適逢近期B2版有版友開post討論青沙，我就趁呢個機會，試下改善網絡，等轉車站發揮用途之餘，又唔會用得太過份。首次於F1版提出建議，請各位多多指教。
隨著近期240X/280X等線陸續開辦，象徵青沙網絡沙田走線已逐漸成形。但現行網絡仍有不少改進空間，包括拓展全日服務範圍、縮短來往轉車站時間。本建議參考過往官方重組計劃及部分版友的建議，集中討論沙田－西南九龍／葵青區路線，改善現行網絡。
一 青沙公路轉乘網絡
礙於資源有限，以下青沙路線建議，均盡量遵循以下數點原則：
1. 減少現行網絡覆蓋地區來往轉車站的時間
2. 保留轉乘效率，避免路線重疊
3. 提供較頻密的班次，減低轉乘時間，理想為15分以內一班
4. 擴大覆蓋範圍
本建議參考現有青沙網絡，以5條全日路線為骨幹，在減低影響280X、286X、287X原有乘客的前提下，盡量擴大覆蓋範圍、提供合理走線和班次：
‧ 240X 愉翠苑－葵興站
＞ 改為全日服務，沙田區途經第一城、富豪花園、乙明邨(西行)，九龍、葵青區途經西九龍新區、長沙灣、美孚、興芳路
＞ 繁時12分一班，非繁15分一班，用車9輛
＞ 全程收費$9.9，西行麗豪酒店起$8.9，碧海藍天起6.4；東行大南西街起$7.1，麗豪酒店起$5.8
＞ 往葵興站走線：http://goo.gl/maps/2nS7l
＞ 往愉翠苑走線：http://goo.gl/maps/QkSSG（葵涌道行天橋直達荔枝角道）
‧ 249X 黃泥頭－青衣站
＞ 改為全日服務，沙田區途經廣善街、沙田圍路、沙田市中心，青衣區依照原走線行走，來回加停長安
＞ 繁時12分一班，非繁15分一班，用車11輛
＞ 全程收費$9.9，西行沙田圍新村起$8.9，青衣起$4.3；東行沙田市中心起$5.8
＞ 往青衣站走線：http://goo.gl/maps/qGDhv
＞ 往黃泥頭走線：http://goo.gl/maps/Ewtmc（入沙田市中心總站）
‧ 280X 穗禾苑－尖東麼地道
＞ 走線不變，南行加停廣東道/匯翔道，北行加停彌敦道/寧波街(同287X)站
＞ 繁時12分一班，非繁15分一班，用車12輛
＞ 收費不變
‧ 286X 顯徑－深水埗（循環線）
＞ 大圍區改經顯徑街，不停顯耀邨；南行加停美田路/積運街站、北行不入大圍站
＞ 早晚繁忙時段，全數班次不入美田/美林，由286P線代替（詳情見下）
＞ 繁時12分一班，非繁15分一班，全日用車7輛
＞ 收費不變，回程大圍街市起增設分段收費$4.5
‧ 287X 水泉澳－佐敦（循環線）
＞ 走線、停站不變
＞ 繁時12分一班，非繁15分一班，用車11輛
＞ 水泉澳開出改收$9.1，以單程加價解決收費問題。南行博康邨起$7.1；北行大圍站起設區內收費
建議增設、修改下列青沙網絡繁時特別路線：
‧ 286P 美田－深水埗（循環線）
＞ 新路線，沙田區經美林總站，上繁去程、下繁回程繞經美松苑、美槐樓、美城苑三站；九龍區依286X走線
＞ 於繁忙時段286X改為大圍上落公路的時段開出，每12分一班，用車7輛
＞ 全程、分段收費與286X同價
‧ 272P 富亨＞葵興站
＞ 不經興芳路，改停葵涌交匯處、葵涌道荔景邨、葵芳廣場、葵芳邨前往葵興站，方便在工業區上班的乘客
＞ 碧海藍天起設分段收費$6.4
以上路線，連同270B、270P、286C總共9線，於青沙轉車站的收費如下：
＞ 南行於轉車站可免費乘搭任何路線
＞ 北行於轉車站乘搭270B、286C線需繳付差額，乘搭其他路線則不需付費
