(轉貼新聞) 張炳良話早晨特惠計劃值得深入研究
[複製鏈接]
|
原帖由 mak5052 於 2014-2-28 21:11 發表
若7:30 - 9:30停售特惠票,小童/學生/長者八達通在該時段入閘收全費,特惠單程票不能入閘。7:30前及9:30 -10:30間用八達通入閘,不論卡種,給八折,如何? ... 原來繁忙時間搭港鐵係一種罪,要懲罰佢地 |
|
|
|
|
首先,工作處所或其附近是否有足夠容量嘅食肆,俾自願提前
出門嘅人食早餐,一係就坐位有限或者未開門,而且價錢已經
難有20蚊以下,今時今日家中食早餐,又便宜又健康. 所以提早
出門,相信就算某時間出/入閘係免費都好,實踐者估計有限.
另外講到彈性上班時間,身邊不少年過60歲的員工
都有意見希望提供較短每天工時,而繼續服務,畢竟
體能下降之餘而此舉又無需重新計算年資福利等. 同樣
措施也適用於要照顧兒童的家長(例如工時0930~1500,置於
全日制學校的送/接學童時間之間)又可釋放部份勞動力應對人口
老化,但前題係僱主配合,且上班處離住所太遠,就顯得不切實際.
原區就業多年前就提出,不過失敗收場
如今官員又於北大嶼山重提此概念. |
|
|
|
|
原帖由 PoohPoohJoe 於 2014-2-28 22:29 發表
問題係7點半都有班學生先岩岩準備入閘
例如元朗/屯門番天水圍信義咁樣既例子
7點40入閘都趕到返學
各大專又係8點半第一堂
如果呢個鐘數學生/小童收全費咪俾人鏟到上天花板~? ...
以前地鐵網絡唔大,以入閘時間為準無咁多複雜問題。
所以返工繁忙時間最好係以出閘時間及出閘車站為準,8-9出閘無特惠會比較正路,搭完出閘中咗8-9收咗全費就只可以怪佢自己時間預算有錯。 |
|
|
|
|
原帖由 GW5878 於 2014-2-28 10:46 PM 發表
原來繁忙時間搭港鐵係一種罪,要懲罰佢地
根據資料﹐當年實施繁忙時間附加費﹐在peak hour 真係無優惠票價的。
參考 : http://www.hkitalk.net/HKiTalk2/viewthread.php?tid=716305&page=1#pid2587155
不過﹐我印象中當年地鐵有透過另一種方式向受影響的學生提供優惠。好似係經學校核實返學的需要坐地鐵後﹐便可向地鐵申請﹐地鐵便會定時寄上"現金卷"﹐供學生使用現金卷+cash 去買儲值車票。而這些現金卷﹐正正係受影響學生﹐早上一程返學正價及優惠價的差額﹐聽講仲會因為某些月份學生假期較多﹐令學生會有少少著數的。
所以﹐當年票價對學生的影響係好細的。
至於長者﹐我自己真係唔記得是否已經有長者優惠。但係想多一層﹐長者係唔係天天都有必要在peak hour去坐車?(如果係返工﹐這便是返工成本﹐付正價都應該的)
學我前文#5所講﹐今時今日用附加費方式﹐已經不合時宜﹐一講到要加價﹐我估無幾多個議員(政黨)不出來反對。
而且﹐成效可以講係很低﹐因為好快便會對附加費麻目﹐不當係一件事。 |
|
|
|
|
罰款.......係無用呀!!!日日壞車......港府同港鐵係抵死呀!!!!!!!識賺錢, 又踢走巴士......
係保鐵誤錯策呀!!藍天行動冇錯呀!
係特別內地自由行多搭港鐵囉! |
|
|
|
|
原帖由 toyl 於 2014-2-28 23:25 發表
以前地鐵網絡唔大,以入閘時間為準無咁多複雜問題。
所以返工繁忙時間最好係以出閘時間及出閘車站為準,8-9出閘無特惠會比較正路,搭完出閘中咗8-9收咗全費就只可以怪佢自己時間預算有錯。 ...
