東涌新市鎮擴展研究

原帖由 mak5052 於 2014-8-19 10:24 發表

若果東涌西站改為高架站, 在未來東涌市鎮公園起出地面, 以高架形式在繞過逸東邨外圍, 然後在現時建議位置設站, 是否可以?

你估係360咩，東涌站都唔淺，唔係話出就出地面...

原帖由 jonathanngan 於 2014-8-19 03:08 發表
其實個人覺得BRT只係比巴士多d門 未必有需要

正因為多門，上落快，咁先做到班次密

原帖由 rickywk 於 2014-8-19 10:48 發表

正因為多門，上落快，咁先做到班次密

咁點收錢? 好似輕鐵咁上車前買飛? 廣州BRT響入BRT站有閘機
但廣州果隻車站都佔用唔少空間，而要佔用順東路我覺得唔係咁好，最怕係阻住消防、警車出入

原帖由 jpoon 於 2014-8-19 22:52 發表

咁點收錢? 好似輕鐵咁上車前買飛? 廣州BRT響入BRT站有閘機
但廣州果隻車站都佔用唔少空間，而要佔用順東路我覺得唔係咁好，最怕係阻住消防、警車出入 ...

一概以臺中模式，各BRT站不設客務中心，出入處擺閘機三部（出入均可），站亦擺自助票務機賣單程票（代幣）及為八達通增值，乘客入閘時拍卡/代幣，出閘時投代幣/拍卡

玩盡d﹐一係用輕鐵系統﹐同大西北一樣﹐開放式系統﹐不過用車大有不同﹐用一些超低月台的列車﹐這便不需要建月台﹐亦有如電車一樣﹐路軌上面可以行車。

另一個玩法﹐啟德玩法﹐起高架鐵路。


如果我選擇﹐前者係一個唔錯的選擇。交給mtr做營運﹐完全用番現時輕鐵的收費模式便可。

原帖由 hkth 於 2014-8-18 19:25 發表
提出要BRT的網友可能不知道當年房屋署是怎樣吸引居民居住逸東邨, 就是將來會有東涌西港鐵站出行. 如果改作BRT的話, 就是沒有對他們兌現承諾.

之前曾經同大埔區朋友講起逸東既社區問題，跟住佢話既然大埔有免費K巴點解東涌唔可以有？但逸東既一眾社區團體呢十幾年黎都好似冇乜話爭取免費接駁港鐵。某機構仲話嶼巴壟斷應引入競爭，但其實逸東至東涌站呢段已經有三間公司做緊，當然橙色公司就佔盡下風

不過東涌西個邊其實因為唔填東涌灣，有部份既房屋用地就轉移左去河谷個邊。但鄙人覺得就算佢唔填海，打算係河口位置起低密度房屋同樣都會對佢生態造成不可逆轉既破壞。不過禪寺由CDA用地中劃左出黎，唔知佢地仲會唔會嘈得咁勁

原帖由 kei_hk 於 2014-8-18 12:22 發表



我自己睇﹐東涌西站如果不填海﹐興趣及走線的難度都幾 ...

我今日上左中環展城館看本研究之諾諮詢展, 內有計劃完成後的東涌模型, 我看完模型後, 大致想出了東涌西站的三個可選走線, 大致如圖 (底圖為本人所影之大模型中, 東涌河口的部份) :

方案一 : 諮詢文件方案, 車站在逸東邨西面, 為地下站 (橙線)
方案二 : 類似方案一, 但路線在東涌市鎮公園以西為高架線, 車站稍向東涌河口移動, 即逸東邨西面之R3地, 且建議地皮交港鐵作土地開發
方案三 : 以東涌市鎮公園為界, 以東地下, 以西高架, 路線跨越東涌河口, 東涌西站設在裕東路尾
三個方案似乎皆不須填海, 我傾向方案二

另附該模型東涌東, 東涌西部份景:
東涌東總體全景 (由港珠澳大橋頭望) :


東涌東站 (最靠山的長方體, 不過, 這位置不是在坡道上嗎?)


東涌西總體全景 (由360望) :


[ 本帖最後由 mak5052 於 2014-8-20 20:27 編輯 ]

唔填海但喺馬灣涌上整條高架, 我寧可填海喇。

原帖由 mak5052 於 2014-8-20 20:08 發表

D 樓密到同將軍澳冇分別
又想建第二個悲情城市出來

原帖由 AL_71 於 2014-8-21 14:41 發表


D 樓密到同將軍澳冇分別
又想建第二個悲情城市出來

應該不會吧，整個模型裡，不同顏色的建築物有不同定義如下：
白色：公屋、居屋
橙色：私人樓
紅色：商業樓宇
藍色：政府、機構、社區用地
黃色：學校
灰色：現有及已規劃項目
睇番果度，東涌東雖話是密質質，但至少係有就業機會（站前大堆商業用地），仲要記住，白色樓不一定是公屋，可以係居屋，應該不會去到天水圍北的地步