另外，建議以上青沙線與以下區內線設轉乘優惠，擴大網絡：
＞ 美孚、荔景：上述青沙線來回轉乘6、45、46線，區內一段只收取$1
＞ 美松、新田圍、濱景花園：上述青沙線來回轉乘82A、282、283、284線，區內一段免費
＞ 馬鞍山：上述青沙線來回轉乘85K、86K線，兩程合共收取$9.9
二 相關路線改動
青沙網絡加快沙田來往九龍、葵青部分地區的車程，基於資源及服務效率，建議以下路線改動配合。
‧ 40X 烏溪沙站－葵涌邨
＞ 來回程耀安直達城門隧道：南行經沙瀝公路、北行經馬場一段大埔公路，車長可依交通情況改經其他公路
＞ 繁時6-8分一班，非繁12/15分一班，減車5輛
‧ 43X 耀安－荃灣西站
＞ 繁時加密至5-9分一班，非繁14分一班，加車2輛
‧ 46X 顯徑－美孚
＞ 繁時部分班次，縮短至荔景北，方便回車
＞ 繁時改為5-8分一班，非繁12/15分一班，減車2輛
‧ 47X 秦石－葵盛東
＞ 繁時改為8分一班，非繁12分一班，減車1輛
‧ 49X 廣源－青衣碼頭
＞ 荃灣區改經大河道北，經天橋往返楊屋道，受影響乘客可改乘43X、48X線，或於荃灣鐵路站分站上落車
＞ 繁時7-10分一班，非繁12/15分一班，減車5輛
‧ 80M 穗禾苑－九龍塘站
＞ 與86線合併，見下述
‧ 81 禾輋－佐敦（西貢街）
＞ 縮短路線，以上海街近西貢街作總站；南行帝都酒店後僅經松嶺路上大埔道，受影響乘客可使用283線轉乘；北行停佐敦道/廟街，寧波街站起返回原線
＞ 繁時10分一班，非繁12/15分一班，減車4輛
＞ 往佐敦（西貢街）走線：http://goo.gl/maps/dX5oT
＞ 往禾輋走線：http://goo.gl/maps/d1CAH
‧ 81C 愉翠苑－尖東麼地道
＞ 與281B線合併，縮短路線至愉翠苑，經石門及濱景返回原線；馬鞍山乘客可改乘81X線往市區
＞ 繁時用車8輛，每20分一班；非繁用車5輛，每30分一班
＞ 全程收費改為$7.8
＞ 往尖東麼地道走線：http://goo.gl/maps/Nk2PT
＞ 往愉翠苑走線：http://goo.gl/maps/idAGr（來回程均依原線直駛窩打老道）
‧ 81X 耀安－紅磡站
＞ 依照區域性重組版本之281X線，經馬鞍西及濱景花園前往市區，另經梳士巴利道來往紅磡站
＞ 繁時10分一班，非繁12/15分一班，用車20輛
＞ 全程收費$8.9
‧ 82A 新田圍－美田（循環線）
＞ 取代82B與82K線，來回繞經美林總站，但不經田心，為新田圍及美林區提供較頻密的服務來往大圍，或接駁青沙線
＞ 繁時10分一班，非繁12/15分一班，用車4輛
＞ 全程收費$4.5
‧ 82E 新田圍－圓洲角
＞ 來往醫院特別線，走線依82K
＞ 每一小時一班，全程收費$4.5
‧ 86 愉翠苑－維港灣
＞ 與80M線合併，提供來往石硤尾至沙田市中心、第一城，以及沙田區前往奧運站接駁鐵路的服務
＞ 路線由愉翠苑開出，依原86線至白田，直駛南昌街至深旺道、海輝道前往維港灣
＞ 繁時15分一班，非繁20分一班，用車9輛
＞ 全程收費$6.8，北行獅隧起$5.8
＞ 往維港灣走線：http://goo.gl/maps/E4Oia
＞ 往愉翠苑走線：http://goo.gl/maps/aTHv2
‧ 86A 黃泥頭－長沙灣甘泉街
＞ 因應86線縮短，沙田區總站延長至黃泥頭，沙角邨後途經沙田圍路及廣善街；北行於世界花園設站。
＞ 繁時15分一班，非繁20分一班，全日加車3輛
