原來香港祇有三個調幅（AM）電台訊號發射站

原帖由 kitarolo 於 2015-4-10 10:18 AM 發表
謝分享,估不到市區2012年仍有。
80年代,家中惠顧的應是更小型的公司
因為「繳費處」的只是鄉村內的士多……
每月十幾蚊,當年夠在快餐店買三份午餐。
後來這些代理沒落,便出現了#8中連結提及
的輔助發射(中繼)站,到了今天,政府承認仍有
數十萬人口未能看數碼電視,故此再延續模擬廣播。

先講官府文件所提及一些細發射站﹐同「4大站」的安排一樣﹐這是2間電視台負責出錢出力去興建的﹐地由政府負責協調(好似話有少部份站的用地係私人地方)。

有這些站原因係受地形影響﹐令到不是每一個地方都可以接收到電波﹐所以某一些地區有一定人口﹐電視台便會考慮建一個小型發射站去照顧這批用戶。
使用的市民係無需要付出費用的﹐任何人在相關範圍便可以自己調校天線及電視機便可接收。


由於傳統的電視/收音機廣播技術問題﹐1條頻道只可供1個台使用﹐所以模擬廣播係佔用好多頻譜的﹐以避免出現干擾問題。
而政府亦有協調不同的發射站﹐特別係這些細的輔助站﹐控制發射功率達至限制有效範圍﹐令到同一條頻道可在不同地區使用而不致互相干擾﹐令到頻道可更加盡用。


睇番官府電視廣播頻譜表﹐會發現個別細站﹐未有提供足4個台(頻譜)的服務﹐好大機會係抽唔到無受干擾的頻譜供廣播之用。



至於轉播無線電視台的節目﹐其實有線電視開台初期﹐都可以直接在解碼器中轉台﹐看到4個免費台的﹐不過較後期已經取消了這個安排﹐唔知係2間電視台出聲﹐定係有線自己發展問題﹐取消這個安排。



去到數碼廣播年代﹐技術上有進步﹐可以在不同發射站用相同的頻譜作相同內容的廣播﹐兼且同一條頻譜可以廣播多個台。

所以﹐大家可以留意到2間免費台都各自有1條獨家使的頻譜﹐應用在 82,83,85 及 12,13,14,17 (初期 12,13,14,15,17,19台)廣播﹐在不同的發射站都係用相同的頻譜的。

但係當時只有3條頻譜可以全港通用﹐留一條給港台使用﹐令到模疑廣播的舊4台無得好似上面提及的方法﹐所有發射站都用同一條頻譜。要不同發射站用不同的頻譜作出廣播﹐但係用上數碼廣播技術﹐一條頻譜由以前(模擬制式)1個台變成一條頻譜4個台﹐由2間免費台平分使用 (其後 TVB 把81及84台轉高清﹐在ATV同意情況下﹐唔再平均分配﹐由TVB 佔用多些少頻譜資源﹐其後政府過違規罰2間電視台﹐但同時官方批准暫時可給TVB 佔用較多的頻譜資源)。




講到仲有好多人仲係使用模擬廣播﹐早幾日有報導講﹐根據外國經驗﹐相信2020年都無法取消。
而且有一些地方﹐以前勉強收到電視﹐最多有雪花收唔清﹐總算接收到資訊﹐但係轉數碼後會因為訊號不穩﹐出現時睇到時睇唔到﹐可以講話係睇唔到。
這些問題﹐有排都無法解決﹐最慘的係人口問題﹐唔會有電視台去加建小型發射站。



其實 ATV 要摺﹐一下子推個波給RTHK﹐真係唔知係好事定係壞事。現時ATV點垃圾都好﹐RTHK都唔夠資源可以達到現時ATV的水平。
我亦唔知技術上是否可以借ATV收山﹐可以提早重整頻譜﹐令到多一條(或多條)可以全港通用的頻譜﹐從而更善用作廣播用途﹐供新電視台使用。

原帖由 kei_hk 於 2015-4-10 09:46 發表


去到2012年都仲有這類公司﹐不過現時應該已經停止提供服務。
(據維基所講﹐2012年1月8日起停止服務)

http://hk.apple.nextmedia.com/news/art/20120109/15964820

此"麗的呼聲"與2012年的"亞洲電視"有無任何關係?

