【討論】我們未來的鐵路 (#371附《鐵路發展策略2014》)

原帖由 mak5052 於 2014-3-5 13:43 發表
我唔係這樣睇，灣仔北是商貿區，且有會展、入境處、區域法院諸全港性設施，若將軍澳線-北港島線直通，觀塘、將軍澳的上班族過海後不必轉車即可抵灣仔北，而灣仔北商貿區亦可只須轉一次車即可到東九副都心，似乎對紓緩港島線擠迫 ...

灣仔北三座政府大樓最終會搬去啟德同將軍澳，
但將軍澳線同北港島線直通，最大好處係可以紓緩北角站港島線樽頸的情況，
因為去灣仔同灣仔北之間既乘客會傾向唔轉車，如果將軍澳線直駁北港島線，班客就會分流去新站落車，相反會傾向繼續搭去灣仔，
而港島線如果一分為二，去港島西班客又因為要轉將軍澳線，結果解決唔到北角樽頸問題。

而且港島線分線方案，炮台山要搭回頭車始終係一個阻力位。

鐵路網重組首要考慮係令最多人節省車程，特別係長途車程。我認為境內南北東西長途車程應壓縮喺一個鐘之內。

目前整個新界西（屯元天、大嶼山）去港島東車程超過一小時，採用換線方案後，大嶼山可直達港島東，西鐵沿線轉一次車（東涌線）可達，而且覆蓋銅鑼灣北，分散人流，對銅鑼灣站擠擁問有幫助。

另一方面將軍澳同東九龍人口遠超港島東，換線方案令將軍澳直達傳統CBD，九龍東轉一次車可達。

換線最大犧牲者係太古或以東車站，轉車之數會增加一次，但相對上人口較少。目前港島樓價遠高於新界西發將軍澳，其中主要因素係交通方便。但我認為無必要為保港島樓價同四十萬居民，而犧牲新界西、將軍澳同九龍東超過二百萬居民利益。再者港島東人口已飽和，未來新發展區一定係新界西、大嶼山、將軍澳同東九龍，所以長遠計一定係換線最有利發展，對港鐵未來地產收益亦最有幫助。

交匯方案只可以方便轉車，做唔到直達效果，根本設定甚差。而家慳少少，未來損失鉅大潛在利益。老實講日出康城如果可以直達中環，每呎最少可以賣貴五百蚊，一個單位三十萬，未來仲有過萬個單位已經三十億啦，仲未計其他樓盤添。

原帖由 3ASV174 於 2014-3-6 01:54 發表
灣仔北三座政府大樓最終會搬去啟德同將軍澳，
但將軍澳線同北港島線直通，最大好處係可以紓緩北角站港島線樽頸的情況，
因為去灣仔同灣仔北之間既乘客會傾向唔轉車，如果將軍澳線直駁北港島線，班客就會分流去新站落車，相反會傾 ...

果三幢樓重建之後會係甲級商廈, 一樣有大量既人流

原帖由 K仔 於 2014-3-5 20:48 發表
北港島線：
如果說是因為地區壓力，而永久 / 暫時採用交匯方案，是可以理解。
但若說換線方案有技術問題，為甚麼14年前又會選擇用換線方案？當時地鐵還出了單張介紹北港島線換線方案和東九龍線。
是這14年才發現的技術問題？還是港鐵的取態變得捨難取易？

對，推出東九龍線及北港島線換線方案時是1997年，也有理由相信他們早已知道技術問題的存在。
但列車、信號系統、月台幕門、隧道界限等技術問題，都是能夠（以金錢及時間）解決的問題。

若最終決定不採用換線方案，只是龜龜取建造年期較短、建造成本較低、建造難度較低、對現有港島線乘客影響最少的方案。說到捨難取易，近年最經典的例子莫過於沙中線鑽石山站。

[ 本帖最後由 tonyng 於 2014-3-6 09:45 編輯 ]

原帖由 tkf_2005 於 2014-3-6 01:32 發表



最緊要新北港島線由北角-香港之間站數/車程會比原港島線少/快,
從而都可以吸引原港島線2端乘客可取用較快O既北港島線路段....

都唔係架，你個諗法用換線諗都仲可能少少，但如果用交匯諗就無可能
無乜客會願意轉兩次車，仲要有次（香港）要行n遠。
樓上個post好啱，換線係益大部份人既主流方案，有啲人反對可以係佢利益受損，但絕對唔可能係社會既大多數。做定唔做，視乎龜記肯唔肯，不過既然表左態，點嘈都無用，佢始終係一間牟利公司，唔會投資更多便利班客，更何況佢獨市

北環線用Y型分案，可能會分薄兩邊既班次，最後吸引力下降。不過作為元朗居民，我好肯定東西線唔會對南北線有好大分流效果。而家元朗站既客都要等一班以上先上到車，錦上路等既人更加係望門興嘆，政府文件已經指最繁忙果陣錦上路去荃灣西係99%載客量。就算日後加密加車卡，新界西仲會有大型既住宅工程，單單係橫州已經住多5萬人。除非上水加洞居民好想係錦上路望門興嘆，如果唔係我諗唔倒有咩動機佢地要坐北環線…

其實龜龜著意交匯方案, 是否同近來對載客量的討論有關係而急就章地做決定呢?

原帖由 Hopuco 於 2014-3-6 09:52 發表
北環線用Y型分案，可能會分薄兩邊既班次，最後吸引力下降。不過作為元朗居民，我好肯定東西線唔會對南北線有好大分流效果。而家元朗站既客都要等一班以上先上到車，錦上路等既人更加係望門興嘆，政府文件已經指最繁忙果陣錦上 ...

仲有洪水橋同屯碼加站, 即使天水圍加幾多特車都唔會分流得好。錦上路站連車廠仲可以起好多樓, 如果北環線係繁忙時間可以乘入東西線, 咁樣對疏導將來錦上路站客流有一點點幫助。