＞ 全程收費$8.9，南行恆生管理學院起$7.8，博康邨起$6.1；北行獅隧起$5.8
‧ 86C 利安－長沙灣
＞ 沙田第一城後改經沙田路及龍翔道前往南昌街，不經沙田圍及歌和老街
＞ 繁時15分一班，非繁20分一班，全日減車2輛
＞ 收費不變，但增設轉乘優惠，補償九龍塘乘客：乘搭81X、86A、86C、87X線轉乘2B、2F，九龍區一段免費，回程亦然
‧ 87B 新田圍－奧運站
＞ 與281M線合併，總站遷至奧運站，不經深旺道及浪澄灣
＞ 南行途經顯徑總站及西洋菜南街，南昌街後依37線往奧運站，深入旺角區
＞ 繁時10/15分一班，非繁15/20分一班，全日加車1輛
＞ 全程收費不變，增設雙向分段收費：新田圍來往世界花園沿途各站收費$4.5，南行使用八達通卡者，下車時須拍八達通收取車費回贈
＞ 往奧運站走線：http://goo.gl/maps/5tXUu
＞ 往新田圍走線：http://goo.gl/maps/scIlm
‧ 87X 錦英苑－紅磡站
＞ 依區域性重組修改87D走線，耀安/恆安後經馬鞍山路、沙瀝公路直達獅隧，亞公角街、濱景花園乘客可改乘81X線
＞ 繁時班次7分鐘一班，非繁12分一班，用車27輛
＞ 收費不變
‧ 281B 碩門邨＞尖東麼地道
＞ 與81C線合併，此線取消服務
‧ 281M 新田圍－九龍塘站
＞ 取消服務，接駁鐵路的服務，以86線途經奧運站（維港灣）的安排代替
＞ 區內乘客可改乘87B線，享用雙向分段收費
‧ 281X 耀安＞尖東麼地道
＞ 以81X線代替，此線改為只提供數班特別服務
三 總結：資源分配一覽
82A/82B/82E/82K: 3 -> 4 (+1)
》區內小計：3 -> 4 (+1)
240X: 2 -> 9 (+7)
249X: 4 -> 11 (+7)
280X: 8 -> 12 (+4)
286P: 0 -> 7 (+7)
286X: 8 -> 7 (-1)
287X: 10 -> 11 (+1)
》沙田區青沙小計：32 -> 57 (+25)
40X: 24 -> 19 (-5)
43X: 22 -> 24 (+2)
46X: 23 -> 21 (-2)
47X: 23 -> 22 (-1)
49X: 28 -> 23 (-5)
》城隧葵青小計：120 —> 109 (-11)
80M/281M: 10 -> 0 (-10)
81: 18 -> 14 (-4)
81C/281B: 13 -> 8 (-5)
81X/281X: 12 -> 20 (+8)
86: 11 -> 9 (-2)
86A: 6 -> 9 (+3)
86C: 14 -> 12 (-2)
87B: 10 -> 11 (+1)
87D/87X: 32 -> 27 (-5)
》獅隧/大埔道小計: 126 —> 110 (-16)
》》總計: 281 -> 280 (-1)
總括而言，本建議選取現有5條青沙路線為骨幹，加密班次，提供繁時12分、非繁每15分一班的服務；同時盡量減省分區前往轉車站的時間，方便乘客轉車。另一方面，由於加強了青沙網絡，故調配資源，略為削減其他前往荃葵青及市區的服務，亦嘗試加快車程，以節省時間補償。最後，在網絡的盲點（例如荔景、新田圍、四美區、濱景/馬鞍山）設立轉乘優惠，而石硤尾區則維持現有前往沙田各區的服務。
歡迎站友討論，給予意見。 |
|
|
|
|
|
|
|
|
Good Try
1. 240X/249X係沙田區分工會唔會太仔細...
