八年前今日，香港的轉變

egdeen 發表於 2015-12-7 15:02
老實說我只關注一個問題，就是沙中線轉車問題。假如兩鐵沒合併，這一條連貫香港的鐵路就會因為兩鐵所謂競爭 ...

乜冇發現其實由2002年批出沙中線比九鐵開始, 地鐵公司根本就一直喺度同政府玩緊嘢?
因為失落咗一條沙中線, 地鐵公司就不斷向傳媒出口術, 話過海段會被搶客+蝕本+被拖低股價,
然後就將兩鐵轉乘站的設計, 畫到有咁衰得咁衰, 就好似金鐘站18層地獄式轉乘 (上落九層樓),
根本只係一種不合作運動, 耍埋啲小孩子氣咋~

轉乘設計可以透過合作同協商搞, 邊有話一定要合併先可以搞一體化車站?
又唔見合併之前起南昌站果陣要分開兩個獨立大堂, 叫乘客出路面行去另一邊落地底轉乘?
合併後, 鑽石山轉乘設計真係好咗? 除咗少咗堆轉車閘機 (南昌站果種), 咪又係照辦煮碗~

合併後減價呢, 我只係知道大部分當年只係減$0.2的車程, 晨咁早幾年前已經加到嘔突晒..
至於學生優惠喎~ 睇返香港人均壽命, 唔知你比正價的年期多, 定係比學生價的年期多呢?

至於合併前兩鐵係點加價, 我以前做過1990至1998年的數據, 得閒會上載俾大家參詳下當年
地下鐵路公司加價有幾咁狼死...

053h4 發表於 2015-12-8 20:44
關監工咩事啊, 人地而家四方車成中國咁行, 我就唔見有咩問題啦

如果你講既係"青島四方龐巴迪鐵路運輸設備有限公司" (出高鐵果間), 其實佢係中外合資企業,

由南車青島四方同龐巴迪組成, 本身已經有外國技術支援, 更有外國人員把關, 質素自然較佳,

正如Young Man一樣, 佢有Neoplan既技術, 出品自然好過堆"自主研發"既公司,

如果你講既係"南車青島四方機車車輛股份有限公司", 冇錯佢係中國獨資, 但係睇番, 佢第一批地鐵係北京地鐵SFX01型, 2003年出廠,

而家只係行左12年, 連預計壽命既四份一都未到, 就斷言佢質素良好, 會唔會有D言之尚早?

而港鐵買既中國製列車, 全部都係出自中國獨資既公司 (南車, 北車, 中車等),

呢D公司冇外國技術支持, 更冇外國人員把關, 質素成疑,

可能我之前講得唔清楚, 其實中國製最大問題唔係技術 (因為反正佢成日抄人, 唔多唔少都抄到D掛),

而係裝工, 你都知中國偷工減料同造假幾勁, 如果架車只係用幾年, 呢D細微既偷工減料就可能唔覺,

但係講到一卡地鐵預計壽命達50年, 重要好似香港日日咁高負載, 一但有少少偷工減料, 就會嚴重影響列車結構,

你見就算如MLR咁真材實料, 英國製造, 但係係長期超負荷運行下 (近郊當通勤玩), 都會出現裂紋, 更何況質素更差既中國製列車?

其實你話因為中國製列車而家被中國廣泛採用, 都冇出大問題 (冇流出黎就當住冇先啦)

但係你都要知道, 地鐵列車係一樣設計壽命達50年既產品, 就咁單憑幾年既使用都肯定中國製冇問題會唔會有D言之尚早?

可能你會話中國製一樣有機會捱過50年壽命, 呢樣的確有可能, 但係同時都有捱唔過既可能,

咁點解港鐵有現成信譽良好, 產品質素優良既公司唔揀, 係要揀有不確定因素既中國製? 佢又唔係特別平, 咁係唔係即係搵乘客黎較飛?

好似MLR咁, 佢既設計壽命只有30年 (因為係近郊型), 而家已經有部分係超齡, 重要每日都超負荷咁行,

佢都重可以繼續服役, 呢D咪叫質素 (當然都有賴東鐵一眾工程部),

咁可能你會話, 捱唔到咁耐咪早D退役囉, 等乘客早D可以坐新車, 咁但係港鐵買堆預計玩50年既車,

但係最後又捱唔到50年的話, 咁咪浪費哂買車既資金, 因為港鐵原本係預批車係玩50年既,

咁羊毛出自羊身上, 港鐵如果要再買新車既, D錢咪又係係D羊 (乘客) 到黎, 咁到時你唔好怨又加價

沙中線鑽石山站而家咪用返類似九鐵個設計方案，不過可惜都係要delay

ky26042008 發表於 2015-12-8 22:28
如果你講既係"青島四方龐巴迪鐵路運輸設備有限公司" (出高鐵果間), 其實佢係中外合資企業,

由南車青島四 ...

