東隧600八達通轉乘優惠計劃 (重組晚間601及680服務)

引言：

每日傍晚下班高峯期, 港島北擠塞問題嚴重, 接載返歸市民的巴士自然不能倖免,
大量下班市民身受其害, 迫於無奈選乘鐵路, 最終在所住區域的鐵路車站大排長龍,
等候小巴或巴士接駁遠離車站的家, 加重鐵路和接駁服務壓力, 而直達巴士的效率
則被削弱.

香港市民的生活習慣改變, 亦導致高通勤需求未能止於傍晚時份, 晚間亦有龐大
客流支持. 由於下班高峯期已過, 鐵路需求沒有繁忙時段般高, 路面交通流量減少,
突顯巴士在多方面比較下能獨佔鰲頭, 鐵路頓時給比下去, 尤以東隧過海路段為甚,
選巴士棄鐵路者眾.

一個詬病多時的問題: 以東隧港島出口以西為總站的路線中, 大部份由中區起步
皆駛經電車路到達東區的天后或北角, 才駛上東區走廊進入東隧. 在下班高峯時段,
此類走線往往需用上約一小時才能到達東隧港島入口, 連帶全程行車時間相應提高
至兩小時, 折騰巴士車長和乘客, 對巴士公司亦非常不利.

有見擠塞情況不斷惡化, 而晚間通勤需求隨著人口增加而上揚, 建議先行分拆由
新巴和九巴聯營的過海路線601及680, 將下班高峯時段的班次分流到不同道路,
及把東區的服務剝離, 使中區及灣仔區乘客享有較快車程(即使可能只是心理上),
同時減低因路線過長致容易脫班的機會.

簡介:

從每日下午4時起...

建議新增600東隧轉乘主線, 服務東隧兩側人口較密集地區, 路線集轉乘和直達
於一身, 提高巴士利用比率, 最重要是不受限於繁忙道路的配額, 可按需求靈活
調整巴士班次.

601號線下午客量高峯期高度集中於九龍方向, 客量爆滿時段更一直延伸至深夜,
絕對有條件轉用一種有別於上半天的營運模式.

每日下午4時起停駛, 601P下午服務亦會取消, 受影響乘客可利用新開辦路線
610 610A及600往返目的地, 三線均由新巴及九巴聯營.

610 金鐘站(東)－寶達 (每日下午4時至午夜12時提供服務)
- 經灣仔, 銅鑼灣, 天后, 藍田站, 協和街, 秀茂坪
- 由金鐘至天后沿線客量支撐
- 往港島取道告士打道, 能夠加快回車, 亦間接提供秀茂坪.觀塘往灣仔.金鐘
  特快服務

610A 上環－寶達 (平日星期一至五傍晚[與現時601P相同]提供服務)
- 經中環, 金鐘, 灣仔北, 炮台山, 北角, 藍田站, 協和街, 秀茂坪
- 停「入境事務大樓」方便灣仔北往九龍市民
- 傍晚由北角民康街上橋, 不比由天后興發街上橋慢

600 銅鑼灣(東院道)－中秀茂坪(循環線) (每日下午4時至午夜12時提供服務)
- 經維園, 天后, 炮台山, 北角, 藍田站, 將軍澳道, 秀茂坪, 協和街
- 由維園起接載未能登上610之乘客, 維持原來601東區往返秀茂坪及協和街之服務
- 取道將軍澳道能更快到達目的地, 避開觀塘道迴旋處擠塞
- 吸引將軍澳(尚德)居民選用:「觀塘警署」巴士站零步程轉乘所需路線
- 港島方向服務至銅鑼灣禮頓道, 避開灣仔鵝頸橋一帶之擠塞
- 受用車數目所限, 以循環線形式運作, 港島方向離開協和街後不停站直往東隧

馬鞍山新市鎮已發展至烏溪沙及落禾沙, 以毗連之利安邨為總站的680號線大可
因此將部份時段更改為與681號線類近的特快服務, 惟仍需與680沿線共用資源.

每日下午4時至尾班車, 由金鐘開出之680將分拆為680A及680P兩線, 前者由金鐘開出
途經告士打道及北角, 後者則途經軒尼詩道及興發街前往東區走廊; 由利安開出之680
則不受影響.

