路天橋﹐但係幫到去大埔的車流嗎?
除非拆橋﹐否則橋底位置都係無法變成3線行車﹐對於大埔的車流無幫助。
反而建議佔用鐵路的新行車線﹐過埋鄉事會路天橋﹐再匯合番大埔公路﹐成效會高一點﹐但對鐵路的影響會大得多。

就算唔改橋都一樣幫到手，隨手都搵到唔少例子。
最接近果個就係好似對面線出大圍咁，要上一上鄉事會路個燈位，北行咪變相多條線用囉。
當然，大前提係要鄉事會路以北都要改做三條線啦。

就算拆橋都係碎料，睇下遠少少0既擴闊吐露港公路拆佐幾多野？

原帖由 kei_hk 於 2013-12-3 15:37 發表
你又肯定無需要用到4個月台上落?

點解我講用到貨場去建月台係有一定難度﹐不坊看看下面2張圖﹐再去想接駁大堂的通道問題。這樣大執大改車站大堂﹐此舉有機會影響整座大廈結構 (需要看工程規模而定﹐只加建月台﹐還是現有所有月台改位)。

一有大改動﹐便要有一大堆的paper work﹐又要睇下邊一個負責費用﹐又要政府審批﹐又要建築物的所有/大部份業主(假設非政府物業)通過改建...............


最重要的問題﹐真係做這個工程﹐可以帶來幾大效益﹐是否值得做這些工程。(這些野睇顧問報告去衡量)
值得的便可考慮去馬﹐唔值得的便可收工。

我無講過做唔到﹐只係講唔容易﹐不是一件簡單事。

ps. 據說現時沙田貨場已經成為東鐵線的路軌工場﹐未必有適合地方供這個工場搬遷。

小弟都係問係咪需要0者，閣下咁肯定要0既，咪搵D事例出黎囉。
況且小弟都有提及過，最差情況只要0係貨場起多個月台就得。

閣下貼的照片相當有用，顯示佐貨場上有一大片地方係露天0既，
咁0係呢個位置整多個月台，上方再建車站大堂又有乜難度呢？火炭站宜家都做緊類似0既野。
至於可能要加電梯、升降機等，沙田站本身、連城、新城市都做過唔少啦。

至於地方問題，咁多大型工程都重置過唔少建築物，搵個位做路軌工場係咪真係咁難？沙中線0岩0岩又有一單。

根本閣下好多所謂難題都有唔少案例，好多仲要係附近都搵得到0既。
咁難搵0既相都搵到，反而係咁意就見0既官方資料都唔去睇。


呀，最後想提一提，現代社會無乜邊樣野背後係唔駛做一大堆paper work，唔會有責任問題，唔駛政府審批。
基本到閣下每日食緊0既野，飲緊0既水，住緊0既樓，搭0既車無一例外。
如果呢D都係issue，閣下不如返深山練仙，早日成為“至磚無上大人”啦。

原帖由 s3n370 於 2013-12-3 23:55 發表


就算唔改橋都一樣幫到手，隨手都搵到唔少例子。
最接近果個就係好似對面線出大圍咁，要上一上鄉事會路個燈位，北行咪變相多條線用囉。
當然，大前提係要鄉事會路以北都要改做三條線啦。

就算拆橋都係碎料，睇下遠少少0既擴 ...

假設唔搬火車站
將貨場收返,
響城隧開條天橋直插落貨場,
貨場開個出口出排頭街
咁去沙田市中心既車就經貨場>排頭街>沙田鄉事會路出市中心,
咁北行果條支路就可以拆

原帖由 s3n370 於 2013-12-3 11:55 PM 發表


小弟都係問係咪需要0者，閣下咁肯定要0既，咪搵D事例出黎囉。
況且小弟都有提及過，最差情況只要0係貨場起多個月台就得。

我幾時肯定話做唔到?

我只係根據我的分析﹐講唔係容易處理﹐從來無話做唔到﹐你似乎理解上有點問題。


原文用字 :

似乎未必簡單處理唔到此問題了。

當一件唔係容易處理的事﹐好自然要看是否值得去做。如果仍然係值得的﹐才真係去詳細研究實際的難度及可行性。

其實，「沙田西半山繞道」有無可能復活呢？

原帖由 SSBT 於 2013-12-4 01:16 發表
假設唔搬火車站
將貨場收返,
響城隧開條天橋直插落貨場,
貨場開個出口出排頭街
咁去沙田市中心既車就經貨場>排頭街>沙田鄉事會路出市中心,
咁北行果條支路就可以拆 ...

排頭村D人連行人天橋都接受唔到, 你估行車天橋會點呢....

原帖由 hkbw 於 2013-12-4 23:43 發表


排頭村D人連行人天橋都接受唔到, 你估行車天橋會點呢....

我個意思係條天橋由城隧公路插落貨場地面
果度應該唔係排頭村範圍

原帖由 SSBT 於 2013-12-4 23:59 發表
我個意思係條天橋由城隧公路插落貨場地面
果度應該唔係排頭村範圍

那邊都是排頭村範圍來的~~~後面個度仲有唔少建築物, 要動土, 不是那麼易的~