港鐵唔準人帶古箏搭車，搞到又俾人鬧！

原帖由 AVD1 於 2015-9-25 15:27 發表

哦，即係如果學生妹唔理你，就咁衝上去就可以過關？

我覺得你個阿頭真係好有問題，
假如你所講 o既野係有證據（我唔係唔信你講野呀，只係如果有片或者相 o既話會更有震撼力） ，你個阿頭遲早比人 port 死。（報紙佬係時候做野了吧） ...

我頭先當值果陣唔畀大行李阿叔上去，個阿叔發難揸掟架手推車落我度。我盡左力勸阻攜帶大型行李乘客使用升降機，我是打工仔一名。

原帖由 horsedog83 於 2015-9-25 08:43 PM 發表
我頭先當值果陣唔畀大行李阿叔上去，個阿叔發難揸掟架手推車落我度。我盡左力勸阻攜帶大型行李乘客使用升降機，我是打工仔一名。

原來因為夠惡夠暴力,你是打工仔一名,就可以當見唔到唔理
香港人學生哥學生妹淋就恰,你其實就正正表現緊咩係欺善怕惡

原帖由 GK9141 於 2015-9-25 21:40 發表
原來因為夠惡夠暴力,你是打工仔一名,就可以當見唔到唔理
香港人學生哥學生妹淋就恰,你其實就正正表現緊咩係欺善怕惡

人哋唔合作又點計？

有位帶非常大件行李嘅乘客搭車，根據過程（職員有冇勸乘客）同結果（乘客係唔係堅持搭車），會得出四個唔同scenario：
１）職員勸乘客，乘客合作
２）職員唔勸乘客，乘客合作
３）職員勸乘客，乘客唔合作
４）職員唔勸乘客，乘客唔合作


２就梗係最好啦，嗰個客唔駛人叫都識自動自覺其次就係１，勸完都肯聽

至於喺車廂入面見到嘅一件件超大件行李，簡單啲講即係乘客唔合作，只係唔知係由３同４邊個scenario所造成，如果係３，個客有問題；如果係４，就係職員有問題。

職員能夠做嘅就係做好自己本份，個客合唔合作又係另一回事，無理由見到個客拎住勁大件行李想入閘，就要拎支槍出嚟指住個客，話如果你一入閘就射佢呀嘛，就算俾著警察執法都唔會去到咁盡，真係去到咁盡嘅話就全城恐慌啦。個客合作固然好，但係個客唔合作呢？你勸足一千次，佢當你耳邊風之餘，仲鬧返轉頭。

唔單止帶大件行李入閘，類似嘅情景平時搭地鐵都見唔少，包括打尖、唔行入去中間、衝門、飲食等等，職員做到嘅只能勸佢唔好打尖、唔好衝門、唔好食嘢，好多時都係叫極又唔聽，無可能夾硬推人入去（日本例外），夾硬推人人哋唔告返你非禮都偷笑如果個個肯合作嘅話就天下大平囉

職員怕水貨客，某程度都係由３呢個scenario所造成，職員有禮貌勸個客姐，就俾個客問候晒祖宗十八代，再勸多幾句呢，就醫院見啦

我唔理職員係咪真係有認真理過水貨客問題，但比著今次情景，職員唔應該捉嘅又去捉，先至有咁大問題

[ 本帖最後由 gsrc0525 於 2015-9-25 23:56 編輯 ]

原帖由 gsrc0525 於 2015-9-23 08:02 發表


我唔係幫MTR講好話，要知MTR係非常之重視安全，欺善怕惡係一個好無奈的事實。

水貨客帶大型物件入閘，俾人趕都唔會聽，冇鬧返職員轉頭已經萬幸，鬧人阿媽係小兒科，郁手打人起碼都有幾十單。試吓去Google search「水貨客」「 ...

我覺得呢，水貨客同南亞人嘅行為，即使明顯係違例／犯法，但因為佢地無政治目的，而且夠惡，所以執法單位／當局都唔會出全力執法。你試下每個水貨客手拉車上面都貼住「我要真普選」，睇下有冇人出來處理擺平？

地鐵職員畀人打點解唔報警處理？報左警警察又係咪積極跟進？呢D咪就睇得出佢地有幾緊張呢D情況囉。

港鐵真係咁緊張捉帶大件行李嘅客的話，不如派人人手控制每個入閘機（我想像可以一人遙控幾個閘機），喺重點車站見到帶住大件行李嘅直頭唔畀入，咩勸籲都慳返（當然唔排除畀人跳入閘打你）

原帖由 leochill 於 2015-9-26 09:38 AM 發表

我覺得呢，水貨客同南亞人嘅行為，即使明顯係違例／犯法，但因為佢地無政治目的，而且夠惡，所以執法單位／當局都唔會出全力執法。你試下每個水貨客手拉車上面都貼住「我要真普選」，睇下有冇人出來處理擺平？

地鐵職員畀人打點解唔 ...