2. 老問題,非繁忙時間240X有咩客路可言?
葵芳轉乘繼續唔夠城隧系統搶, 第一城唔太需要用青沙轉車
單靠一程過既客睇唔出幾大潛力做全日
3. 40X區內服務如何處理?源禾路又會唔會放棄條40X?
4. 49X雖然大河道北可以有站,但北行要上樓梯唔太吸引,然後就一大堆客推落冇加過班既48X?
5. 86主力只係做沙田市中心/源禾路<>石硤尾其實夠唔夠客仔...
6. 81C做到20/30一班其實冇吸引力可言,即其實都係變相被轉乘
[ 本帖最後由 Snoopy@FB8617 於 2015-3-6 21:44 編輯 ] |
|
|
某巴士公司疑似謊稱區議會重組方案經區議會通過
|
|
|
|
|
|
多謝版友意見!! 嘗試解答下你既問題先:
1/2. 其實咁分工法本來係唔想兩條線重疊，分薄客源...
本身我覺得小瀝源兜哂愉翠苑/第一城再要行河東/河西太遠路，同86一樣太兜，
所以就改行沙田圍路，沿途剩低既位就由240X補返
不過無可否認，240X客源的確比較少
一係可以改做來回經市中心 (不經乙明)，補到部分市中心/第一城－長沙灣/美孚直達之餘，又比到去市中心既乘客叫多一飛
客量或者會高返少少
3. 我都有諗過40X區內個問題，始終之前見B2版都討論過一段長時間，都幾重要下
我諗過可以改改86K解決：
－改循環，去沙田站行河東，返馬鞍山行河西
－調轉86S走線（咁樣我覺得唔係幾好，因為河東根本無乜學校，將S線轉過河東似乎無乜用）
－甚至係一次過重組85K/86K......
方法都有唔少，可以開多一個post討論
而且牽涉多了，又同青沙無太大關係，所以我就無係份建議度講埋
4. 雖然要上樓梯，但係一上車就到迴旋處上山，會唔會吸引到乘客過去搭車？
我唔熟荃灣客去沙田個情況，但係我見附近天橋網絡咁發達，啲客應該多數都係行天橋然後落一層巴士站等車吧？
真係咁的話，我覺得行上一層比落一層應該唔差遠掛......不過就無得叫幾飛入城隧咁解
5. 86除了沙市/源禾－石硤尾，其實仲有深水埗同奧運站...
深水埗區我揀行南昌街，吸引下黃金/北河街/鴨寮街既客行過去上車入沙田
另外我揀總站擺維港灣，一黎可以擺車，二黎其實都做返少少80M接駁個功能，試下有無客由沙田坐呢條線去奧運站駁地鐵（而且奧運站一帶仲有辦公室同商場）
南昌街多燈位停耐少少，不過一行完南昌街就到維港灣，我諗都吸到啲客既...
6. 我承認改到咁疏，其實係有推人上青沙轉車既意圖...
始終大圍/乙明有287X，第一城本身有281A，濱景就有87D (建議入面既81X)
似乎都補左唔少81C既位......
當然因為81C仲有九龍塘、窩打老道等等既位補唔到，而且時間方面都算係有優勢，
所以我都唔敢殺線，只打算抽走啲車去第二度，留返條線係度
班次方面，其實繁時20分鐘班次我係用來回黎計算的，如果只做單邊密車的話，通勤方向應該可以做密少少
PS. 點解有時開唔到新行既 改完再改都係兩行黐埋一行...
[ 本帖最後由 cch0074 於 2015-3-6 22:26 編輯 ] |
|
|
|
|
|
|
|
|
原帖由 cch0074 於 2015-3-6 22:22 發表
多謝版友意見!! 嘗試解答下你既問題先:
1/2. 其實咁分工法本來係唔想兩條線重疊，分薄客源...