恕我直言, 其實南車四方在中國的聲譽不錯, 遠比北車的好, 不論在技術吸收, 創新以及裝工, 南車四方都勝北車一籌

C-Train是以世界通勤列車公價購買, 但是設計 (界限問題, 逃生門以及driver cab的設計) 以及裝工強差人意, 正因如此,  C-Train尤其予人物非所值之感
但是, 這不代表C-Train偷工減料, 因為C-Train好多零件都是外國生產, 北車很大程度只是負責砌車
關於質素問題, 其實龜龜有一系列措施監管列車製作商的成品品質, 例如北車好多工序在開始前都要報告龜龜
如果如此, C-Train品質差劣實在令人費解, 但是換個角度來看, 龜龜或會經一事, 長一智 (龜龜應該承擔不起四方地鐵列車品質差劣的後果吧)

但是, 中國鐵路廠商雖然長期吸收外國路廠商技術, 但是在研究新技術的方面明顯不足, 例如中國VVVF技術剛剛起步, 同時日本已經使用SiC VVVF; 而且日本在生產車身方面技術較佳 (Sustaina)
現時中國鐵路廠商雖然尚算努力, 但是仍然未能與大型外國路廠商並駕齊驅

otakutamama 發表於 2015-12-9 10:39
恕我直言, 其實南車四方在中國的聲譽不錯, 遠比北車的好, 不論在技術吸收, 創新以及裝工, 南車四方都勝北 ...

可能係中國自己車廠互相比較下, 南車四方既聲譽同質素真係好過北車, 但係我地其實需要留意既係,

港鐵買車並唔係只限於買中國製造既, 佢係可以買全世界唔同地方出產既鐵路車輛,

咁當南車四方或者中國其他車廠同外國廠比較, 質素同聲譽係咪仍然領先呢?

其實C-Train的確係用世界通勤列車公價 (據說係一千萬一卡) 黎買既,

但係問題就係, 既然呢個係公價, 點解港鐵有質素肯定更好既外國車唔買, 係要買質素成疑既中國車呢? 唔通全世界得中國用公價入標?

其實中國車質素成疑既問題由北車果批C-Train已經睇到, 北車就算只係砌車 (其實個轉向架係自己出既...)

最後砌出黎既質素大家都有目共睹, 試問一間連砌車都砌唔掂既公司, 我又點可以對佢有信心呢?

其實我反對港鐵買中國製造既最大原因就係, 技術你又唔係高過人, 質素你又唔係好過人, 最緊要既係你又唔係平過人, 咁點解要買你呢?

之於港鐵會唔會經一事, 長一智, 作為乘客既我當然希望佢會啦, 但係見佢食過番尋味連南港島線都照用北車,

我都笑而不語啦....咁可能我日後都係搭番英國製造既ADL啦 (如果運吉署唔再保鐵cut巴士線既話...)

(據講中國裝嵌果批E500初期都有D小問題, 不過共慘黨打到黎, 香港九龍新界都冇得避, 咁唯有兩害取其輕, 將就下啦 )

ky26042008 發表於 2015-12-9 15:09
可能係中國自己車廠互相比較下, 南車四方既聲譽同質素真係好過北車, 但係我地其實需要留意既係,

港鐵買車 ...

江湖傅聞 SIL批車係因為有人自己寫tender時寫錯野而入錯車但呢個係咪真呢就真係冇人知只有佢地自己知
其實如果佢真係覺得屍車咁差
就唔會食過番幾味啦 由東西線老翻千九到93列URL列車

bennq 發表於 2015-12-9 15:34
江湖傅聞 SIL批車係因為有人自己寫tender時寫錯野而入錯車但呢個係咪真呢就真係冇人知只有佢地自己知
其 ...

其實之前我都分析過, 港鐵食過番尋味既原因未必真係中國製更勝英日韓 (係既可能性亦極低)

而係港鐵投到中國新地鐵營運權時, 咪買堆中國製造當回禮囉,

正所謂禮尚往來, 中國文化有一樣叫做"回禮"既野, 即係你送一份禮比人, 人地會回番一封利是比你, 封利是就係回禮,

如果將呢樣野套番落港鐵同中國既關系到, 就fit哂, 中國批新地鐵營運權比港鐵就係一份禮, 而港鐵買番堆中國製造就係回禮,

正如我講過, 港鐵係上市公司, 利益行先, 咁既然有中國新地鐵營運權, 可以搵多D錢, 咁佢何樂而不為呢?

至於新車質素? 乘客搭落舒唔舒服? 你諗你啦....反正有咩事最多咪搵工程部出黎祭旗, D火有排都未燒到去班高層到啦.....