2015-2016年度西貢區巴士路線計劃出爐

原帖由 poohpter 於 2015-1-19 18:04 發表 半離題半有關連……新巴近日已移除上年十一月796P/796X改動之海報，取而代之為宣傳796P「晨早特快　直達尖沙咀」Poster；並附上三班車抵達九展及新港中心預計時間： 242371另回：如果796P回程唔想柯士甸站一帶 ...

第二班 796P 係開 07:40

[ 本帖最後由 andy92 於 2015-1-19 21:04 編輯 ]

原帖由 hokachung 於 2015-1-19 20:53 發表

其實佢個預計時間喺日常情況下做唔做到？

我五年前將軍澳隧道無咁塞既年代搭 0750 班 98P 返工，都起碼要 0815 打後先出到將軍澳隧道。
2015 年 0755 康城站開既 796P 如果 0818 出到將軍澳隧道都要還神啦，仲話 40 分鐘出到尖西靠害咩
早兩三年最經典一次我 0920 仲見到 796P 塞緊 PolyU，
當時都仲未要兜領都。

[ 本帖最後由 3ASV174 於 2015-1-19 21:36 編輯 ]

原帖由 fleetline 於 2015-1-19 16:49 發表


一個地區發展成熟但交通配套追唔上唔出奇, 但唔見得藍田出西九有這個問題.
藍田山沿線有晒通道去地鐵站, 由德田行到地鐵站15分鐘搞掂,
唔想行快既有小巴, 慢既有16, 真係唔夠?

我贊成藍田增加路線去深水埗區, 但 ...

藍田山唔係所有屋苑都有上蓋通道直落地鐵站，要上落山行三個字，就唔需要有條快線；
相反尚德距離地鐵站路程少於 10 分鐘，全天候直駁，就要攬住半條 796C 加成條村巴 296C 之餘仲要改快？咩道理？

話藍田山唔夠客，但就無視尚德本身人數更少，搞到 296C 要做埋觀旺救亡，小弟笑而不語
藍田山本身落觀塘道有 16，觀塘又有其他選擇（包括 296C）出旺角同深水步，藍田山旺角西九線做咩仲要走落觀塘道重疊？

駿業里加站我都會收貨，不過 apm 站位始終有更大優勢，不贅。
就算只係朝早返工繁忙時間屈錢都夠晒啦…

東京街總站長期無客係正常，而家 296C 走線都只係純粹搵位擺，
但如果來回改行欽州街西出入，食正富昌南昌兩條村，真係比心機做填海區，你估結果又係咪一樣？
仲未計東京街上蓋加埋西九龍公路對面加埋會起十座公屋（定 11 座？），雖然要等多 4-5 年先落成，
但到時如果仲擺東京街既話，呢班客必然係袋袋平安。

去長沙灣，無錯點都會多幾個尚德同東九客，但一定唔可能好似 98C 在長沙灣咁把炮，
但繁忙時間逆通勤方向就會依舊少客。
相比之下，如果專心做填海區，逆向客量相信會有頗大上升空間，
少幾個仲有其他選擇的長沙灣返工客換一堆填海區去東九乘客，點都有著數，
乜而家條線賺蝕做唔做得起，只係睇單向客量，而唔係要全日兩個方向都考慮？

原帖由 S3BL100 於 2015-1-20 00:42 發表

藍田山唔係所有屋苑都有上蓋通道直落地鐵站，要上落山行三個字，就唔需要有條快線；
相反尚德距離地鐵站路程少於 10 分鐘，全天候直駁，就要攬住半條 796C 加成條村巴 296C 之餘仲要改快？咩道理？

話藍田山唔夠客，但就無視尚德 ...

第一, 尚德係冇上蓋通道直落地鐵站.
第二, 一向不主張796c回程經尚德.
另外計番有16經過藍田山的人口, 其實唔夠296C將軍澳段的人口多.
你而家建議的係加線, 點可以同改線相提並論?
做藍田西九線又唔一定要行觀塘道/繞道, 可以行山過.

296C改路目標都唔係為左做觀旺, 係為左食長沙灣工廠區返工客,
只係唔想加車做先建議飛站慳時間.
搵條20分鐘一班的線去做特快, 個站擺幾靚都冇用啦,
等得你有車, 我坐1A都差不多落車,

講到西九填海區有好多客, 問題而家有幾多客?
西九填海區未來有更多新樓落成, 但不要忘記南昌站便在旁邊.

296C比起眾將軍澳線, 逆向客量算是好標青的一條,
行填海區上升空間可能會更好, 但用而家數據去睇,
當然係做長沙灣工廠區有著數, 起碼即時見效.