本身我覺得小瀝源兜哂愉翠苑/第一城再要行河東/河西太遠路，同86一樣太兜，
所以就改行沙田圍路，沿途剩低既位就由240X補返
不 ...
但要留意行車時間將會進一步拖長
再講長沙灣實際都係上下繁先客量多
非繁忙時間只可以幫起下
咁會唔會一個問題係其實240X係唔係真係咁值得全日?
既係青沙上面冇咩轉乘意義
直達既客量夠唔夠又係一個謎
3. 既然係個計劃入面既就可以進一步解釋
始終都係40X身上搵左5部車
除左區內問題外
對城隧系統影響都應該值得討論
始終都有唔少人係源禾路上落出入葵涌
4. 所以我指出既係
能唔能夠balance到被吸引上去搭車同留返係眾安街既人係一個大問題
個人都認為行大河道北都有佢既好處
的確可以快好多由市中心上落城隧
不過若果行左大河道北就代表停唔到大河道一站
相信會有一定影響
5. 對唔住無視左南昌街應該都有客
奧運站有客既機會應該就偏低
仲有一樣野係城東人繼續要搭過兩次河既86
兼且240X同86就變左兩條都cover唔到深水埔中心位同元洲村果邊
6. 係旺區做20/30其實冇咩班次可言
而281B沿線會唔會放過條尖咀線
答案應該係唔會
PS 轉discuz!代碼模式就唔會有咁既問題 |
|
|
某巴士公司疑似謊稱區議會重組方案經區議會通過
|
|
|
|
|
|
1）46X荔景短棍是單向往顯徑還是雙向？
假如是後者，最好另設編號
2）其實在廣東道玉器市場附近有一個九巴上蓋
假如將81縮短，可以考慮擺在該處
3）小弟還以為86吃80M會改去火炭......（也許有機會做得起？）
4）同意86改走後拉86A去黃泥頭補位
不過86A延長後單程也只是17km多一點點
大概不需要加價到$8.9咁盡
5）82K和81C兩條線的重組計畫討論已久，但就是遲遲沒有落實。
6）建議82E於水泉澳邨入伙後繞經當地，方便該處居民求診。 |
|
|
我是一部小小MMC~~~~
|
|
|
|
|
|
240X
- 往葵興方向可以改行荔枝角地鐵站果邊 , 更深入長沙灣工廠
- 全日未必夠客 , 最多只能舒緩城隧線的壓力
249X
- 同樣全日未必夠客 ( 尤其係淨做青衣果陣 ...... )
280X
- 無意見
286X
- 繁時分拆都未必夠客 , 而且咁樣資源反而用多左
287X
- 可以諗下有冇得解決大角咀的走線問題
81
- 咁樣縮短倒不如維持現狀仲好
81C
- 走線仲有必要咁長咩 ? 縮短到沙角果邊都足夠了
81X
- 非繁嚴重唔夠客
86
- 深水埗以西搭乜 ? 難道要逼人搭 72 , 86A 嗎 ? ( 第一城都係冇車搭....... )
87B
- 繁時咁樣入大角咀真係塞餐飽
總結 :
青沙路線班次仍然係疏落 , 非繁 15 分鐘吸引力唔大 |
|
|
|
|
|
|
|
|
回復 4#, 5#, 6# 的帖子
先一次過解答下上面比較多人講既問題先...