680A 金鐘站(東)－利安
- 經灣仔北, 炮台山, 北角, 第一城, 石門, 亞公角街, 恆康街, 馬鞍山市中心, 錦英路
- 停「入境事務大樓」方便灣仔北往沙田及馬鞍山市民
- 傍晚由北角民康街上橋, 不比由天后興發街上橋慢

680P 金鐘站(東)－烏溪沙站
- 經灣仔, 銅鑼灣, 天后, 第一城, 石門, 亞公角街, 富安花園總站, 耀安邨, 錦英路, 利安總站
- 港島區仿680X 681 681P走線, 增添知名度
- 駛經富安花園總站, 耀安邨旁, 利安總站及烏溪沙站, 增加吸引力

建議以上重組廢除現有聯營模式(即每一巴士公司於每日固定時段派車行走), 改為每月或每兩星期
輪流派車行走固有路線, 例如新巴於1月派車行走680A, 2月派車行走680P, 九巴則相反, 如此類推;
又例如九巴於9月1至14日派車行走610, 9月15日至28日派車行走600, 新巴則相反, 如此類推,
610A繼續沿用現時601P運作模式.

詳情：

610 金鐘站(東)－寶達

服務時間
金鐘　16:00-00:00 (平日每12-15分鐘一班, 假日每10-15分鐘一班)
寶達　16:30-23:30 (每20分鐘一班)

途經街道
金鐘　德立街, 樂禮街, 金鐘道, 軒尼詩道, 怡和街, 高士威道, 興發街, 東區走廊, 東區海底隧道,
鯉魚門道, 觀塘道, 協和街, 曉光街, 秀明道, 秀茂坪道, 寶琳路, 寶達邨通道.

寶達　寶達邨通道, 寶琳路, 秀茂坪道, 曉光街, 協和街, 觀塘道, 鯉魚門道, 東區海底隧道,
東區走廊, 維園道, 告士打道, 內告士打道, 告士打道, 夏慤道, 紅棉路, 金鐘道, 添馬街, 德立街.

車站位置
金鐘　金鐘東總站, 盧押道, 菲林明道, 史釗域道, 杜老誌道, 灣仔消防局, 百德新街, 維多利亞公園,
興發街, 東隧收費廣場, 藍田站, 觀塘法院, 和樂邨, 曉麗苑曉晴閣, 曉麗苑, 曉光街遊樂場,
梁式芝書院, 秀茂坪邨秀明樓, 秀茂坪邨秀富樓, 秀茂坪商場, 秀茂坪邨秀樂樓, 秀茂坪邨秀康樓,
秀茂坪邨秀程樓, 寶達總站.

寶達　寶達總站, 秀茂坪邨秀程樓, 秀茂坪邨秀康樓, 秀茂坪邨秀樂樓, 秀茂坪商場, 秀茂坪邨秀安樓,
秀茂坪邨秀明樓, 梁式芝書院, 曉麗苑, 祥和苑, 和樂邨, 同仁街, 觀塘鐵路站, 觀塘游泳池,
藍田鐵路站, 東隧收費廣場, 舊灣仔警署, 盧押道, 海富中心, 金鐘東總站.

收費
全程 $9.8
軒尼詩道往寶達 $9.3

610A 上環－寶達

服務時間
上環　星期一至五 17:20-19:00 (每15分鐘一班, 公眾假期除外)

途經街道
上環　德輔道中, 金鐘道, 添馬街, 金鐘東總站, 德立街, 樂禮街, 金鐘道, 軍器廠街, 天橋, 告士打道,
維園道, 永興街, 英皇道, 民康街, 東區走廊, 東區海底隧道, 鯉魚門道, 觀塘道, 協和街, 曉光街,
秀明道, 秀茂坪道, 寶琳路, 寶達邨通道.

車站位置
上環　林士街, 中環街市, 德忌利士街, 皇后像廣場, 金鐘東總站, 入境事務大樓, 永興街,
七海商業中心, 電廠街, 新光戲院, 港運城, 東隧收費廣場, 藍田鐵路站, 觀塘法院, 和樂邨,
曉麗苑曉晴閣, 曉麗苑, 曉光街遊樂場, 梁式芝書院, 秀茂坪邨秀明樓, 秀茂坪邨秀富樓,
秀茂坪商場, 秀茂坪邨秀樂樓, 秀茂坪邨秀康樓, 秀茂坪邨秀程樓, 寶達總站.

收費
全程 $9.8
告士打道往寶達 $9.3

600 銅鑼灣(東院道)－中秀茂坪(循環線)

服務時間
銅鑼灣　18:00-22:00 (平日每16分鐘一班, 假日每15分鐘一班)
　　　　16:00-18:00, 22:00-00:00 (平日每20分鐘一班, 假日每15分鐘一班)

途經街道
銅鑼灣　東院道, 銅鑼灣道, 摩頓臺, 高士威道, 英皇道, 民康街, 東區走廊, 東區海底隧道,
鯉魚門道, 將軍澳道, 秀茂坪道, 秀明道, 曉光街, 協和街, 觀塘道, 鯉魚門道, 東區海底隧道,
東區走廊, 民康街, 英皇道, 高士威道, 禮頓道, 加路連山道, 東院道.

