教我如何說服人搭巴士

咁佢晚上十一時後會唔會坐港鐵, 果個時段好多條線都8分鐘以上一班喎

原帖由 gordon 於 2015-6-10 16:13 發表
咁佢晚上十一時後會唔會坐港鐵, 果個時段好多條線都8分鐘以上一班喎

咁未夠絕，應該話晚上十二點港島綫→東涌綫→荃灣綫可以各等9分鐘！
930都返到囉....

如果唔計樓主或者大部分壇友(包括小弟)都偏好巴士，其實說服其他人坐巴士最主要好處係俾佢地更多選擇(主要係港鐵以外)

不過要成功說服身邊既人其實唔易，小弟從身邊例子歸納出兩種主要港鐵支持者
1) 地理常識不俗，知道其他交通工具選擇(例如知道小西灣出銅鑼灣除左小巴+港鐵之外仲有8P)，但認為鐵路較穩定。
2) 地圖入面只有港鐵。簡單講，有港鐵-->識去，無港鐵-->唔識去。同時唔知道港鐵以外，其他交通工具行走既道路，例如龍/呈祥道同城門隧道。

對於第一種人，其實我地可以以實際例子，說明其實有時候巴士都有穩定/快捷既選擇。例如有機會同行搭車，可以喺對方唔抗拒情況下試下一齊坐巴士(當然條巴士線係適合，唔係為坐而坐)。

至於第二種人，其實我地可以放棄。

而小弟留意到既係，第二類人其實係較多。

最近見過兩個例子﹕ 小弟係葵芳工作，有同事住屯門，亦有同事住上水。最終兩位都係選擇葵芳-->荔景-->南昌再轉東/西鐵。上水既未必識46X/47X城隧轉278X可以理解，但小弟真係唔認為搭鐵兜大圈會比巴士直接，尢其轉車站通左，巴士網絡係更優勝。對於呢類人，小弟係會連說服都費事。

所以，結論係除左睇起點終點外，要睇埋你說服既係咩人。

[ 本帖最後由 HR2439 於 2015-6-10 22:28 編輯 ]

其實要視乎起點同目的地在哪，還有搭車既人會不會暈車浪……等，
甚麼資料都沒有實在無法討論～

小弟也喜愛搭巴士，一般情況下，乘車以巴士為先（趕上班例外），
但如果鐵路有優勢，例如時間、價格、地點……等，小弟在某些路程也會選擇鐵路～

不過，部份長途路程可以有多種選擇，例如：

1. 石籬去海洋公園，三種搭車方法：
A. 31M-->MTR-->629
B. 35A-->天星-->70
C. 35A／36B-->171

2. 海洋公園去石籬，四種搭車方法：
A. 629-->MTR-->31M
B. 6A／6X-->MTR-->31M
C. 6A／6X-->天星-->35A
D. 171-->31B／35A

唔講唔同地點搭車方法唔一樣，就算去程同回程，幾種搭車方法已經有分別！
--＞回程沒有70作為選項，因為公園側門個站已經有6A／6X出灣仔／金鐘／中環轉MTR，
仲要單向分段平過70，又唔需要行出香隧個站！
--＞路線問題，去程36B，回程31B作為同站轉車既選擇～

再講一個例子，應該會更易理解：

3. 美孚往返將軍澳，你會點揀？

A. 98C
B. MTR
C. MTR／巴士（去葵芳）-->290／290A
D. 40-->290／290A

如果想舒服一程車過一定揀98C，但車程要一個半小時！
40轉290／290A應該最快又不用走回頭路，車程不用一小時，但車費亦最貴，等車時間亦較耐～

8分鐘唔叫耐啦
搭地鐵行上行落都差唔多...