原帖由 fleetline 於 2015-1-20 19:02 發表

第一, 尚德係冇上蓋通道直落地鐵站.
第二, 一向不主張796c回程經尚德.
另外計番有16經過藍田山的人口, 其實唔夠296C將軍澳段的人口多.
你而家建議的係加線, 點可以同改線相提並論?
做藍田西九線又唔一定要行觀塘道/ ...

淨係粗字呢點，已經唔岩喇。
望下呢幅圖同呢幅圖，16 藍田山上假假地都直接做緊三個選區（興田、廣德、栢雅），
而 296C 將軍澳只係做兩個選區（尚德、廣明），況且事實係 16 比起 296C 旺場好多，呢點你無理由反對掛？

無錯藍田西九線係可以行山，繁忙時間會快過塞觀塘道，
但係 16 往返旺角太慢係事實，人地嘈左好耐，而家你地將軍澳想要有咩快線就有，
人地的需求就唔駛理？而山上已經有其他選擇去旺角，藍田線行山咪又係重疊，有無咁既需要？
既然乘客人數同人口數目都支持到拆快線（記住，係拆線，唔係無啦啦從天而降十幾部車開新線），
行其他路咪又係同其他現有巴士線重疊，咁點解唔索性行觀繞？又可以搶錢。

我同意搵條廿分一班既線做特快，效果未必好，
不過九巴理念同實踐細節差天共地，已經唔係第一次（例如 88X 開半粒鐘一班），
但事實係 88X 下繁返沙田靠執 80X 89X 雞都坐得滿。
如果 296C 改快兼且改到同 13D 16 同站，
班客以往就會諗住 13D 16 密車，296C 貴咁多，見有車都未必上，
之後就會知道 296C 中途飛站行天橋，可以追到前一班甚至兩班 16，你估同而家又係咪一樣？

西九堆新樓同南昌站的距離，好似同尚德往返將軍澳站差唔多咋喎，
如果你覺得 296C 要成粒鐘先出到長沙灣，都可以執到尚德長沙灣客的話，
日後堆新樓唔係應該執到更多觀塘客？仲有現成的富昌南昌村呢？改少少走線就已經食正。
仲未計將軍澳站搭地鐵去長沙灣，全部同層對面月台轉車，而且順路，調景嶺又包有位坐，唔係咪等下班。
但南昌站去東九，要先屈上荔景，或者美孚行個幾兩個字轉線，點都係兜遠左唔順路，情況又係咪一樣？

同埋，如果 296C 真係執到唔少長沙灣返工客，就意味要加車，但逆向都會慘淡。
但如果執到西九填海區往返觀塘的乘客，唔使加車都可以做返同樣數目甚至更多乘客，到底邊樣著數？

原帖由 S3BL100 於 2015-1-21 13:19 發表


淨係粗字呢點，已經唔岩喇。
望下呢幅圖同呢幅圖，16 藍田山上假假地都直接做緊三個選區（興田、廣德、栢雅），
而 296C 將軍澳只係做兩個選區（尚德、廣明），況且事實係 16 比起 296C 旺場好多，呢點你無理由反對掛？

無錯藍田西 ...

將軍澳果邊你都冇計澳唐和富軍兩個選區， 兩選區都有一半屬296C服務范圍

藍田果邊我又見唔到佢地有要求去西九特快，要過山線就聽得多
16慢我知，藍田開唔開線我都冇所謂，但實際諗諗，只做藍田西九是否夠客?
開線唔同改線，改線好多時都唔需要額外資源，開線就點都要搵資源招呼佢，試想16拆條特快，兩者班次又會變成點呢?

西九果邊未來我估唔到，但而家就客量小得可憐，你假設長沙灣冇客，同我假設西九填海區冇客都係一個假設，但肯定是拉去長沙灣可即時見效果，繼續拍東京街就要等多幾年。

又咁諗啦，如果西九有客到時由長沙灣拉長至西九龍填海區都得。

要逆向客，而家下繁都有，改快左估計會更多。

上繁逆向客小，其中一個原因就係深水埗西去觀塘需求唔高，其二就係296C跟本吸引唔到佢地，如果要增加逆向客，可嘗試來回改行長沙灣道，果邊人口確實比荔枝角道多。

原帖由 fleetline 於 2015-1-21 20:38 發表


將軍澳果邊你都冇計澳唐和富軍兩個選區， 兩選區都有一半屬296C服務范圍

藍田果邊我又見唔到佢地有要求去西九特快，要過山線就聽得多
16慢我知，藍田開唔開線我都冇所謂，但實際諗諗，只做藍田西九是否夠客?
開線唔同改線，改 ...

