港鐵唔準人帶古箏搭車，搞到又俾人鬧！

其實香港人咁聰明冇理由唔醒水……
等同每日有幾億人次亂過馬路，每日捉到幾多人？

如果個有個擺明專捉亂過馬路既人員企O係對面，你都要紅燈過，結果？
如果我見到閘口附近有職員睇，我會拎住個喼扮等人，等職員唔覺先至入閘。
或者改去另一個冇人既閘口出入。
大圍站多職員好正常吧，醒水咪車公廟入，被捉機會少好多……
人地運洗衣機既就係夠聰明，冇人睇到咪冇人捉囉！(而途人有幾可會真係講俾港鐵職員聽？到你講左，條友都走左唔知幾遠去到邊個站，又專登為左責怪佢帶大行李而在後面的車站截他，令車務增加時間？)

[ 本帖最後由 lsc04d11 於 2015-9-23 20:23 編輯 ]

其實是否因為巴士擺明拒載帶大型貨物的乘客，而他們不肯/無$ call客貨車，所以他們轉戰港鐵?

我想貨van台公司應該在主要港鐵站出入口，向乘客(尤其是帶大型貨物的)推廣貨運服務，增加貨van台公司收入!

原帖由 dongfeng 於 2015-9-24 11:46 AM 發表
其實是否因為巴士擺明拒載帶大型貨物的乘客，而他們不肯/無$ call客貨車，所以他們轉戰港鐵?

我想貨van台公司應該在主要港鐵站出入口，向乘客(尤其是帶大型貨物的)推廣貨運服務，增加貨van台公司收入! ...

我會視他們係唔想付較貴的車馬費﹐加上絕大部份MTR車站有升降機﹐上落車除了一條幾寸闊的空隙外﹐可以講係無難度﹐所以較優先考慮MTR。
而巴士因為一定要過司機的法眼﹐MTR 有闊閘機又無人看守﹐亦係一個重要因素。


如果乘客係唔想付較貴的車馬費﹐VAN 台派車在MTR車站門口﹐你估收唔收到客?
而家CALL VAN 真係易過借火﹐打電話又得﹐手機APPS 又得﹐唔少店舖亦有VAN 台的電話可代客CALL VAN。
如果乘客有心CALL VAN﹐點會在各大交通工具上見到搬貨行為。

又黎一單:
http://hk.apple.nextmedia.com/realtime/news/20150924/54239768

如果有香港人走去港鐵總部示威，
我覺得呢個都係港鐵自己作 o既蒘，唔抵可憐

原帖由 AVD1 於 2015-9-24 02:55 PM 發表
又黎一單:
http://hk.apple.nextmedia.com/realtime/news/20150924/54239768

如果有香港人走去港鐵總部示威，
我覺得呢個都係港鐵自己作 o既蒘，唔抵可憐

根本就同班黑警一樣
選擇性執法,欺善怕惡
上水站東鐵見幾多水貨客拎d大過樂器既貨入閘上車,但班垃圾職員同所謂特警隊視而不見
擺明見香港人好恰就恰香港人,就係專針對香港人優待大陸人,「吹咩?」:@

原帖由 AVD1 於 2015-9-24 02:55 PM 發表
又黎一單:
http://hk.apple.nextmedia.com/realtime/news/20150924/54239768

如果有香港人走去港鐵總部示威，
我覺得呢個都係港鐵自己作 o既蒘，唔抵可憐

純粹亂估 :

會唔會近日網上鼓吹的「超合作運動」﹐有人見到大件野便向職員舉報﹐於是職員收到舉報唯有公事公辦﹐要渣正去做﹐令到殺錯良民?

原帖由 gsrc0525 於 2015-9-23 08:02 發表


我唔係幫MTR講好話，要知MTR係非常之重視安全，欺善怕惡係一個好無奈的事實。

水貨客帶大型物件入閘，俾人趕都唔會聽，冇鬧返職員轉頭已經萬幸，鬧人阿媽係小兒科，郁手打人起碼都有幾十單。試吓去Google search「水貨客」「 ...

我係港鐵東鐵綫某站sa，我就成日遇到D客帶超標大型行李客搭電梯，我一見到佢地就立即阻止佢地搭電梯。但有D客會動手推開你然後衝上去。上面站長室D金牌就唔理你，總之唔好搞到畀人投訴就得。所以有D同事咪hea住做

原帖由 kei_hk 於 2015-9-25 12:25 發表

純粹亂估 :

會唔會近日網上鼓吹的「超合作運動」﹐有人見到大件野便向職員舉報﹐於是職員收到舉報唯有公事公辦﹐要渣正去做﹐令到殺錯良民?

仲幫港鐵講好說話？算吧啦。

原帖由 horsedog83 於 2015-9-25 15:10 發表
我係港鐵東鐵綫某站sa，我就成日遇到D客帶超標大型行李客搭電梯，我一見到佢地就立即阻止佢地搭電梯。但有D客會動手推開你然後衝上去。上面站長室D金牌就唔理你，總之唔好搞到畀人投訴就得。所以有D同事咪hea住做 ...

哦，即係如果學生妹唔理你，就咁衝上去就可以過關？

我覺得你個阿頭真係好有問題，
假如你所講 o既野係有證據（我唔係唔信你講野呀，只係如果有片或者相 o既話會更有震撼力） ，你個阿頭遲早比人 port 死。（報紙佬係時候做野了吧）

原帖由 AVD1 於 2015-9-25 03:25 PM 發表

仲幫港鐵講好說話？算吧啦。

這都算幫MTR講好話?

請睇#14的LINK﹐入面講得好清楚。

港鐵回覆《蘋果》證實，昨日傍晚約6點，大圍站職員接獲乘客舉報有人「攜帶過大行李」乘車，於是通知九龍塘站的職員留意，並在九龍塘站月台截獲該名學生，即場量度後證實他攜帶的樂器大小超出《港鐵條例》的標準，職員於是向他發出通知書警告，並安排他出閘離開。

無人舉報﹐職員可以扮睇唔到﹐吹你唔賬。
但係有人舉報﹐便要向舉報人交代﹐幾忙都好﹐幾唔夠人都好﹐點都要有些行動﹐無得唔做野﹐結果咪.......
我唔排除真係有水貨客拖貨﹐乘客真係舉報這位水貨客﹐不過水貨客已經走左去另一處所以搵唔到﹐這位學生當黑做了替死鬼。



歸根究底﹐點解有人去提議「超合作行動」?
咪係MTR 根本執法有問題﹐有職員扮睇唔到﹐或是根本係無多餘人手去處理問題(唯有唔理/扮睇唔到)。


以這一家公司的每年純利﹐根本大把條件去做得好一些﹐有條件招聘更多人(唔係講緊而家﹐而係講早幾年之前已經要招聘)去處理水貨問題。
如果早幾年已經強硬執行行李/水客問題﹐又點會令其他乘客有樣學樣﹐大型物品都照入MTR
如果早幾年已經有人在不同車站去抽查乘客行李有無超標﹐令這班人在入閘之處已經被處理﹐令人知難而退﹐又點會有今天的局面。


而家﹐又睇下幾時爆埋查票不力﹐有唔少不符合資格的人﹐有心無意地用長者卡坐車。