車站位置
銅鑼灣　銅鑼灣東院道, 摩頓臺, 維多利亞公園, 銀幕街, 七海商業中心, 電廠街, 新光戲院, 港運城,
東隧收費廣場, 藍田鐵路站, 觀塘警署, 曉光街, 秀茂坪邨秀暉樓, 秀茂坪邨秀程樓, 秀茂坪邨秀康樓,
秀茂坪邨秀樂樓, 秀茂坪商場, 秀茂坪邨秀安樓, 秀茂坪邨秀明樓, 梁式芝書院, 曉麗苑, 祥和苑,
和樂邨, 同仁街, 東隧收費廣場, 港運城, 美麗閣, 炮台山鐵路站, 清風街, 香港中央圖書館,
加路連山道, 銅鑼灣東院道.

收費
全程 $9.3

680A 金鐘站(東)－利安

服務時間
金鐘　16:00-23:00, 23:25, 23:55 (每20分鐘一班)

途經街道
金鐘　德立街, 樂禮街, 金鐘道, 軍器廠街, 天橋, 告士打道, 維園道, 永興街, 英皇道, 民康街,
東區走廊, 東區海底隧道, 鯉魚門道, 觀塘繞道, 大老山隧道, 沙田圍路, 小瀝源路, 大涌橋路,
石門交匯處, 亞公角街, 恆信街, 恆泰路, 支路, 馬鞍山路, 恆康街, 西沙路, 馬鞍山路,  錦英路,
利安邨通道.

車站位置
金鐘　金鐘東總站, 入境事務大樓, 永興街, 七海商業中心, 電廠街, 新光戲院, 港運城, 東隧收費廣場,
大老山隧道, 源康街, 第一城寶城街, 濱景花園, 沙田醫院, 亞公角, 富安花園, 耀安邨, 曾壁山中學,
福安花園, 海栢花園, 馬鞍山警署, 錦英苑, 利安總站.

收費
全程$19.0
東隧收費廣場往利安 $9.8
大老山隧道收費廣場往利安 $5.7

680P 金鐘站(東)－烏溪沙站

服務時間
金鐘　16:00-23:50 (每15／20分鐘一班)

途經街道
金鐘　德立街, 樂禮街, 金鐘道, 軒尼詩道, 怡和街, 高士威道, 興發街, 東區走廊, 東區海底隧道,
鯉魚門道, 觀塘繞道, 大老山隧道, 沙田圍路, 小瀝源路, 大涌橋路, 石門交匯處, 亞公角街, 恆信街,
富安花園總站, 恆信街, 恆泰路, 支路, 馬鞍山路, 錦英路, 利安邨通道, 利安總站, 利安邨通道,
錦英路, 西沙路, 沙安街.

車站位置
金鐘　金鐘東總站, 熙信大廈, 柯布連道, 史釗域道, 灣仔消防局, 百德新街, 維多利亞公園, 興發街,
東隧收費廣場, 大老山隧道, 源康街, 第一城寶城街, 濱景花園, 沙田醫院, 亞公角, 富安花園總站,
耀安邨耀遜樓, 錦英苑, 利安總站, 錦龍苑, 利安邨, 烏溪沙站總站.

收費
全程$19.0
東隧收費廣場往烏溪沙站 $9.8
大老山隧道收費廣場往烏溪沙站 $5.7

600八達通轉乘優惠計劃 (每日下午4時起實施)

600號線可供轉乘四條新巴.九巴聯營路線及各兩條獨營路線; 而由他線轉乘600號線
則有新巴及九巴路線各一條, 豐富北角.秀茂坪和將軍澳優惠轉乘網絡.

北角往協和街
600(九龍方向) 轉乘 610 610A(九龍方向) 第二程免費
- 建議轉乘點: 東隧收費廣場或藍田站
北角往沙田.馬鞍山
600(九龍方向) 轉乘 680A 680P 682(新界方向) 第二程減收$1.0, 總車資$18.1
- 建議轉乘點: 東隧收費廣場
北角往將軍澳
600(九龍方向) 轉乘 694 98A 296A(新界方向) 第二程減收$1.0, 總車資$13.4-14.4不等
- 建議轉乘點: 觀塘警署

中區 往 秀茂坪
603(九龍方向) 轉乘 600(九龍方向) 第二程免費
- 建議轉乘點: 東隧收費廣場
東區 往 秀茂坪
694(新界方向) 轉乘 600(九龍方向) 第二程免費
- 建議轉乘點: 東隧收費廣場.藍田站或觀塘警署

希望透過是次新增轉乘優惠計劃, 在可見將來全面擴展至所有九龍及新界方向的東隧路線,
把東隧收費廣場打造成另一個主要轉車站.