81：
其實縮短條線係考慮到佐敦道好塞，
改停上海街做總站就只需要單邊行一小段佐敦道，
從而可以再慳車。
唔知版友講個九巴上蓋係邊呢？
擺廣東道唔係唔好，尤其是果邊車流比較少，幾適宜做總站。
但係就會難啲轉返出去彌敦道，
如果變成行新填地街出到旺角，我就覺得唔太方便。
81C/281B：
有得再縮到沙角當然好，行少一大段路，用返同等車數就可以做返密啲班次，
不過唔知濱景、富豪同石門肯唔肯無咗條線？
尤其是石門上繁受惠到10-20分一班既281B，
我諗始終都要再搵啲野比返佢地。
呢層真係要再諗下先，
或者如果各位有高見既話不妨分享下。
86/240X：
元州邨至欽州街一帶，的確無了86入沙市、源禾同第一城。
不過諗諗本身沙市同源禾確係仲有72，我覺得去長沙灣方向可以set個較平既分段價，
一貴一平拉勻平均車費，補返86直達深水埗西個窿。
除非有另一set重組，或者第一城連86都唔要，
否則我覺得86都好難唔過兩次河...始終要搭埋沙市同源禾吸客
（16:16補充：第一城外圍仲有86C直達深水埗西）
另一方面其實仲可以發揮轉車站個功用，一邊有240X/280X（沙市仲有249X），另一邊有286X/286P，
繁時唔介意轉車的話，其實兩邊都幾密下，而且一出轉車站仲直達沙市，應該諗得過吧？
非繁對第一城黎講就真係蝕咗，不過其實我設計86/240X既時候，已經盡量包返九龍區既頭尾段，
只係剩返中間一段需要轉車，希望可以減低影響...
而且286X仲直掃整條欽州街，接受到轉車的話，上落車地方應該方便過86，尤其是而家坐86去河西，要行到九江街/窩仔街先有得搭。
240X咁既設計，其實有幾個功能：
－分流沙市/富豪花園/第一城/愉翠去葵芳乘客（河東唔駛去城隧轉46X/47X），
－加快以上數地去長沙灣同美孚既車程，去美孚亦都唔駛再兜成個深水埗
－將葵芳、四小龍納入青沙網絡，始終我覺得葵芳行青沙其實唔慢
－同249X分工，小瀝源乘客唔駛兜哂愉翠同一城先走
－方便86/86A/86C重組
講下講下其實240X攝咗唔少窿位，如果客量真係唔夠，大可以唔開全日，
只係其他路線都無咗重組既動力咁解，
或者到時只剩返拉86落愉翠同86A上黃泥頭可以做到...
（16:27補充：240X往葵涌行荔枝角道，其實係考慮到繁時入大南西街好塞下。
改停泓景臺雖然只到工廠區邊皮，但係所行既路，行車線比較多，車流都比較順，乘客唔駛等咁耐就落到車；再加上非繁仲方便四小龍住宅區，
假設附近交通情況短期內不變，睇黎行荔枝角道入美孚似乎比較好...）
[ 本帖最後由 cch0074 於 2015-3-7 16:27 編輯 ] |
|
|
|
|
|
|
|
|
3. 我理解源禾路本身有40X直達葵涌
其實我以前都諗過重組48X，改跟而家49X上落城隧；而大窩口同梨木樹就另開新線，順便服務埋海濱花園，
但係咁又會衍生包括梨木樹＞灣景區內等等既一大堆問題，工程就越做越大，
或者可以另文探討，同荃灣區路線一併考慮。
（16:20補充：
1. 我打算雙向開短棍。繁時最多人搭既一段應該到葵芳就止步，我估縮部分班次去荔景北也不為過吧...
另設編號當然無問題，只係變咗46X主線個班次無咁靚 ）
3. 拉入火炭工廠區，繁時應該做得起；
但係非繁時間，似乎入第一城同愉翠苑較為有保證吧？
如果等到火炭公屋入伙時先至重組的話，都可以考慮下入火炭代替。
4. $8.9係因應本身86線既定價黎收費。
我都覺得$8.9馬鞍山價去小瀝源好貴下，
係乘客角度而言，有得平返固然好；
但係收平咗，就到九巴唔制，最後可能唔肯用86A代86上小瀝源...
