其實青沙轉車站九巴想有甚麼打算？

推D機場線上青沙停轉車站

青沙既優勢只係剩低沙田/大圍線用唔洗塞車
對於其他地區,行青沙都係要塞埔公沙田段,而且又要兜大圈,咁點解要用青沙
依家有280X,286X同287X,其實已經超額完成

路線選擇少，班次又疏，仲要好多得數班車，做大有難度。

青沙嚮九龍及港島區的車程明顯佔優的地區，大概係港島中西區、彌敦道及長沙灣道以西、葵芳以南及青衣南，
其他地區已有獅隧及城隧直達線覆蓋，青沙有效範圍唔算細，但車程相若時，轉乘又點及直達吸引呢？
大埔公路沙田段塞車亦係沙田站以北青沙線全日服務的隱憂。
青沙轉乘收費亦應該下調至車程及路程相近的直達線水平。

280X,286X,287X應該要加班(<12分一班)先至可以吸引轉乘，
但要由已有合理路程及車程的46X,47X,49X,81,86,86A,87B,281A等相近路線抽車，
又或者要9巴投放額外資源做響個朵，先有籌碼抽車。但強制轉乘難度也很大。

272X全日計劃爭議在於來往旺角唔會快過72X太多，但窩打路道已有271來往大埔，改72X難度較少。
利用(2)72X頻密班次直達大角咀及旺角，亦能大幅增強青沙轉乘效能。

270B平日繁時客量理想，非繁就唔知。
但現時欖隧有豪華價轉乘(68X<>279X=~$18)，東鐵又超平(~$12)，
如果非繁北區-深水埗係多客到影響欖隧線服務嘅，咁270B先有條件全日。
再睇大埔條72非繁開緊25-30分一班，270B相信要超過30分一班先得，未宜全日。

286C在此不贅，詳見鄰post。只係突然想到：
若實施286C全日，再下一步會唔會仿傚272P轉為荔枝角北上葵芳，深水埗強制轉乘286X？

將長勝路線改經青沙，令更多地區的乘客，可以只轉一次車，來往機場/東涌＜--＞沙田/大埔大部份地區。

dongfeng 發表於 2015-10-21 00:26
將長勝路線改經青沙，令更多地區的乘客，可以只轉一次車，來往機場/東涌＜--＞沙田/大埔大部份地區。 ...

不能同意更多

只須將E41改行青沙，透過補差額或者更大幅度既轉乘優惠，已經可以令唔少機場/東涌客使用青沙轉乘
並且使到大埔有全日青沙線，透過回贈機制，可以以直達線相同既價錢往返九龍各區(例如轉286X合共收$9.6，轉280X合共收$11.1)

此外，青沙西隧線亦都係青沙轉乘網絡成敗既關鍵
將978非繁時段改行青沙，透過回贈，由港島往沙田/馬鞍山/大埔車費與同區直達線相同，即$16/$19/$21.2
吸引中西區乘客或以往沙田部分地區需接駁港鐵往來港島既乘客
與270B協調，令北區全日有車往來青沙

這兩項簡單小改動，已經係一定程度上改善青沙網絡，方便乘客

最後要諗既當然係廣源/一城、馬鞍山既全日青沙線
開埋呢兩組路線，整個青沙格局就會初步成形，班次可以留待日後慢慢理順

一，我就唔知係現時 E41 E42 服務範圍下
到底有幾多人要係青沙轉 280X 286X 287X 先返到去
就算轉車，我係廣福道，沙中轉唔好？

二，竟然要拎條大嶼山線去做青沙接駁線
算唔算為造數而造數？

要轉A/E線，如果可以經城隧轉，覆蓋唔係更廣咩？

城隧轉車站都飽和
加線就超負荷啦
問題係E41停青沙
條線會青沙大埔段多客
再多左班大埔青沙客
可能有大埔機場客上唔到車

青沙線唔太多選擇，班次疏，繁時286X/287X又唔知上唔上到車，已經好趕客

要令多啲人喺青沙轉，點都要首先係280X/286X/287X優先攞quota再加班，再逐步推到更多地方有班次尚可嘅全日線上青沙，例如272X代72X、240X全日、249X、281X全日及改走線，87D拆287D特快來往恆耀同佐尖等等
甚至拉埋978非繁行青沙都唔過分

但上述建議無可避免要一啲線去犧牲，邊條去犧牲影響細啲或者對青沙網絡個發展大啲可以再評估