258D 寶田 - 中秀茂坪 / 83X 黃泥頭 - 藍田鐵路站
[複製鏈接]
|
同樣係善用轉車站功能, 改268C或269C去藍田站都冇話唔好嘅,
不過既然有計劃將89D全日不經黃泥頭, 83X係應該優先填補直達藍田站的服務.
當你講到話繁時雙向頂閘, 其實即係講緊觀塘山上在早繁入新界都有好大需求,
268C延去藍田站唔係冇道理, 可以的話拉到油塘更好, 但拉入油塘要加好多車,
藍田站同觀塘碼頭用車應該一樣, 若延長到藍田站, 同時顧及到83X的問題之餘,
亦對原本以藍田站總站或途經的路線影響減低, 延長未嘗不可.
例如東隧路線改停鯉魚門道, 或A22遷至油塘, 騰出一月台讓268C遷入......
想像空間還有很多, 最好就係將藍田站變成真正的終站, 途經路線盡量唔好再入.
再講番258D的問題, 277X當年因為北區重組被拉落藍田站, 其實真係慳到
唔少車, 啟田道有扶梯落商場再行落總站, 行動不便者可善用冇乜人搭的16M
轉車, 理應解決到縮短的問題, 奈何經過爭取而特別為藍田而設的88X, 兩繁
客量也絕不遜色, 加上一波多折才得以開辦的290系列, 亦足以證明觀塘山上
往新界的需求一直被低估, 傳統上雙向頂閘的38 42C 74X 268C, 其實主要
客源都係來自山上, 未有268C前的269C其實都好多人搭, 當初亦唔會有疑問
點解觀塘同天水圍.元朗.大埔都係住宅區, 朝早會咁多人入新界, 所以需求並
唔係單以該處係乜野區域為主就能夠斷定一定多客定少客.
有板友就數觀塘去秀茂坪有幾多小巴幾多巴士, 有密車有新車, 有快有慢,
有冇轉乘優惠等等, 又可以搭290系去黃大仙轉車站轉車, 但其實黃大仙轉完,
都未必去到目的地, 要再在屯公轉車站轉車. 觀塘市中心候車環境欠佳, 小巴
排幾耐先上到車, 路面擠塞令尖沙咀開出的1A都變為無定向班次, 晚繁開往或
途經秀茂坪的各條小巴.巴士, 無論長途短途都係頂閘上山, 結果就係返上山
用的時間往往比港九返新界的居民仲要耐.
同樣到屯門的259D可以跟62X拉入油塘, 好似從來冇人認為有問題, 打開地圖睇,
油塘出觀塘條路係直路, 但其實巴士公司一直冇好好利用畢直的康寧道為山上居民
謀福祉, 雖則為大斜路, 但勝在少車少人, 而油塘.秀茂坪兩者都係高密度住宅區,
以公屋為主, 安達臣佔地比秀茂坪本身仲要大, 秀茂坪道兩旁人口只會不斷向上升.
另一方面, 好似人人睇到要拉去秀茂坪, 就一定離唔開行協和街或將軍澳道, 甚至
係唔做觀塘市中心, 睇清楚, 觀塘法院同游泳池算唔算市中心見仁見智, 創紀之城
同駿業里就一定係喇啩! 改線對現有超過九成搭客冇影響, 仲惠及到一個十萬人口
的小社區.
屯門有左轉車站後, 也不能只係睇路線本身只服務邊個小區, 總不能話若果258D
拉左去秀茂坪, 屯門西北.大興.山景.工業區有幾多人需要去秀茂坪, 而唔係睇晒
屯公轉車站網絡覆蓋到的地區有幾多人, 去秀茂坪呢個人口密度咁高的小社區會有
幾多人. 調番轉, 其實秀茂坪加埋安達臣人口咁高, 屯門一個發展成熟的新市鎮,
有一條直達巴士路線我唔認為過份, 而呢條路線係唔止做屯門市咁少（因為有屯公
轉車站）, 仲未計深圳灣口岸.洪水橋發展同將來屯門-赤鱲角連接路帶來的機遇. |
評分
-
查看全部評分
|
|
|
|
|
|
|
|
來來去去你都係解決唔到個問題係
1.原本東九出入大西北巴士已經佔左好大優勢
258D上埋山究竟可以吸多幾多乘搭緊其他交通工具既客
從而令到九巴成件事個profit有得增加
我就覺得冇咩可能既事
2.拉得上山即係所用既資源一定要增加
如果有額外既資源可以用
點解唔係加返落現有既三條路線身上
加密班次->更多位坐/班次更穩定->吸引更多乘客
上面既因果似乎可以帶俾老九更多好處
3.去屯中同屯碼既人其實都係要轉一次
拉258D上山又冇你講到咁偉大
[ 本帖最後由 Snoopy@FB8617 於 2015-8-29 18:17 編輯 ] |
|
|
某巴士公司疑似謊稱區議會重組方案經區議會通過
|
|
|
|