影響：

每日下午4時後原本利用港島開出之601及680的乘客, 可改用晚間特設的新路線前往目的地.
(以下資料只供參考, 純為證明不需轉車而列)

601重組後:
上環.中環 往 東隧收費廣場.藍田站 610A 619 641
金鐘 往 東隧收費廣場.藍田站  610 610A 619 621
灣仔軒尼詩道 往 東隧收費廣場.藍田站 610 619 621 641(尾站)
灣仔告士打道.銅鑼灣東北 往 東隧收費廣場.藍田站 610A
銅鑼灣.天后 往 東隧收費廣場.藍田站 600 610(尾站) 619 621(尾站)
炮台山.北角 往 東隧收費廣場.藍田站 600(尾站) 610A(尾站) 619(尾站)
- 往觀塘法院同上, 惟621不停該站

上環.中環 往 協和街 610A
金鐘 往 協和街 610 610A
灣仔軒尼詩道 往 協和街 610
灣仔告士打道.銅鑼灣東北 往 協和街 610A
銅鑼灣.天后 往 協和街 600 610(尾站)
炮台山.北角 往 協和街 600(尾站) 610A(尾站) 619

上環.中環 往 秀茂坪 610A
金鐘 往 秀茂坪 610 610A
灣仔軒尼詩道 往 秀茂坪 610
灣仔告士打道.銅鑼灣東北 往 秀茂坪 610A
銅鑼灣.天后 往 秀茂坪 600 610(尾站)
炮台山.北角 往 秀茂坪 600(尾站) 610A(尾站)

秀茂坪.協和街 往 北角.炮台山.天后.銅鑼灣 600
秀茂坪 往 銅鑼灣北.灣仔.金鐘 610

觀塘站.游泳池.藍田站 往 北角.炮台山.天后.銅鑼灣 619
觀塘站.游泳池.藍田站 往 銅鑼灣北.灣仔.金鐘 610 619(不停金鐘)

東隧收費廣場 往 北角.炮台山.天后.銅鑼灣 600 619 680 690
東隧收費廣場 往 銅鑼灣北.灣仔.金鐘 610 619(不停金鐘) 307/680/681(不停銅鑼灣北) 690

680重組後:
金鐘 往 大老山隧道至富安花園沿線 680A 680P
灣仔軒尼詩道.銅鑼灣.天后 往 大老山隧道至富安花園沿線 680P(尾站)
灣仔告士打道.銅鑼灣東北 往 大老山隧道至富安花園沿線 680A
炮台山.北角 往 大老山隧道至富安花園沿線 680A(尾站)

金鐘 往 恆康街.馬鞍山市中心 680A 680X 681
灣仔軒尼詩道.銅鑼灣.天后 往 恆康街.馬鞍山市中心 680P(停耀安邨, 尾站) 680X(尾站) 681(尾站)
灣仔告士打道.銅鑼灣東北 往 恆康街.馬鞍山市中心 680A
炮台山.北角 往 恆康街.馬鞍山市中心 680A(尾站)

金鐘 往 錦英路 680A 680P 680X
灣仔軒尼詩道.銅鑼灣.天后 往 錦英路 680P(尾站) 680X(尾站)
灣仔告士打道.銅鑼灣東北 往 錦英路 680A
炮台山.北角 往 錦英路 680A(尾站)

對將軍澳取消692後之補償
銅鑼灣南及維園至北角沿線往將軍澳的乘客, 可利用新增之600八達通轉乘優惠計劃前往目的地.

對未來秀茂坪人口暴增之對策
小西灣至西灣河沿線及由中環往秀茂坪之乘客亦受惠於新優惠計劃, 他們可分別乘搭新巴694號線
到「觀塘警署」或九巴603號線到「東隧收費廣場」轉乘600號線, 連同600及610號線本身服務到
金鐘至北角沿線, 為秀茂坪過海市民帶來方便之餘, 兩間巴士公司更可從中受益, 亦有效減輕市民
和地區人士對未來安達臣道發展令大量新增人口被散落到港鐵將軍澳綫車站的疑慮.

本建議只適用於晚間運作, 清晨至下午的服務大致不變.

歡迎討論

[ 本帖最後由 EX-TL 於 2014-9-12 01:52 編輯 ]

600走法幾破格,
用o左曾經有人建議改11x做秀茂坪循環方法.

不過我估九記有兩個考慮,
一, 係銅鑼灣私牌.
夜晚可以做單向車, 尾站曉麗下行或祥和苑南行.
下晝開工車就唔知點搞.
二, 係會對銅鑼灣線信心不足,
結果沿用307P 678模式, 碌到西灣河上橋,
順便整頓606 694.

我覺得將來過海線都應該咁拆,
一條銅鑼灣後快, 一條先快到北角再過海.
好似619P 619x組合,
P先慢九龍後快港島,
x先快九龍後慢港島.