其實好大程度係根本mtr 無足夠人手﹐根本唔能夠以 Team Work 去工作﹐令到好多時要單人匹馬當值。

只要有違規乘客夠惡﹐職員又只有一個﹐無同伴backup﹐職員自然有恐懼﹐惡乘客自然得逞。
如果係有幾位職員﹐真係有互相 backup 情況下﹐肯企硬去面對這位惡乘客﹐成件事又唔同晒。


反水貨部隊(灰衣人)﹐有幾多人淨係守上水粉嶺2個站都仲夠人。
其他車站又點?
你估東鐵沿線其他車站無水貨問題﹐相關車站又可以忙到PK﹐邊有人手去睇閘口。


其他車站即使無水貨問題﹐都係基於人手問題﹐根本無人去睇乘客的行為。

最簡單講句﹐以前地鐵月台間玻璃屋﹐點都會有一位職員長駐的﹐唔會有「人去樓空」的情況(在月台處理其他事除外)。
繁忙時間﹐月台隨時會有多一位職員巡視。


而家?
除左班無實權的月台助理外﹐好多時成個月台都唔會有職員﹐間玻璃屋只係拉廉叫你有需要時打某個電話搵職員。
繁忙時間咪有一位職員睇全場囉。


以前﹐即使水貨/大件物品的乘客已經入閘﹐去到月台層﹐都仲有機會被月台層的職員攔截﹐令他們不成功登車。
而家連人都無埋﹐仲點去理? 靠乘客去舉報投訴﹐個違規客都唔知去左邊了﹐點捉。


成間公司人手縮到無得再縮﹐成間公司都唔夠人﹐形成今天的惡果。

所以﹐我某程度係同情班職員﹐因為他們想做都無條件去做得好。
今天的惡果係班高層沒有了解基層員工﹐工作上遇到的問題及情況﹐Cut人cut得太勁太多﹐去到有需要增加人手時又只搵外判(只係針對一個問題去舒緩)﹐唔係真係直接加人﹐令到人手嚴重不足。

原帖由 gsrc0525 於 2015-9-25 23:55 發表

人哋唔合作又點計？

有位帶非常大件行李嘅乘客搭車，根據過程（職員有冇勸乘客）同結果（乘客係唔係堅持搭車），會得出四個唔同scenario：
１）職員勸乘客，乘客合作
２）職員唔勸乘客，乘客合作
３）職員勸乘客，乘客唔合作
４）職員唔勸乘客，乘客唔合作
...

荒天下之大謬，
竟然就係因為驚就可以連規矩都可以放埋一邊，
見到學生妹擺明就係因為佢地冇 guts 就出警告信

經過呢個 post o既討論，香港生存之道原來就係要同人鬥下邊個拳頭夠大
唔怪得知而家差佬只係去搞黃絲唔搞班藍絲啦，
黃絲擺明就係學生多，藍絲？呵呵，叫小桃園個位座上客出句聲班差佬全部跪低 ……

原帖由 kei_hk 於 2015-9-25 16:04 發表

這都算幫MTR講好話?

請睇#14的LINK﹐入面講得好清楚。


無人舉報﹐職員可以扮睇唔到﹐吹你唔賬。
但係有人舉報﹐便要向舉報人交代﹐幾忙都好﹐幾唔夠人都好﹐點都要有些行動﹐無得唔做野﹐結果咪.......
我唔排除真係有水貨客拖貨 ...

面書有唔少香港人舉報水貨客啦，結果呢？
真係高低立見，港鐵班人唔會忽然間咁高效率下話。

即係間公司明聲都已經差，班 PR 就更差 ……

原帖由 AVD1 於 2015-9-26 02:04 PM 發表

荒天下之大謬，
竟然就係因為驚就可以連規矩都可以放埋一邊，
見到學生妹擺明就係因為佢地冇 guts 就出警告信

經過呢個 post o既討論，香港生存之道原來就係要同人鬥下邊個拳頭夠大
唔怪得知而家差佬只係去搞黃 ...