|
|
原帖由 Snoopy@FB8617 於 2015-8-29 18:15 發表 http://www.hkitalk.net/HKiTalk2/images/common/back.gif
來來去去你都係解決唔到個問題係
1.原本東九出入大西北巴士已經佔左好大優勢
258D上埋山究竟可以吸多幾多乘搭緊其他交通工具既客
從而令到九巴成件事個profit有得增加
我就覺得冇咩可能既事
2.拉得上山即係所用既資源一定要增加
如果有額外既資源可以用
點解唔係加返落現有既三條路線身上
加密班次->更多位坐/班次更穩定->吸引更多乘客
上面既因果似乎可以帶俾老九更多好處
3.去屯中同屯碼既人其實都係要轉一次
拉258D上山又冇你講到咁偉大
1. 加兩部車做到觀塘道＜＞秀茂坪現時搭緊1A 11C 13D 13M或小巴的乘客,
俾$6.4或$5.8上山, 以及一些需要時間去建立的好印象, 例如落山跟1A同站,
板友會覺得1A密, 個個搭晒1A得啦, 258D成為陪襯就一定冇人用, 山上大把
2蚊客, 一位已經收$8.3, 1A只係$3.6, 兩者差價連13M正價都唔夠揮, 若你
仍然無視呢一點, 咁我都幫唔到你解決呢個問題.
2. 呢三條屯門路線現時都要經過觀塘法院/茶果嶺道個三轉四位, 成日塞車,
加左班, 多左位坐, 更吸引呢點真係好難認同. 屯門至東九一向都係巴士佔優,
未搭過巴士的人你可以點說服? 唔通我而家就咁各加一班車落258D 259D令到
班次由（例如）8-15分鐘加到7-13分鐘一班佢地就會搭?
3. 新界西北又唔係得屯中.屯碼先多人, 屯公轉車站可以覆蓋到的其他地區加埋
就唔止咁少人, 例如去龍門居, 假設而家係13M轉259D, 若258D真係拉到上山,
可以搭258D轉59M 59X, 車程快左唔少, 又例如繁時要由秀茂坪去屯中, 而家
可以搭13M轉62X, 新方法可以係258D轉58M 63X 67M 67X 68A, 而車程亦
都快左, 至於有幾偉大或者係咪偉大, 睇你咩角度睇啦! |
|
|
|
|
|
|
|
|
83X 本身都有觀塘碼頭 , 唔係話 89D 飛起黃泥頭就可以隨便郁 83X 過去 (同 265M 269M 荔景段相似) ,
我睇九巴只會叫人轉 88X 
講番正題 ,
其實我諗大家最大既疑問就係效益方面
觀塘市中心無疑係好多上山客 , 但有冇需要 258D 再加多隻腳去做原本 1A 大致應付到既客呢
拉上山之後每單 258D 都要行多兩三個字 , 假設又有架 1A 係前面清客 ,
最後上落山可能得幾個人 (隨口講 , 唔知實際數據) , 收入又唔可以抵銷新增成本 ?
如果唔考慮效益純粹由居民便利出發 , 其實建議都唔係唔可行 ,
但我會建議做個條係 62X 試下水溫先 , 同埋要入轉車站 ...
[ 本帖最後由 GU9338 於 2015-8-29 20:03 編輯 ] |
|
|
請用文明來說服我。
|
|
|
|
|
|
效益好難憑大家紙上談兵就能夠講得完, 真憑實據亦欠奉,
致使我要不斷拋出安達臣道發展, 連同秀茂坪人口有十萬,
屯門以至整個西北有什麼什麼基建, 一個人口飊升的社區
對往返新界西北的可能需求, 一切都未成事, 所以做規劃
從來都會令人帶來很多疑問, 縱使只係加兩部車.
83X延長到藍田站, 只因現時大老山隧道轉乘係計第二程
車費, 即若你由黃泥頭搭83X上隧道轉89D, 係收足89D
全程收費, 變相加價, 要保持現時黃泥頭往藍田站89D的
分段收費, 拉83X去藍田站可能係唯一辦法. |
|
|
|
|
|
|
|
|
1.N咁多條線做緊既客源
258D可以再分得幾多客走?
一係你望條1A甩到無影既
咁258D都可以屈到錢既
一係老九刻意先開258D後開1A咁仲有得贏既
不過如果只求屈錢既
269C係一個更好既選擇tim
不如再推廣去其他地方
夾硬搵條長途線做短途客
專夾兩蚊客
但萬一日後政府改兩蚊玩法既時候
就可以收得晒檔
非繁忙時間加兩架車或者都仲夠數既
繁忙時間隨時又要倒多一兩架落條線到
2.