[ 本帖最後由 transbus 於 2014-9-12 01:55 編輯 ]

原帖由 transbus 於 2014-9-12 01:51 發表 http://www.hkitalk.net/HKiTalk2/images/common/back.gif
600走法幾破格,
用o左曾經有人建議改11x做秀茂坪循環方法.

不過我估九記有兩個考慮,
一, 係銅鑼灣私牌.
夜晚可以做單向車, 尾站曉麗下行或祥和苑南行.
下晝開工車就唔知點搞.
二, 係會對銅鑼灣線信心不足,
結果沿用 ...

下晝四點前由金鐘私東院道可以用大坑道天橋落摩頓台, 出番去高士威道入禮頓道
轉入加路連山道, 或者跟914由軒尼詩道轉入波斯富街同禮頓道.

601天后至北角晚間客量不容小看, 經常被金鐘至銅鑼灣乘客打爆到上唔到車,
600的班次訂為16/20分鐘一班, 除左用車問題, 睇準左秀茂坪客唔理等幾耐,
最緊要上到車的心態而訂, 況且咁樣分拆, 619打爆機會亦相應提高, 增加
600的吸引力.

考慮到600若只做秀茂坪就私返銅鑼灣, 對協和街來講冇左直車過海不太方便,
就惟有想出協和街後不停站直往東隧, 觀塘站至藍田站沿線俾晒619做, 反正呢段路
呢個時間601不多客, 619同港鐵有能力食得晒.

當然, 619亦應該加車行走, 晚間非繁班次仲有好大提升空間, 拆線亦係可行做法,
不過619拆線的話, 行紅隧的成效會比行東隧好, 不在此詳述.

晚間非繁銅鑼灣往九龍東會比港鐵快, 若改為經太古.西灣河上橋, 這一大優勢
會完全消失, 等於斷左自己米路, 在秀茂坪增加中的人口, 直駁港島有如港鐵增設
一條北角-藍田-秀茂坪的綫路, 比議員提出將安達臣居民引至油塘或寶琳來得合理.

[ 本帖最後由 EX-TL 於 2014-9-12 02:10 編輯 ]

個人覺得610既然要服務金鐘打後乘客，不如落足資源去做埋北角個份，驚唔夠載下繁開返幾班維園開出特車

610A去到灣仔就入紅隧返東九龍，對610A黎講特快效果更明顯，反正下繁行東隧點都係塞車

既然610都預左要塞，無理由610A都要塞埋一份

600就跟其他版友建議跟678走線過海做埋少少港島東分額，咁就最全面照顧港島北岸返東九需要
到時又有藉口郁606服務

呀...好野wor，咁都比你淋到 我個人覺得，如果你計得店用車同3巴利益呢方面的野...

除左600之外，其他可能玩得過的...

原帖由 transbus 於 2014-9-12 01:51 發表 http://www.hkitalk.net/HKiTalk2/images/common/back.gif
我覺得將來過海線都應該咁拆,
一條銅鑼灣後快, 一條先快到北角再過海.
好似619P 619x組合,
P先慢九龍後快港島,
x先快九龍後慢港島.

咁做會有一個問題，就係山腰（尤其和樂邨、樂華邨）同埋山下會無左車去北角至銅鑼灣。
我覺得 601 619 就算拆線，九龍一邊的定線都好難可以大改。

講返樓主的建議，我覺得 610 610A 的拆法似乎唔係太好。
因為停得入境處，本來可以直上東廊，會比起落返炮台山北角快好多。
但銅鑼灣果條線，因為興發街塞車，所以下繁唔會比起停埋炮台山北角快。

當然我明白樓主的原意係平分兩條線客量，而且停入境處再落返炮台山果條線，
由中環出發，應該都會快過 601P。
但如果想最多人有得快的話，似乎一條灣仔內街行紅隧東九廊過海仲好，畢竟灣仔係兩大客倉之一。

至於中上環金鐘返馬鞍山，想提速的話，應該係行西隧青沙，而唔係繼續經北角同東隧。

[ 本帖最後由 S3BL100 於 2014-9-12 23:19 編輯 ]

原帖由 S3BL100 於 2014-9-12 23:12 發表 http://www.hkitalk.net/HKiTalk2/images/common/back.gif
咁做會有一個問題，就係山腰（尤其和樂邨、樂華邨）同埋山下會無左車去北角至銅鑼灣。
我覺得 601 619 就算拆線，九龍一邊的定線都好難可以大改。

講返樓主的建議，我覺得 610 610A 的拆法似乎唔係太好。
因為停得入境處，本來可以直上東廊，會比起落返炮台山北角快好多。
但銅鑼灣果條線，因為興發街塞車，所以下繁唔會比起停埋炮台山北角快。

當然我明白樓主的原意係平分兩條線客量，而且停入境處再落返炮台山果條線，
由中環出發，應該都會快過 601P。
但如果想最多人有得快的話，似乎一條灣仔內街行紅隧東九廊過海仲好，畢竟灣仔係兩大客倉之一。

至於中上環金鐘返馬鞍山，想提速的話，應該係行西隧青沙，而唔係繼續經北角同東隧。 ...

