東涌新市鎮擴展研究

原帖由 castanopsis 於 2014-8-18 01:56 發表
相反，市鎮公園個範圍生態價值其實十分之低，我見只係一個植林同灌叢組成的小山
公園內有保育價值的只限於在北邊的東涌小砲台

如果可以將南面大半個市鎮公園的範圍（i.e.黃圈內範圍）發展做較為高密度的住宅/政府建築
應該可以換取唔發展紅圈內的住宅同紅圈附近的政府建築
三條鏈接紅圈範圍的道路亦不需要擴闊或水泥化（橙色箭嘴示）
這樣一來，個河谷裡面（至少西部）可以保留較為大片的樹林和農田，發展規模亦不需要做大犧牲

贊成發展市鎮公園，我覺得就係而家市鎮公園塊地，令逸東邨、東涌村被孤立，配合唔到東涌地鐵站一帶發展
而東涌西生態價值較高，應盡量保留原狀
不過市鎮公園果度有墳墓，我諗要同原居民傾下點處理

原帖由 rickywk 於 2014-8-18 10:21 發表
其實石門甲係東涌地區夏季主要通風廊，加上東涌河生態價值高，我對東涌西發展有極大保留...
若果將所謂市鎮公園搬到東涌河谷，變成生態保育公園應該會更好，而現時逸東至東涌站一帶小山丘作中密度發展會更為可取，而東涌線亦無需伸延入逸東一帶，改用BRT形式接駁仲好

東涌北就算了，本身未有港珠澳大橋同三跑已經因為新機場工程變成人工海岸，而家只係"錦上添花"

同意盡量減少東涌西發展
我記得嘉道理農場有人特登入東涌做咗一份十分詳盡的生態報告，結論是該處不宜作發展
政府（漁護署）出版的淡水魚圖鑑「魚魚的水」仲選用了東涌河做河道復修的成功範例
你宜家又走去發展東涌西，是矛盾/不合理

至於交通問題，隨著人口增長，我相信E21A模式的東涌對外巴士路線會逐漸普及，可以做分流作用
同時留住條38養起嶼巴對政府其實有好處...假如有朝一日嶼巴蝕錢話要執政府都幾麻煩

[ 本帖最後由 castanopsis 於 2014-8-18 22:44 編輯 ]

原帖由 jpoon 於 2014-8-18 15:50 發表
不過市鎮公園果度有墳墓，我諗要同原居民傾下點處理 ...

嵐山事件可能又要重演
不過用墳墓推低樓價都未嘗不是壞事
反正好多人排隊等上車其實都唔會介意有個墳

原帖由 rickywk 於 2014-8-18 10:21 發表

其實石門甲係東涌地區夏季主要通風廊，加上東涌河生態價值高，我對東涌西發展有極大保留...
若果將所謂市鎮公園搬到東涌河谷，變成生態保育公園應該會更好，而現時逸東至東涌站一帶小山丘作中密度發展會更為可取，而東涌線亦 ...

若以臺中BRT形式建設東涌BRT, 取代東涌西站, 是否可行? 建議網絡如下:
1 : 東涌東西線, 自石門甲始, 大致以37為基礎, 經裕東路, 東涌站, 文東路, 迎禧路東延伸, 東涌東站, 北折至東涌東海濱
2 : 逸東支線, 在裕東松仁路口轉松仁路入逸東總站
3 : 機場線 : 自東涌站起, 經國泰城, 機場客運大樓 (T1/T2 選其一), 博覽館至港珠澳大橋頭
建議由龍運, 城巴, 嶼巴合組BRT營運機構負責其運作 (暫擬以37, 38, S1, S56為BRT路線)

[ 本帖最後由 mak5052 於 2014-8-18 19:14 編輯 ]

提出要BRT的網友可能不知道當年房屋署是怎樣吸引居民居住逸東邨, 就是將來會有東涌西港鐵站出行. 如果改作BRT的話, 就是沒有對他們兌現承諾.

至於其他方面, 本人就沒有大異議, 只要東涌河可保留原貌及作生態河流就可以了.

原帖由 hkth 於 2014-8-18 19:25 發表
提出要BRT的網友可能不知道當年房屋署是怎樣吸引居民居住逸東邨, 就是將來會有東涌西港鐵站出行. 如果改作BRT的話, 就是沒有對他們兌現承諾.

至於其他方面, 本人就沒有大異議, 只要東涌河可保留原貌及作生態河流就 ...

港府走數都走左咁多單，唔差在走多單...
起得東涌西站的話填海真係走唔甩

原帖由 rickywk 於 2014-8-18 19:57 發表

港府走數都走左咁多單，唔差在走多單...
起得東涌西站的話填海真係走唔甩

好多年前我都講左，除非拆左個逸東邨，否則你點起都無可能避免填海。
就算逸東邨當年有搞過海邊既地至打摏，個站係正河口，我諗淨係河流改道工程都夠玩。

定線仲要避開逸東邨至得，家陣東涌線尾端係接近炮台，你話屈入去醫院果邊都仲合理少少，
係建議個位，逸東北、西面根本大要土地要重整，
至可以比你做 Cut ＆ Cover 同沉箱組件，唔填海，一陣做做下土壤入水咁點算？
抽完水再發現逸東邨不合理出現沉降，好心顧問建議還建議，合理少少好嗎？

依份野只係研究，永遠唔保港鐵公司有無能力起到，
大家睇完發下夢就算。

[ 本帖最後由 dennis28a 於 2014-8-19 00:01 編輯 ]

原帖由 castanopsis 於 2014-8-18 18:30 發表

嵐山事件可能又要重演
不過用墳墓推低樓價都未嘗不是壞事
反正好多人排隊等上車其實都唔會介意有個墳

但要發展點都要成個山剷晒吧? 唔通剷山唔剷墳?

[ 本帖最後由 jpoon 於 2014-8-19 01:05 編輯 ]

其實個人覺得BRT只係比巴士多d門 未必有需要

原帖由 dennis28a 於 2014-8-18 23:58 發表


好多年前我都講左，除非拆左個逸東邨，否則你點起都無可能避免填海。
就算逸東邨當年有搞過海邊既地至打摏，個站係正河口，我諗淨係河流改道工程都夠玩。

定線仲要避開逸東邨至得，家陣東涌線尾端係接近炮台，你話屈入去醫院 ...

若果東涌西站改為高架站, 在未來東涌市鎮公園起出地面, 以高架形式在繞過逸東邨外圍, 然後在現時建議位置設站, 是否可以?