東九龍綫工程研究

其實點解係都要做觀塘線的接駁？而唔係經中九龍直出彌敦道？
香港的鐵路規劃成日都好似漏斗咁將四方八面d客塞入一條線，
一來制造大量樽頸位，二來d客要轉黎轉去，
點解唔學下台北同新加坡咁？
新線唔會制造樽頸位，唔會塞新客入舊線，
台北捷運蘆洲線會唔會只起到民權西路然後全部客轉淡水線？
南勢角線會唔會只起到古亭然後全部客轉新店線？
人地成個網絡係做到轉車一次起兩次止



東九人口龐大，冇可能單靠觀塘線去彌敦道，
東九龍線係個好機會提供另一條九龍東西走廊，
寶達-秀茂坪-順安-九龍灣-九龍灣商貿區-九龍城-亞皆老街-何文田常盛街公園-油麻地-柯士甸

[ 本帖最後由 Kaix 於 2015-4-20 11:39 編輯 ]

原帖由 Kaix 於 2015-4-20 10:45 發表
其實點解係都要做觀塘線的接駁？而唔係經中九龍直出彌敦道？
香港的鐵路規劃成日都好似漏斗咁將四方八面d客塞入一條線，
一來制造大量樽頸位，二來d客要轉黎轉去，
點解唔學下台北同新加坡咁？
新線唔會制造樽頸位，唔會塞新客入舊 ...

香港工程成本太貴
邊個區域有新需求, 就淨係起一節仔駁去最近現有網絡
客量分佈永遠唔平均

而且無論香港九龍新界, 東西走向線路比南北更弱, 一係超多站, 一係兜路, 一係瘋狂轉車
至少北港島線、中九龍線接駁東西九龍, 甚至荃灣-沙田都非常缺乏
不過唔係新區, 油水(樓盤)有限

原帖由 jpoon 於 2015-4-20 03:46 AM 發表

其實收返南蓮園池塊地黎起，用通道接駁橫跨龍翔道行人天橋，應該可以避到大老山隧道對出果堆天橋樁柱

都係睇下條走線想點行先啦。

至於這塊地﹐如果做總站都應該ok的﹐不過轉車通道會好長﹐同美孚有得相比。

但問題﹐係唔係一定要用鑽石山做轉線?

要暫時性收回公園用地﹐都唔係一件容易事﹐仲要這個公園入面的建築有幾特別﹐未必容易過關的。
如果要永久性收回部份用地(例如車站出口﹐接駁通道)﹐又係一大難題﹐隨時地區咨詢都過唔到。

原帖由 Kaix 於 2015-4-20 10:45 發表
其實點解係都要做觀塘線的接駁？而唔係經中九龍直出彌敦道？
香港的鐵路規劃成日都好似漏斗咁將四方八面d客塞入一條線，
一來制造大量樽頸位，二來d客要轉黎轉去，
點解唔學下台北同新加坡咁？
新線唔會制造樽頸位，唔會塞新客入舊 ...

油尖旺唔會再有位起
我揀我唔會O係鑽石山轉線，會揀九龍塘:

科大-寶林-康翠-寶達-秀茂坪-佐敦谷(唔揀順利，可以做埋彩福)-彩雲-富山-慈雲山-竹園-廣播道-九龍塘

甚至可以轉埋去南昌，解決東涌線轉東九唔方便既問題

原帖由 Kaix 於 2015-4-20 10:45 發表
其實點解係都要做觀塘線的接駁？而唔係經中九龍直出彌敦道？

鑽石山站唔只有觀塘線，仲有東西走廊
我都想東九龍線拉埋去旺角，但我唔知東九龍線角色係乜，會唔會好似南港島線咁只有四卡，係既話真係未必適合拉去彌敦道，可能要靠另一條中九龍線

到真係開工時 彩虹坪石都夠鐘重建 大把地嚕

原帖由 straysheep123 於 2015-4-20 22:23 發表
油尖旺唔會再有位起
我揀我唔會O係鑽石山轉線，會揀九龍塘:

我真係唔知你個冇位起的結論係點得出黎，
油旺地底空間比鑽石山同九龍塘都充足，
因為只有彌敦道地底有鐵路，有多條東西向的大路地底可用，
又冇麻煩的橋樑樁柱

鑽石山同九龍塘本身已經係東西向同南北向的交匯處，
附近地底空間又不多，夾硬再起轉車肯定行都行死

仲有就係個整體規劃，
做乜條條連接東西九龍的鐵路都要屈上去北九龍兜圈？
已經有東九-北九-西九的觀塘線，
第二條好應該係行東九-中九-西九

原帖由 straysheep123 於 2015-4-20 22:23 發表
科大-寶林-康翠-寶達-秀茂坪-佐敦谷(唔揀順利，可以做埋彩福)-彩雲-富山-慈雲山-竹園-廣播道-九龍塘

甚至可以轉埋去南昌，解決東涌線轉東九唔方便既問題 ...

係咁行就死得喇，過山流水線，
又兜又慢先至到九龍塘仲要唔知要行幾遠轉車，
巴士行中九龍幹線15分鐘已經出到油麻地，
你條線到九龍塘未？

仲話接駁東涌線西鐵？咁兜咁慢搵鬼搭

原帖由 jpoon 於 2015-4-21 02:23 發表

鑽石山站唔只有觀塘線，仲有東西走廊
我都想東九龍線拉埋去旺角，但我唔知東九龍線角色係乜，會唔會好似南港島線咁只有四卡，係既話真係未必適合拉去彌敦道，可能要靠另一條中九龍線 ...

只到鑽石山/彩虹的話當然只能用4卡，因為根本冇競爭力，
經中九出彌敦道就有足夠客量用8卡


再另建中九龍線？成個網絡咪斷折禾蟲？又要乘客轉黎轉去？
東九半山居民又如何乘搭？


香港政府的規劃者智障唔代表全民要跟住佢地智障，
睇多d人地台北、新加坡、甚至係深圳、廣州的地鐵規劃，
就知香港做規劃班人好唔掂

原帖由 Kaix 於 2015-4-21 10:59 發表

只到鑽石山/彩虹的話當然只能用4卡，因為根本冇競爭力，
經中九出彌敦道就有足夠客量用8卡


再另建中九龍線？成個網絡咪斷折禾蟲？又要乘客轉黎轉去？
東九半山居民又如何乘搭？


香港政府的規劃者智障唔代表全民要跟住佢地智 ...

世界各地地鐵好多都係N個井字型網格狀
係香港先咁嘅樣, 新地鐵線只係接駁原有地鐵網絡, 好似為咗取代巴士M線咁

原帖由 jpoon 於 2015-4-21 02:23 發表

鑽石山站唔只有觀塘線，仲有東西走廊
我都想東九龍線拉埋去旺角，但我唔知東九龍線角色係乜，會唔會好似南港島線咁只有四卡，係既話真係未必適合拉去彌敦道，可能要靠另一條中九龍線 ...

如果要起東九龍線、中九龍線，條件許可的話一定係連成一線好過分成兩截。香港的鐵路線已經偏短，只求覆蓋、接駁而不重視網絡通達性，導致轉車次數偏多。新鐵路線應儘量互相接駁成為較長的鐵路走廊，避免重蹈覆轍。

即使兩線客量有差距，亦可用短途班次配合，就如馬鐵本身只用四卡，但仍可連上使用八卡的沙中線九龍段，（據聞）再以第一城站的短途班次配合客量上的差異。