運輸署建議新增往來將軍澳與機場的巴士服務

原帖由 3ASV174 於 2015-7-25 01:19 發表
其實你第一句正正就係事實，
將南 A 車都好難快到 E22A 幾多因為 E22A 基本上已經將南直達赤鱲角，只係要兜後勤 15 分鐘咁大把，但絕大部份地方就算有 A 車都隨時唔止兜 15 分鐘先直奔機場啦，
說到底就唔係 A29P 擺邊度既事 ...

咁人地有酒店，又多人住，所以有需求嗎？

我唔反對為左開條 60 分鐘又唔快得過 E22A A 線去搶錢，都唔索性加密 E22A 去 20 分鐘一班。

正如特工兄講，24 變 42，只要 A29P 載多 10 個人去機場，就等於 E22A 平時載 20 個人，
咁巴士公司咁「賣大包」比班將南居民做「水魚」，我善意提醒比人鬧到「狗血淋頭」，究竟將南區議員有咩能力去改善當區服務？

都好，多謝大家比三部車改善山上、順秀、黃大仙服務，又可以收 A29 價，城巴依招果然夠絕，
區區又可以「成功爭取全日『特快』A 車去機場」，咁「賣大包」，大家開心就好。

BTW，唔知心水清既板友有無發現，E22B 當年行車時間係 82 分鐘呢，減番後勤區果 15 分鐘（哎呀，好似唔講得），
而 A29 官方行車時間係 70 分鐘，A29P 要官方係 85 分鐘。

[ 本帖最後由 dennis28a 於 2015-7-25 01:39 編輯 ]

原帖由 dennis28a 於 2015-7-25 00:52 發表


雖然同你方向完全唔同，但有一點認同，點解「A29P總站擺將南」？

千千萬萬個方案，A29P 而家既方案係最差，邊有理由 A29P 調景嶺上車時間將會同上 E22A（係兜完東涌）一樣時間到客運大樓？
仲要個方案可以討論，係要選擇 70 幾分鐘 ...

沒錯，就係呢點A29P擺入泥係零競爭力、幾乎載空氣嘅問題先令我改得要改變，
但偏偏好多人無視呢一點，總係講到行山幾好幾正，又或者講將南有乜有物唔可以點點點........

方案可能係不同，但可能係殊途同歸，
講真如果講長遠嘅，我認為到將南海邊入晒伙、日出康城峻瑩有一定人口，兩區不難支持到一條獨立A線，
要知道將南就算有E22A，我相信將南海邊的「豪宅區」嘅一班中產，絕對唔介意俾貴少少換坐得舒服啲同快E22A少少嘅服務，
康城區就我相信城巴都唔會貿然俾條E線佢哋，以呢幾年作風，一開就直接開A線啦，
事實上，以呢兩區居民的消費能力，我相信呢條線最後客量一定不會比A29少。

呢個係長遠計劃，而係現實困境中我認為將南的確暫未有條件做到一條A線而必須和其它區share。

但點解（有版友話我）而家A29P得果兩三部車我都咁著緊呢，呢個係「做壞果朵」同「開壞先例」嘅問題，
第一，諗下將南人如果中伏過一次條咁嘅遊車河式A29P，仲會唔會想再試巴士?我諗佢哋call番車坐翻的士就算，他日有新A線要呢班人過番巴士就非常困難，

第二，係而家咁款嘅A29P入到泥，最嚴重嘅問題係俾運輸處、俾城巴睇到個印象係「將南對A線機場巴士無需求」，
但其實只係因為新線根本零競爭力所致，所以點解我先主張A29拉入泥，雖然我知A29兜埋寶坑係會比E22A平手／慢，競爭力都係唔高，
但我相信對比A29P「一個都執唔到」，用A29起碼「執到一個二個」，將來將南康城區要拆A線亦都有個好嘅先例同條件。

有時睇野要長遠少少，不過最令我失望係我發覺版中有唔少版友就係有種傾向「對人不對事」的態度，總係將南是原罪云云，
而我嘅方案問心根本實在無損任何他區利益的情況下為將南增取個冇咁爛嘅爛橙(A29)而唔係個勁爛嘅爛橙(A29P)，
但無人會從客觀角度去睇件事，只係一味總之「佢覺得你唔配有，你就不能有」嘅態度論之。。。。唉

