其實B系列巴士應該用單層

(宏觀)批評大陸做成今日局面嘅
其實諗下有無香港人從中獲利呢……
正如中醫嘅理論,天氣因素無可避免會
影響鼻敏感或風濕患者嘅病情,但影響力
遠不及食物、因為食落肚嘅影響為大。

(微觀)對於呢類需求大嘅路線
就以B1為例,縮短至元朗站往返
落馬洲站可以係其中一個方法,要
搭嘅始終都要轉車過去,但起碼保證
無論條隊幾長,總有機會上車,而唔係
條線用得12.8米就走去用單層。另外,
為免水貨客轉移用的士往關口, B1縮短到
元朗站後應減價,因上水甚至粉嶺/大埔已經
出現綠的短缺之問題。

類似問題亦出現於唔少龍運E線
尤其早繁,因為中途站易頂閘飛站,
結果越來越多人恐慌性咁去上游甚至
總站上車,問題變咗惡性循環,唔好忘記
呢種情況係大部份乘客均是本地人,且有
少數係靚靚空勤員都係拖喼,又唔見有人嘈?

[ 本帖最後由 kitarolo 於 2015-5-24 23:23 編輯 ]

原帖由 238X 於 2015-5-24 18:19 發表


所以咪話人哋根本唔想做，講嚟都哂氣。

我係唔明點解大家仲唔快啲去搵武器去殺敵啫

不要做鍵盤戰士了, 請坐言起行吧
若否, 請不要在這裡說出這些毫無意義的說話了
這些說話只會破壞這裡的討論氣氛

248M 先要用單層
個個死都唔上上層

首先講聲唔好意思,本人自私佔用版面同離題,發表個人感受(發嗡瘋)

唔好意思!

自由行範疇係對香港有好處,但過量反而會唔會對港人同旅客造成影響?
更甚者要港人同旅客為一小撮利益者,付上或承受代價,同時得到甚麼?
公共交通處於高負荷,租金/物價上升,街道過於擠迫,民生小店相繼消失等?

大家係繁忙時間,乘車習慣作出適當調節,我相信大家會體諒及接受,因為大家都係為生活,
但遊客只係一個流動群體,本地人先係長期生活在本地群體,反而要本地人遷就,會唔會有d荒謬,
係外地見到遊客遷就本地人生活,感到好奇怪,或者係我既問題......

政治既野我真係唔識,但作為一個普通香港人,
我只想落樓食一個新鮮出爐既麵包；想食一碗"溫暖"既麵,唔係"冰冷"既麵；
過往一個簡單問候都好溫暖,越來越多事成往事,
稱為"家"的香港，越來越陌生；屬於香港的特色是......

再一次因本人的自私講聲：唔好意思!

你試吓叫城巴推晒堆單層巴士落深圳灣，
你睇吓會唔會同冠忠及綠小爭地方擺車。
唔會嘅話，你睇吓班客會唔會排到去關口門口。

想冇人來香港買野，只有100人仔對50港紙就可以，但現實係冇可能。

就算係100人仔對50港紙,情況改變不大,主要原因係自己人民對自己生產及把關失左信心,
早前有個例子,大媽們赴日買廁所板,就算知道自己國製造、國內買平幾成,都心肝情願付鈔,
因為大媽們相信它國品質把關,唔夠信自己國把關,所以就算幾貴,都有人落黎買


人番正題,雖然呢個係死症,但未至於冇辦法,
九巴可以賦予車長就乘客守則第八條,拒絕違例乘客登車,同時向外宣傳有關做法

8.只准攜帶總體積不超過十份一立方米及總重量不超逾五公斤、不含危險性或厭惡性之物件上車。該物件不得佔用座位及不得放置在巴士的通道上或樓梯上。

雖然呢個做法可能為車長帶來更多壓力,總好過被迫飛站,比乘客投訴

所以呢,只設元朗站一個站即上公路,
可方便巴士公司派員在車外嚴格執行附例,
免卻車長直接與乘客衝突,而延誤成車人嘅時間。

(理論講就係,B3X原則上可實施,
但成效就……如果大陸繼續信唔過
自己嘅產品,除非真係有邊境購物城
甚至大陸境內有保稅區賣「進口貨」
而唔係靠螞蟻搬家咁去設立「港貨城」
否則北環線一樣會被水貨大軍拖垮)