你都識講巴士一早佔左優
直達左又真係會多人搭左?
3.
方便當然實方便左
但係巴士公司肯唔肯做又係第二個問題
你要list大把點對點既位有得拉快轉少一次車
但有幾多人真係用緊
從而達至到成本效率係一個極大極大既問題
此外如果要做既話我都同意樓上會搵62X
非繁忙時間有幾多人真係會因此受惠?
全日咁多班上晒山成本又會大增 |
|
|
某巴士公司疑似謊稱區議會重組方案經區議會通過
|
|
|
|
|
|
就算山上發展多幾多十萬人都好
而家東九往返大西北既首選既然會係巴士既話
巴士公司有冇咩incentive 去拉258D上山?
要講規劃層面既
而家主要方向直頭想堆人係黃大仙區轉車而非觀塘轉車
除左唔想再增加觀塘區既車流量同客流量外
另一問題係山上人亦唔再需要係觀塘遊多十幾分鐘先走得
如果要做既
我寧願做好山上出入黃大仙區既服務
起碼唔係只係入屯門區受惠 |
|
|
某巴士公司疑似謊稱區議會重組方案經區議會通過
|
|
|
|
|
|
1.
你又何需咁咬牙切齒呢! 258D算係比較疏的路線, 269C密到咁點拉上山呢, 大佬!
仲有, 成日都聽見有人話秀茂坪N咁多線出旺角, 又N咁多線去觀塘, 係咁又點?!
繁時又真係唔夠用啊, 你吹得佢漲?! 258D靠嘅係啟業邨.九龍灣站.牛頭角下邨.
觀塘道休憩處.創紀之城上雲漢.順天.安泰.安達.秀茂坪.曉麗的乘客, 每個站食番
兩三個, 保守計都有十幾個, 加埋本身之前上車的乘客, 上山時隨時坐滿窗口位,
就算你話圍唔到皮, 市佔率都有升到掛, 觀塘至秀茂坪班小巴乘客好多都係來自
巴士, 由要在市中心轉小巴變成一程過九巴, 呢條都係數嚟, 點解咁耐都唔見你提!
2.
咁點解加左部車行原來路線又會多左人搭, 你要說服到我先好啊!
3.
巴士公司做唔做係巴士公司嘅事, 唔係你不停話唔做得過就唔做得過囉!
拉62X上山又唔駛加車? 到頭來你又點解決你自己先前提出的問題?
62X個繁時都幾長同不規則, 而且要同14 259D夾時間做柯打, 嗰度講緊
唔係一班兩班車, 拉左去秀茂坪係咪諗住乜都質晒俾1A搞掂?
黃大仙轉車站幾時推行仲係一個疑問, 最近加裝設施, 但又冇對路線轉乘
做過任何野, 算得係咩轉車站! 講山上到黃大仙轉車, 其實來來去去得290
290A做到快靚正, 但價錢方面可以點搞呢, 轉去屯元天補錢正常, 但轉去
其他區包括大埔.沙田.馬鞍山.青衣都係佢貴過人, 回水制度係咪會繼續
都成疑問, 有咁多野未搞清楚, 黃大仙轉車站仍然只係十劃得一撇, 我就
幻想唔到九巴會點搞!
運輸署又點解會建議開辦沙田-秀茂坪路線, 依閣下邏輯應該都係搭車落
觀塘或者彩虹轉車, 去邊都有咁滯, 而且唔少路線班次都唔太密, 加左班
理應多左人搭, 做好山上至彩虹路線就夠啦, 係咪?! |
|
|
|
|
|
|
|
|
1.
我就真係冇聽過要一條長途對外線
拉上山既其中一個重點係食兩蚊客
如果條線比較疏既
面對住咁多條線你又點吸客呢?
上客只係搵返自己其他線既客
落山博D兩蚊客上車
可以填得到幾多額外成本我就真係唔多覺
唯一多左既獨市位
咪有車上康寧道
2.
多左位坐,班次更穩定,更多機會上到車而唔使等多班
以上優點都有助部分因為成日都上唔到車
而改用其他公交既乘客
咁可以到你解釋返拉條線上山有咩幫助
而你亦都唔使諗轉移視線
變左我答問題
明明成篇建議係你出
可解你自己唔先解釋一下巴士公司既incentive?
3.
對比起拉258D
拉62x係更可行既方法
但並唔代表我支持咁做bo
而唔理巴士公司會唔會做
咁有幾天馬行空既建議都出得
除非你提出一個建議冇諗住巴士公司會肯做既
咁你先註明左既大家咪唔理lee個問題
黃大仙要點搞點做我就唔知
但最起碼知道既係官方同老九都有意去做
如果你覺得沙田同屯門有可比既地方
咁其實日後係唔係會見到拉晒出其他區既線上山? |
|
|
某巴士公司疑似謊稱區議會重組方案經區議會通過
|
|
|
|
|
|
原帖由 Snoopy@FB8617 於 2015-8-30 11:01 發表 http://www.hkitalk.net/HKiTalk2/images/common/back.gif
1.