原帖由 dennis28a 於 2015-7-25 01:31 發表


咁人地有酒店，又多人住，所以有需求嗎？

我唔反對為左開條 60 分鐘又唔快得過 E22A A 線去搶錢，都唔索性加密 E22A 去 20 分鐘一班。

加密返 E22A 去 20 分鐘一班，唔止用多 3 架車，但秀順仍然唔會有全日車去機場，康翠又要搭接近兩個鐘 E22A 先返到屋企，
同開 A29P 係兩回事，更重要係 E22A 根本就唔爆，無需要加班，相對 A29P 至少一個鐘一班都叫幾十萬人有返條直達機場線。

將南係有酒店，係多人住，但歸根究底 E22A 仍然有 Capacity，講緊都唔係無位坐添，
而且相比一條將南直達機場既 A 線，E22A 車程亦只係慢 15 分鐘左右，可以話其實真係無需求去開多條線。

原帖由 3ASV174 於 2015-7-25 01:19 發表
其實你第一句正正就係事實，
將南 A 車都好難快到 E22A 幾多因為 E22A 基本上已經將南直達赤鱲角，只係要兜後勤 15 分鐘咁大把，但絕大部份地方就算有 A 車都隨時唔止兜 15 分鐘先直奔機場啦，
說到底就唔係 A29P 擺邊度既事 ...

將南要"真A線"的話(即係比E22A快)
一係唔要E22A將南做尾站
例如E22A改將南開經坑口寶琳上山出
A29P放將南係用來呃里數同呃遊客
居民都係搭番E22A算

原帖由 93A_S3_6:30am 於 2015-7-25 01:37 發表

沒錯，就係呢點A29P擺入泥係零競爭力、幾乎載空氣嘅問題先令我改得要改變，
但偏偏好多人無視呢一點，總係講到行山幾好幾正，又或者講將南有乜有物唔可以點點點........

方案可能係不同，但可能係殊途同歸，
講真如果講長遠嘅， ...

如果 A29P 放入將南競爭力低真係大問題到必需改變，咁可以乾脆唔入將南，寶林止步，
但我唔明點解一定要關 A29 事。

無 A29P，其實將南亦唔會有 A 線，即係你可以唔要呢個 extra offer，但無得用本來無既野去 barter 另一樣野返黎。

原帖由 3ASV174 於 2015-7-25 01:39 發表
加密返 E22A 去 20 分鐘一班，唔止用多 3 架車，但秀順仍然唔會有全日車去機場，康翠又要搭接近兩個鐘 E22A 先返到屋企，
同開 A29P 係兩回事，更重要係 E22A 根本就唔爆，無需要加班，相對 A29P 至少一個鐘一班都叫幾十萬人有返條直達機場線。

你再心水清少少，E22B 當你一轉要行幾耐？我假設 E22P 全日，三部車又夠唔夠做？
你鐘意打劫，E22P 轉做 A26 全日，三部車一定夠做，如果 A26 改去翠林開，兩部車都可能夠。

A29P 純粹係滿足下區議員技巧，如果城巴有心做，當年 E22B 唔需要取消得咁難睇。
你試下 E22B 82 分鐘減 15 分鐘後勤區：67 分鐘，同 70 分鐘（A29）有咩分別？

當年個個盲目相信行隧道會發達，生左 E22A 同 A29，
到 290 系出現，又盲目相信行山會發達，順手做下善事服務山上居民，點解大家唔計數？

咁 E22B 減 15 分鐘後勤區，加番 5 分鐘去調景嶺，你教下我 A29P 可以有幾快？點計快整都係 70-75 分鐘。

[ 本帖最後由 dennis28a 於 2015-7-25 01:54 編輯 ]

原帖由 3ASV174 於 2015-7-25 01:46 發表
如果 A29P 放入將南競爭力低真係大問題到必需改變，咁可以乾脆唔入將南，寶林止步，
但我唔明點解一定要關 A29 事。

無 A29P，其實將南亦唔會有 A 線，即係你可以唔要呢個 extra offer，但無得用本來無既野去 barter 另一樣野返 ...

有無得交換係口同鼻嗌嘅姐，但事實上近年好多RDP、好多方案同路線都係透過交換藝術而得番泥。

而換A29入泥，如果你話佢影響到其它區而拒絕俾佢換入泥都算了，
但事實上根本對其它區無影響，拉入泥就算唔係「百利」都係「無一害」。

原帖由 93A_S3_6:30am 於 2015-7-25 01:52 發表

有無得交換係口同鼻嗌嘅姐，但事實上近年好多RDP、好多方案同路線都係透過交換藝術而得番泥。

而換A29入泥，如果你話佢影響到其它區而拒絕俾佢換入泥都算了，
但事實上根本對其它區無影響，拉入泥就算唔係「百利」都係「無 ...