因為眼見平時601淨做金鐘-維園都夠客, 行埋天后至北角段英皇道只會浪費時間,
下繁興發街上橋塞車的問題, 跟利用民康街上橋比較唔會快幾多, 但在不少人心目中,
由金鐘碌到北角先上橋=慢(619由上環開始碌就更慢).

601P現時係就係一條P線, 行興發街上橋, 同603 681可以話同grade, 但係收費上
同601 619完全冇分別, 其實收$11都唔過份(以現今思維去睇), 以上建議由於係
二拆三, 用車數目緊拙, 610A分去唔少資源, 600在晚間非繁的需求可以20分鐘一班,
晚繁610A停埋炮台山.北角先上橋, 仍然係比現時sell特快的601P快, 炮台山.北角
有左600同610A同時服務的晚繁, 唔需要再企街等唔知幾耐先上到車.

另外, 600的穩定性可參考81和678, 由摩頓台轉出維園上客, 繼而行英皇道去北角,
所花時間唔及轉入興發街, 由維園巴士站抽出近電車路的行車線, 並非想像中咁難,
利用民康街比興發街上橋的610不會慢太多, 而600的優點在於過海後唔駛驚觀塘道
倒塞返藍田站, 直接由將軍澳道上山, 繞過所有現時601的街道落番協和街, 對大部份
秀茂坪客來講非常方便, 秀暉樓供寶達.秀茂坪南落客, 秀茂坪商場供曉麗居民使用,
一條扶手梯直插屋企, 快過慢碌協和街上山, 落車後向上步行, 係去協和街不夠吸引.

而現時非繁永遠迫在車頭甚至上唔到的車的北角乘客, 有左16／20分鐘一班的600後
能夠徹底解決, 只要去尚德做足宣傳, 慣用296A轉乘十幾年的尚德居民應該唔會抗拒
(現時冇轉乘優惠仍然有人漏夜由觀塘法院行去觀塘警署轉296A, 大約每班601 619
有0-2人咁樣做, 有左優惠+原站轉車吸引力更大), 價錢考慮優先另作別論.

行灣仔內街入紅隧那條是619系分拆正常, 601分拆用紅隧必先經過擠塞的觀塘市中心,
要不然就經過振華道, 同619系(閣下所諗的x19系)重疊, 在現實上未曾存在的東西
出現之前(例如619X在秀茂坪道不設站, 690啟田道因與603沒有重疊而設站等),
新巴.九巴合營的601系(閣下所諗的x01系)行振華道而不停站有點突兀, 而行觀市
塞車加埋本身紅隧都會塞車之下, 行紅隧去秀茂坪唔會快過行東隧.

要一條服務秀茂坪的路線行灣仔道, 亦只會步十多年前619全日初期繼續行灣仔道
導致客量不足的後塵, 如真的行灣仔道, 吸到的客也只會是往協和街或之前一段,
即101的客群, 秀茂坪二十多年來也是在電車路等車, 呢個習慣好難改變.

再者, 經灣仔入紅隧即代表銅鑼灣及打後只會有一線服務, 極其量加多一條下繁線
(考慮到灣仔.銅鑼灣怡和街塞車嚴重, 未必夠車拆), 就會導致中上環車程快左,
銅鑼灣谷晒落一條線, 炮台山.北角有線冇車停的情況出現.

680果度, 用680X改西隧特快可以一試, 但當用整個晚間時段去諗, 拆左一條行西隧
斷估唔會係北角開出, 如果係北角開出, 慢碌到西營盤比現時金鐘碌到北角感覺咁差,
而本來炮台山.北角的服務就會冇埋, 搭巴士由港島返馬鞍山, 最好就係跟681咁行,
沾681光去服務沙田.馬鞍山各小區其實比獨家村行西隧更佳, 起碼車程有個預算,
乘客知道大概用幾多時間, 而本身下繁興發街塞車, 就用方便的落車站位試圖吸客,
咁如果話興發街塞車不如行英皇道.民康街上橋, 咁同唔改冇分別, 繼續係慢碌.