其實我開始懷疑港鐵員工上下以至高層都係藍絲帶
見依排個個鬧港鐵只捉香港人唔捉水貨客，反而變本加厲狂捉香港人，就係特登放生水貨客故意同香港人作對
http://news.memehk.com/posts/10887

「鄧美晶於個人facebook表示，昨晚七時在石硤尾站乘搭地鐵到九龍塘站轉車，被被港鐵職員阻攔，指她的行李（白色旗杆）超過130cm，當她的友人幫忙時，更被男職員強行拉扯，最後增至5名職員及有3名警察到場處理事件。港鐵票控她共4項罪名，包括拒絕向港鐵職員出示身分證，指之後要上庭裁決。」

原帖由 kei_hk 於 2015-9-26 10:04 發表
成間公司人手縮到無得再縮﹐成間公司都唔夠人﹐形成今天的惡果。

所以﹐我某程度係同情班職員﹐因為他們想做都無條件去做得好。
今天的惡果係班高層沒有了解基層員工﹐工作上遇到的問題及情況﹐Cut人cut得太勁太多﹐去到有需要增加人手時又只搵外判(只係針對一個問題去舒緩)﹐唔係真係直接加人﹐令到人手嚴重不足。

我就係其中一位無實權的月台助理，我雖然工作辛苦(我在東鐵線工作)，下午兩點幾落雨行雷，制服濕哂，我一見到D客帶超標大型行李客搭電梯，我就立即阻止佢地搭電梯。我知道有D同事係唔做野，有D會係休息室訓覺打機，有D會係HEA住做，但我就以客為本，勞力服務乘客。就算自己爆鐘(每星期唔可以超過17個鐘)都盡力幫手頂更就係因為人手唔夠，有D好人SAS叫我幫手頂更都盡力幫手頂更因為佢手頭人手唔夠。但始終因為自己公司人手唔夠咪唯有請外判，我知道好多站做緊工程請外判，太和站工程完左咪仲係度

原帖由 GK9141 於 2015-9-26 16:09 發表
其實我開始懷疑港鐵員工上下以至高層都係藍絲帶
見依排個個鬧港鐵只捉香港人唔捉水貨客，反而變本加厲狂捉香港人，就係特登放生水貨客故意同香港人作對
http://news.memehk.com/posts/10887

「鄧美晶於個人facebook表示，昨晚七時在石硤尾站乘搭地鐵到九龍塘站轉車，被被港鐵職員阻攔，指她的行李（白色旗杆）超過130cm，當她的友人幫忙時，更被男職員強行拉扯，最後增至5名職員及有3名警察到場處理事件。港鐵票控她共4項罪名，包括拒絕向港鐵職員出示身分證，指之後要上庭裁決。」

呢個站D人特別煩

原帖由 leochill 於 2015-9-26 09:38 發表

我覺得呢，水貨客同南亞人嘅行為，即使明顯係違例／犯法，但因為佢地無政治目的，而且夠惡，所以執法單位／當局都唔會出全力執法。你試下每個水貨客手拉車上面都貼住「我要真普選」，睇下有冇人出來處理擺平？

地鐵職員畀人打點解唔報警處理？報左警警察又係咪積極跟進？呢D咪就睇得出佢地有幾緊張呢D情況囉。

港鐵真係咁緊張捉帶大件行李嘅客的話，不如派人人手控制每個入閘機（我想像可以一人遙控幾個閘機），喺重點車站見到帶住大件行李嘅直頭唔畀入，咩勸籲都慳返（當然唔排除畀人跳入閘打你）

個SAS今日WHATSAPP俾我叫我如果無人投訴，就則則博放D水貨客走，差少少唔緊要。

[ 本帖最後由 horsedog83 於 2015-9-26 22:35 編輯 ]

原帖由 horsedog83 於 2015-9-26 22:30 發表
個SAS今日WHATSAPP俾我叫我如果無人投訴，就則則博放D水貨客走，差少少唔緊要。

咁對住學生呢（尤其著住校服個隻係唔係就可以任恰）？
即係我覺得如果你地可以放生水貨客，咁就應該一視同仁，
而港鐵到而家呢一刻都未明白香港人而家起度嘈乜。