原帖由 beaconlim 於 2015-4-10 07:27 PM 發表


此"麗的呼聲"與2012年的"亞洲電視"有無任何關係?

無，根據維基所講，當時已經係九倉有線電視的一部份。

原帖由 kitarolo 於 2015-4-10 07:09 發表
如果根據樓主開帖的連結為例,
音頻電台廣播,先傳送到發射功率
最高的歌賦山站,之後再繼續下去。

為方便理解,用電視訊號詳解/圖解一次。
http://www.digitaltv.gov.hk/general/pdf/coverage.pdf

「發射站」嚴格嚟講 ...

這裏repeater的概念同我地WIFI用repeater的概念是沒差吧?

原帖由 beaconlim 於 2015-4-10 22:10 發表
這裏repeater的概念同我地WIFI用repeater的概念是沒差吧?

所有無線通訊Repeater,
就算外太空的通訊衛星,原理
亦接近,分為上行與下行頻道。

另外,回應#11,不論模擬或
數碼電視頻道,均不得在同一/鄰近
區域使用連續的頻道,例如35已被佔用時
34和36均不得使用,最近必須使用37頻道。

首階段定出終止模擬電視廣播
主要係考慮CRT電視的壽命等因素
當然時至今日仍有使用,只不過是自然淘汰,
或者一旦故障已不值得維修/在淘寶先至買到配件。
後來一再延續,明顯係升級中繼站時,發現個別地區
人口太少而出現廣播機構不願去做而已。

忘記利申：職業為維修員,到過
亞視工程部見工,佢話請但最後無去。

原帖由 kitarolo 於 2015-4-11 10:17 AM 發表


首階段定出終止模擬電視廣播
主要係考慮CRT電視的壽命等因素
當然時至今日仍有使用,只不過是自然淘汰,
或者一旦故障已不值得維修/在淘寶先至買到配件。
後來一再延續,明顯係升級中繼站時,發現個別地區
人口太少而出現廣播機構不願去做而已。

如果以當年最初推出數碼電視廣播時的計劃﹐預計去到2015年 (好似之前已經延遲過一次)﹐香港絕大部份人都已經轉用新電視 或 已經有機頂盒﹐只有極少數的人因為經濟能力問題無法負擔新電視或機頂盒。
在停止模擬廣播時﹐會為這一堆人提供機頂盒 或 新電視﹐令這一班人唔會無電視睇。(費用可能由電視台或社福機構負責﹐無明確講出)


除了有唔少人未換電視機/未有機頂盒﹐影響到仲有唔少人未可看數碼廣播。
atv 在建輔助發射站方面比預期慢 (同公司無錢有關)﹐連帶tvb 都放慢做 (對家公司做得慢﹐所以便放慢手腳)﹐令到一些偏遠地方仲未看到數碼廣播。


而認真講﹐定出停止模擬廣播的日期﹐當年真係太樂觀。
用7年時間去做交接期﹐時間真係太短。
2008年正式推出數碼廣播﹐最初的2015年完結﹐只係7年時間﹐假如我2007年買一部新電視﹐完全未達可使用的年期。
即使現時話 2020年﹐都只係12年﹐都未真正達到電視機的可使用年期﹐所以我都唔係太睇好 2020年是否可停止模擬廣播。



關於數碼電視廣播﹐可以看看這個網﹐可以了解多一些的 : http://www.hike.hk/load.jsp?route=dtsfn&;page=1

原帖由 kei_hk 於 2015-4-11 11:04 發表


如果以當年最初推出數碼電視廣播時的計劃﹐預計去到2015年 (好似已經延遲過一次)﹐香港絕大部份人都已經轉用新電視 或 已經有機頂盒﹐只有極少數的人因為經濟能力問題無法負擔新電視或機頂盒。
在停止模擬廣播時﹐會為 ...

之前預計去到2012年