事實上, 炮台山.北角返沙田.馬鞍山的需求對比去九龍東係冇咁大, 680A定點20分鐘
已是可接受的下限, 所以另加600東隧轉乘680系和682, 乘客可以揀一程過或者轉車,
轉車比直達平少少, 若果轉車效果佳, 假以時日將680A拼埋入680P, 做到天后上橋,
炮台山.北角全用轉乘, 或繁時留一兩班直達車大老山後直達富安至烏溪沙(後話).

原帖由 Ravenclaw 於 2014-9-12 22:57 發表 http://www.hkitalk.net/HKiTalk2/images/common/back.gif
呀...好野wor，咁都比你淋到 我個人覺得，如果你計得店用車同3巴利益呢方面的野...

除左600之外，其他可能玩得過的...

千祈唔好咁講, 呢個plan諗的過程中, 越整越有你之前同板友間討論的「屎忽數」影子,
我都唔想, 奈何從我經常搭的601去諗分拆, 方向的確係應該咁諗(但619分拆明顯唔係呢回事).

三巴之間利益實在太複雜(雖然好多人成日話新巴同城巴只係左手交右手),
響現實仍未有明顯事例出現前, 冇可能計得到, 我亦相信呢條數拆得掂的話,
可以做的絕對不止於600.

究竟係你諗野唔夠屎忽, 定係我諗野屎忽左?!

原帖由 kay 於 2014-9-12 22:45 發表 http://www.hkitalk.net/HKiTalk2/images/common/back.gif
個人覺得610既然要服務金鐘打後乘客，不如落足資源去做埋北角個份，驚唔夠載下繁開返幾班維園開出特車

610A去到灣仔就入紅隧返東九龍，對610A黎講特快效果更明顯，反正下繁行東隧點都係塞車

既然610都預左要塞，無理由610A都 ...

紅隧使用率下降, 建議將671 641改行紅隧唔代表唔塞車, 而先前做過research話
改行紅隧的176比行東隧的671X更快, 數字上只係果幾分鐘, 差異不大.

176係因為香隧直出鵝頸橋落紅隧加埋不停紅隧站先做到呢個數字, 行東隧要屈去右手邊,
176快過671X係必然的, 唔試都知.

610A行告士打道.永興街去炮台山, 已經避開左灣仔塞車, 要塞的只有東隧口同觀塘道西行,
西行過左六點塞車機會大減, 而行紅隧去到觀塘市中心一樣會塞車, 但計落會少左炮台山.
北角客, 而吸到的中上環.灣仔北至觀塘客, 應該由101X或619分拆去做, 唔應該同服務
秀茂坪住宅區的路線混合, 咁樣做, 到需要重組的時候就會好複雜. 再講, 行東九龍走廊
快左咁多, 而且唔再係舊線, 絕對有理由相信會加到同101X一樣收$11, 加左$1.2 / $1.7
去換條延長至寶達的101X, 我就覺得唔係好值.

600碌到西灣河先上橋, 等同將優勢徹底消除, 將606慢碌的詬病轉移到600,
維園-北角客唔會理佢, 更加唔會有人用轉乘.

600的出現明顯係為將來安達臣而準備, 若連上繁都拆得掂, 601維持協和街落山,
600將軍澳道落山到東隧或港島轉乘, 比起將班客推落油塘或寶琳搭那條本來已經100%以上
full load的將綫更實際.

[ 本帖最後由 EX-TL 於 2014-9-13 02:01 編輯 ]

原帖由 EX-TL 於 2014-9-13 01:27 發表 http://www.hkitalk.net/HKiTalk2/images/common/back.gif

行灣仔內街入紅隧那條是619系分拆正常, 601分拆用紅隧必先經過擠塞的觀塘市中心,
要不然就經過振華道, 同619系(閣下所諗的x19系)重疊, 在現實上未曾存在的東西
出現之前(例如619X在秀茂坪道不設站, 690啟田道因與603沒有重疊而設站等),
新巴.九巴合營的601系(閣下所諗的x01系)行振華道而不停站有點突兀, 而行觀市
塞車加埋本身紅隧都會塞車之下, 行紅隧去秀茂坪唔會快過行東隧.

要一條服務秀茂坪的路線行灣仔道, 亦只會步十多年前619全日初期繼續行灣仔道
導致客量不足的後塵, 如真的行灣仔道, 吸到的客也只會是往協和街或之前一段,
即101的客群, 秀茂坪二十多年來也是在電車路等車, 呢個習慣好難改變.

再者, 經灣仔入紅隧即代表銅鑼灣及打後只會有一線服務, 極其量加多一條下繁線
(考慮到灣仔.銅鑼灣怡和街塞車嚴重, 未必夠車拆), 就會導致中上環車程快左,
銅鑼灣谷晒落一條線, 炮台山.北角有線冇車停的情況出現..

