愚問：獅子山公路（新田圍站）北行

樓主 如果你或者其他版友住新田圍區，我都為你地區交通配套，規劃問題感到可憐。

首先呢個地區係沙田中尾位置，自己落車公廟路上獅隧又儲唔夠客，格硬要行埋雲疊顯俓哂時間。然後 新田圍總站又唔夠大，如果你話大都仲可以R下47X 80X 85B搬上黎叫做多個選擇/ 行小步路。而再現實 真係屋邨人口老化，小左乘客出九龍都無可厚非。

你要明白"經過" 唔係一要停比你，特別係南行要停比新田圍 專登開山劈石，而且果到都算快速公路 仲要預多啲位置做陰影位埋站 出站。全盛時期既新田圍 政府/路政署都唔會整個站係到啦，更何況而家.... 整得比你，世界花園又嘈"經過"唔停比佢，前啲水泉澳入伙又嘈，愉田苑又嘈經過唔停....咁咪仲多站過53？

而且樓主你都識講86C南北行明明停到都唔停啦，所以住新田圍區真係安於本份算啦....你要明白住緊係新田圍，唔係住緊上水(270A)/ 大埔(271)/ 馬鞍山(87D)/ 第一城(281A)
老老實實，今round 87B拎到咁多綠蛋執到啦.....如果87B唔係沙廠管理，係荔廠K廠管，87B今時今日全金都偷笑啦

*順粹以事論事唔存在攻擊
利申：任何一條線停新田圍都唔會影響到我

之前我有預感有人又講呢個話題既話, 一定挑起某人條筋一直盡力力踩...

原帖由 siusiupeople 於 2015-3-9 23:46 發表

講得咁直接某D人受唔受得到架?

無野既, 咪尤得佢盡情宣洩下囉
只要新田圍有青沙線
只要經獅隧公路路線唔理特快線定流水線通通都要停新田圍
只要將47X/80X/85B踢上新田圍做總站
只要282要有車鍊式班次兼增設大量轉乘計劃
相信某人條氣應該會順好多

原帖由 mckhgc 於 2015-3-9 07:21 發表


已經連垃圾之王82K都推上神檯，你仲想點唔支持？

事實上村內既線就好好差好差，真係得一條89最似樣，亦不見得冇人支持(定係要覺得新田圍一條村，客量都要多過瀝源禾輋連市中心多個私人屋苑大型商場，至叫有人支持？)，其餘幾乎乜 ...

咪就係因為你地唔支持咪比人推上神枱囉，如果你連去個七仔都走轉82K,人地點斬你啊？
有，你又唔珍惜，冇你又喊嘈哂，
有總站線你又話兜大圈，冇總站線又話削服務

問你斬哂d總站線，開條271A/270AA成全你，你又無視
反正你都唔搭堆總站線囉，咪送哂佢地反鄉下囉，拎哂黎開271A/270AA/281AA
咁你又唔使睇人面色，又唔使驚人反對，分分鐘北區大埔仲有張thankyou card同錦旗比你，掂哂

加上新田圍老人多！點行呀

原帖由 siusiupeople 於 2015-3-10 11:37 發表

86 改行青沙的建議已擱置.

信我喇
實會重推

原帖由 AV385 於 2015-3-10 02:53 發表
咪就係因為你地唔支持咪比人推上神枱囉，如果你連去個七仔都走轉82K,人地點斬你啊？
有，你又唔珍惜，冇你又喊嘈哂，
有總站線你又話兜大圈，冇總站線又話削服務

問你斬哂d總站線，開條271A/270AA成全你，你又無視
反正你都唔搭堆總 ...