我覺得唔搭巴士既人原因都係唔識搭居多
(even屋企樓下D線都唔係好熟)
搭MTR起碼都叫去到目的地附近地方先啦
同埋呢類人黎講,有冇位,舒唔舒服已經唔重要
反正都係對住部電話

如果呢位朋友對你好重要既
屈就下陪佢搭下MTR好過~

原帖由 石頭 於 2015-6-10 23:32 發表
再講一個例子，應該會更易理解：

3. 美孚往返將軍澳，你會點揀？

A. 98C
B. MTR
C. MTR／巴士（去葵芳）-->290／290A
D. 40-->290／290A

如果想舒服一程車過一定揀98C，但車程要一個半小時！
40轉290／290A應該最快又不用走回頭路，車程不用一小時，但車費亦最貴，等車時間亦較耐～

選擇D去程計夾埋只係$11,回程$13.8
回程比起搭290/A到葵芳轉龜返美孚只係貴$0.4($9.2+$8.8-$4.2=$13.8 vs $9.2+$4.2=$13.4)

另外仲可以有選擇E,就係40<>91M/98A/296A

原帖由 HR2439 於 2015-6-10 10:25 PM 發表
如果唔計樓主或者大部分壇友(包括小弟)都偏好巴士，其實說服其他人坐巴士最主要好處係俾佢地更多選擇(主要係港鐵以外)

不過要成功說服身邊既人其實唔易，小弟從身邊例子歸納出兩種主要港鐵支持者
1) 地理常識不俗，知道其 ...

仲有第3類人﹐在時間可靠性作出決定。

小弟住青衣﹐東九龍區返工﹐巴士有一程42C。

不過﹐有幾個主要因素令我選擇MTR而不選巴士。(MTR有故障除外)

1. 龍翔道本身的可靠性﹐塞車機會率係算高的﹐兼且出問題無路可走。
2. 2者在正常行車時間係沒有明顯分別﹐5分鐘之內。
3. 放工時間根本係上唔到巴士﹐可以眼白白睇住幾班車因滿客飛站﹐但MTR 沒有此問題﹐可以即班車已經上到車。


副因有以下2點
1. 車費因為有MTR $2機﹐平過巴士。
2. 儲分換MTR CLUB 車票


在我而言﹐在2者正常行車時間相約的情況下﹐當然係選較可靠的的方法。車費係較次要的考慮因素。


我亦相信﹐好難成功勸服我返工放工改投巴士。

好似上次青衣戲棚咁,我有FD係赤柱放工想過來,佢坐車出灣仔,本身想坐鐵去香港站轉去到青衣站再轉的士,計計條數真係貴到訓地
我幾經辛苦先說服到佢等20分鐘既948,結果一落車已經到戲棚門口,自此佢去邊都問我巴士去唔去到

睇你點到點吸唔吸引到佢轉巴士既姐

但都有另外一D例子
就好似我另一個港女FD,佢不嬲鐘情坐紅VAN+鐵,絕不坐巴士
佢住城市中心,佢新識男友住秀茂坪,我地好自然會諗到綠楊新村坐290A直達啦,但佢情願坐地鐵轉小巴都唔坐290A,話唔識落,埋有排等,講極都唔聽無計了,近日佢又粗身大細,上地鐵站更不方便,但咁文塞都無佢乎
但290A已經講緊10分一班超頻密班次
唔想等仲有290只係行多兩步

[ 本帖最後由 3350 於 2015-6-11 12:46 編輯 ]

原帖由 3350 於 11-6-2015 12:41 PM 發表
好似上次青衣戲棚咁,我有FD係赤柱放工想過來,佢坐車出灣仔,本身想坐鐵去香港站轉去到青衣站再轉的士,計計條數真係貴到訓地
我幾經辛苦先說服到佢等20分鐘既948,結果一落車已經到戲棚門口,自此佢去邊都問我巴士去唔去 ...

290a幾時變左10分鐘一班？獨立睇20咋。。。
不過係唔聽你講既人就係唔聽你講，點都係o徒氣，睇對方性格及要面子去到邊。。

原帖由 lsc04d11 於 2015-6-11 12:48 發表

290a幾時變左10分鐘一班？獨立睇20咋。。。
不過係唔聽你講既人就係唔聽你講，點都係o徒氣，睇對方性格及要面子去到邊。。

呀記錯左添,自膠MOOD :O)
唔係既,要迫佢lor,總括來講為左佢粗身大細唔想行咁多路
城市中心行去荃灣鐵路站條路對於大肚婆來講都ok遠,出到去觀塘仲要熱辣辣
反之然290A只係過天橋已經到,綠楊果邊仲有斜路唔洗撐樓梯,上到車有冷氣涼跑公路兩三下已經到基順小學