專利巴士路線走線的靈活性

原帖由 ASV50 於 2013-12-3 12:57 發表
都有d線有靈活既。。

例如紅隧香港入口ABC跑道，
大老山隧道沙田入口行下路，
271朝早出九龍行沙田醫院果邊

樓主意見係好，但有幾多路線“有得揀”？？ ...

新界東去九龍 o既路線有代替走線都係因為佢地行 o既高速公路網有位咁樣做,
但係如果講普通中短途路線, 起唔影響乘客 o既情況下又真係好難改 ~

市區線一改線可以話肯定會有巴士站位更改,
中途路線 (如葵青區及荃灣去九龍市區 o既線), 經 o既高速公路網又唔長,
好難話搵到代替走線比佢 ~

當葵涌道塞車, 唔通轉行荔景山道 ?
咁搞法分分鐘起葵涌道塞塞下都過左塞車位, 而改行荔景山道可能更慢都未定 ~

原帖由 s3n370 於 2013-12-3 02:23 PM 發表


以呢個例子唔成問題。錦田公路最繁忙係日間兩繁之間。出入地盤、劏車場、貨櫃場等車輛同車鏈差不多。

到放工繁時呢D車收工都收得七七八八。 ...

上面提及的燈位﹐真係夠時間/應付放車(這一批多出的巴士車流)出錦田公路?


你可以講調校一下放車的時間﹐但係而家無人向政府提出此要求﹐一日唔調校這支燈的放車時間﹐一日都未必有足夠的承受能力。

出面錦田公路承受到車流又如何﹐有機會要支路出口塞車等出錦田公路﹐介時唔係會影響埋同一支路出口去錦田方向的車﹐陪埋元朗車齊齊排隊出燈口。



之後又要考慮凹頭交匯處/回旋處﹐又是否可應付到車流.............


上面簡單講出一個位置﹐帶出的問題是整體車流問題﹐會唔會影響到代替道路的原有使用者﹐是多種考慮因素。


ps. 我唔否定錦田公路是否可以做取替道路的﹐只係講出一個重點問題﹐適用於不同情況﹐便是取替的道路是否可以承受額外的車流﹐承受到便無問題。

[ 本帖最後由 kei_hk 於 2013-12-3 15:45 編輯 ]

不多路線不成問題， 咪從少開始做先。

另外，車流問題， 回覆上板友，可負荷的路行先，始終巴士的數目佔的路面百份比有限，再者，如政府履行其公交先行的概念，調整過灯時間都好合情理。

原帖由 kei_hk 於 2013-12-3 14:52 發表


上面提及的燈位﹐真係夠時間/應付放車(這一批多出的巴士車流)出錦田公路?


你可以講調校一下放車的時間﹐但係而家無人向政府提出此要求﹐一日唔調校這支燈的放車時間﹐一日都未必有足夠的承受能力。

出面錦田公路承受到 ...

將可以改行下路既路線設為停橋底既巴士線，即68x,268C,269D,968四條(68M,268B,E34行返上路)，停巴士彎既上返博愛交匯處又無意思，唔上又難入站
問題反而係269D食車飯總站泊位問題...

[ 本帖最後由 EH2674 於 2013-12-3 19:40 編輯 ]

原帖由 kei_hk 於 2013-12-3 14:52 發表


上面提及的燈位﹐真係夠時間/應付放車(這一批多出的巴士車流)出錦田公路?


你可以講調校一下放車的時間﹐但係而家無人向政府提出此要求﹐一日唔調校這支燈的放車時間﹐一日都未必有足夠的承受能力。

出面錦田公路承受到 ...

自己計番咁多條元朗線加埋有幾多班車，可能講緊一分鐘多一架車行。咁你話會唔會受唔起啦。
你估彌敦道幾廿條線咩。

小弟都講佐果度0既交通情況點。閣下再有質疑，有時間咪去果度觀察下囉。

[ 本帖最後由 s3n370 於 2013-12-4 00:20 編輯 ]

分享一個親身經歷：有次搭692（港島方向）
好像是上午繁忙時間，來到這個路口－－
一般情況下692需要取道左邊的車道
繞過藍田迴旋處才進入東隧
（可是藍田地鐵站沒有車站）
然而巴士轉入鯉魚門道後不久
司機已經發現左邊的車道嚴重塞車
於是抽頭進入右邊的車道直入東隧

難怪某輕鐵哥要千方百計保住692

[ 本帖最後由 hellomato 於 2013-12-6 15:05 編輯 ]

原帖由 hellomato 於 2013-12-6 15:01 發表
分享一個親身經歷：有次搭692（港島方向）
好像是上午繁忙時間，來到這個路口－－
一般情況下692需要取道左邊的車道
繞過藍田迴旋處才進入東隧
（可是藍田地鐵站沒有車站）
然而巴士轉入鯉魚門道後不久
司機已經發現左邊的車道嚴重塞 ...

錯啦，藍田某哥落山都要比>$18搭E22
又點會搭一架出港島係藍田無站既692

唔通去東隧坐咩？人地行唔到呀

我反而有興趣知的是巴士公司的CONCERN是甚麼, 而不去爭取增加這樣服務穏定性措施.

可能係怕d 司機唔知幾時行邊條路, 同埋以專利巴士司機嘅質素未必有能力應付呢種隨機應變嘅運作模式

原帖由 leochill 於 2013-12-7 11:40 發表
可能係怕d 司機唔知幾時行邊條路, 同埋以專利巴士司機嘅質素未必有能力應付呢種隨機應變嘅運作模式

專利巴士無好似紅小果種即時通訊,即時走位既制度

隨機應變都未必快