把西鐵的行車方向換轉

西鐵當初通車時建議係左落右上,配合南昌站往香港轉車安排,即使沙中線工程,無需整交叉隧道仍可左落右上,但一切係幻想

groom1002 發表於 2015-12-5 12:19
西鐵當初通車時建議係左落右上,配合南昌站往香港轉車安排,即使沙中線工程,無需整交叉隧道仍可左落右上,但一 ...

馬鐵又咁醒識特登右上左落方便轉乘，早一年通車既西鐵就唔識？

就算當年未合併，大可將果堆「轉乘閘機」擺係月台。

可惜當年似乎無心預留轉乘，東涌綫月台高過西鐵月台一兩級

而家就起左一堆騎呢斜道

dogdog002 發表於 2015-12-5 15:17
馬鐵又咁醒識特登右上左落方便轉乘，早一年通車既西鐵就唔識？

就算當年未合併，大可將果堆「轉乘閘機」 ...

當年真係無人估到會有合併及拆牆的機會﹐所以南昌站行車方向根本無考慮過同層轉車。
如果有﹐美孚至南昌一後路有番相當長度﹐要整又點會整唔到。

現時南昌站的佈局﹐似係為了當年人流用「轉線閘」去設計。
早上﹐大量人由新界去香港﹐在大堂層﹐人流會塞在西鐵的一邊﹐一過完閘機便即上香港方向月台。
黃昏人流相反﹐在大堂層會在地鐵一邊排隧﹐一過完閘機便可以即上屯門月台。

此舉﹐利用主要人流都係2邊最遠的月台行去中間轉線閘﹐用通道去做緩衝﹐有助減少人流在「轉線閘」倒塞番自動梯﹐令到要停自動梯/產生危險。



至於馬鐵﹐真係一開始時已經設計方便大圍轉車出九龍﹐所以一開始便刻意安排「倒轉」的行車方向。
而當年預計延出九龍﹐一早已經計劃在美林一帶去扭轉方向﹐配合番「傳統」的行車方向。分別只是未入隧道用橋去轉方向﹐獅隧內去轉方向﹐以及現時去到九龍才轉方向。

dogdog002 發表於 2015-12-3 12:22
咁就梗係假設左轉行車方向就唔會起立體交叉啦，唔會影響到馬鐵
呢樣野都係睇有無心做姐

南昌站月台應該同外邊馬路係同一個level,點解你會認為起得太深?
南昌站有新月台起緊?

KS 發表於 2015-12-6 15:08
南昌站月台應該同外邊馬路係同一個level,點解你會認為起得太深?
南昌站有新月台起緊?

緊係講緊大堂啦
月台落大堂果條扶手梯真係有三四層樓咁高

搞到轉車又耐左

離開南昌站好似落完地心探險完再上番地面

明明地面就係月台幅牆出面

照咁睇都係為左上蓋物業？

睇下到時有無人肯打爛幅牆整

搭一部Lift直達月台既奇景
=====
不過算啦，西鐵站有時設計真係難以理解

kei_hk 發表於 2015-12-6 12:27
當年真係無人估到會有合併及拆牆的機會﹐所以南昌站行車方向根本無考慮過同層轉車。
如果有﹐美孚至南昌 ...

講到咁起係專登為左大圍方便轉車
係就起上下層月台啦,
上層3號月台落客用接駁東鐵出紅磡
下層4號月台上客返鳥溪沙
又唔洗左右倒轉咁奇特, 又方便轉東鐵, 又方便返烏溪沙客少上一層

lrv1092 發表於 2015-12-7 03:48
講到咁起係專登為左大圍方便轉車
係就起上下層月台啦,
上層3號月台落客用接駁東鐵出紅磡

要這裡做﹐即係要拆晒成個大圍站﹐期間又要臨時更改東鐵的路線﹐以便進行工程及在適當地點設臨時站。

而家的安排﹐最少早上馬鐵的人大部份人流都唔需要上上落落﹐總算方便到乘客。

groom1002 發表於 2015-12-5 12:19
西鐵當初通車時建議係左落右上,配合南昌站往香港轉車安排,即使沙中線工程,無需整交叉隧道仍可左落右上,但一 ...

泥句就係我想講la,其實訊號可以新舊同時存在，一個換向有長期利益實在是應做的

係應該做，而且用錢解決到添，但依家港鐵思維，應付到就算，無晒長遠，又驚條數大咗，過唔到立會。12卡減至九卡係咁，柯士甸8卡算喇，沙中線土瓜灣交义轉方向算，鑽石山唔做封面月台轉乘。應付近十年已經好好了，二三十年後嘅，到時有人諗啦。

kei_hk 發表於 2015-12-7 14:30
要這裡做﹐即係要拆晒成個大圍站﹐期間又要臨時更改東鐵的路線﹐以便進行工程及在適當地點設臨時站。

而 ...

講緊當年設計

因為你話:
//
至於馬鐵﹐真係一開始時已經設計方便大圍轉車出九龍﹐所以一開始便刻意安排「倒轉」的行車方向。
//