明眼人都知你有 bias 喇，唔使死撐…

澳唐同富軍兩個選區直頭係地鐵站上面/隔離，平均行五分鐘，亦可以搭 796C，就計埋落 296C 服務人口；
藍田碧雲道就話可以行三個字落地鐵站，地鐵已經滿足需要，唔需要開條快線俾佢地



如果你咁計，係咪觀塘 J17 同 J19 兩個選區都要計一半落 16 覆蓋人口？

總之事實係 16 全日旺場過 296C 好多，拆線亦唔會唔夠客，快線同時做旺角同深水步，效果咪同 98C 差唔多…
我無否認過拆線有其他問題要處理，如果全日拆線就至少要拉埋其他區內廢線一齊重組，先可以拆完後做到合理班次，但事實係人地客源足夠。

姑且睇下今年 RDP 會唔會有驚喜…

長沙灣道兩旁人口未必少過填海區，但問題係成條地鐵荃灣線係正下面，佢地有幾大誘因搭巴士？
that's why 呢度一直有人無左條 40 後想改 296C 來回行長沙灣道，以為咁可以補位，心入面舒服少少，
我唔會支持咁改，因為時間價錢雙輸。

相比之下，填海區有南昌站，不過正如上面所講，要轉多次車、無同層轉乘、轉車兜遠左，情況已經好唔同。
而家上繁逆向客少，因為東行走線根本唔係做緊填海區的住宅，
真係有心做既應該係來回改行欽州街西，類似 212（東行）/ 118（西行）行法，
情況已經好唔同，唔使再等多五年都有客，再唔係咪學 dennis28a 話齋，拉去海麗/四小龍。

如果而家拉左去長沙灣，到時再屈返落填海區，佢地兜遠左幾多路，用多幾多時間？又做唔做到南昌/富昌？

原帖由 S3BL100 於 2015-1-22 14:56 發表


明眼人都知你有 bias 喇，唔使死撐…

澳唐同富軍兩個選區直頭係地鐵站上面/隔離，平均行五分鐘，亦可以搭 796C，就計埋落 296C 服務人口；
藍田碧雲道就話可以行三個字落地鐵站，地鐵已經滿足需要，唔需要開條快線俾佢地

; ...

你好似完全冇將紅小放在眼內, 如果冇紅小就你講得岩,
但計埋紅小講法就唔同. 由德田行去坐紅小同16相差唔遠,
由興田行去坐紅小/16直頭係同一條路上落, 如果你認為澳唐同富軍兩個選區不能計算,
咁你建議的藍田西九特快就只有廣田獨市.


早繁你可以去長沙灣站和深水埗站, 試下南行上車的感覺, 到時你唔會覺得行長沙灣道冇客啦.
時間上, 而家296C往尚德方向頭幾班車全程行車時間約40-45分鐘, 扣除觀塘去將軍澳10分鐘,
即係30-35分鐘便可以到達, 時間上我唔見得好冇優勢.


而家296C一樣去到富昌附近, 客量又點呢?
118同296C一樣泊東京街之後直走, 點解有富昌人走去坐118, 唔走去坐296C?
本身需求唔高, 你放條線泊正門口都冇用.

原帖由 S3BL100 於 2015-1-22 14:56 發表
長沙灣道兩旁人口未必少過填海區，但問題係成條地鐵荃灣線係正下面，佢地有幾大誘因搭巴士？
that's why 呢度一直有人無左條 40 後想改 296C 來回行長沙灣道，以為咁可以補位，心入面舒服少少，
我唔會支持咁改，因為時間價錢雙輸。

所以與港鐵重疊的6號線(+6A線)，30年前已經應該要取消，
只係唔知點解宜家仲有8-10分鐘一班，，6C線亦有7-10分鐘一班，
點解深水埗區乘客，唔去曬坐快一倍嘅港鐵來往油尖旺呢?
唔去曬坐又密又快美孚/青山道-土瓜灣紅van呢?

原帖由 fleetline 於 2015-1-22 15:40 發表
早繁你可以去長沙灣站和深水埗站, 試下南行上車的感覺, 到時你唔會覺得行長沙灣道冇客啦.
時間上, 而家296C往尚德方向頭幾班車全程行車時間約40-45分鐘, 扣除觀塘去將軍澳10分鐘,
即係30-35分鐘便可以到達, 時間上我唔見得好冇優勢.

除咗港鐵站，亦可以去青山道/保安道/元州街睇下兩繁觀塘紅van有幾爆，
東京街以東及石硤尾等唔等到車，call留位有無人睬你。

究竟係無需求，所以長沙灣站/石硤尾站附近無巴士去觀塘道沿線，
抑或係無巴士去觀塘道沿線，做成無需求的表象呢？
(深水埗站300米內有296C)

[Sorry, O.T.]

其實仍有乘客搭6仔來往油尖旺及長沙灣荔枝角美孚
有時係因為站位方便, 又唔駛地鐵站行上行落
我有個朋友就係因為後者原因, 鍾意搭巴士多過地鐵, 前提佢唔係巴士迷