5. 你講得無錯，只係81C同82K重組同青沙有關，而且比起原本RDP有些少改動，所以我再係度寫多一次。
6. 只要行車時間影響唔到用車數量，我都覺得做得過
另外我地仲可以諗下，繞經水泉澳去威爾斯，定係去完威爾斯之後延長上水泉澳好。
81X:
可以解釋下點樣非繁嚴重唔夠客嗎？
學5樓所講，其實81C轉281X個方案，本身RDP已經出現過。
我個81X其實只係RDP條281X延長去紅磡站，
直接食返原本87D富安、亞公角同濱景出九龍乘客，
我估點都唔會唔夠客既。
87B:
我咁改法係想條線深入旺角，吸引多啲客，顯徑/澤安出旺角繁忙地帶會近過以前。
計車數既時候我已經預留多咗時間，不過入旺角始終會令個行車時間唔穩定，呢點係真既...
點都好，呢個改動，其實都係extra野來的，如果影響真係咁大，大可以照舊行返上海街。
249X:
淨做青衣的確未必夠客，
我已經將條線兜一兜長安，希望執到少少客試新線；
加上有得直達青衣城商場，應該都做到賣點掛？
除此之外，仲有得執沙市入小瀝源的83K/83S區內客，希望可以頂一頂到支出。
同240X一樣，如果客量差到15分鐘一班都做唔住，我就寧願唔轉全日，因為太疏太疏....
286X:
我都會啲擔心唔夠客，不過顯徑兜埋美田美林，我覺得真係好慢，
而且美松果邊，似乎一直都想有青沙線入去，所以我先想繁時分拆兩邊入青沙。
287X:
入柏景灣一早已成定局，除非有替代路線，或者證明到上落車既人極少，
否則我估都好難將條線拉出去。
我就暫時未諗到有何合理方法拉線離開柏景灣...
總結：
建立青沙網無可避免要食一食原有路線，但係大家都知道，280X/286X/287X三條全日線已經係度，
係現有安排之下，改動既空間細好多...再加上城隧系統太成功，就算重組都唔可以影響果邊太多。
係平衡青沙同城隧/獅隧/大埔道兩邊路線之下，我覺得非繁砌到15分鐘一班都算接受到吧？
或者我地需要再諗既係，如何善用青沙既轉車站，同出入沙田同九龍/葵青部分地區既優勢，安排部分路線改行青沙，為乘客提供合理/較快較密既車程同班次。
呢一點我地可以返去B2版個青沙post繼續討論。
[ 本帖最後由 cch0074 於 2015-3-7 16:20 編輯 ] |
|
|
|
|
|
|
|
|
其實若果資源足夠既
就唔使刻意推條281B做自殺式班次
就咁睇閣下既建議
240X同249X搶得多車
但實際上沙田區方面又有少少不必要既重疊
240X係葵芳主要都係得第一城一帶受惠
變相又有少少不必要地用多左D資源
咁又要帶到一個問題就係72非繁班次都幾疏下
而若果要說服該帶放走條線相信未必咁容易
當然若果肯既就最好
其實86唔過河我個人認為唔太難
86系自身都已經可以唔理青沙下自身搞一次重組都得
原帖由 cch0074 於 2015-3-7 14:36 發表 http://www.hkitalk.net/HKiTalk2/images/common/back.gif
240X咁既設計，其實有幾個功能：
－分流沙市/富豪花園/第一城/愉翠去葵芳乘客（河東唔駛去城隧轉46X/47X），
－加快以上數地去長沙灣同美孚既車程，去美孚亦都唔駛再兜成個深水埗
－將葵芳、四小龍納入青沙網絡，始終我覺得葵芳行青沙其實唔慢
－同249X分工，小瀝源乘客唔駛兜哂愉翠同一城先走
－方便86/86A/86C重組
講下講下其實240X攝咗唔少窿位，如果客量真係唔夠，大可以唔開全日，
只係其他路線都無咗重組既動力咁解，
或者到時只剩返拉86落愉翠同86A上黃泥頭可以做到...
第一二點確實係240X既主要功效
但其他就有D成效唔大既問題
葵芳行青沙當然係快
但若是仲要經美孚同長沙灣既話實在就冇咩優勢可言
咁乘客自然繼續返過去城隧轉兩飛
變相青沙繼續都係做唔到葵芳客 |
|
|
某巴士公司疑似謊稱區議會重組方案經區議會通過
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