垃圾前七之王82K人人退避三舍，除新田圍人外幾乎冇人搭，咁多年來想斬都斬唔到，都係因為新田圍客倉。原來咁都叫唔支持唔珍惜，係要做到去個七仔都走轉82K，至叫支持，至叫珍惜，至叫值得唔畀人斬，明白明白！又開眼界長見識了！

冇人要求開咩271A/270AA，全部係你自己FF，叫人點應你？


現實當中，賤民只係好卑微要求，一係要求282 做返足夠BBI(反正呢度大把「人」覺得282萬能，有282就係神仙，其他村恨到流晒口水丫嘛係咪？)，二係長遠而言改善上落設施，如增建有蓋行人天橋連升降機上落秦石、車公廟站，但就係咁樣都被老狗、運豬、廢人區議員無視，仲要畀你地班既得利益者老屈曲解！

[ 本帖最後由 mckhgc 於 2015-3-10 22:02 編輯 ]

原帖由 happykeroro 於 2015-3-10 00:15 發表
而家只求有青沙轉乘俾新田圍
話之佢CUT哂80M 281M 87B 82K
都無乜人搭
留返86, 89, 282就得架喇

但我覺得日後86要改行青沙
新田圍又會係被放棄的一條邨 ...

86改行青沙後，如無意外，賤民窟應該有282轉86A BBI已皇恩浩蕩謝主隆恩

新田圍呢三個字，本身就係滔天大罪。現實中，老狗明玩針對、運豬隱形、區議員廢人，已經唔再講了。就連呢度D「人」，都對新田圍有非一般見解。

一係呢，就新田圍任何訴求都係過份、阿茂整餅貪得無厭乜乜乜，但更多更過份更阿茂整餅貪得無厭既情況，全港無數角落早已實現(畢架山花園、映月台、世界花園、天馬苑、還有版友不少區外例子)，就從來冇人批評。

一係呢，就只許驛官遞函，不准百姓傳紙仔。驛官大爺住幾多人夢寐以求既罕有鐵路上蓋公屋，一句「本官唔鐘意企火車」就無視，又要X74X又要X307X N條特快線都值得；新田圍遠離鐵路站，僅有既巴士資源仲次次改動都中招被開刀，要求返少少似樣服務，驛官大爺就大喝：「新田圍好方便好多人恨都恨唔到，大膽刁民貪得無厭立即收聲！人黎，同本官掌佢個咀.....」

一係呢，就用新田圍一條村既客量，去同三四五條村、再加市中心N個私人屋苑連大商場、再加個工廠區既客量去比，咁樣 N 揪一群揪，然後就話新田圍唔夠揪，即係唔支持唔珍惜價值低持份低乜都低，被削資源好合理....

一係呢，就繁時打得爆架車，非繁時打唔爆都係罪，非繁打唔爆，即係唔支持唔珍惜價值低持份低乜都低，被削資源好合理....(真心想知邊區邊線，係非繁都爆既？如果有呢D線，係咪只有呢D線值得唔削)

一係呢，就明明條線係靠新田圍吊命，但唔落七仔都搭轉，就係唔支持唔珍惜，被削資源好合理.....

一係呢，就窮小康富乞衣論，幾個小康人士，圍著一個乞衣，話個乞衣「你已經好有錢好幸福，好過我地好多人」，跟著仲要o係個乞衣兜度搶錢，搶完仲繼續話個「你已經好有錢好幸福，好過我地好多人」，乞衣乞返一個幾毫施捨，就大鬧「你咁有錢仲話唔夠，貪得無厭」「你覺得冇錢唔代表你可以搶我地錢，我地冇責任照顧你」「唔係全世界以你呢個乞衣為中心，你個乞衣真係特別惡」...

前世做錯事，今世做唔做X視我就唔知，我只係知家住新田圍、悲過天水圍、慘過做X視。

原帖由 mckhgc 於 2015-3-10 19:13 發表
新田圍呢三個字，本身就係滔天大罪。現實中，老狗明玩針對、運豬隱形、區議員廢人，已經唔再講了。就連呢度D「人」，都對新田圍有非一般見解。

一係呢，就新田圍任何訴求都係過份、阿茂整餅貪得無厭乜乜乜，但更多更過份更阿茂 ...

唔好幻想被逼害好喎
老九老運區議員點睇新田圍係一回事 ,
你講到全世界當正新田圍係眼中釘咁 , 但有幾多真係事實 ? 定係閣下無限放大 / 誇大站友既言論 ?

新田圍無啦啦又點會係滔天大罪 ? 講訴求過份既話麗港城仲黑人憎
不過你個「窮小康富乞衣論」好似講到全世界都對新田圍唔住 , 發窮惡鬧埋其他人(區) 既時候
Sorry , 篇文只會有反效果 , 你仲落埋新田圍人既面添。