九巴車廂直播上層CCTV涉侵私隱

倫敦已經有巴士用CCTV加程式睇下上層有無位，仲要出埋floor plan逐個位轉色添

原帖由 kl9327 於 2014-7-26 01:12 PM 發表

你所講既例子一般人都唔會作長時間停留
同埋大多數都只係保安人員或者工作人員可以即時監測到該 CCTV

呢個報導就唔同，上層乘客被下層乘客清楚直播
我覺得完全冇必要

我絕對應同你的。

上面有些人話私隱無問題﹐出街便一定比人影到。

問題係出街的cctv (例如電梯﹐商場﹐港鐵站......)﹐設立的目的係保安作用﹐法例係容許的。
作為保安用途﹐唔係計被拍攝的人停留時間有幾耐﹐而係觀看的人身份問題﹐影片是否公開給任何人都可看到。



但係巴士這個上層 cctv 設立的目的﹐最初係代替潛望鏡﹐供車長查看上層的情況﹐係行車上的需要。

現在巴士公司直接把影像直播給下層所有乘客﹐目的係話給其他乘客知上層是否仲有位﹐明顯同平時街上的cctv 設立目的係不同﹐不是用作保安之用。

我作為乘客﹐唔介意上車時被入口的cctv拍下。
但介意在上層座位安座之後﹐在行車期間小睡片刻﹐口水流出的醜態在下層的電視直播﹐成個下層的乘客都看到。


所以上文我都已經講了﹐如果真係用cctv去供其他乘客查看是否仍有座位﹐由車尾影向車頭便可解決問題。
影出來只會影到頭的後尾枕﹐影不到容貌﹐既可保障乘客私隱 (最少可保障唔少人樣衰的睡態)﹐亦可看到上層有沒有空閒的座位。
而畫面更可容易看到車尾部份有幾多空位﹐車尾部份一般會較少人選擇﹐空間較多。由車頭影﹐車尾的影像太細了﹐唔易看得清﹐效果唔理想。

[ 本帖最後由 kei_hk 於 2014-7-26 18:33 編輯 ]

【手機回帖，不便quote文】
回樓上，如果由尾影向前，由於有頭枕，未必能夠看到一些較矮小的乘客，例如小孩，到時又係要行上行落…

原帖由 拾顓豭 於 2014-7-26 10:24 AM 發表


鐵路車廂, 仲有聞說套 system 可以俾車長撳掣選擇睇邊一卡邊一個 cam, 但有冇錄影就不得而知
而最近坑渠資料, 某部份路綫車長位置係已經裝咗錄影 CCTV 作測試, 駕駛席亦有張貼告示通知車長
巴士方面, 據行家朋友講, 較新型號巴士係有幾日錄影記錄嘅

不過個人都覺得個投訴人都多如, 如果車長係有事或者突然被乘客打, CCTV 有錄影基本上都可以保障車長安全,
直播反而係更公開俾公眾知道個 cam 做緊啲乜, 絕對唔係壞事

你的情況係屬保安/安全需要﹐係可以錄影﹐有需要時由授權人事取出番看﹐但無需要全天候直播給無關事的乘客收看。
司機亦只可在行車期間有需要才看即時畫面﹐以了解上層或其他位置的情況。


但係如果設立cctv的目的只係睇上層有無空位﹐根本不需要由車頭影向車尾(拍攝到乘客容貌的方向)﹐由車尾影向車頭﹐已經達到目的。
在私隱及設立的需要(查看有沒有空位)﹐2者取得平衡。

成件事只係因應「直播」的目的﹐與鏡頭擺位不當的問題。

原帖由 HT408 於 2014-7-26 06:35 PM 發表
【手機回帖，不便quote文】
回樓上，如果由尾影向前，由於有頭枕，未必能夠看到一些較矮小的乘客，例如小孩，到時又係要行上行落…

由車頭影去車尾﹐一樣會被頭枕所擋﹐一樣出現睇唔到較矮小的乘客的。

此情況特別易出現在較遠的座位﹐拍攝角度漸漸接近水平﹐頭枕所擋的情況會更明顯。
而近鏡頭的位置﹐影像角度會較垂直﹐會較易睇到有無人坐。


參考番報紙的相片﹐用右方坐位講解﹐你會發現看到座位乘客的範圍會越來越少的。
第2排看到心口﹐第3排只看到頸以上﹐第4排 (及打後)..... sorry﹐我都看唔到﹐同你所講的矮小乘客看不到的情況一樣發生。



認真講﹐我真係要好細心才可看到車尾的座位有無人坐﹐仲要係靠估﹐未必估得中。
正如我問你﹐上圖右邊第3排﹐一位帶眼鏡男人後面﹐即係第4排走廊位﹐有無人坐?  (我估係有人坐﹐頭似乎貼得垂直扶手)
左邊第4排﹐窗口位的人兄 "中柱"﹐他後面的一張位又有無人坐?     

