從西港島線通車對巴士的影響去分析南港島線

原帖由 kay 於 2015-5-9 19:04 發表
72A將來會做巴士接駁服務，去取代75個功能，71就用487 BBI代埋，72A非繁開10-12，算係一次過賠返兩條線

當然，72A地鐵通左捱得幾耐都係問題

96應該死唔去，正常情況下應該平手，只不過問題係

非繁96客量真係好肉酸，當然小巴有份 ...

但個人認為留71比黃竹坑比留72A為好，南區各區有直車去瑪麗是有需要的，而且72A開10-12真係可以班班載空......頂多15分鐘一班，20分鐘一班才是合理水平，若嫌太疏，其實72A係適合畀綠小做的，叫AMS接管埋72A算，用39M形式提供最基本服務
不過還是應該看深灣人寧願要71定72A。

96連冇地鐵都霉成咁，有地鐵巴士公司可以直接CUT了，時間平手都係咁話。

另外如果遇到地區阻力的話，96，72A可以畀返下繁由銅鑼灣回南區的有限度服務，只有呢段時間係會有得做

呀系喎，24/5 39M話景隆街後直入香隧，其實對96黎講系好事定壞事呢？

39M 96其實是否兩敗俱傷的例子?!

我100 %肯定，如果新城繼續坐定定響到，或者更以西港島線通車為由去cut 南區服務，絕對會重演西港島線及將軍澳線通車時乘客大報復，巴士客量暴跌慘況

而家除左香隧慣性塞車外，連以前假日香隧唔塞時，都要忍受海記塞車，海記散場時既旅遊巴陣可以令黃竹坑道兩個方向一齊塞死，連629 有車都開唔走，所謂車海班次都無用，假日入海洋公園既車以前5 分鐘內出番黎，而家可以塞20-30 分鐘， 我寧願響南區線cut 資源俾巴士公司做海記特車，都唔想入去為幾個客而陪塞，呢個情況早一兩年已經有，但竟然而家先講幫巴士線cut兜入海記時段，仲要唔係即做要等

當塞車係新城既非戰之罪，咁而家新城本身做南區線有咩優勢呢?
第1 點係平（只限城記），但係而家既人搭車都唔睇價錢，就算第日鴨島出中環地鐵收7 蚊都一定大把人搭
第2點係中巴留低既一區一線模式，如果用九巴模式，一定係寧願用香港仔/ 海怡資源去做呢兩個區， 但係南線通車一定無可能再繼續呢個模式

換言之面對地鐵，新城無任何優勢，誘因叫人響巴士站等車，當然我肯定有人話南線設計容量低，好快會爆煲，但係我當等10 班車，唔快過你都平到手你等15 分鐘車再塞半個鐘隧道出市區

但以上係新城諗住到時cut 線cut 車，減班算數既情況，有心救都仲可以留到少少咁多客：

1. 592 既然而家鴨島非繁都打爆，南線一定收得貴過592又要轉車，就強化592 優勢，來回都行黃竹坑橋全日飛曬黃竹坑加香隧口所有站，收貴少少再略略間疏班次，反正黃竹坑道大把替代服務，如果以呢個走線加香隧唔塞車，可以10 分鐘內出到銅鑼灣

2. 171 九龍部分要拆線，美孚，長沙灣，深水埗用佔領運動時走線落紅隧，另一條深水埗開沿舊線落紅隧，雖然會令兩條線班次一齊疏，但紅隧口可以繼續密車，而且而家171 走線太長，加埋香隧同其他地區塞車影響，所謂既密車班次根本做唔到

3.  繁時970/970x 應該要開飛佐敦跟905 入西隧既特別班次，減低佐敦道塞車影響

4. 590/590a/90/97 四合二， 一條行告士打道去中環，另一條金鐘擺站主力灣仔客，但好奇點解鴨島線走線一定係海怡總站再兜利東，唔可以利東總站再兜海怡呢？

5. 90b 改行域多利道，做埋數碼港客， 91 入海怡代90b 角色

6. 629 改行薄扶林道天星碼頭總站，改用開蓬巴士，同唔到地鐵鬥快鬥平，索性強化旅遊線角色，同天星小輪，15c, 人力車新巴產生協同效應

字太多，歡迎討論

[ 本帖最後由 da81 於 2015-5-10 03:34 編輯 ]

認真睇下金鐘站轉線設計, 可以知道南港島線既威力http://www.mtr-shatincentrallink.hk/pdf/public-consultation/consultation-meeting/public-forum/scl/04052011_e.pdf
Page 14-15

由金鐘站大堂落沙中線月台, 只需經轉車層搭兩條扶手電梯(P.15 紅+黃 電梯)
而由金鐘站上層或下層的現有去新沙中線月台, 只需搭一條扶手電梯(藍/綠電梯)搞掂, 根本兩分鐘都唔駛就落到去, 非常方便
而沙中線月台落一層就已經去到南港島線月台,
換言之, 搭南港島線轉沙中線只需上一層電梯, 轉荃灣線/港島線亦只係上兩條扶手電梯, 全部都係5分鐘內搞掂既事
所以可以預見171都差唔多玩完,所有紅隧口轉火車客會無晒, 而171在九龍係同荃灣線平行, 如果紅隧香隧繼續塞, 171有機會同692下場差唔多
反而176都有機會好過171

如果171係咁，我想問點解102幾乎同條鐵完全平行，今時今日都仲有咁多人搭呢?
我相信唔想係金鐘站同荃灣線車廂迫沙甸魚既大有人在，171雖然應該冇102咁旺場，但係應該未至於要去到692既下場掛...

原帖由 Haydn 於 2015-5-10 08:17 發表
如果171係咁，我想問點解102幾乎同條鐵完全平行，今時今日都仲有咁多人搭呢?
我相信唔想係金鐘站同荃灣線車廂迫沙甸魚既大有人在，171雖然應該冇102咁旺場，但係應該未至於要去到692既下場掛... ...

人地102沿線搭地鐵係九龍塘轉車去東鐵沿線都可以話有少少煩,
171呢?
就算南港島線紅隧果段做得住沙中線通車唔見得做得住...

用102去比,
都要睇下比D乜...

同埋,
早繁南行下繁北行就真係迫到沙甸魚,
171都仲有可能支持得住,
早繁北行/下繁南行?沙甸魚存在的嗎?

原帖由 053h4 於 2015-5-6 13:58 發表
一班地鐵少極都可以裝700人左右, 頂六部巴士, 海洋公園平日返工日子入場人次都係一萬左右, 點會話地鐵載唔晒

629唔執, 客運量我估都係比R8好少少
即係講到尾咪又唔夠維皮 ...

3卡車700人
唔知載客率係幾多呢

629 改去大樹灣有無得做 ?

原帖由 Haydn 於 2015-5-10 08:17 發表
如果171係咁，我想問點解102幾乎同條鐵完全平行，今時今日都仲有咁多人搭呢?
我相信唔想係金鐘站同荃灣線車廂迫沙甸魚既大有人在，171雖然應該冇102咁旺場，但係應該未至於要去到692既下場掛... ...

早繁荃灣線北行唔迫姐 , 港島線西行迫呀嘛 (尤其北角)
金鐘站人多只係集中下繁往九龍方向 (早繁東行就咪提 , 灣仔班客唔肯行入去係加幾多車都無用)
荃灣線迫 , 都只係集中早繁往港島同下繁往九龍
所以 171 做到既客只有朝早往黃竹坑同下繁往九龍 , 其餘都係算吧啦 ...