返學學生多得你唔少
唔少大西北學生 8 點隨時仲搭緊車
大專好多八半堂 , 唔少學生都係 8 點左近出閘
例外既應該得 UST 八半堂學生 , 不過返九半反而中招
你咁樣加人價 , 你唔比人鬧死至奇
[ 本帖最後由 樂仔〞 於 2014-3-1 12:39 編輯 ] |
|
|
|
|
原帖由 kei_hk 於 2014-2-28 17:54 發表
附加費﹐今時今日好難行得通﹐亦是一項收唔到長期效果的措施。
1. 一講到加車費﹐各大政黨議員﹐一定會出來開聲﹐好難獲得支持。
2. 當市民習慣收費後﹐會對收費「麻目」﹐你收幾錢都會習慣成自然﹐都係改變唔到使用時間的。
新一 ...
早晨7點半前入閘平一半我會係第一個支持. 日日過海你都咪話唔入肉.
至於放寬巴士車隊, 我有正反兩面意見:
正: 容許巴士公司未達新車quota前, 部份舊車容許延遲退休/或容許巴士公司長期有一定比率車輛車齡達20年(即係由所有專營巴士要18年或以下的指引改為"90%以上車隊達18年以下, 餘下10%車隊為20年以下.), 但禁令係呢批免死車只可做繁忙時間/加班車身份行走. 假日/非繁時不得行走. 用許可證形式行駛路面. 呢批免死車牌費減半, 作為誘因.
反: 加過海車都冇用, 海隧/港島路冇咁大吞吐量. 塞死. 應該同時執行以下:
1. 繁忙時間電子道路收費
2. 繁忙時間貨車禁止行紅隧/收四倍價錢, 東隧同一時間繁忙時間收紅隧價
3. 私家車行紅隧政策同第二項貨車政策.
長遠來講我覺得應該學新加坡實行假日/平日/全日子車輛牌照制度.
非商業車輛牌照假日only牌照特平, 七日跑足就特貴.
仲可以以綠的/藍的咁, 出埋九龍及新界牌, 不過海特平牌費. 方便駁腳去轉鐵路.
當然亦同時要增加鐵路沿線停車場,玩Park and Ride.
當然. 以上純理論, 本人齋up, 冇做過任何research
[ 本帖最後由 cn2661_2d32 於 2014-3-1 14:23 編輯 ] |
|
拆樓捉貓隊之珠寶成色鑒定員.
|
|
|
香港人其實真係好難控制返工返學時間,我覺得用獎勵式好過用懲罰式。
例如由頭班車至08:15出閘,及09:45-10:30出閘,提供固定比率優惠(如七折),
同時其他次程九折、大西北免費轉乘等不受早晨優惠影響。
優惠時段內學生以本身半價再折,長者在08:15-09:45出閘收全費。
以我所知,有部分寫字樓係返10點,亦有部分返08:30,
這種優惠會有一定人數受惠,而返9點的亦相對容易可以提早出門。
[ 本帖最後由 DIH 於 2014-3-1 15:27 編輯 ] |
|
|
|
|
原帖由 lsc04d11 於 2014-2-28 20:29 發表
除左說服老闆,其實打工仔都有D野要自我說服
1. 早D瞓覺,早D起身,少D賴床
2. 早D返公司食早餐,培養番健康既食早餐習慣,唔好車上食早餐
其實彈性上班都冇乜用,相信有得揀,打工仔彈性上班都會揀遲D返工,而非早D。
而如果呢個 ...
咁睇下你減幾多啦
減得一兩蚊, 你係上環食個早餐, 同係上水食個早餐, 個價個差距都抵消唔返啦
早d 瞓覺好多人想, 但可以早d 返屋企先得架 |
|
|
|
|
原帖由 cn2661_2d32 於 2014-3-1 02:12 PM 發表
早晨7點半前入閘平一半我會係第一個支持. 日日過海你都咪話唔入肉.
至於放寬巴士車隊, 我有正反兩面意見:
正: 容許巴士公司未達新車quota前, 部份舊車容許延遲退休/或容許巴士公司長期有一定比率車輛車齡達20年( ...
現時mtr網絡大﹐應該唔會再用入閘時間去計算優惠。
試想一下﹐你定 7:30﹐對於美孚一帶去尖沙咀返工﹐真係早了好多出發。但對於上水去尖沙咀來說﹐可能只需早好少出發。
用出閘時間計算﹐會比較合理。
例如於8:15前出閘便有優惠﹐這樣大家都可能只需要提早30分鐘出門口便可﹐短途車的乘客便不需要提早1-1.5小時才享有優惠﹐亦唔會因為遲入閘﹐令到乘客會在最繁忙的時段仍然坐車途中。 |
|
|
|
|
|
Advertisement
Advertisement
Advertisement
Advertisement
Advertisement
|