何達文先生管理下的九巴 (2)

第一回 :
http://www.hkitalk.net/HKiTalk2/viewthread.php?tid=759560

呢次一申請加價 , 所有一年來建立既少少企業形象全部玩完 (i.e 定點班次等等)
上回有站友講到何達文係讀 MBA 出身
但呢一兩年發生既醜聞 (i.e 鬼車 , 收車 , 強行取消 / 縮短路線)
顯示出佢連中學生應有既管理知識都完全欠奉
我諗讀過 BAFS 既中學生都好過佢

上次都係空口談談何生係咪應該走人
今次似乎真係要諗下有冇任何行動可以施加壓力 / 踢佢落台

歡迎討論

[ 本帖最後由 GU9338 於 2013-11-29 23:01 編輯 ]

原帖由 PS8851@182 於 2013-11-29 23:03 發表
讀緊BAFS既中學生可能書本上既知識好過佢既, 不過擺落九巴董事總經理呢個位, 中學生們又會做成點呢?

你咁講就唔岩喇
書本上既知識嘛 , 何達文係讀 MBA 出身 , 中學生點會夠佢黎呢 ?

不過
唔知佢記唔記得有兩課書講 Business Ethics / Social Responsibility 既呢

唔理何生讀乜野,比佢管九巴之後加價不斷,又鬼車,收車 , 強行取消 / 縮短路線錦,解釋就同藉口,有人會信咩?
重組就話班議員阻住曬,但係北區個重組已經係失敗,當中有得幾多條線做得好兼令人接受?
問題係連傾出來嘅方案都係叫人去坐鐵都得嘅心態,班議員就緊係阻力大D啦

而家可加可減機制只有加無減,坐巴士加價>坐鐵...
鐵加價>坐巴士...
要惡性循環到幾時?

何生落台啦,一出街就要坐「加價」巴士,唔係人人都係有錢人來架

除非有個強過何生多多聲嘅人，如果唔係俾邊個管都一樣死。

老實講，當年陳生走，政府唔支持巴士行業有一定影響。如果政策再唔改，話之你曉飛。

原帖由 PS8851@182 於 2013-11-29 23:03 發表
讀緊BAFS既中學生可能書本上既知識好過佢既, 不過擺落九巴董事總經理呢個位, 中學生們又會做成點呢?

唔好講咁遠, 呢個板都有唔少專業人士, 管理層又有, 自己做老闆都有。
香港搵個叻人咁難？咪玩啦, 搵人入政府就難, 私人公司有錢會搵唔？

你唔知, 或者你覺得自己冇能力做到, 唔代表冇人才。

原帖由 S315E 於 2013-11-30 00:17 發表
除非有個強過何生多多聲嘅人，如果唔係俾邊個管都一樣死。

老實講，當年陳生走，政府唔支持巴士行業有一定影響。如果政策再唔改，話之你曉飛。 ...

點樣為之「強過何生」？
一條友夠無恥, 有方法砌爛條數, 呃盡民脂民膏,
配合公司宗旨, 老闆可能覺得佢好強

成日賴政策, 九巴有冇做好本份？
當年鐵路為骨幹, 陳仔都話長途冇得做就做短途。
而家你望下大部份短途線, 比較一下班次, 做到乜鬼樣？

我舉個例子︰2003年時10號九正三蛇, 開8-15分鐘, 而家呢？
沿途樓多左人多左, 亦冇鐵路競爭, 你做唔掂仲好意思賴人？
又再望下1,2,5,6,7,8,9,11,14,15,16,17, 比起10年前, 邊條線冇退步？
陰陰濕濕, 唔覺意就cut車收車, 問心一句, 你俾錢條氣順唔順？

九巴範圍咁多新屋村新發展區
都做到咁
相反港島區連新屋村都冇
真係冇眼睇!

何生做到九記咁都連年袋袋平安
咁佢真係好有本事
可以將盤咁既數交比董事局....

講到服務水平九巴嘅效率勁低囉 有次收多咗錢打去追 佢check 8仔記錄話要10個工作天 結果用咗成個月 之後打黎話寄返支票比我又用咗成個月 結果由打去追返錢到收到張支票用咗成2個月 另一次到新巴收多錢  一打去人地就即刻check到係車長冇較分段而收多錢 之後等咗兩個星期張支票就收到 可見九巴服務仲唔係日日退？收車唔在講 做野效率又咁低仲話要加價 佢憑咩？

[ 本帖最後由 ate_58x 於 2013-11-30 01:09 編輯 ]

原帖由 kwyeung 於 2013-11-30 00:40 發表

成日賴政策, 九巴有冇做好本份？
當年鐵路為骨幹, 陳仔都話長途冇得做就做短途。
而家你望下大部份短途線, 比較一下班次, 做到乜鬼樣？

我舉個例子︰2003年時10號九正三蛇, 開8-15分鐘, 而家呢？
沿途樓多左人多左, 亦冇鐵路競爭, 你做唔掂仲好意思賴人？
又再望下1,2,5,6,7,8,9,11,14,15,16,17, 比起10年前, 邊條線冇退步？
陰陰濕濕, 唔覺意就cut車收車, 問心一句, 你俾錢條氣順唔順？

反而而家個勢係，短途線好多都無得做，長途線賺錢能力平均反而唔差

唔計1A 5C 6C呢D全日都多客、每粒鐘每個座位車費收入>$10的大賺例子，
短途線普遍無咩錢賺，就上面你舉的幾個例子，當中已知2 7 8 9 11 14都係蝕錢線…

每個座位每小時收入要超過$5先有錢賺，但係九龍巿區短途線/M線，又有幾多做得到？
況且近幾年巿區塞車不斷惡化，短途線營運狀況可謂首當其衝。

不過又咁講，九巴巿區短途線普遍重疊，明明有大把重組空間，
但係近十年佢地都無咩意欲去搞，任由盤數一路差落去，
反而有得做、無鐵路的九龍半山、新發展區，一係無車搭，一係就維持幾十年前走線，兜一大餐先出到去，
送晒客俾紅小或者綠小駁鐵。有生意都唔做，怨得邊個？