以上2條問題﹐真係可以有人坐又得﹐無人坐又得。有人坐的可能係小朋友﹐由前面向後影一樣係處理影唔到矮小乘客的問題。無人坐的便恭喜你﹐你有位坐。



所以﹐我才提出由車尾影番上車頭﹐會比較實際﹐同時亦對私隱較有保障。

[ 本帖最後由 kei_hk 於 2014-7-26 19:05 編輯 ]

原帖由 kei_hk 於 2014-7-26 18:54 發表


由車頭影去車尾﹐一樣會被頭枕所擋﹐一樣出現睇唔到較矮小的乘客的。

此情況特別易出現在較遠的座位﹐拍攝角度漸漸接近水平﹐頭枕所擋的情況會更明顯。
而近鏡頭的位置﹐影像角度會較垂直﹐會較易睇到有無人坐。

參考番報紙 ...

其實仲有其他方法的, 如果有關CCTV只是為左睇上層有無位, 其實有關CCTV 亦可以只在巴士前門開啟時先啟動,
關門/行車時就播返ROADSHOW, 這樣即使向前影, 亦可能是較好平衡...上車乘客可以望到有關上層情況(佢本身目的),
上層乘客亦唔會長時間被"監視", 只在有限開門時間被睇到, 而這只是軟件設定問題

有人可能會問, 最後一個上車的人, 巴士關左門, 可以能掛住俾錢, 未睇得切個CCTV, 咁亦可以設定前門關閉後20秒
先開始播返ROADSHOW.....

另外想講返, 香港唔少大廈的升降機CCTV 都係可以俾住戶透過電視"長期監視", 並非只有保安人士/工作人員可以睇到....
而唔少行人天橋升降機CCTV, 亦是完全公開俾路人睇到的...所以有站友指"大多數都只係保安人員或者工作人員可以即時
監測到該 CCTV"是錯誤

[ 本帖最後由 3ASV196 於 2014-7-26 21:07 編輯 ]

原帖由 kei_hk 於 2014-7-26 18:29 發表

我作為乘客﹐唔介意上車時被入口的cctv拍下。
但介意在上層座位安座之後﹐在行車期間小睡片刻﹐口水流出的醜態在下層的電視直播﹐成個下層的乘客都看到。 ...

十分認同~
尤其長途車, 坐係下層就真係成程可以望著上層(尤其頭位近鏡頭個d)d乘客做緊咩~
咁等於冇啦啦有個人係你唔知情之下望住你成大半鐘....

當你落車到下層d乘客望一望你然後冇啦啦竊竊私語仲尷尬tim~

原帖由 3ASV196 於 2014-7-26 20:36 發表

另外想講返, 香港唔少大廈的升降機CCTV 都係可以俾住戶透過電視"長期監視", 並非只有保安人士/工作人員可以睇到....
而唔少行人天橋升降機CCTV, 亦是完全公開俾路人睇到的...所以有站友指"大多數都只係保安人員或者工作人員可以即時
監測到該 CCTV"是錯誤 ...

但我諗冇人會咁得閒成日係度睇cctv, 仲要係街個d cctv~~仲有被監視者都只係講緊一個短既時間
但而家係被監視既係長時間, 另外下層講真有時你真係會比呢d mon吸引左d唔知~~


如果咁岩有一個身材好好既女仔係上層鏡頭前, 下層咁岩成班狗公就真係......

[ 本帖最後由 3ASV356 於 2014-7-26 21:27 編輯 ]

星洲既雙層巴士，係樓梯位都已經可以睇到上層仲有幾多位呢個設計
個人覺得以成本來計算的話，相信是較有效的方法，及遠比現時這套CCTV便宜及容易維護

講起直播俾人睇的CCTV畫面，唔少百佳同惠康都會係門口安裝呢類設備

原帖由 3ASV196 於 2014-7-26 08:36 PM 發表

另外想講返, 香港唔少大廈的升降機CCTV 都係可以俾住戶透過電視"長期監視", 並非只有保安人士/工作人員可以睇到....
而唔少行人天橋升降機CCTV, 亦是完全公開俾路人睇到的...所以有站友指"大多數都只係保安人員或者工作人員可以即時
監測到該 CCTV"是錯誤

保安﹐係其中一個設立CCTV的合理原因。

保障安全﹐亦是設立CCTV的其中一個合理原因。


簡單一點﹐唔需要理會係屋村電梯/出入口﹐定係行人天橋的CCTV﹐道理其實係一樣的。
無錯﹐好多閒人係可以慢慢睇﹐看看有什麼人出入。
但同一時間﹐這些閒人即是監察電梯內/大廈出入口的情況﹐令到不法之徒有介心﹐從而不選擇這些地方犯案。

如果大廈內可以看到電梯的CCTV畫面係有問題﹐不符合法理﹐私隱署一早已經出聲。
當然﹐前題係A大廈只可看到A大廈內的畫面﹐而看不到B大廈的畫面。


而巴士直播上層的情況﹐在下唔見得巴士上層有什麼危險要有其他人幫忙監察﹐所以亦唔見得係出於保障乘客安全。