2015年第一季暫定實施沙田區路線改動一覽

原帖由 mckhgc 於 2015-1-10 01:08 發表

282秦石少客係正常

秦石人口幾多，新田圍人口幾多？

秦石幾方便幾多車搭？大量巴士小巴線唔在講，十年前開埋馬鐵後，連駁火車都唔使，兩鐵合併後更加連M車駁地鐵都唔使，除非去沙市行街或返工返學，或最多計埋搭城隧線，唔想搭47X兜沙角內街，否則根本冇需要搭282。

新田圍呢？幾乎百冇，幾乎去邊都要282駁腳！

如果話282秦石少客而削班既，味又即係因為其他村既方便，拎新田圍黎開刀，又一次其他村請客，新田圍付鈔囉。

少少離題，講起282，秦石有呢架車，根本係應該向新田圍感恩。以前出現過3架自稱「康樂車」既23座小巴，提供特快來往新田圍及沙市，「康樂車」只設富圍樓、偉華中心、好運中心三站，不停秦石，後來「康樂車」因某些大家心中有數既原因停辦(亦可反映老九後知後覺，無視新田圍需求，見人地攪新田圍特快線攪得有聲有色就玩死人)，區議員爭取下，老九先至極不情願咁開試辦282，相比「康樂車」，282大幅加價15%兼不去好運兼益埋秦石，秦石就食兩家茶禮呀，難為新田圍就要忍受無限不便。

相比其他村路線改動，就要新田圍D車花式兜路，去足晒之前每一角落至叫「公平」，「康樂車」轉282，對新田圍又有幾公平？

而且自282後，新田圍再冇新線開辦，最多只有82M增停。

都係果句，咁事實係咁，新田圍無牙力，你地怨都無用。
我夠知新田圍百無，我夠知新田圍得一部叫 282 似少少人樣，
但區內既人非繁唔坐其他巴士線（除 282 同 81K），無客量又點留線？

我問你一個問題，如果 80X 拉到上去新田圍，你地又坐唔坐？
到時又係話，行去坐 89 仲快。

我又問你一個問題，假設 81M 留到今時今日，又有幾多人係新田圍坐出九龍塘？
到下繁，新田圍人會坐 80M 定 81M 返新田圍？

你地又怨巴士服務唔好，當年成大條 81M 係度，個個下繁又係坐 80M 多過 81M，因為認為 81M 兜大圍。
80M 下繁咁高載客量，我夠知要多謝新田圍，但唔好話人取消 81M，281M 先兜路，
當年下繁自已居民唔打爆部 81M 留線，無人幫到大家，亦無得眼紅。

穗禾苑／火炭係惡（你可以話無理），但佢地惡得有數據，80M 去沙田市中心真係唔睇價錢都有客照上，
但新田圍非繁，80M 比例少得驚人，既然新田圍非繁出入需求，點解係 80M 同 89 客量上睇唔出？之後再話，因為要行樓梯，邊個會坐。
但以前證明左，有條 81M 係度，又認為兜比左殺左線。

係唔係要開條新田圍巴總直去曾大屋上番市區至合理先？依點真係唔好發夢。

最後要怪怪你地區議員，咩都幫你地唔到。

[ 本帖最後由 dennis28a 於 2015-1-10 01:53 編輯 ]

咁講對程老師唔太公平既
既然你又知其實牙力不大
唔通死保線既就會有出路?
最起碼條82K都保住左咁多年
假若程老師死保爛保既
相信遲早又係同大水坑齊名

當然我覺得81M換281M係蠢左少少
只不過又唔好expert 區議員一定樣樣皆精既

原帖由 dennis28a 於 2015-1-10 01:50 發表


都係果句，咁事實係咁，新田圍無牙力，你地怨都無用。
我夠知新田圍百無，我夠知新田圍得一部叫 282 似少少人樣，
但區內既人非繁唔坐其他巴士線（除 282 同 81K），無客量又點留線？

我問你一個問題，如果 80X 拉到上去新田圍，你地又 ...

你講野真係好唔公道。


非繁非繁非繁，純住宅區有邊度係非繁多客既？

用80M,89非繁新田圍客比例，去話新田圍冇客，就更加離譜，用一條村，去同市中心幾個大商場、幾個私人屋苑+瀝源，可能加埋禾輋火炭穗禾既客量去比，公道？

出入九龍塘，80M貴過81M，仲要上上落落，但都咁多人揀80M，你唔去怪81M既問題，反而怪新田圍人唔搭？

穗禾苑／火炭80M 去沙市真係唔睇價錢都有客照上，就叫惡得有數據；同樣九龍塘去新田圍，一樣有客唔睇價錢80M,82M照上，秦石/大圍去新田圍一樣有客唔睇價錢82K,87B照上(你自己去車公廟路大圍鐵路站東行睇下，其他線到，最多上小貓三幾隻，掠水三飛一到，即刻清大半個站客)，就叫自已居民唔打爆部車留線。

唔搭81M去搭80M，就叫唔打爆部81M留線，81M削減服務抵死；
繁時打爆部80M，就話非繁時唔打爆，80M削減服務抵死；
非繁時都打得爆282，但都要削班，就話秦石少客(人地咁方便咁多車搭，唔使乜都282，當然少客？)，282削減服務抵死。

龍門任你搬，總之除非靠一個新田圍，都做到非繁都班班頂閘，仲要分埋畀秦石而秦石班大帝又肯搭，至叫有需求，否則點剝削新田圍都係合理。

都話呢新田圍一日未有帝皇級巴士服務未有九龍線途經未有青沙線途經未有路線有好班次呢
某人就只會一直係度鬧都有鬧到有好為止

勸大家真係咪理啦
我地講乜都唔會聽得入耳

原帖由 dennis28a 於 2015-1-9 03:06 發表


因為要令 80M 同 280X 各 20 分鐘一班。

本黎要殺 80M，家陣變左減 81K 一部車，再殺一半 80M 班次，
總算好過無。

我除左咁安慰新田圍區居民外，建議考慮爭取 282 加班好過。 ...

假設81K只係cut一架蛇車, 咁要維持現有燒豬盤列出的班次其實都唔太難.
如果36分鐘一個單夠行, 咁樣要維持繁時8分鐘一班要派幾多架車, 有數得計.



相對於80M非繁 "25分一班" 咁難睇...

如果係81K減一蛇
(或者假設81K-S01改為全日行280X)
其實編新班次表時可以有技巧地
使班次改動唔係太礙眼.

[ 本帖最後由 leolaw 於 2015-1-10 17:44 編輯 ]

新田圍無客好正常
因為根本條條線一係兜,一係疏,再唔係就疏+兜
錦搞法咩客都趕走晒啦