我就真係冇聽過要一條長途對外線
拉上山既其中一個重點係食兩蚊客
如果條線比較疏既
面對住咁多條線你又點吸客呢?
上客只係搵返自己其他線既客
落山博D兩蚊客上車
可以填得到幾多額外成本我就真係唔多覺
唯一多左既獨市位
咪有車上康寧道
2.
多左位坐,班次更穩定,更多機會上到車而唔使等多班
以上優點都有助部分因為成日都上唔到車
而改用其他公交既乘客
咁可以到你解釋返拉條線上山有咩幫助
而你亦都唔使諗轉移視線
變左我答問題
明明成篇建議係你出
可解你自己唔先解釋一下巴士公司既incentive?
3.
對比起拉258D
拉62x係更可行既方法
但並唔代表我支持咁做bo
而唔理巴士公司會唔會做
咁有幾天馬行空既建議都出得
除非你提出一個建議冇諗住巴士公司會肯做既
咁你先註明左既大家咪唔理lee個問題
黃大仙要點搞點做我就唔知
但最起碼知道既係官方同老九都有意去做
如果你覺得沙田同屯門有可比既地方
咁其實日後係唔係會見到拉晒出其他區既線上山?
1.
要無視安達臣道發展請繼續, 要無視山上非兩蚊客的話亦請繼續,
要唔理會現時山上交通很多的不足和不合理也請繼續.
原來由小巴度分部份客嚟做都唔算吸到客, 原來在九龍灣.牛頭角
分到部份巴士客, 令其他路線在觀塘可以上多少少客都唔算係有賺.
康寧道係新客源你攞出嚟講? 我對上一篇回覆先第一次提“雲漢”
係因為提出來盞貽笑大方, 兩幢老人樓唔算得係咩新客源.
2.
現行政策每加一部車都要睇載客率, 唔係我鍾意響度話而家258D繁時
載客率99%, 就即刻跟政策做去加車, 你仍然係答唔到我點解無緣無故
可以加兩部車落現時258D度, 唔係因為我出建議就乜都我解決, 加車
落原線係你提出嚟, 而我堅唔明點解無端白事可以加車俾你多左位坐?
呢個年頭, 九巴有車都加落259X 268P呢啲掠水線度啦, 幾時輪得到
258D. 九龍東同屯門工業區轉型帶動需求上升可以理解, 咪由得佢個
載客率上升去加車囉, 但加左車可以令到班次更穩定我仍然認同唔到,
藍田站早繁因為東隧擠塞頂住返唔到總站, (再提)茶果嶺道出鯉魚門道
日間郁啲就塞車, 請問加車係咪就穩定到班次? 現時觀塘區某線一出現
脫班, 都幾乎可以響中秀茂坪拉1A出來救命, 1A唔得, 2A 27都得!
同樣係穩定班次的措施, 而且行康寧道上.曉光街落, 走線上已算得上
係最穩定. 你話加兩部車落原線可以穩定班次, 我就話本建議已經做到
穩定班次, 大家各持己見, 沒完沒了.
3.
62X同258D的分別在於屯門覆蓋範圍同埋服務時間, 我就唔明點解俾條
由朝行到晚的路線人地都咁唔開心呢! 保九保上腦? 處處為九巴撐到行,
但係又唔似, 我話會搶到觀塘駁小巴班客, 班客又方便左, 屯公轉車站
上車一野返到上山, 又俾你講到好似失左蹤咁.
沙田線亦唔淨止講緊沙田區, 若你仍然認為258D只等於屯門區請繼續.
新界東.新界中.新界西各一條巴士路線仲未夠嘅話, 你可以建議埋上水.
天水圍.元朗.大埔線嘅, 我唔阻你同其他有心板友, 不過機場線已經
爭取緊, 就唔需要開文再講, 假若認為大澳線都有得做嘅, 去馬啦!
黃大仙轉車站與其話係俾秀茂坪.四順用, 不如話彩虹邨先係我都會信,
根本黃大仙轉車站係俾慈雲山.竹園人用, 彩虹邨候車空間同路面都唔
適宜做轉車站, 290系轉乘路線多又點, 係咪萬能?! 優惠一樣係$4.2
點解我要俾貴幾蚊換快得嗰15分鐘, 而在黃大仙或彩虹邨轉車可唔可以
保証有位坐, 都係考慮因素之一. |
|
|
|
|
|
|
|
|
|
Advertisement
Advertisement
Advertisement
Advertisement
Advertisement
|
樓主