點會冇影響？跟798行，坑口就冇左個尾站。
根本A29要做將南就一定會影響到坑口客，係點影響咁解。

[ 本帖最後由 3AV53 於 2015-7-25 02:01 編輯 ]

見上面咁多誤會
我為上面幾個方案稍作整理，方便討論，順便加一點見解
希望沒有理解錯


城巴原方案：

A29——寶林>坑口>將隧>觀塘道>機場
E22A——康翠>寶林>坑口>將南>將隧>觀塘道>後勤區>機場
A29P——將南>怡心園>康翠>秀明道>四順內街>彩虹>機場

除咗0字頭同S字頭版友之外
相信大家都覺得城巴方案有可以改善之處
主要係A29P喺將南真係毫無用處可言
以我搭E22A既經驗，坑口起程絕大部分時間其實60分鐘多少少已經到東涌
將南起程基本上75分鐘絕大部分時間係穩到機場
A29P點快都應該要用75-80分鐘先到機場（35-40分鐘將南到彩虹，40分鐘彩虹到機場）
價錢就貴一截，快就其實無快到，好搵笨


93A_S3_6:30am版友方案：

A29——將南>寶林>坑口>將隧>觀塘道>機場
E22A——康翠>寶林>坑口>將南>將隧>觀塘道>後勤區>機場
A29P——寶林>康翠>秀明道>四順內街>彩虹>機場

細心想了一遍
我覺得你個方案係work既，亦點都好過城巴個方案
但如3ASV174兄所講，我覺得未必係最理想既狀況
第一，繁時唔加車真係未必夠時間跑，而一條繁時唔到將南既A線其實對將南而言已經廢咗一半武功
第二，既然無論A29P定A29入將南都唔能夠快過E22A，其實無謂盲目追求A線

我會寧願死守E22A好過
將南人應該全力爭取為E22A加班、設預計到站時間，絕對有用過拉條A線入嚟
而就算爭取A線，我會建議開繁時A線康城開、將南尾站
係就係無全日服務，但至少真係快得過E22A，而且可以有效擴大機場線網絡



dennis28A版友方案：
A29：寶林>康翠>秀順>彩虹>機場
E22A：康翠>寶林>坑口>將南>將隧>觀塘道>後勤區>機場
A29P：將南>坑口>將隧>觀塘道>機場


個人覺得寶林唔會接受得到
機場線最多人搭係頭幾班車
該時段內A29基本上可以15-18分鐘由寶林飛到彩虹
兜山如果跟290A肯定慢一截
就算係日中，寶林上290A都好難快得過A29到彩虹

若果上山版新A29跟290行，就輪到秀順不滿
難得有直車仲要拖住行李上落山去搭車，甚為不理想

而到頭來其實A29P對將南而言仍然唔會快過E22A好多（速度差距在10分鐘內）
就算坑口依家仲有零星乘客會特登等E22A入機場，拖住行李見住A29埋站都係咁話
7-8分鐘時間差距，相信為數不少既將南人去機場仍然會照搭E22A
根本將南A線除非尾站，吸引力都唔會大


9018版友方案：
A29：寶林>坑口>將隧>觀塘道>機場
E22A：將南>坑口>寶林>康翠>秀明道>四順內街>彩虹>後勤區>機場
A29P：康城>將南>將隧>觀塘道>機場


我覺得區議員基本上唔會放行，居民亦未必會支持
成個方案，獲益既只有寶林同山上，寶林攬實A29同半尾站E22A
坑口本身都會輸，因為正常交通情況下，隧道版E22A會稍快過290A
至於將南，機場客會贏，但機場員工就輸得好慘，基本上實走落去搭鐵
不厭其煩重複一次，E22A客倉喺將南，最多人上車既係調景嶺站，經常性單站上十幾二十人，而且好多都係東涌、後勤客
要客倉兜50分鐘路，唔合理

原帖由 3AV53 於 2015-7-25 01:58 發表
點會冇影響？跟798行，坑口就冇左個尾站。
根本A29要做將南就一定會影響到坑口客，係點影響咁解。

望清楚，相信佢個方案係先寶後坑