我又唔係咁睇…

如果拆一條紅隧特快，一條做晒銅鑼灣至北角，咁銅鑼灣至北角都無得快，但係上環至灣仔都有得快。
如果跟你咁拆，就似乎得上環至金鐘有得快，灣仔至北角都無得快。

同埋雖然銅鑼灣至北角得一條線，但係咪會令到炮台山北角上唔到車，我覺得未必。
至少我的目標係要將灣仔客推晒去果條紅隧特快，到時慢線會銅鑼灣先開始多人上車，北角炮台山可用空間應該都會多左。

至於行法，最正路係灣仔道 -> 紅隧（隧道口不停站）-> 東九廊 -> 常怡道 -> 牛頭角道 -> 物華街 -> 跟 601 上寶達，
目的係要做埋九龍灣、觀塘巿中心同和樂邨特快，同埋食埋大半條 641，
換言之，到時呢條新線可以由 641 甚至 101 抽車，下繁打後港島返回秀茂坪的運力，
比起現時 601+601P，同埋你的方案，都要高，因此我唔會太擔心銅鑼灣打後乘客谷晒落一條線的問題，
反而仲可以視乎最終需求，直接用 101/601P/641 資源，幫 601 加班。

當年 619 改入怡和街，係想正正經經做銅鑼灣，唔關灣仔道事，
況且當時銅鑼灣、北角同東隧絕對無而家咁塞。

而因為呢條紅隧特快想做埋和樂邨，兼且食埋 641 觀塘巿中心段，因此無理由行振華道上山。

原帖由 EX-TL 於 2014-9-13 01:27 發表 http://www.hkitalk.net/HKiTalk2/images/common/back.gif

680果度, 用680X改西隧特快可以一試, 但當用整個晚間時段去諗, 拆左一條行西隧
斷估唔會係北角開出, 如果係北角開出, 慢碌到西營盤比現時金鐘碌到北角感覺咁差,
而本來炮台山.北角的服務就會冇埋, 搭巴士由港島返馬鞍山, 最好就係跟681咁行,
沾681光去服務沙田.馬鞍山各小區其實比獨家村行西隧更佳, 起碼車程有個預算,
乘客知道大概用幾多時間, 而本身下繁興發街塞車, 就用方便的落車站位試圖吸客,
咁如果話興發街塞車不如行英皇道.民康街上橋, 咁同唔改冇分別, 繼續係慢碌.

事實上, 炮台山.北角返沙田.馬鞍山的需求對比去九龍東係冇咁大, 680A定點20分鐘
已是可接受的下限, 所以另加600東隧轉乘680系和682, 乘客可以揀一程過或者轉車,
轉車比直達平少少, 若果轉車效果佳, 假以時日將680A拼埋入680P, 做到天后上橋,
炮台山.北角全用轉乘, 或繁時留一兩班直達車大老山後直達富安至烏溪沙(後話).

無人講過條西隧馬鞍山線由北角開喎…北角梗係行返東隧。

不過 681 車程其實都係無預算，B2 板成日都有板友報告，
因為港島塞車，搞到 680X/681 港島開一粒鐘都入唔到東隧，兩粒鐘都返唔到馬鞍山。

相反，如果行西隧，上環起計 25 分鐘可以去到大埔公路/火炭路路口，
如果跟我呢篇文建議果條 980X，
加停第一城，入到耀安邨都係 40-45 分鐘，
加埋金鐘到上環都係三個字，中環要一粒鐘內返到馬鞍山範圍，難度唔大，680/680X 金鐘甚至灣仔都好難做到呢個時間。

當然 680X 有灣仔銅鑼灣客，所以心目中係 680X 變 980X 後，減剩四班，其他三班車加返落 680，
俾 680 下繁拆線，一條直入耀安，一條做第一城濱景亞公角錦泰，
到時北角返馬鞍山巿中心同錦英利安都可以快 10 分鐘，又因為東廊塞車，銅鑼灣客唔會慢過 680X。

雖然係少左班次行東隧，但同時北角都會多左班次，兼且幾乎分走晒金鐘以西的乘客，
對於紓緩北角登車困難，應該有正面作用。

同時，拆多條線入錦泰後，681P 都可以改埋行西隧，變成金鐘開車。
但因為本身都係四班車，唔適宜減，所以就做埋大圍
（雖然擺明係屎忽數，馬鞍山價做大圍至濱景，但上環返大圍只需 20 分鐘，
真係特快，而且入埋富安花園都係 40 分鐘，一定快過東隧線沿途慢慢塞，快至少半粒鐘）

你可以話我擺明係取消舊線開新線，但事實上有西隧青沙可以好好利用，提速幅度極明顯，
只要做好灣仔至北角段的配套，我覺得改行西隧好過繼續行東隧塞車。

[ 本帖最後由 S3BL100 於 2014-9-13 12:16 編輯 ]